Home » » Lungruk ah min vei ve rawh

Lungruk ah min vei ve rawh

Phuatu; K.C Lalvunga (Zipuii Pa)
Satu: H.Lalchawimawii


Tawnmang silo maw lungrunpui
Khiangawi a mual min liam san
Hallo ten kan lenlai dawn in
Thlang khuan dim ka phallo che.

Aw kumtluang hrui ang sei mahse
Ka nghilh lawng hmana kan nunhlui
Zantian chhawrthla a en changin
Lungruk ah min vei ve rawh.

Mi tawn ah nau ang nui mahla
Min nghilh bik suh annem te
Nunhlui mual liam i thlir changin
A riang hi min dawn ve rawh.

Ka nghilh lawng hmana kan nunhlui
Hallo ten kan lenlai ni
Ka hmangaih ber mai che lungrun
Ti a biahthu min tiam kha

Van hnuai hnamtin zaleng zing ah
Kei ang rairah awm ve maw
Riakmaw valeng iangin kei zawng
Kaina run ka lo vai e.

Ka tahkhua sei mahse parte
Nang zawng damten mualliam la
Par ang kan lawm thin chhawrthla eng khi
Mahten ka tah pui ta'nge.


-Mizo lengzem hla/mizo lyrics-
Share this article :

0 comments:

Post a Comment

 
Copyright © 2008. Four Brothers' Mizo Lyrics - All Rights Reserved
Back To Top
Design: ToMZ