Home » » Pipu chhuahtlang hlui

Pipu chhuahtlang hlui


Phuahtu : Liandala
Satu: H.Lalchawimawii

Pipu chhuahtlang hlui a mawi mang e,
Thar khaw chhuahtlangah dawnlung an rem;
Sehran sahrang lu a tlar bung e,
Thanlai siamtu mihrangleng fam awih nan.

Thingte talhkuang chawm iang an khawng ri,
Kulva mei changsei bel lian an tar;
Mangpuan an zar dawnlung tlaitlanah,
Zawh zazopa thanlai puan diartial nen.

Lengin chhawng an hnawt, chun, hraileng nen,
Sa leh buhchangrum, bawhartui nen;
Zua tin an hlim vangkhawpui an lawm,
Tlaini nem duai lenkawl thiang karah hian.

Tlaini tla sensiar sul lo an hmuak,
Hrai tin an ngir e dai lungrawnah;
Chun an haw, zua haw, zaleng an haw,
Sultum chalngeng hnutiangan sul an haw.

Pipu chhuahtlang hlui hi thlir ve u!
Thuvate, lailen tluanglam zawhna;
Changsial an ngir dai phulleng an mawi,
Sawmfang lawr tur tuan rel an her liamna.


-mizo lyrics-

Share this article :

5 comments:

Madini said...

In Ti ţha emmai. Kan lawm em em

Four Brothers' Mizo lyrics said...

Keni pawh kan lawm e.

Hruaia Chhangte said...
This comment has been removed by the author.
Hruaia Chhangte said...

Hla ţha leh mawi.

Thana Ralte said...

He hla hi chuan hmanlai kan zokhua, kan hriat ve phak loh pawh kha, mitthla in min hmuhtir thei tlat... Hla țha leh mawi tak a ni e.

Post a Comment

 
Copyright © 2008. Four Brothers' Mizo Lyrics - All Rights Reserved
Back To Top
Design: ToMZ