Vanlal nau ang pian ni

30 Nov 2012

Phuahtu: Upa Lalhmingliana
Satu: Bawngkawn Pastor Bial Zaipawl

Ngaiteh vanlal nau ang pianni,
Zaitin thangvawr in ka hril dawn em ni;
Chhingkhual hringmi zaleng zingah,
Aw ka lal chun leh zua in riang mang e,

Lam ang letin an hawi vel a,
Khualbuk vengtu biahzai nem an hlan e;
Hraite piannan hmun min kian ru,
Aw riangvai chanhai chhingkhual a ding reng mai.

A na lua e ka tuar zo lo vanlalrengpui,
Hmangaih vanga in ngaitlawm in;
Kan tan leisual thim hnuaiah i lo vakvai.


An rawn chhawn e khualbuk veng tun,
Hmun a awmlo tih biahzai an hlan e;
Riahrun changlo chun riang Marin,
Aw Bethlehem dai khawhar a hrut dawn maw?

Bethlehem mual tlaitla eng ah,
Riahrun zawngin laitual an fang vel a;
An tawng silo riahrun kaina,
Riakmaw sirva iangin kaina run an vai.

Khualbuk changlo ka lal riangvai,
Ran chawpekna thleng ah an zal tir maw?
Thinlung tinin hmun lo kian ru,
Aw thinlai na in luaithli ka nul leh thin.


-mizo krismas hla/mizo christmas song-
Continue Reading | comments

LEN KA ZUAM LO

Satu: Lalropuii

I lenna ram khi han thlir la,
Tlangtin an mawi hluan e;
Bawngvate biahthu han chaih la,
Lunglen a nem ngei ang.

Tlangtin chuan la khua thalin,
Romei leh meikhu an zem;
Huiva lenthiam iang thlawk in leng a,
Fan nuam mang e partin vulna.
Mahleng phaikhuam a cham hian in,
Tudang ngailo ten kan lenna tlang khi;
Ngaihlai a zual lunglen a na lua e,
Kei zawng maw mahten len ka zuam lo.


Samtlang dingdi chhawkhlei par nen,
Thintin lengbuang an vul;
Zotui thiang dawn satin leng nen,
Chawngtinlerh lenna ram dai ah.

Tlaikhua lo ngui zankhua lo thim,
Tuanzai rel val an maw;
Chhermei chawiin di run a kai,
Zunngaih perhkhuangin a awi e.




Continue Reading | comments

All Time Top Chart

 
Copyright © 2008. Mizo Lyrics - All Rights Reserved
Thanks for Your Visit ! Please Come Back!!
BACK TO TOP