A Di a then em ni?

21 Jan 2013

Phuahtu: R. Sawithanga 
Satu: H.Vanlalhlana, H.Lalchawimawii.

Kumsul veiin hun leh ni te herliam zel in,
Thang leh thar te lo tuai lian zel mahse;
Ka tawng tawh lawng ka thinlai min hnemtu
A riang lawm an lo kir leh rawh.

Aw ka thinlai lungruk a hlim theilo,
Chung muvanlai di au lo leng thangvan zawl an;
Tlang tin hrut in a tlei zo lo siahthing zar ah
Kei mi iang in a Di a then em ni?

Thangvan a leng siar hmingthang chawngmawi puiin,
 A di zuilai Hrangchhuan a then ngai lo;
Ka di zuilai ka then ta e,
Riakmaw valeng iang ka vai e.

Eden sual hliam lei anchhedawng hi ral mahse,
Ka nghilh lawng che kumsang khuarei pawh in;
Nang nen suihlung kan rual lai ni zawng te,
A thar leh thin dawn lungruk ah.

Ka tahna ram he lei thlanhmun khawhar ah hian,
Duh leng thlang in kei chu min hnawl mahla;
Pialral ram nuam then lohna Zion ah,
Thiang ten lengin min di ve rawh.


-mizo lengzem hla thluk nem-
Continue Reading | comments (4)

All Time Top Chart

 
Copyright © 2008. Mizo Lyrics - All Rights Reserved
Thanks for Your Visit ! Please Come Back!!
BACK TO TOP