Home » » Chhuahtlang hmunhlui

Chhuahtlang hmunhlui

Phuahtu: CFL Hmingthanga
Satu: CFL Hmingthanga, Pektea & Marintei

Hmeichhia:
Chun leh zua run in chhungah,
Biahthu hril a rem silo;
Zantian chhawrthla eng hnuaiah,
Duhten aw ka lo nghak che.

Mipa:
Aw ka di nang ngaih vang hian,
I liamna lamtluang chhuiin;
Hmangaih ber ka tawng ta che,
Chhawrthlapui eng hnuai ah.

Aw ka di i tello chuan e,
Chhuni leh zankhua ka hmang liam thei silo;
Kan chhuahtlang hmunhlui lamtluang ngei ah hian e,
Thenloh biahthu di hril dun leh ang aw.

Hmeichhia:
Chun leh zua thuam ang ka do,
Hmangaih luat vang che hian e;
Ka taksa leh nunna pawh,
I tan chauh ka rawn hlan a.

Mipa:
Nangmah iang hian e ka di,
Ka nun zawng zawng ka hlan che;
Ka thisen zungzam nen lam,
Biahthu di an hlan che.

Hmeichhia:
Fanau maltluan chawi tur a,
Runhmun a kan len hun chuan;
I tan chunnu rinawm ber,
Nih ka tum zel nang e.

Mipa:
Hun leh ni her liam zel hian,
Liampui lo se hmangaihna;
Chutin nang nen a runhmun a,
Kan len dun ve nan.



Share this article :

1 comments:

Zairemmawia Saiawi said...

CFL Hmingthanga - Ka Di Tawn Hun Tur hi a lyrics rawn dah thei u la ka va ti ve..

Post a Comment

 
Copyright © 2008. Mizo Lyrics - All Rights Reserved
Thanks for Your Visit ! Please Come Back!!
BACK TO TOP