Home » » Khawtlang lunglen

Khawtlang lunglen

Satu: H.Lalchawimawii

Chinlai lenrual lungduh zawngte u,
In dawn ve thin em khawtlang lunglen;
Hlimlaini leh lawmlai zan zawng te,
Khuarei tawnmang mai an chang leh thin.

Aw hlimlai ni puan ang chul tur leh,
Hai ang tar sakhmel par ang a chuai tur hi;
I dawn bik em ni thinlai dam ten,
A leng lawk e kei zawng ka dawn in.

Chawrtin duah hnah nem leh par zawng te
Khua thal lo veiin uaiin an til
Chutin hlimlai leh sakhmel par pawh
Chuaiin an liam tur ka ngai ngam lo.

Zanmu chhin reng hi a har thin e,
Hei hi maw an sawi khawtlang lunglen;
Tanglai an min hmer a leng vawng vawng,
Luaithli nul reng hi ka bang thei lo.


Share this article :

0 comments:

Post a Comment

 
Copyright © 2008. Mizo Lyrics - All Rights Reserved
Thanks for Your Visit ! Please Come Back!!
BACK TO TOP