7 Jul 2013

Ka awm khawhar changin Lalpa

Phuahtu: Zasiama
Satu: Lalruotmawi

Ka awm khawhar changin Lalpa, lo leng la ka thinlungah,
Lungngai fate an chawlhna hmun i lenna chu;
Min hrilh rawh, a chanchin, lei lungngihna a ka lenlai hian.

A ropui zia thu hi ka hrilh seng love,
Aw, van tingtang, phaiphuleng; 
Chawimawina ka tan a rik hun chu.

He thlaler ramah hian lungngaiin tap rih mah i langin,
Thihna luiral ka kai hun chuan hmangaih Lalpa'n;
Aw, min lo hmuak ang a, lungngaih mittui tlakna a bo ang.

Aw, chu hmun a leng chuan thenna thu reng reng an sawi ngai lo,
Khaw thianghlim leh Beram no chu thu leh hlain;
Angelvar leh Seraf te nen fakhla an chawlh tir ngai lo.

Aw, chu hmun thleng turin lei hreawmna hianin min dang rih,
Aw, ka nghakhlel, i ram thianghlim min thlir tir la;
Hnehna tumkai chawi a, aw, Salem thar fan hlan ka nghakhlel.


SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: