Home » » Ka tling si lo

Ka tling si lo

Phuahtu: Lalrintluanga
Satu: C.R. Laldingliani

I hmangaihna thuk zia ka han dawn chang hian,
Mifelte thlang lova kei misual min thlang hi;
A makin a ropui e hmangaihna hi,
Ka rul seng lawng chatuan thleng pawh in.

Mite mit hmuh ah ka tling si lo Lalpa,
Mahse i Kros danah chuan thiamchang ka lo ni e;
Amakin a ropui e, aw hmangaihna hi,
Ropuina te chawimawina te i ta ni zel rawh se.

Thing lenbuang te leh lentu hnah hring mawi te,
Vahkhuai partlan hramthiam va tin reng te nen;
I ropui zia an lan tir e Lal Isu,
Kei erawh chu engmah lo mai ka ni.

Vandumpawl riai te leh chung siar leng te,
Lui thuk tak te leh chung khawpuiri zawng te nen;
I ropui zia an lantir e Lal Isu,
Mahse kei zawng ka tling lo Lalpa.

Khawngaihna a chhandam ka lo ni e,
A va ropui em kei misual min tlanna hi;
Van khua leh tui nihna te ka lo ni e,
Ka rul seng lawng chatuan chatuan pawh in.


Share this article :

0 comments:

Post a Comment

 
Copyright © 2008. Four Brothers' Mizo Lyrics - All Rights Reserved
Back To Top
Design: ToMZ