7 Jul 2013

Ka tlinna Lalpa

Phuahtu: Rev. Ngamlalchawl
Satu: Janet Lalmuansangi, Bungkawn Pastor Bial Zaipawl (2010- 2012), Lalroutmawi

Ka nihna renga misual ka ni a,
Khawvel enin tlinna ka nei lo;
Thlirna tinrenga ka han thlir pawhin,
Tlinna ka nei lo i hmaah hian.

Ka tlinna Lalpa ka mawina Isu,
Nang chauh hi i ni ka tlinna leh lawmna;
Tu nge thiam loh min chantir ang le?
Thiam min chan tirtu Krista a ni si a.

Ka rinawm lo tih i hria e, Lalpa,
I tan hian ka rinawm si lo a;
Min tichaktu Lal Kristaah chauh chuan,
Rinawm leh tlingah min lo ngai si.

Felna ka nei lo tih i hria, Lalpa,
Mahse, felah min lo ruat si a;
Ka fel lohna zawng zawng chu inbelin,
I felna puan chu min sintir ta.

Tlinna nei lo tlingah min lo ruat chuan,
He ka damchhung hun tawi teah hian;
Thih thleng rinawma i rawngbawl turin,
Ka rawn inhlan e, ka nunna hi.


SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: