Home » » La-i zun

La-i zun

Satu: Lalhungchhungi Pachuau, C.Vansanga, Mimi Renthlei

Ami iang in hril thiamlo mah i,
Hril nang e La-i zun leng ngaih hi;
Kawlvalenchham karah leng mah la,
A chamreng thinlai ah i rauthla.

Mualzapui i liam ni khan e lungrun, 
Vangkhua zawng a ngui ruai a sin;
Zatlang rel thang pawh dawn lo hian,
I ngai in lunglen zai ka lo sa.

Lamtluang a thui kar a hla lua e,
Biahthu di hlan chhung ni a rei sin;
Tiang hi maw lo ni zunngaih lunglen,
I ngai hian zanmu reng ka chhing lo.

I sakhmel sensiar vullaini leh,
Leng zawng chhing a nem chuang i anka;
Nghilhni a awm dawn lo ka tan hian,
Lairil ah ai angin i cham reng e.

Khuanu zarah tawnni her thuai se,
Chutin nangnen hlimten lengturin;
Hril nang e tawnloh kar lunglen thu,
Duhthuleng sam zawng a kim ngei ang.

Share this article :

5 comments:

Lawma Khiangte said...

He hla hi C.Vansanga leh Mimi Renthlei te pawhin an sa

Four Brothers' Mizo lyrics said...

@Lawma Khiangte, i rawn sawi ang hian annih 2 hming pawh kan lo telh ve leh e, kan lawm hle mai.

Lawma Khiangte said...

Chang 2 na, tlar 2na khi,
"Biahthu di hlan chhung ni a rei asin" tiin Mimi Renthlei leh C.Vansanga ten an sa a, Lalhungchhungi sakdan hi ka hre lo thung, ka la ngaithla lo va.

Chang tawp ber hi, C.Vana khan, a tawp ber dawttuah a sa thung.

Lawma Khiangte said...

Sawi belh leh lawk aw,

According to C.Vana
"I sakhmel sensiar vullaini leh" tih zawk tur niin ka hria,

Four Brothers' Mizo lyrics said...

@Lawma Khiangte, i rawn sawi ho hi nguntakin Lalhungchhungi sak nen kan lo ngaihthla nawn leh a a dik ber ni a kan hriat danin kan siam tha e, i lo chik thin a i zarah pangngai takin kan hla thu tarlan te pawh a awm thei thin a, kan lawm hle mai.

Post a Comment

 
Copyright © 2008. Four Brothers' Mizo Lyrics - All Rights Reserved
Back To Top
Design: ToMZ