10 Jul 2013

La-i zun

Satu: Lalhungchhungi Pachuau, C.Vansanga, Mimi Renthlei

Ami iang in hril thiamlo mah i,
Hril nang e La-i zun leng ngaih hi;
Kawlvalenchham karah leng mah la,
A chamreng thinlai ah i rauthla.

Mualzapui i liam ni khan e lungrun, 
Vangkhua zawng a ngui ruai a sin;
Zatlang rel thang pawh dawn lo hian,
I ngai in lunglen zai ka lo sa.

Lamtluang a thui kar a hla lua e,
Biahthu di hlan chhung ni a rei sin;
Tiang hi maw lo ni zunngaih lunglen,
I ngai hian zanmu reng ka chhing lo.

I sakhmel sensiar vullaini leh,
Leng zawng chhing a nem chuang i anka;
Nghilhni a awm dawn lo ka tan hian,
Lairilah ai angin i cham reng e.

Khuanu zarah tawnni her thuai se,
Chutin nangnen hlimten lengturin;
Hril nang e tawn loh kar lunglen thu,
Duhthuleng sam zawng a kim ngei ang.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

5 comments:

  1. He hla hi C.Vansanga leh Mimi Renthlei te pawhin an sa

    ReplyDelete
  2. @Lawma Khiangte, i rawn sawi ang hian annih 2 hming pawh kan lo telh ve leh e, kan lawm hle mai.

    ReplyDelete
  3. Chang 2 na, tlar 2na khi,
    "Biahthu di hlan chhung ni a rei asin" tiin Mimi Renthlei leh C.Vansanga ten an sa a, Lalhungchhungi sakdan hi ka hre lo thung, ka la ngaithla lo va.

    Chang tawp ber hi, C.Vana khan, a tawp ber dawttuah a sa thung.

    ReplyDelete
  4. Sawi belh leh lawk aw,

    According to C.Vana
    "I sakhmel sensiar vullaini leh" tih zawk tur niin ka hria,

    ReplyDelete
    Replies
    1. @Lawma Khiangte, i rawn sawi ho hi nguntakin Lalhungchhungi sak nen kan lo ngaihthla nawn leh a a dik ber ni a kan hriat danin kan siam tha e, i lo chik thin a i zarah pangngai takin kan hla thu tarlan te pawh a awm thei thin a, kan lawm hle mai.

      Delete