Home » » Lungrualpui turin

Lungrualpui turin

Phuahtu: V. Thangzama
Satu: Youth Club Zaipawl

Thilsiam tinreng tunhma tunhhnu ka thlir a,
An awmdan reng ah chuan an mawi ka ti;
Hringmi zaleng thilsiam engkim chung a leng,
An mawi ka ti suihlung an rual ni chuan.

"Sem sem dam dam, eibil thi thi" an lo ti,
Lak aiin pek in lukhawng a keng;
Mahni sanah zaleng tlangtin a tuan te,
I sawm ang u lungtin rual pui turin.

Lalthutthlengah tunge thut hlen lo tum le?
Ramdang chungah inhrawt lal tum tu chu;
A tawk te in khua in a rel an lo ti,
Tupawh mai hian talent bik kan nei si.

Lei lalte u, pian in murna bih chiang ru,
In lem chuanglo Adam thlah tho inni;
Chi intihbing, tualthah, mangan, thlabar nen,
Mahni hmasial vang mai a lo ni e.

Aw hnamte u, mingo, mieng, midum te,
Inpeng tawn in tap te tahpui ula;
Intello chuan pumkhat zai kan rel thei lo,
Rel thang chhumpui zawng chu vai kiang rawh u.


Share this article :

5 comments:

Thian Ro Uk Lian said...
This comment has been removed by the author.
Thian Ro Uk Lian said...

I hla thu ziah ah khan remthat ngai a awm in ka hria.

Chorus

"Sem sem dam dam eibil thi thi" an lo ti,
Lak aiin pek in lukhawng a keng;
Mahni sanah zaleng tlangtin a tuan te
I sawm ang u lungtin rual pui turin

Changhnihna

Lalthutthleng ah tunge thut hlen lo tum le?
Ramdang chungah inhrawt lal tum tu chu;
A tawk te in khua in a rel an lo ti,
Tupawh mai hian talent bik kan nei si.

Eng nge i ngaihdaan le?

Four Brothers' Mizo lyrics said...

Kan lawm e, kan thiam ang tawk chuan kan siam tha nghal e, a dang pawh a diklo lai chu inthlahrung hauh lo in min rawn hrilh zel zawk rawh, kan lawm em em zawk a nia.

Unknown said...

Tonic solfa in kan van duh ve...1st battalion map brass band a ham turin kan rawn dil nghal a che. He hla hi mawi kan ti lutuk

Four Brothers' Mizo lyrics said...

A produce tute Youth Club President Pu Khamliana, Kanan veng dil ula a solfa note chu a nei lo maw le, keini lam chuan a solfa lam chu kan nei hauh lo mai.

Post a Comment

 
Copyright © 2008. Four Brothers' Mizo Lyrics - All Rights Reserved
Back To Top
Design: ToMZ