20 Oct 2013

Kum sul liam hnu (Lalpa kan thinlungah lal ber ang che)

Phuahtu: C Lalkhawliana
Satu: Zoramchhani, Mizoram Synod Choir, Bawngkawn Pastor Bial Zaipawl, The Leprosy Mission Choir, Liandinpuii

Kum sul liam hnu kan nun ngaih lai tho leh thin,
Rem Lal pian hun champha hmatiangah kan thlir;
Sik ni eng mawi leh zan boruak thiang leng vel,
Ngaih lai ti zual tur renga'n maw.

Aw, thlir zel ila ,Bethlehem tlangpui,
Ran in tlawm a Chhandamtu piang chu;
Hmana mi te'n lawm lo mah sela,
Lalpa, kan thinlungah lal ber ang che.

Leng zawng thinlai dam te'n lawm kim tak ang maw?
Rual duh kal ta suihlung rualpui te zawng kha;
Ngai mah ila, koh kir leh theih awm si lo,
Rem Lal piang chuan thinlai hnem rawh.

Chhung tin lawm lai par ang vul ni leh hun te,
Engtin hmang maw, kar hla a leng rual duh te'n;
Thinlai dam te'n hmang la, he hun lawmawm hi,
Hlimin lawm la, Lal lo piang chu.

Keini pawhin lawmna zai hla i rem ang,
Tu mah thinna leh lunglen pawh sawi lo vin;
Bethlehem-a nau lo piang Imanuela,
Chibai bukin i kal ang u.
 
(He hla hi a phuahtu Pu C Lalkhawliana hian a thupuiah 'Lalpa kan thinlungah lal ber ang che' tiin a dah a ni)
 
 
   - mizo krismas hla thu -
SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: