Home » » Thim in lei a tuam laiin

Thim in lei a tuam laiin

Satu: Liandingpuii

Thim in lei a tuam laiin,
Van eng in piallei a chhun;
Van ho zai mawi a lo ri,
Remleng se tiin an zai.

Chungnungberah Pathian chu,
Ropui takin awm rawh se;
Lei chungah mihring hnenah,
Rem leng se tiin an zai.

Puan engvar ropui sinin,
Bethlehem dai phulleng ah;
Chhandamtu lo piang a chu,
Chawimawi nan hla thar an sa.

Vanmite an herliam a,
Thang vansang an kai hnu chuan;
Berampu ten khawharin
Bethlehem dai reh an nghak.

Keini vanmite u,
Berampu te ang khanin;
Lei ah rem leng se tiin
Min zai pui ve dawn lawm ni?

Share this article :

0 comments:

Post a Comment

 
Copyright © 2008. Four Brothers' Mizo Lyrics - All Rights Reserved
Back To Top
Design: ToMZ