30 Apr 2015

Hmangaih Jenny

Phuahtu: Laltanpuia Tochhawng
Satu: Laltanpuia Tochhawng


Chung khuanu ruat rengin i chun leh zua karah,
Duat te'n i lo seilian, mawiten par ang i vul;
I sakhming kohnaa'n 'Ngaizual' an ti che,
I sakhmel mawi ka tan thlir nin i awm lo.

Mampui, ka duhber che a,
Ka hmangaihber i ni a,
I hmangaihna rinawm i thinlai chhuak ngei chu,
Aw, min hlan ve tawh mai rawh.


Ka chhuang thin che a sin, lengzawng te zingah hian,
Tiang renga sakhmelmawi Khuanu'n a lo duang che;
Aw, kan Zoram hi nang nen fang dun ila,
Tichuan, kei hian zaiin ka awi zel ang che.

Runhmun kan len dun em loh paw'n ka ngen che a,
I kianga chhemdam thli a lo len vel ni leh;
Chung chhawrthlapui leh tlaitla eng mawi te,
Mawizuala an en hian min dawn ve thin rawh aw.

I tawngkam tha chauh chuan thinlai a hnem zo lo,
I thinlung ngaihtuahna te'n min hawi si loh chuan;
Ka dawn lungruk iang hian min dawn ve ni la,
Duh te'n tangah pawmin duh te'n kan infawp tur.
 
SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

4 comments:

  1. Chang tawpberah hian, "I tawngkam tha chauh chuan thinlai a hnem zo lo" tih a nia

    ReplyDelete
  2. Chang tawpberah hian, "I tawngkam tha chauh chuan thinlai a hnem zo lo" tih a nia

    ReplyDelete
  3. A hla thuah hian Jenny tih a tel si lova, a thupui hi a dik hlel deuh lo maw le????

    ReplyDelete
  4. @Lawma Khiangte, kan tih dik loh lai te duhsak takin i rawn sawi thin a, kan lawm em em e, i rawn sawi lai pawh hi kan siam tha nghal e.

    ReplyDelete