15 Dec 2016

Hling zinga rosepar (Tawrhna vanga malsawmna)

Hling zinga rosepar (Tawrhna vanga malsawmna)

Phuahtu: Lalthanmawii
Satu: Beki Sailo, K Lalthlamuankimi, BCM Bawngkawn Pastor Bial Zaipawl

Hlim lai ni te vul rengin, nguini reng neilo ila,
Tlanna hlutzia ka hria angem?
Natna te tawk lovin hlim leh muangin awm ila,
Aw, muantu ka ngai angem?

Lungngaih reng hre lovin, mangan hreawm neilo ila,
Thingthiin ka kun ngai angem?
Hmangaihte nen hlimin thenna reng awm lo sela,
Chu rammawi chu ka ngai angem?

Duhaisam zawng neiin, tlakchham reng neilo ila;
Aw, kraws hi ka ngaihlu angem?

Hling zinga ropsepar ruah hnua nieng mawi angin,
Tawrhna te hian i hmangaih min hriattir e;
Rangkachak thianghlim nan mei, ka nun chher nan mittui,
Tawrhna vangin malsawm ka chang.

Aw, tawrhna vanga malsawm ka ni,
Ka sual man bat min tlaksak turin tawrhna kawng a lo thlang,
Van ropui kalsan a hringmi a chan ni khan;
Hmangaihtu mittui a far ngei ang,
Tawrhna vangin malsawm ka chang.



Kan nghah Krismas

Kan nghah Krismas

 Phuahtu: C Lalkhawliana
Satu: Liandingpuii, PBK Liankhuma, Lalenkawi Pautu, P.C Lalremruati

Kan nghah Krismas lawmna nikawl a eng tan ta,
Rinna mitin Van Lal nau piang kan thlir;
Hruaitu arsi leh phul berampute,
Bethlehem ran in leh a chun Mari.

Van angel ho te'n zanreh lai takin,
Pungkhawmin rem lenna thuchah an rawn puang;
Keini pawhin chu chanchin lawmawm chu,
Duhsakna nen kan rawn hlan che.

Zan boruak thiang, zingtian daifim, sikni nem duai,
In, lo, ram leh khawtlang boruak leng vel;
Krismas leh Kumthar tur thlir ve em ni?
Hunbi chhiarin an her inrem tein.

Chinlai lenrual, nangni chhungkua lo ngai teh u,
Naupiang cham lawm turin sawmbik kan ni;
Kan vannei hle huntha damin kan chang,
Vanmite lawmna hla i zai pui ang.

Engtin hmang ve dawn che'u maw, hlimna Mas ruai?
Hlimna niah khua kan ti har fo thin;
A then mahni hlimhlawp mai bawl lo vin,
Midangte hlimna pawh i thlir zel ang.


12 Dec 2016

I tan ka lo kir leh/Ka tan hawng leh rawh

I tan ka lo kir leh/Ka tan hawng leh rawh

Phuahtu: CFL Hmingthanga
Satu: CFL Hmingthanga
 
Thal favang tur ni nem duai kei ka lung min len e,
Lanu lengdang ka chhai vang a nunkhawhara beidawng hnu;
"Ka hmangaih ber che," tia min autu,
Kei pawh suihlungchhirin ka rawn pan leh che,
Aw, i thinlung kawngkhar ka tan hawng leh rawh.

I tan ka lo kir leh ka lam lo hawi leh rawh, ka thinlung dam nan,
Kei vang a zanmu chhinglo nunkhawhar a beidawng hnu;
Hmangaihna kutin ka lo chul dam nang che,
Lei leh van a ral hma chuan i anka rimawi leh,
Aw, i hmangaihna chauh ka tan a tawk.


Hmangaihtu der vangin maw nang hnutiang ka lo chhawn che,
Dawnin suihlung ka chhir ngei e, entin min lo ngai ve maw;
Aw, i thinlaina tur reng dawn lo hian,
Mualzapui kar danah samang ka lo then che,
Mahse, maw suihlung chhirin ka lo kir leh ta.

I hmangaihna thlazar hnuai belh leh zai ka rel ta e,
Nang chauh hi ka hmangaitu leh ka lung min dumtu;
Lungngaih ni pawha min tuar pui thintu,
Suihlung ka chhir banglo tinkim ka dawnin,
Engkim a ka engkim chu nang i lo ni e.

8 Dec 2016

Aw Krismas

Aw Krismas

Phuahtu: PL Sanglura
Satu: Various Artistes (Lunglei)

Partin an vul sirva ten zai an vawr e,
Hringfa te kan lawm nan;
A lo herchhuak leh ta Krismas ni lawmawm,
Zai i vawr ang, Beram no piang lawmin.

Aw Krismas, aw Krismas,
Remna Lal nau piang chu i fak ang;
Aw Krismas, aw Krismas,
Remna Lal nau piang chu i fak ang.

Inremna hla sa rualin leng zawng te hian,
Mitin tan Chhandamtu piang fakin;
Kan nun hlui kalta te vuiliam chung zelin,
Zai i vawr ang, Beram no piang lawmin.

Mitin ta tur chanchintha lawmawm em em,
Vawiinah hian kan tan a lo thleng ta;
Chhandamtu a piang ta Isua Krista chu,
Zai i vawr ang, Beram no piang lawmin.

Aw Krismas ka dam chhungin ka nghilh lo'ng che

Aw Krismas ka dam chhungin ka nghilh lo'ng che

Phuahtu: Lalthianghlima
Satu: VL Neihthangi (Nunui), Davida te Unau, PC Lalremruati, Bethel  Worship Team, Lawmi Chhakchhuak

Krista pian ni champha dam te'n kan thleng/tawng leh ta,
Sikni eng mawi, daifim, boruak thiang rimtui nen;
Hringmi aw mawi thawm ri a thang kan vangkhuaah,
Krismas ni lawmawm tak chu kan lo thleng ta.

Aw Krismas, ka dam chhungin ka nghilh lo'ng che,
Khawvel thim ti engtu Lal lo pian ni chu;
Hringmi suala boral te zawng tur a,
Khawvel Chhandamtu lo pian ni chu.


Samtlang, nihawi, hnahsen mawite'n an par vul/bung e,
Thing lenbuang zar mawiah sirva te'n zai sa e;
Thlir vel ila lenkawl a mawi, van dumpawl nen,
Kan Chhandamtu kutchhuak a va ropui em.

Hei ang renga hun hlimawm dang a awm ne'maw?
Chunnu, zuapa, hraileng rual te'n zaikhat vawr a;
Zing, chhun, zan, khuavara fakna hla mawi remin,
(Zing, chhun, zan khawvara fak hla rimawi remin)
Krismas ruaipui kan theh Lalpa ropui nan.

Hetiang hmangaihtu Lal dang reng an piang tawh lo'ng,
Ama nunna hlanin Kalvari(ah) a in pe a;
Kan neih ro thil zawng leh kan hun i pe ve/vek ang,
Kan tana nau lo piang chu i chawimawi ang.

Aw zan thianghlim mawi takin arsi an eng

Aw zan thianghlim mawi takin arsi an eng

Phuahtu: J.S Dwight
Satu: Lalrindiki Khiangte (Daduhi), Lalduhsaki, TBC Zaithanpuia

Aw, zan thianghlim, mawi takin arsi an eng,
Kan Chhandamtu Krista lo piannaah;
Rei tak khawvel sual leh thimhnuaia leng tawh,
Tunah thlamuanna ropui a thleng ta;
Beiseina tharin khawvel lawmin a khat,
Ni ropui leh lawmawm a eng tan ta,
Chibai bukin, aw, van angel thu ngai r'u,
Aw, zan duhawm, Lal Krista pian hun chu;
Aw, zan thianghlim, aw, zan, aw, zan thianghlim.

Ran in tlawmah Chhandamtu zalna hmun chu,
Thinlung lawmin rinna eng chuan min thlen;
Hruaitu chungtiang siar ropui eng mawi chuan,
Khawchhak mi fingte kawng a rawn hruai a,
Lalberte Lalber chu ranthlengah a zal;
Lungngaih, mangan lai thian rinawm ber chu;
Kan chak lohna lai leh mamawh zawngte a hria,
Chibai bukin Lalber chu chawimawi r'u,
Chibai bukin Lalber chu chawimawi r'u.
 
Inhmangaih tawn turin min zirtir thin kha
A thupek chu hmangaihna leh remna;
Sual phuarte leh riangvaite chhan chhuak zelin,
A hmingin sual hnehchhiahnate a bo;
A hming thianghlim leh ropui ta chu fakin,
Lawmna hla mawi chu kan sa rual ang a;
Lal Krista chu chatuana Lalber a ni,
A thiltihtheih leh a ropuina chu,
Chatuan, chatuan, chatuana zual zel tur.


Lawmna ropui

Lawmna ropui

Lettu: Alvin
Satu: One in Christ

Lawmna, lawmna ropui chu,
Rimawiin a tuam vel e;
Ropui, Lalpa ropui se, 

Angel te'n an chawimawi.

Thutiam Messia leh kan Imanuel,
Alpha, Omega, kan Lal;
Kan beiseina thlentu chu a lo piang ta,
Thilsiam tinreng tan hlimna a ni.

Lawmna, lawmna ropui chu,
Rimawiin a tuam vel e;
Ropui, Lalpa ropui se, 

Angel te'n an chawimawi.

Chun Mari hraichawi chu i lawm ve ang,
Ranthlenga zal ngei mai chu;
Nau lo piang chuanin a ti bo tawh ang,
Eden sual kai zawng zawng te nen.

Lawmna, lawmna ropui chu,
Rimawiin a tuam vel e;
Ropui, Lalpa ropui se, 

Angel te'n an chawimawi.
 
Lawmna, lawmna ropui chu,
Rimawiin a tuam vel e;
Ropui, Lalpa ropui se, 

Angel te'n an chawimawi.
 
Lawmna, lawmna ropui chu,
Rimawiin a tuam vel e;
Ropui, Lalpa ropui se, 

Angel te'n an chawimawi,
Angel te'n an chawimawi.  
 

Nau piang i lawm ang u

Nau piang i lawm ang u

Phuahtu: TBC Zaithanpuia
Satu: Feli Thangluan, Freddy Lalremruata, Henry Varte, Temi Sailo & TBC Zaithanpuia


Remna lal a lo piang ta,
Lengi leh vala te, chun leh zua, pi leh pu;
Hraileng zawng ten hlim zai vawrin,
Remna nau piang i lawm ang u.

I hlim ang u, aw i lawm ang u,
I hlim ang u, aw i lam ang u;
Amah chawimawiin i zai ang u,
Kan tana nau piang lawmin (2).


Lungngaia chaua rum te u,
In puanvente sawi chhingin tho ula lam rawh u;
Chhandamtu lo piang lawmin,
Hlimzai i rel zawk ang u.

Krismas hun lawmawm lo thlen hian,
Fahrah, chanhai, riangvai, piangsual leh rethei tan;
Malsawmna rawn thlen ang che,
Hlimzai kan vawr za theih nan.

Tu hrai chawi nge?

Tu hrai chawi nge?

Lettu: Lalengzauva

Tu hrai chawi nge laikhum zal le?
Chun riang Mari hrai chawi a chu;
Berampu ten an ven lai a,
Van angel ten an thlah chu.

Hei ngei hi a lo ni,
Kan lal ropui Krista ngei chu;
Lawmru a lo piang ta,
Mari chawi lai nau ngei chu.


Engvangnge maw lal ropui chuan,
Ranthleng hmuntlawm a thlan le?
Milian leh mite hringfa zawng tan,
Tlanna ropui a thlen ta.

Kan thinlung leh thilpek hlanin,
A hnenah i kal ang u;
Chhandamna tlawnpek ropui chu,
Kan thinlung lalah thu se.
Vohbik

Vohbik

Phuahtu: HC Sapthankhuma
Satu: Variou Artistes [H Lalmuankimi, Ngurliantluangi (Seni), F Laltlansanga, Zosangliani,  Z Lalthanzuala, Lalhungchhungi Pachuau]


Lei leh vanlal lo pian nan ngei,
A rawn thlang ta ariang Mari;
Vanlal tirhkoh Gabriela'n,
Chibai, vohbik tiin a ko.

A hming maka, remruattu a,
Chatuanpa remnalal ropui chu;
Chungnungberah ropui rawh se,
Lal Imanuela chu.


A ngur lallian aw nang Kaisar,
Vohbik i ni aw lal zawng zingah;
I lal lai ni zamvel hnuaiah,
A lo piangta remna lal chu.

Aw Bethlehem bawng in run dai,
Vohbik i ni run zawng zingah;
I sakhming reng chuaini awmlo,
Lal nunnema chham ang zalna.

Aw mi vohbik keini pawh hi,
Amah fakin i zai ang u;
Tlangtin mualtin lenchhawm ri nen,
Fak zai vawrin i fawn vel ang.

Min liamsan leh si

Min liamsan leh si

Phuahtu: H Lalmuankimi
Satu: H Lalmuankimi, Zorinzuali Khiangte


Suihlungrual te a kan lenlainite dawnin thinlai ruk a na ngei,
Sirah min hnawlin min liamsan mahla nghilh hian ka mawi ve silo;
Kha zawng nang nen suihlung rual te in tiam thu di zawngte min hlan lai kha.

Nghilh zai relin ariang ka chan tur hi dawn lo reng in,
Biahthu di min hlan zawng kha nghilh thei reng hianin ka ring silo;
Tawnmang mai iang a ral leh tura'n maw lo ni,
Suihlungrual a lenlai nite nghilh zai relin ariang tuara'n min liamsan leh si.


Duhlai i tawnah ka dawn lungruk zawngte hria in lo kir leh mahla,
Rem hian ka ringlo suihlung chu chhirin ka tawna'n let zai rel mahla;
Kha zawng nang nen suihlungrual te in tiam thu di zawngte min hlan lai kha.

7 Nov 2016

Christmas Chibai ka buk a che

Christmas Chibai ka buk a che

Phuahtu: C Laltanpuia
Satu: H Lalthakima & Zualbawihi

Kawlvalenchham a ka hmangaih,
Engtin Christmas hman tum ve che maw?
I tan Christmas card leh present dang,
Ka rawn thawn che kha I lo hmu em?

Ka lo hmu e, suihlung lawmin,
Christmas thilpek min rawn thawn te kha;
Keipawn ka rawn thawn ve ngei ang che,
Khuahmunah kan hmang thei dawn si lo.

Christmas chibai ka buk a che,
Khuahmuna hman dun rem lo mahse;
Suahsualna tinreng lo hawisan la,
Thianghlimna nen Christmas hmang ang che.

*Lalpian champha hun lawmawm a'n,
Mi tam tak chuan suahsual nawmchen nan;
An hmang leh ngei ang, a pawi emai!
Nang chuan Lalpa lam chauh hawi ang che.

**Krismas kan hman chhan hre lova,
Zoram thalai kan awm ta mai hi;
Keipawn ka vei em em thin a sin,
Lalpa'n engtin tak ngai ve ang maw?

Repeat *
Repeat **


Lungtat Par

Lungtat Par

Satu: Triau Trackx

Woo..ooo.ooo...
Nilai zanlaiah min rawn call,
Ooh..oo.oo..oo..ohh..
Engdang mah sawi lovin..o..min rawn hnawl,
Ooh..oo.oo..oo..ohh..
Amak ka ti, a na ka ti..
Ooh..oo.oo..ohh..
Mi bumhmang i lo ni.

Runlui a leh luan hma loh leh,
Kan lungtat a par loh chuan,
I tan ka rinawm ang i ti.
I lungtat a par a mi? (2)

Nizan zanlaiah min rawn call,
Engdang mah sawi lovin,
Vawi sawmli ka hnawl,
Ooh..oo.oo.oo.. ohh..
Engtin nge i theih zawk?
Amak ka ti, a na ka ti,
I tan ka rem tawh lo.

Runlui a leh luan hma loh leh,
Kan lungtat a par hma loh chuan,
Ka ngaidam thei lo che,
Kan lungtat a par ve lo.

Ooh..oo.oo..oo.. ohh..
Amak ka ti, a na ka ti..
Ooh..oo.oo..oo..ooh..
I tan ka rem tawh lo.

Ooh..oo.oo..oo.. ohh..
(Runlui a leh luan hma loh leh,
Kan lungtat a par hma loh chuan
I tan ka rinawm ang i ti)
A par a mi?...a par a mi?
In lungtat a par a mi?

Ooh..oo.oo..oo..ohh..
In lungtat a par a mi?

Chhuihthangvala

Chhuihthangvala

Phuahtu: Lalnunmawia (Valtea)
Satu: Lalnunmawia (Valtea), R Lalramhluna, Biakmuana

Di nen tlaitla engruai hnuai an maw,
An leng vel zaleng zawngte chu;
Mahse, suihlungleng valmawia chuan maw,
Lunglen zai sa in di a au.

Dawn ve ang maw a di ve khan?
Chhuihthangvala ar ang a vaih hi;
Hnemthiam awm ang maw damlai khawvel an?
Awm hian ka ring lo, a na em lunglen zawng.

Nemten lunglen tuar nan ti zelin,
Chawltui ning zu dawn zai a rel;
Mahse, a nem thei dawng chuang em ni le?
Awi...tah ruai ruai a lo nuam ta si.

Hai leh ruiin zan mu a chhing ta,
Eng tak tawnmanga'n tawng ang maw?
Hai ang thanga suihlung vaih hmabakin,
Awi..mang lama'n a di a au ve.

16 Oct 2016

Khuangchawi thla

Khuangchawi thla

Phuahtu: C Durthanga
Satu: Lalrindiki Khiangte (Daduhi), K Lalthlamuanpuii, OirT RepuS, Kanan Branch YMA Zaipawl

Leng zawngte hlimna ber khuangchawi thla hi,
Pi leh pu vanglai paw'n sawi nuam an ti;
Chung turni khuatlaiin thlang kawla'n a liam,
Chhawrthlapui engmawia'n khuang a rawn chawi e.

Chutin zaleng zawng te a engmawi lawmin,
Mahni chhailai di run hlim te'n an kai a;
Chhawrthla arkai partlan hlimte'n zai an vawr,
Lengi hlim nui ri nen, lengdang an ngai lo.

Thangvan sang lah mawi chuang thlir nin awm loh,
Siar lengrual zawng paw'n a sir an bel a;
Van rang chhum lah sira'n an her liam zel a,
Thlir nin awm loh thangvan khua in mawi ngei e.

Mahse, khuanu leng ruat dan rual si lo,
Thlang khuandimin kawl rawn an liam zo ta;
Ngaiin au mah ila kir zai an rel lo,
Thangvan mawina zawng pawh puan ang chul zo ta!


29 Aug 2016

Ka nghak reng che Lalpa

Ka nghak reng che Lalpa

Phuahtu: Pu Tha-a
Satu: Joseph Lalthanpuia

Duhtak, ka tan i van mawi em,
I hmangaih ka tan rimtui ang;
Mahse, hmangaihna thikthuchhia in min hliam ta,
Hmangaih leh duhluat vang maw?

Ka chakna midang te nekchep tu,
Ka tlawmna an tan malsawmna;
Michak ka kaikuna vengtu,
Ka khur e, Lalpa ka kehchhe zo ta.

Beiseina reng reng ka neilo, ka na a Lalpa,
Sawitu dang reng reng ka neilo ka hliam a ni;
Thim hnuaiah nungcha ten khawvar an nghak ang hian,
Ka nunna hian Lalpa a nghak reng che.

Engahnge ka tan an tuar ve le?
Ka thinlung a an chen tlat thin le?
Hmangaih em vang a ni ka tuar tir thin,
Duat ten ka tuam dam leh ang.

Engahnge heng hreawm zawng zawng hi ka tuar le?
Engahnge kei leh ka mi te kan dam theih loh le?
Thimhnuaiah nungdam in engtinge kan hlim ve ang?
Ka nunna hi Lalpa a hliam mek e.

Min hliam rawh Lalpa, I thinlung hliamtu kha...

Chhailai Di

Chhailai Di

Phuahtu: John Mawitea & Mapuii Fanai
Satu: Malsawmtluangi Fanai

Ka dawn thin nang nena vul hun chhung,
A reilo ang tih ka hlau em mai;
Suihlunglengin nunkhua ka hmang liam,
Tuanna tlang a dang si, ka ngai em che.

Nghilh zai rel i har tawh dawn si,
Lem ang der a biahthu hlan che hi;
Ka phal lo che, valmawi lungdumtu,
Nang then tur che hian duhthuleng sam ka phal lo.

Chhailai di duhaisam ka tawng ve ta,
Mahse, i hlimtha chauh ka thlir thin asin;
Sakhmel lungdumtu, thlir nin i har,
Lengdang tawnah thlangkhuandim mai lo vin,
Nang nen vul dun zel ang hlimlai chenin.

Nang paw'n hmangaihna min hlan a,
Sut leh tawh lo turin ka ring che;
Dawt thu tiam chu min hlan ka ring lo,
Kei paw'n ka hlan lo ang che kumtluang atan.

Nunhlui mualliam hnu hnutiang chhawnin,
Nang nen hlimlaini i chen tawh zawk ang;
Lungtiawi nang ngei ka tawng che.

Aw Zoram

Aw Zoram

Phuahtu: Biakdika (Bda)
Satu: Gnat Lalrinchhana

Hlim leh muanga ka lenna, aw Zoram,
I sakhming mawi leh hmel mawina par tlana;
Buan ang kan pawm lai che hian,
Hriat ngai loh chhingkhual mi tawnah,
Mual min liamsan ka phal lo che.

Lo haw r'u, lo kal r'u, Zo hnahthlak zawng zawng te,
Kan ram chhan a, timawi a, ti vul zelin;
Suihlungrualin pheikhai vawr ila,
Khuavel chhing zo tu kan ni ngei ang.

Sirva nungcha te muangin an leng,
I chhunga leng Zofa zawng te;
Nang ngai reng reng chung hian hmatiang kan sawn e,
Nang lo ramdang reng kan nei love,
Aw Zoram, ka ngai em che.

I mawina thianglimna thlir zel la,
Zofa nau ang kan hlim lai hian;
Derna anka tawng hian ka phal lo che,
Chuai ve ngai lo i rinawmna,
Zofa tan vawng reng ang che.

Famchang tura'n zawng ka phal lo che,
I thihnaah chuan thi vein;
I lawmnaah pawh ka lawm zel ang,
Chatuan rammawi ka thlen pawhin,
Aw Zoram, ka nghilh lo'ng che.

6 Aug 2016

A chiang leh zual thin

A chiang leh zual thin

Phuahtu: R Lalthangluaii
Satu:Pensy B Lalthangliani

He lei hringnun kawng ka zawh mek lai hian
Harsatna thlipui ten min nuai vel thin a
Zirtirtu kan boral dawn hi tia an au ang khan
Lalpa ka auva anin min hnehsak ta.

A chiang leh zual thin harsatna hunah,
A hmangaihna leh A thiltihtheihna;
Ka rah chin zelah a A rinawmna ka hmu,
Ka fak zel ang ka Lal ka chhandamtu.

Hmu tawh leh hre famkim a inngaiin,
Ka duhtawk chinah Lalpa ka zui thin che;
Keimahah ka lo in pathian ve thinna kawr ngei hi,
Lungngaihna min thlen tu mai an lo ni e.

Khawvel miten hrethiam ve lo mahse,
Van lawmna thuruk keimahah I dah hi;
Kan pawnlam mihring chu lo awngrawp fo thin mahsela,
Kan chhunglam mihring chu siamthar zel a ni.

Nitin Lalpa ka nunah thusawi la,
Mosia iangin hmun thianghlimah min dah la;
Chutin I aw chauh ngaithla in ka zui zel fo ang che,
Rinawmin Lalpa i tan ka nung tawh ang.

11 Jun 2016

Min chhungkhat leh thin

Min chhungkhat leh thin

Satu: One in Christ

He zinkawng har takah hian ka ke pen te lo chauvin,
Ka phur ten min delh chauh chang awm thin mahse;
Tanpuitu hnai reng Lalpan min chawisang leh thin.

Tuinung lui kang ve ngai lo chuan,
Chakna thar thlarau thar in min thuam thar leh thin;
A van Manna thlarau thianghlim in min chhungkhat leh thin.

Ka chakloh ber lai pawh in ka ke pen min veng sak a,
Kal ngaihna reng hre lova ka rum laiin;
Ka banah min chelh reng in min kai chhuak leh thin.

Beidawng a ka awm laiin beiseina nung min pe a,
Harsatna thlipuiin min nuai thin mahse;
Ka in humhimna Lalpan min hualhim leh thin.

4 Jun 2016

Thian rinawm

Thian rinawm

Satu: Zolawmsangi

Thapui i rualhlui nen zamual in liam ni khan,
Suihlung a phang ngei ka thlir ngam lo in liamna tlang;
Chin lai fam ro lungmual liam ni pawh thleng se,
Chhing mittui hei zat a far lo'ng e.

Kei zawng i tawnah ka tling zo nem le,
Hmangaih vang hian ka hrilh nang che Lo ngai ve la;
I lenkhua ti tlai mai tu nih reng ai chuan,
Ngai chung zel hian ka kiang mai nang e.

Hringmi lungduh hmangaihna par,
Ning lo ten kan tlan thin a maw;
Hlunlo tur hmangaihna par tlan reng ai chuan,
Thian rinawmberah in thlang zawk ang.

Kumtluang nuthai atan tuah kan rem silo,
A pawi ngei mai lenlai ruallo kan chan hi;
Thlang khuan dim zawk mai la hraileng awiin,
Khuanu leng malsawmna dawng zel nang che.


3 Jun 2016

Sawiselboi (Biangnote)

Sawiselboi (Biangnote)

Phuahtu: Siama (Vulmawi)
Satu: Vulmawi, Israel Lalbiakrema

Bawihte, i Sakhmel ka tawn ni a'n khan,
Lairilah engdang reng a cham thei lo;
I sakhming an sawi rik mai hi chuan,
Lairilah dar ang a thang reng.

I sakhmelmawite leh anka nemte,
A thlum ngei ka tana khawizu aiin;
Ka vei reng thin asin,
I chhingmit mawi zia leh biangnote kha,
Kei ka tan chuan tahna titamtu a ni,
Biangnote...aah....

Vawikhat tal, biahthu di min hlan ve hi,
Han dawn ve la theih lul lo maw?
I pianmawi ziate ka hai bil si lo,
Tuar i har ngei, tuar har mi u.

Ka vanduai chuang ngei leng zawng zinga'n,
Khi zun ngai khian ka uai hne hne;
Min hmangaih vein min fawp ve se,
He khawvelah ka lawm ber awm.

Lal Isua hmangaihna

Lal Isua hmangaihna

Phuahtu: T Laldintluanga
Satu: Ramhlun North Pastor Bial Zaipawl

Lal Isua hmangaihna ropui hi,
Hringfa ten kan hre fiah zo lo fo thin;
Hmangaihna thuril danglam leh mawi chu,
Lal Isua hmangaihna hi a ni.

Nun chau vin i rum thin maw? Beidawngin i tap thin maw?
Lal Isua hmangaihna chuan a nghak che;
Sawmtute a hnar ngai lo, tlai luat pawh a awm ne maw,
Lal Isua hmangaihna hi a mak a ni.

Lal Isua hi, aw, a mawi ber e,
Hlinglukhumin phuar vel mahsela;
Ka Lal, ka Chhandamtu chu ka fak ang chatuan thlengin,
"Haleluiah" tiin ka fak ang.

Bawrhsawmna ka tawh chang leh chak lova ka awmlai pawn,
Lal Isua hmangaihna chu a tawk e;
Malin min awmtir ngai lo zanthim pawh,
Amah nen chuan muang takin ka kal, Amah ka thian a ni.

Eng dang reng ka ngai tawh lo'ng,
I hmangaihna kut chauh hi, aw Isu, ka tan a tawk khawvelah,
Van hmunmawi ka thlen thlengin hei hi ka chatuan hla tur,
Lal Isua hmangaihna hi a hlu ber e.

Sawi nin loh MK

Sawi nin loh MK

Phuahtu: Lalramnghinglova
Satu: Lalramnghinglova, H.Vanlalhlana, RL Lalbiaknunga.

Ka saron parmawi, ka rosepar MK,
I zunzam in hrualhrui angin min phuar;
A leng thin a sin, suihlung zawng a leng,
Sawi nin loh MK min ti riang thlawn tu.

A rem thei silo nang nen a len dun,
An phu hlawl lo che kan neih rosum ten;
Sawi nin loh MK min hrethiam mai rawh,
Ka liam mai ta'nge kan tling lo a ni.

I bahsam thlah hniang ka lungtiawi tu,
I sakruang kimtlang aw a mawi chuang e;
Eng kan ti tange khuanu leng pawh hian,
Runrem loh tur a min lo duan kher ni.

Thal khaw eng riai leh turnipui eng ruai,
Nangnen a nunhlui min ngaihzual tir tu;
Hun leh ni te hi herliam zel mahse,
Nang ngaih hi puan ang ka bang chuang lo'nge.

Awle damtakin, damtakin mangtha,
Zai a chawi che hi ka bang dawn silo;
Chhawrthla en changin min han hrereng la,
A tawk ta MK phuloh di chhai nan.


28 May 2016

I tello in

I tello in

Satu: Triau Trackx

Eng dang nge ka sawi leh ang?
Eng thil nge ka tih leh dawn?
Nang chelh tur che in.

I tan engkim ka huam,
Ka thinlung zawng zawng in;
I thatna turan ka ti,
Mahse maw, ka theihtawk i tan a tawk lo.

Ka tellovin engtinnge i hringnun i hman tak ang le?
Ruahpui lo sur in thlipui lo tlehin;
Chhumpui zingin ni a hliah hunin,
Ka tello in engtinnge i awm tak ang le?

Hmangaihna mit a del an ti,
Aw, a thlang sual a ni,
Hringnun a chhiar sual a ni.

Ka theihtawk a chakin ka um a,
Ka awrawl tawpin ka au a;
"Lo kir rawh" tiin,
Mahse maw, ka theihtawp a tan a tawk lo.

Ka tello in engtinnge a hringnun a hman tak ang le?
Ruahpui lo sur in thlipui lo tlehin;
Chhumpui zingin ni a hliah hunin,
Ka tello in engtinnge a awm tak ang le?

Tanpuitu a au ang a,
Tu in nge tanpui ta ang le?
Beidawng leh chau in a tlu ang a,
Tu in nge kaitho in tanpui ta ang le?

I tello in engtinnge a hringnun a hman tak ang le?
Ruahpui lo surin thlipui lo tleh in;
Chhumpui zingin ni a hliah hunin,
I tello in engtinnge a awm tak ang le?

Ruahpui lo sur in..aw...
I tello in..engtinnge a awm tak ang le?

2 May 2016

Lungrun  (Siama Vulmawi phuah)

Lungrun (Siama Vulmawi phuah)

Phuahtu: Siama (Vulmawi)
Satu: Zorinzuali Khiangte


Lungrun, engvangnge rial ang a i rum le?
I lungchhiatna hi hriatthiam zawng a har thin e;
Engvanga  tap nge i nih le, lungrun,
Min hrilh teh, min hrilh teh.

Lungrun, i chun leh zua te'n enge an sawi?
Tlei dang khiangawia'n an tir ta che em ni?
Hei vanga tap maw i lo nih, lungrun,
Tap lul suh, tap lul suh.

I chhingmit tui ka lo nul ang e,
Tahlai bangin  bang hram ang che;
Lengdang tanga bei tura'n zawng,
Ka phal lo che
.

Lungrun, an tirhluihna che i hnial vangin,
Doral iang hnamsen hial len nuam maw i zuapa'n;
Ka va lainat ngai che em, lungrun,
Ka pawm vawng vawng nang che.

Lungrun, ka tana i rinawm em vangin,
Ka hmangaihna che hi a let zain a zual ta;
Nang ang ema rinawm hi, Lungrun,
An piang lo'ng vanhnuaiah.

25 Apr 2016

Hringnun piah pialral ram

Hringnun piah pialral ram

Phuahtu: Pastor C Saikhuma
Satu: C Luri, Bektei Sailo

Awmkhawhar zual chang ni a thleng thin a,
Lei hringnun hi ka dawn vel thina thiamtawk tein;
Mahni duhaisam a lo piang kan awm lo ve,
Zamual kan in liamsan leh mai thin e.

Hmangaihna partlanin dar ang kan lo leng za thin,
Mahse, he lei hi zawng anchhedawng ram a lo ni;
Lungduh kan then tak te nena kan lenna tur,
Hringnun piah pialral ram ka ngai thin e.

Khawvel thil reilotea boral tur,
Chhuan zawng zawng thlenga awm tur ang hian kan lo din a;
Partin vulmawi chhing chheng a lo chuai mai ang hian,
Damlai ni kawlkunga'n a liam leh thin.

Damlai piah chatuan ram ka thlir thin a,
Sam ang inthen hnute kan intawk leh ngei angem?
Chung Pathian malsawmtu leh dawt sawi ngai lo chuan,
Hmangaihte tan a tiam ka ringhlel lo.

Lallunghnem, min awm rawh, ka ngai em che,
I tel lo chuan damlai kawng chhuk chho tuan ka zuam lo;
Ka hmuh theih zawng zawng hi a chul zo dawn si a,
I lenna Zion ram min thlen ang che.

3 Apr 2016

Ka zin kawng

Ka zin kawng

Phuahtu: Lalnunpuia Hrahsel
Satu: Emily Vanlaltluangi


Lalpa ka dilna ngaithla la,
Ka biak zin hi lo chhang ang che;
Khualzin lamtluang ka zawh mek laiin,
Min veng in min awmpui ang che.

Tlangkar phei leh kawr ruamah te,
Lamkawi chhuk leh chho zawng te hi;
I tello chuan zawh ka zuam silo,
Chhun emaw zan engpawh nise.

Ka zin kawng mi hriatpui la,
Nitin nang nen lendun ka nuam;
Ka lei kum te a ral hunin,
Min thlen ang che ka lungkham ram.


Kham leh do ruh tam tak a awm,
Zim zawh harsa leikai te pawh;
Ruahpui leh romei pawh zam se,
Nang nen chuan him takin ka kai ang.

Nghakhlel taka thlir tute nen,
Hlim taka len tlan hun tur chu;
Min hruai zel la lung hmunkhat in,
Min thlen ang che siang ka runah.

20 Mar 2016

Duhthlanna ruamah

Duhthlanna ruamah

Phuahtu: Lalnunpuia Hrahsel
Satu: Pensy B Lalthangliani


Awlsam taka Krista zuitu nih i duh a,
Tuar leh channa tello in a zar zo i chak thin maw?
Mahse, Kraws kawng erawh chu chutiang a ni silo,
Channa ruamah zawk tuihna thar chu intur a lo ni.

Ka unau kraws tello chuan lallukhum a khum theih loh,
Thihna lo chuan thawhlehna puan a sin theih loh;
Mahni nun chan huam a zuitu a ni Lalpan a zawn ni,
Duhthlanna ruamah Lalpan i chhanna a nghak mek e.


Kraws hmu silo in khenbeh nun neih i duh a,
Thi si lo in thawhlehna nun chu tawmpui i tum thin em?
Thlarau tellova thlarau mi nih a theih silo,
I thihna hmunah zawk thlarau nunna a awm zel ang.

Tlangsang a ding in hlawkna nun neih i duh a,
Sardis iangin thi reng si hian nunna neih i tum thin em?
Len tellovin luipui sangha reng a man theih silo,
Lalpa tanpuina chauh hi midang manna a lo ni.

Lei mawina leh nunna lukhum i beisei maw?
Damlai mi hausa thih hnu Lalzar nun neih chu i duh thin a;
Mahse lal pahnih rawng chu a bawl kawp theih siloh,
Duhthlanna ruamah Lalpan i chhanna a nghak mek e.
Ka thlang zawk che

Ka thlang zawk che

Phuahtu: Lalrengpuii
Satu: Pensy B Lalthangliani & Lalramchhana


Ka nawmna zawng zawng te hi,
Lalpa i hnenah ka rawn hlan;
I chhiahhlawh nun zir zel turin,
Ka Lalpa ka lo kal e.

I ropui zia lanna turin,
I duh ang chuan min hruai zel rawh;
Reilo te sual nawmsak ai chuan,
Ka thlang zawk che ka Lalpa.


Ni hnuai a thil awm zawng zawng hi,
Engmah lo mai mai an lo ni;
Ropuina, lalna, hausakna,
Reilo te tan chauh an lo ni.

Mihring chawimawi leh fakna te,
Ka Lalpa i lawm chuang silo;
Mi chapo leh mifingte chu,
Lalpa chuan a hnawl zel si.

Thiamchantirtu Lalpa a ni,
Tu in nge thiamloh chantir ang;
Lalpa thu a ding chhuak zel dawn,
Halelui, Halleluiah.

Hnem dun ang

Hnem dun ang

Phuahtu: Zirsangzela Hnamte
Satu: Zirsangzela Hnamte


A leng lawk e, ka han dawnin,
Kei zawng hmangaih lenmawi;
Ti mai a e, inthen leh chu,
Lunglen tuar a har awm e.

Min han dawn ve thin la,
Thaikawi biahthu chauh tal chuan e;
Lunglen hnem dun ang aw.

Sakhmel tawnchhung tawiteah pawn,
Suihlung i dum ngei e;
Lunglen tizual thlawn mai turan,
Ka tawn che ka hlau ber mai.

Ka liam ta'nge keizawng ngaihlai,
In vang khawnuam pelin;
Tawn leh ni tur thlir chung zel hian,
Damte'n mangtha mai le.


Val to lo

Val to lo

Phuahtu: R Lalduhthanga
Satu: Siamthangi Hauhnar

Lai khum zalin a dawn vel a,
Enga'n nge maw kei val ve hian;
Tu suihlung mah ka len zawh ve loh le,
Ka tan chantawk an piang lo nge?
A piang tawh hi ka chang lo zawk?
A pawi lo ve, ka leng ziai ziai mai ang.

    Khaw'nge leng ang aw, leng rei ta sa sa,
    Leng zel ang aw, leng tar law law ang;
    Tu kan phu lo, tu'n min phu hek lo,
    Hraileng awi lo vin val ka fam mai awm e.

Vangkhuaah ar ang a vai a,
Tleitir run tin a kai pawhin;
Tu suihlung mah a len zo chuang lo ve,
Lenghnar ar in an hnar hawng a,
Lunghnurin riahrun a pan a,
Lungdi tawng lote'n a zal leh nge nge thin.

Mahse, thinlai dam ve deuh nan,
Lenrei pui tal awm ve sela;
Suihlunglen zual chang ka bel ve a'n,
Mahse maw, an awm tawh si lo,
A pawi lo ve, a pawi chuang lo,
Mahte'n damlai ni ka chen zo vek mai ang
-------
Hlathu rawn thawh tu: Feli Hauhnar 
 

9 Mar 2016

A tawpah Isua (Ka cell phone thawm)

A tawpah Isua (Ka cell phone thawm)

Phuahtu: Vanlalsailova
Satu: Vanlalsailova

Ka cell phone thawm a lo ri a, ka beng a aw ri chuan,
Lungngaihna awrawl tap ri a chhuak "tanpui ka ngai" tiin;
A mittui a tla e, tawng tha hleithei lo in,
Ka lei kawppui ka hmangaih nen thenna thu kan sawi a,
Tawngtaiin Isua min auh pui rawh.

Thangthar, hei hi hria la,
Krista tel lo hmangaih partlan hlim tluan an awm love;
Lungchhirin an au tanpui turin mihringah an beidawng si,
A tawpah Isua auh pui turin min sawm e.

Ka kawngka kik thawm a ri a, ka han hawn meuh chuanin,
A sakhmel a lungngaihna langchhuak tlangval a lo ding a;
A mittui a tla e, ka kiangah lo thu in,
A tisa duhthlanna vanga natna khirhkhan ber tawkin,
Beidawngin Lalpa auh pui min ngen.

Thangthar, hei hi hria la,
Krista tel lo nawmchen tute awhawm an awm ngai lo;
Lungchhirin an au tanpui turin, Pathianah an kiltawih si,
Tukhaw hriat loh in damlai hremhmun an tuar thin.

Ka thiante runa ruai chawhlui kila ka kal ni chuan,
Lei ropuina hnawla Krista zui fehchhuak a lo ding a;
A mittui a tla e, mahse, lawm avangin,
Midangte tan a nun hlan a, Krista tana tawrhnaah,
 "Inchhirna ka nei love" tiin.

Thangthar, hei hi hria la,
Mittui tla chung a tuh te'n hlim takin an at ang;
Tap chungin buhchi chhuahpui mahse,
An buhphal kengin hlim takin an lo hawng ang,
(A tawpah Isua hlim takin an tawk leh ang.)

10 Feb 2016

Valmawi

Valmawi

Satu: Elizabeth Zodinpuii

Hmanah lungrual a hlimten lengdun in,
Duhlai tangbel in biahthu tin kan hlan;
Mahse hmelma lunglian lo hrang in,
Hmangaih lungduh sam ang then tir e.

Tuar zo reng hian ka mawi lo,
Duhlai lengdang tawnah i vul tur;
Kimten dawn chiang la dawt thu zawng,
Lam ang let hian ka ring che,
Ooo..ooo..valmawi..valmawi.


Kumsul lo liam in ka dawn dang silo,
Aw nang nangchauh lo zawng e mi u;
Hringnun lamtluang mahriak ten ka zawh zuam lo,
I tangbel in kumtluang hman ka nuam.

Hun leh niten duh ai sam herchhuak e,
Khuanu malsawm in lo her leh che;
Ka hril seng lo aw ka lung lawm zia,
Khuavel ka tan a parvul leh e.

31 Jan 2016

Lenmawi

Lenmawi

Satu: Gnat Lalrinchhana

Ka thinlai luahtu lenmawi,
Tiang em a lungdumtu tawng leh hian ka mawi silo;
Ngaih lungrun ohh..ohh.oo. ka thlang ber che,
Kumtluang run lum pui turan.

Ohh.ohh..oo..ka thlang ber che,
Kumtluang run lum pui turan.

Intawn chhung reilo te pawh,
Ka tan a hlu chuang e;
Tudang reng ka ngai billo, i kiangah chuan,
ohh..ohh.oo..samang then zai i rel lo'ng aw Lunrunpui.

Nghilhni awmlo sakhmelmawi te,
I lenna vangkhua an min han dawn ve che maw?
Kar hla di enchim loh, 
Ka tan vul zel ang che.

Ka thinlai luahtu duhlai,
Kan kar lam hla mahse;
Kumtluang rinawmna biahthu vawng zel ila,
Ohh...ohh..oo.. chutin hlim ten,
Lengdun ang aw kumtluang in.

14 Jan 2016

An pan zel e

An pan zel e

Satu: ATC Male Voice

Khawvel ropuina leh mawina te,
Kalsan in kan unau duhtak ten;
Lalpa kohna chu chhangin  ramthin ram reh ah,
An kal chhuak ta aw, Haleluiah.

Mittui nen buhchi an feh chhuah pui,
Mahse kirzai reng an rel silo;
Hreawmna leh manganna lo thleng mahsela,
Chhel leh huai takin an kal zel e

Rinna in hmalam an pan zel e,
Rethei leh manganna karah pawh;
An Lalpa thupek zawmin nunna thu la hre lo te hnenah,
Hmangaihna chanchintha chu huai takin an hril zel,
Chawllo in hmalam an pan zel e.

Khawvel miten hmusit thin mahse,
Tihduhdah hreawmna karah pawh;
An Lalpa thupek zawmin rinna chu vawngin,
Midangte tan an nun an hlan ta.

Leiah hian rethei in awm mahse,
Chawlhna ramnuam chu an thlen hun chuan;
Felna lallukhum khum in an eng reng ang a,
Hlim takin chhandamtu kiangah chuan.

Aw, chatuan khua a lo var hunah,
Hmangaih vanga rawng an bawl sak thin;
Chhandamtu Lalpa nen chuan hlim takin an intawk leh ang a,
Thlaraubo Lalpa hnena an hruai te zawng zawng nen,
Chatuan in hlimin an leng za ang.

Thuvate

Thuvate

Phuahtu: C.Lalkhawliana
Satu: Vanhlupuii, Durtlang Zaipawl (YMA Branch Durtlang)


Thuvate nunnem,
Sawmfang hmun hlui chul fan ni in;
Rualhlui ngaih tizual e,
Lunglen zai sai sa se,
Thuva nunnem te,
Chul thlam kawt zar thing ro bel che,
Kawppuii hrereng in lunglen zai sa che.

Chung vanzawl a thlawk a khua chuan vanlaimu pawh,
Leng leng velin mualtin hrut e, kawppui then ve em ni?
Keimah ianga lunglen ve bawk i nih chuan in e,

Sul hmun nghak thuvate zuangin lo tum thla la,
Sul hmun ngai thuvate lunglen thu hril dun ang.

(*Awmhar hluan...thuvate lunglen thu hril dun ang aw.)

Thuvate nunnem,
Sawmfang hmun hlui chul fan ni in;
Rualhlui ngaih tizual e,
Lunglen zai sai sa se,
Thuva nunnem te,
Chul thlam kawt zar thing ro bel che,
Kawppuii hrereng in lunglen zai sa che.

Thuva awmhar te,
Ngaih ti zual e zozam par tlan;
Rite zau au saw,
Lung mu hnu an tho,
Thuvate nunnem,
Chhun har nisei tahlai bang la,
Lunglen sep dun ang awmhar riang ve ve.

8 Jan 2016

Khawngaih chhandam

Khawngaih chhandam

Phuahtu: V. Thangzama
Satu: Zoramchhani & David Vanlalpeka, Philia


Hun hlimawm ber a thleng dawn ta,
Khawngaih vanga chhanchhuah te tan;
Kan lei hun chhiar a kim dawn ta,
Khualzinte lawma kan chawlh nan.
Kawng tluana min hruatu ber chuan,
Kawng chin a hria, kawng min hawn ang;
Ka zin hla hlui a tawp hun chuan,
Khawngaih chhandam hla ka sa ang.

Lal hmaah kei ka lan hun chuan,
Min hriat ang hian ka la hria ang;
Chhandamtu hmel ka hmuh hun chuan,
Kawngaih chhandam hla ka sa ang.


Kam dam chhung hun hahthlak takah,
Thlipui leh sualna hrang karah;
Hlim taka kal a va harsa,
Mahse, ka hnaih zual hahdamna.
Zai la ka thla, zai kawngtluan la,
Min khawngaihtu'n min hruai zel e;
Chawimawina ni a chhuak dawn ta,
Hmachhuan luiral kan kai dawn e.

Kawng tawp a lang thei rii riai e,
Hla mahse min hruaitu ka hria;
Amah ang thian ka tawng lawng e,
Tu hriat sen loh min hmangaihzia.
He kawng zawha hliam leh tlute,
Mittui nena zawh zotute;
Hnehtu chanvo an lo pek ang,
Krista zarah ka chang ve ang.

Sem sem dam dam

Sem sem dam dam

Phuahtu: B. Bawlkhuma
Satu: Ramhlun South YMA Zaipawl, Dawrpui Vengthar YMA Zaipawl

Hmanah Pi-pu lenna vangkhuaah,
Suihlung rual te'n lal leh a riang fa;
An leng dial dial Zonun ti mawia'n,
An inhlan thin e, chanai tha.

Sem sem dam dam, ei bil thi thi,
Sem sem dam dam, sem sem dam dam;
Puan ang chul hnu kan nun zemawi kha,
Par angin lo vul leh rawh se.


Thiam leh finna lo san zel lai hian,
Rethei hausa inkar a zau si;
Dinthar ka nuam kan nun zemawi kha,
Par ang a lo vul leh turin.

Thlafam chang hnu kan pi leh pute,
Lo tho leh se engtin min ngai maw?
Lawmin an hlim thei hian ka ring lo,
An nun mawi par ang a chuai hi.

Hmana pi leh pu te ang khanin,
Chanhai, riangvai, thlachham, pachhia te;
Tanpui ngai tanpuitu ni zelin,
Chuti'n ram nuam kan siam ngei ang.