Home » » Sawi nin loh MK

Sawi nin loh MK

Phuahtu: Lalramnghinglova
Satu: Lalramnghinglova, H.Vanlalhlana, RL Lalbiaknunga.

Ka saron parmawi, ka rosepar MK,
I zunzam in hrualhrui angin min phuar;
A leng thin a sin, suihlung zawng a leng,
Sawi nin loh MK min ti riang thlawn tu.

A rem thei silo nang nen a len dun,
An phu hlawl lo che kan neih rosum ten;
Sawi nin loh MK min hrethiam mai rawh,
Ka liam mai ta'nge kan tling lo a ni.

I bahsam thlah hniang ka lungtiawi tu,
I sakruang kimtlang aw a mawi chuang e;
Eng kan ti tange khuanu leng pawh hian,
Runrem loh tur a min lo duan kher ni.

Thal khaw eng riai leh turnipui eng ruai,
Nangnen a nunhlui min ngaihzual tir tu;
Hun leh ni te hi herliam zel mahse,
Nang ngaih hi puan ang ka bang chuang lo'nge.

Awle damtakin, damtakin mangtha,
Zai a chawi che hi ka bang dawn silo;
Chhawrthla en changin min han hrereng la,
A tawk ta MK phuloh di chhai nan.


Share this article :

1 comments:

Lawma Khiangte said...

Chang thumna, tlar 3na hi, 'Hun leh nite hi her liam thin mah se'tih zawk tur...

Post a Comment

 
Copyright © 2008. Mizo Lyrics - All Rights Reserved
Thanks for Your Visit ! Please Come Back!!
BACK TO TOP