20 Dec 2017

Krismas ni

Krismas ni

on December 20, 2017 0 Comment
Phuahtu: John Mawitea & Mapuii Fanai
Satu: Zorinzuali Khiangte

A herchhuak leh ta e lawmna ni chu,
Kha chen thal tui iang kan nghah khuarei mahse;
Tunah a lo thleng leh ta hlimin i lawm ang,
Hlimin i lawm ang u hringmi zawng ten

Krismas ni a herchhuak leh ta e,
Kan vannei em e zaleng zawngte;
Lungrual ten zai i vawr ang u,
Tumah thinlaina awm tawh lovin.

Nunhlui puan ang lo hnawl tawh la,
Chutin i lungngaih zawngte sirah hnawlin;
Hei ang reng a hlimna ni a awm chuang lo'ng e
Hringmi zawng tan hian.

Kumpui sul ang a lo herchhuah hian,
Chhungkim dar ang lenlai ni ka dawnin;
Tapin luaithli ka nul leh thin,
Mahse, tunah lawmna ni mitin tan a ni.

In nghak zel ang

In nghak zel ang

on December 20, 2017 0 Comment
Phuahtu: C. Lalramsanga
Satu: C Vansanga, Lalpanliani (Pantei), F Zomuanpuia

Chhawrthlapui leh siar zawng khi,
Lungrual te'n an len chhung chuan vanzawlah;
A chuai dawn lo i tawnah, Mapui,
Ka neihchhun hmangaihna zawng hi.

I chun leh zuate lo hrangin,
I vullai thliah chak hle mahse;
Vawng zel ila kan tiam thu di,
In nghak zel ang aw, khuarei mahse,

Eng dang ka thlang chuang lo keizawng,
An sawi khawvel mawina zawng ai pawhin;
Ka thlang zawk rinawmna kan tiam kha,
Vawng zel ila bawihte, nang nen.

Nang nen a kan hlimlai ni zawng hi,
Khuarei changin khawvel tawp thleng pawhin;
Nghilhni awm thei hian ka ring silo,
Ka tan i hlu, pialral i ni.


A rei ta e

A rei ta e

on December 20, 2017 0 Comment
Phuahtu: Ch. Malsawma
Satu: C Vansanga

Thinlaina reng a dam ve nan,
Hmangaih biahthu min hlan ve la;
Chutin ka lei lawm a kim ang.

Han dawn ve la hmanlai,
Hlimte a kan lenlai ni;
Tunah erawh zamual an liam zo ta,
Tawn loh kar reng a rei ta e.

Zantiang chhawrthla a lo eng e,
Suihlung mu hnu a tho leh thin;
Ka ngai mang e nunhlui zawng kha.

Lenna tlangte a dang zo ta,
Sakhmel tawnni her thei si lo;
I hlimthla mai maw ka chan tawk.

Ka rawn zawng zel che

Ka rawn zawng zel che

on December 20, 2017 0 Comment
Phuahtu: Lalvulmawia (Vultea)
Satu: H Vanlalngura

Vanzawl chhawrthla lo eng hian lung min len kei zawng,
Chungtiangah thlawkin leng ila hlimni ka tawng mahna;
Lung min lentu thian duhtak vang khawpui tualah,
Mahten vaiin ka tham vel ana lunglen zawng.

Uaia chul mai an zawng ka phal lo,
An herliam par ang kan vullai ni;
Aw, ka thian, khaw'nge i awm tak,
Pialleia'n ka rawn zawng zel che.

Ngaiin ka au ruai ruai che lenrual zawng zingah,
I sakhmel tawnni awm lo a riang lungdam dan;
Nang nen kan sulhnu zawngte an herliam leh thian,
Ka thian duhtak hlim zai vawr dun ka nuam ngei e.


Aw Kraws, Aw Kraws

Aw Kraws, Aw Kraws

on December 20, 2017 0 Comment
Phuahtu: Sanglianthanga
Satu: Sanglianthanga

Kraws thu chu boral mekte tan chuan atna,
Chhandam fate tan Pathian thiltihtheihna;
Aw, Kraws, miten hmusit thin mahse,
Min chawisangtu ka chhuang zel fo ang che.

Aw Kraws, aw Kraws, Pathian thiltihtheihna,
Aw Kraws, aw Kraws ka va ngaisang che em.

Anchhedawng thing Krista thihna chu,
Ka thihnaah Lalpan min puan sak ta;
Adama mihrinna chu hlip thla in,
Krawsah ngei chuan min ti boral ta si.

Krista thihna a thi ve tawh te chuan,
Tholeh Krista nunna an chang ngei ang;
He dinhmun hi Lalpan i tan ngei chuan,
A siam che hi i haider dawn em ni.

Indona

Indona

on December 20, 2017 0 Comment
Phuahtu: Sanglianthanga
Satu: Crusader, Cindy Lalthanpuii

Aw, nangni ramhuai sual leh hremhmun sipaite u,
In thiltihtheihna leh in chakna chu;
Tih tlawmin a awm ta.

Aw, sual sipai Setana ho,
Mihring chhung a thawk thin te u;
Krista sipaite hneha tihhlum tumin beiin do mah ula.

Krista sipai rual ho te chuan,
He khawvela kan awm chhung hian;
Hneh ngei tur a thupek kan nih vangin,
Tlawm thei kan ni tawh lo.



Ka bahhnukte

Ka bahhnukte

on December 20, 2017 0 Comment
Satu: Omomi Khiangte

In dawn ve thin em lenrualte u lei hringnun hi,
Puan ang kan hnawl zel mai dawn em ni kan ram riangte hi;
Tlawmngaihna leh zonunmawi an liam em ni,
Kei zawng ka phal lo romei iang an ral tur hi.

Harh in tho thuai ang u chhinlung chhuak zofate,
Ram leh hnam humhalh in phei i khai ang u;
Mi u ten raltiang an kai hma ngei hian aw,
Ruihhlo do ila Zoramnuam i siam ang aw.

Eiruk, hlemhlet, duhamna tinreng puan ang hnawlin,
Kan ram rohlu dikna, tlawmngaihna vul tir zelin;
Puanven sawi chhing ila thang leh thar zawng hian,
An sawi thlang sappui nunzia reng kan ngai bil lo'ng.

Kan zam mai dawn em ni chhinlung chhuak zofa leng te,
Hnamdang tawnah hlan kan zuam silo kan ram riangte hi;
Ka bahhnukte khua leh tui ka chan ai chuan,
Hlan mai nang e ka sakruang hi Mizoram tan.

Ngaih lungrun

Ngaih lungrun

on December 20, 2017 0 Comment
Phuahtu: Valzotea
Satu: C Sanga

*Suihlung ni hian ka dawn thin,
Kan hlimlai ni zawng te;
Nghilh thei reng hian ka mawi lo,
Lung a leng em e.

*Saknawn/repeat

Nang ngaih vanga ka tah hi,
Bang thei reng hian ka mawi lo;
Ngaih lungrun, i dawn sual em ni,
Ti mai a lung min hersan ta hi,
Thinlai a na ngei e, ka tuar thiam mawlh lo.

**Nang ngaih vanga ka tah hi
Bang thei reng hian ka mawi lo;
Ngaih lungrun, min dawn ve thin em,
A riangte luaithli nula leng vel hi,
Nang ngai reng reng hian e, tlaini ka leng ta'ng e.

*Saknawn/repeat


Vanrama len ka nuam

Vanrama len ka nuam

on December 20, 2017 0 Comment
Satu: One in Christ

Ka dawn changin van lam thilpek ka nuna thleng zawngte leh,
Hmangaih vang a malsawmna ka dawng zawng zawng te hi;
Lei lal ten min pek theih loh chu ka dil ang a Lalpa chu,
Min chhang ngei ang tih ka hriat vangin.

Nang nena lendun ka nghakhlel vanhmun nuamah khian,
Kan buaina zawng leh lungngaihna a bo hlen tawh ang;
Hlimin chu hmun tharah chuan kan leng za tawh ang,
Nang nen a vanram a len ka nuam e.

Lei mawina leh ropuina ten he hringnun hi a luah fo,
Hun leh rosum thuneihna khawvel hian min dang si;
Mahse, chu hmunmawi thlen hun chuan kan ngaih tawh lo'ng lei nun hi,
Vanramah hlimin kan leng tawh ang.



14 Dec 2017

Thinlungah Lalpa

Thinlungah Lalpa

on December 14, 2017 0 Comment
Phuahtu: Laldana
Satu: Rebecca Zorintluangi

Chung khuanu ruat lanu thianghlim Mari chuan,
Bethlehem ran in tlawmah siang lawiin;
Van Lal fapa hrinhniang hrai duh leng a awi,
Chung Pathian hmangaihna luangliam chu.

Angel varte'n lawm hla mawiin an rawn awi,
Chung Pathian chungnungber ropui rawh se;
A enchimloh duatlai hringmi te zingah,
"Thlamuanna, remna, leng se" tiin

Mahse, thilpek ropui aiin thinlung lam hi a ni zawk.

*Chu zantiangah berampu rairah riangte,
Chibai buk turin kalchhuah zai an rel;
An riang ngei e, kutruak in an kal del del,
An tuanna vangkhaw daireh ata.

**Keini pawh he hun lawmawm a lo thlen hian,
Kutruak maiin lo awm thin mah ila;
Thinlai damten zanmu chhing thin ang u,
Thinlungah Lalpa a thleng a lawm.

* (sak nawn/repeat)

** (sak nawn/repeat)

Khawvel thim en tura chu

Khawvel thim en tura chu

on December 14, 2017 0 Comment
Phuahtu: Thangdanga
Satu: Lalruotmawi, Liandingpuii, Lalnunsangi Joute

Khawvel thim en tura chu,
Hmangaih puannem sinin;
Bethlehem tlang khawharah,
Chun riang Mari chawiin,
Inngaitlawm leh hreawm huamin,
Kan tan a lo piang ta.

 I chawimawi ang Lal Krista chu, 
Kan tan a lo piang a,
Hmanah miten lawm lo mah se, 
Keinin i lawm ang u;
Kan neih zawng nen a lo pianna, 
Bethlehem i pan ang.

Rinna thlain va lengin,
Bethlehem chuan ila;
Va fang ila, Lal Isua,
Kan tan a pianna hmun;
Chuta berampute nen chuan,
Fak hla kan rem ve nan.

Fakna zairi chuan a fan,
Bethlehem tlang khawhar;
Aw Lal Isu, tunah hian,
Ka thinglung fan ve la;
Chutin ka fakna hla ve chuan,
Rimtui a chhuah ve nan.

Hmangaihtu Lal, lo leng la,
Ka thinlung rawn luah la,
Keimahah Nang lo cheng la,
Ka mit min tih var la;
Tin, Bethlehem nau lo piang chu,
Ka lo hmu fiah thei ang.


13 Dec 2017

Tuai duh lawmlai Valte

Tuai duh lawmlai Valte

on December 13, 2017 1 Comment
Satu: Vanlalruati, Rebek Vanlalpeki

Saisenteta rianghluanan ka tuai enchimloh te,
I lo piang mi zawng laiah riang bik an maw;
Zoram leh hnam hmangaih luat vang hian  e,
I chun leh zua ten kan lum zo lo che.

Tuai duh lawmlai Valte aw, 
I lungtum kan ring thei lo thlafam chan hi;
I chun leh zua unau zawng te hian,
Kan ngai em che, aw, lamang lo let leh rawh.

Chutin khuanu leng zarah damten i lo seilian a,
Chun leh  zua duatten hming koh Valte;
Hraichawi zingah kan chhuanber lai che a,
Thlafam vangkhua maw min  chansan tak le?

I pianni leh Lal piancham lo intawng te kha aw,
Chhungkimten par ang kan lawm thin kha;
Tunah piallei thimah run i nghah chuan,
Kan theihtawk chu maw parmawi hlan che hi.

I sakruang piallei daiah rial angin ral mahse,
Rauthlain chatuan ramnuam i thleng tawh si;
Aw, chutah hringnun buaina ram pelin,
Hmangaih Lalpa chu i fak bik ta maw.

Tuai duh lawmlai Valte aw, 
I lungtum kan ring thei lo thlafam chan hi;
I chun leh zua unau zawng te hi,
Min lo hmuak ang  che van  kawtthler mawiah chuan.

Nunna a hawng ta

Nunna a hawng ta

on December 13, 2017 0 Comment
Phuahtu: C Lalzarmawia
Satu: Bethsy Lalrinsangi, Vanlalpari, R Lalhmangaiha
Msi & Dsi, BRSTAD

Hei le a lo thleng leh ta e mitin tan a chanchintha,
Thilpek ropui kan tan a naupiang chu;
Anchhedawng tan nunna kawng,
Bawlhhlawh ber silfaina tur,
Pathian fapa ngei kan sual tlan turin kan tan a lo piang e.

Halleluiah, Amen, remthu leng rawh se,
Chitin, tawngtin amah chu fak rawh se;
Kan tan hmuntlawmberah bawng in tlawm a lo thlang ta,
Fak rawh u, fak rawh u, nunna a hawng ta.

Lalpiang chu chibai buk turin,
Kan neih rohlu te kengin;
Kan thinlung te a lamah hawng ila,
Amah ang a bawlhlawh kai lo sual hneh nun kan neih theih nan,
A pianni champhaah hian i dil ang chu ngei a duh si.

Di chhawrthlapui

Di chhawrthlapui

on December 13, 2017 1 Comment
Phuahtu: V Thangzama
Satu:  Vanlalruati, Baby Malsawmtluangi

Zanin chu ka di chhaktiang chhawrthlapui,
Sakhmelah ka thlangber che;
Min tum ve che maw lo her hnai che maw,
Tlaivarin ka nghak ang che.

Ka di chhawrthlapui, i no kher mang e,
Lei  thim en la, muan ang che;
Lenlai chena leng zawngte min hnem la,
Liam lul suh la, ding reng rawh.

Theihchang teh sela lamtluang chhui dunin,
Suihlung ka rualpui tur che;
Mahse, rauthlaleng lamtluang em ni zawk,
Lungmawlin ka ngai thiam lo.

Ka di chhawrthlapui, hlei nga chu zuan la,
Lo let leh la ka tawnah;
Sakhming ko chein "zan lalnu" tiin,
Tuan rel lo la cham reng rawh.

12 Dec 2017

I mawi ngei e

I mawi ngei e

on December 12, 2017 0 Comment
Phuahtu: Lallawmsangi
Thluk siamtu: KC Lalruatdika
Satu: Gospeli

Hmanah chuan rualduh te nen,
Lalpian ni champha kan lawm thin a;
Tunah erawh tuanna mual dan vangin,
Mahten ka thlir, ka thlir thin sikni eng.

Aw, i mawi ngei e sikni eng,
Lengzawng lunglentu famngai khawhar hnemin;
Karhla di zunphur hnem la,
Keipawh min hnem ve ang che.

Theih chang se suihlungruala,
Chhunkim ten Lal thar  lo piang lawmin;
Lenrual lungduhte nen hlim zai vawr ila,
chutin lenglen ban zai ka rel mahna.

Aw, lenrual lungduh te u,
Lungruala perhkhuang tingtang chawiin;
Hlim  leh lawmin fak zai in vawr leh em,
Theichang se in kiang a len ka nuam e.

3 Dec 2017

Rangkachak kawngkhar (Thihna Jordan)

Rangkachak kawngkhar (Thihna Jordan)

on December 03, 2017 0 Comment
Lettu: FC Lungngailova
Satu: BCM Bawngkawn Pastor Bial Zaipawl

Thihna Jordan luipui kamah ka din reng lai chuan,
Van Jerusalem thar ka thlir a;
Rangkachak khawpuia siam lunghlu kawngkhar mawiah chuan,
Nghakhlel takin Lal Isuan min lo hmuak.

Van Jerusalem khawpui thar nuamah chuan,
Perhkhuang, tingtang leh rimawi zawng zawngte nen;
Van a vantirhkoh zaipawl zawng zawngte nen,
Mawi takin zai an rem,
Mitdelte mit a var ta, kebaite ke in an kal,
Phar te pawh an thianghlim ta;
Krista hmel duhawm an hmuh chuan.

Chu luikam mawi rangkachak kawngkharah ngei chuanin,
Lenrual kal hmasa ten min lo hmuak,
Thihna leh natna a awm lo lungkham, mangan a bo
Thihna luiral khawpui thar nuamah chuan

Kal thuai ang u

Kal thuai ang u

on December 03, 2017 0 Comment
Phuahtu: FC Minela
Satu: BCM Bawngkawn Pastor Bial Zaipawl

Ngaiteh u Lal Isua zuitu zawngte u,
Sual a phuar a mekte sangtam tak an awm;
Nitin an liam zel e.

Hawh u, ngawi reng a kan awm mai chuan,
Thiam kan chang dawn lo;
Kal thuai ang u chhandamna thu hril zel turin,
Van a angel zawng zawngte khian, 
An hril phak lo, min tlanna hi,
Hlim leh lawmin chhandamna thu hril zel ang u,
Van khawpui mawi thlen hma hi zawng.

Thim thuneihna hnuai a leng mek tam tak te,
Makedonia ram ang khan in au ve;
Engtin nge kan chhan dawn le.

Lal thupek ropuiber kengtu kan ni a,
Ngawirengin kan awm mai mai dawn em ni;
Nitin an liam zel si a.

Min tlanna hi vang a engel zawng zawng te khian,
An hril phak lo min tlanna hi;
Hlim leh lawmin chhandamna thu hril zel ang u,
Van khawpui mawi thlen hma hi zawng hril zel ang u.

Ka chhandamtu

Ka chhandamtu

on December 03, 2017 0 Comment
Lettu: L Hrahsel
Satu: BCM Bawngkawn Pastor Bial Zaipawl

Lalpa remruatna zawng zawngte,
Hrethiam vek hian ka mawilo e;
Hei chauh erawh hi chu ka hria,
Ka tan chhandamtu min pe,

Min chhandam turin Krista chuan,
A nun a hlan tih ka hria a;
Ka Lal leh chhandamtu atan ka thinlungin a pawm a,
Van hmun ropui tak kalsanin,
Misualte tan a rawn thi a;
Amak mange kei misual hi Lal Isuan min chhandam hi.

(Min hmangaihtu anung ka hria,
Ka tan a awmreng tih ka hria;
Lalpa Pathian, aw, ka Pathian,
Ka tan a awmreng tih ka hria.) (2)

Ka nunna leh ka thlamuanna,
Ka chakna hnar i lo ni e;
Ka Lal chhandamtu nitura thi a lo nung leh a chu,
Van hmun ropui tak kalsanin,
Misualte tan a rawn thi a;
Amak mange kei misual hi Lal Isuan min chhandam hi.

(Min hmangaihtu anung ka hria,
Ka tan a awmreng tih ka hria;
Lalpa Pathian, aw, ka Pathian,
Ka tan a awmreng tih ka hria.) (5)


Inpumkhatna

Inpumkhatna

on December 03, 2017 0 Comment
Phuahtu: Lalremruata (Mapuia)
Satu: K Lalthlamuankimi

Tinkim dawn changin thinlai a na thar leh thin,
Tlang tin, mualtin, a leng Zohnahthlakte;
Theih chang se suihlungrual a pheikhai vawrin,
Aw, insuihkhawm hi ka nuam ngei e.

 Aw, i mawi chuang ngei e ka pianna Mizoram,
Remna leh muanna kiltinah thleng zel se;
Hmar leh Paite, Mara, Thadou, Lai, tual lenna,
Aw, Zoram, inlungrual in aw hmatiangsawn zel nang che.

Lenna tlang dang mahse kan dang chuang love,
Chibil, hnambil, hmachhuan mai lo in;
Zohnahthlak, bul thuhmun unau kan ni,
Aw, inpumkhatin thuikhawm zai i rel ang aw.

Kan pi leh pu tlawmngaihna hlut zelin,
Dikna leh rinawmna vawng nung zelin;
Zonunmawi hmatiangsawnin parvul zel se,
Aw, kan ram leh hnam humhalhin i chawisang ang.

Aw, Zoram, tho la, hmalam pan rawh,
Thianchhan thihngam pasaltha tho rawh u;
Kan ram, kan hnam, tungding a siamtha turin,
Zohnahthlak zawngte insuihkhawm ang u.


Beseinain

Beseinain

on December 03, 2017 0 Comment
Lettu: C Lalramdini
Satu: Gospeli

Beiseinain kan nghak e chhandamtu,
Lo kal la Imanuel;
Kan tan thuthiam zawlneite puanlawk chu,
Lo kal la Imanuel,
Ropuina eng in vanah khan, angel zaipawl hla mawi chuan.

Khawvel lawm nan, khawvel lawm nan,
A lo kal e, a lo kal e, Lalpa;
Khawvel lawm nan, mitin chhandamtu,
A lo kal e, a lo kal e, Lalpa.

Mesaia, ram zawng zawng chung a Lal,
Lo kal la Imanuel;
Min tlantu chu kan tan a ding, kan tan a awm,
Lo kal la Imanuel
Van kawngkhar hawn a ni e, ngairu an fakna hla chu.

Ro a rel ang chatuanin, chatuanin,
Ro a rel ang chatuanin, ro a rel ang chatuanin,
Chatuanin, ro a rel ang chatuan thlengin.

Khawvel lawm nan, khawvel lawm nan,
A lo kal e, a lo kal e, Lalpa;
Khawvel lawm nan, khawvel lawm nan,
A lo kal e, a lo kal e, Lalpa.

 Ro a rel ang chatuanin, chatuanin,
Ro a rel ang chatuanin, ro a rel ang chatuanin,
Chatuanin, ro a rel ang chatuan thlengin.

Lo kal la Imanuel,
Lo kal la Imanuel,
Lo kal la......

30 Nov 2017

Van Jubilee dar

Van Jubilee dar

on November 30, 2017 0 Comment
Phuahtu: Krista Thuhretute
Satu: Krista Thuhretute, Operation Kingdom Ministry (Trio)

Hringmite ropuina a lo lang e Kalvariah
Thihna thlan thim ata kan nunna chu;
He thuhril turin Lalpa'n tunah a sawm nghal che.

Van Jubilee dar a lo ri e,
Lawm ru, lawm ru, hlimin au ru;
Thihna pialral kawngkhar a hawng ta e,
Chatuana nunna Isua Krista'n a buatsaih ta.

Hringmite ropuina atan Lalpan a ruat ngei chu,
Hmuhsit, sawichhiat, amah vanga tuar ten;
An khum Lalpaah a ropui e, Halleuiah!

Ropuina, chawimawina, mahni chung a beltu ten,
An hrethiam lo Kalvari thu in thup hi;
Mihring finna in a chhui phak lo, a chhui thiam lo.

Krismas khawnge

Krismas khawnge

on November 30, 2017 0 Comment
Phuahtu: Rodawla
Satu: Bawngkawn Pastor Bial Zaipawl

Krismas khawnge i hman ve dawn,
Tiin nang leh kei min zawt maw;
Duhthlanna fim tak chu hmangin,
Lal thar chibai kan buk ve dawn

Bethlehem mual dai kawm hrutin,
Ran In tlawm lam i pan ang u;
Min tlantu Lal lo piang a chu,
Kan neih rohlu i hlan ang u.

Min tlantu lo pianna kawng hi,
Kawng ngil leh kawng nuam a ni lo;
Kawng bumboh leh kawng hreawm chu,
Kan tan a rawn thlang zawk a ni.

Hei bak min tlantu tur dang hi
Piang tur dang reng an awm si lo;
Amten chibai buk chung zelin,
Duatten i chawi mu ve ang u.


Famkim lohna khawvelah

Famkim lohna khawvelah

on November 30, 2017 0 Comment
Phuahtu: B Sangmawia
Satu: BCM Bawngkawn Pastor Bial Zaipawl

Famkim lohna khawvelah kan cham chhung hi chuanin,
Lungngaihna ten min hual vel thin a;
Chhandamtu hmun buatsaih hmangaih fate lenna ramah,
Kan lawm a kim tawh ang.

Fakna hla mawi sa in ka zai ngei ang,
Zion khawpui kan thlen hunin;
Hmangaihtu Lalpa hmel duhawm chu kan la hmu ngei ang a,
Hlim leh lawmna chuai thei lo chu kan chang ang,
Fakhla mawi rem in hlim in kan zai ang.

He khawvel hun leh nite an lo ral hunah chuan,
Lalpan a mite a ram nuam ah min hruai ang;
Chatuan a muanna kim chu kan hmu ngei ang,
Chawlhna ram nuamah khian.

Lal Isua thisen hlu a tlansa zawng te chuanin,
Hemi khawvel a kan cham chhung in;
Rinawm in Lalpa tan i thawk ang u,
Chawlhna ram nuam kan la thleng ngei dawn si.

Hun tha leh hun lawmawm, chhandamna ni a liam mek,
Muang lo in Lalpa chu rawn pan la;
Tlansate an lenna van khawpui mawi chawlhna ram nuam,
I la thleng ve ngei ang.

Ngaihdan a tam

Ngaihdan a tam

on November 30, 2017 0 Comment
Phuahtu: Vanramngena
Satu: Lalruatfela Pachuau, BCM Bawngkawn Pastor Bial Zaipawl

Aw, khawngaihtu kan ngai a che,
Mite ngaihdan hrang a tam si;
Keimah mai chuan kal ngaihna ka hre lo,
Min zirtir leh ta che i kawngdik chu.

Ngaihdan a tam, pawmdan a tam,
Keimah chuan kal ngaihna ka hre lo;
Ka kawng hruaitu - Thlarau Thianghlim,
Kan ngai a che, lo hnai leh rawh.

Setana'n min bei mek a ni,
I kawng dik pen bo san turin;
Tunah Lalpa ka au ta che a ni,
Min zirtir leh ta che, i kawngdik chu.

Lawmin ka au tawh mai dawn e,
Zaiin ka fak zel dawn che em ni le?
I ngaihdan angin min kal tir mai la,
Lalpa, chu chu ka tan kawngdik a ni.

Misual bo hnu

Misual bo hnu

on November 30, 2017 1 Comment
Phuahtu: Roliana Ralte
Thluk siamtu: Vanlalauva
Satu:  Bethlehem Pastor Bial Zaipawl, BCM Bawngkawn Pastor Bial Zaipawl

Misual bo hnu Isuan min chhandam
A nun a pe Kalvariah
Kan sual chung hian min hmangaih reng a,
Ngaihdamna in zalen ka ni.

 Hmun ropui chang tlak tawh lo hnu,
Lal Isuan min siam leh ta;
Hmun ropui chang tlak tawh lo tan,
Lal Isuan ka tan min buatsaih vanah khian.

Eden sual tlan nan a thi Lal Isua,
Mi zawng zawng tan a man a pe;
Keimah ni hi a ni min hmangaih,
Hmangaih vang in chhandam ka ni.

Kan Pa vana mi kan lawm em em e,
Malsawm tinreng in min vur a;
Nangmah chauh chawimawi thei turin,
I kut chakin mi hruai zel rawh.

Ka damchhan Isua

Ka damchhan Isua

on November 30, 2017 0 Comment
Phuahtu: PC Lalneihtluanga
Satu: Bawngkawn Pastor Bial Zaipawl

Lalpa remruat dawn lo hian ka mihring remruatna in,
Ka duh lamtluang zawh in ka tlan thin a;
Mahse, Lalpan min hmuh tir ka lo va han hre lo em,
A remruat a innghat tur hi ka lo ni e.

Ka Lalpa thatzia hi ka dawn chang hian,
Halleluiah! a va ropui em;
Ka thatna tur a engkim min lo ruat sak hi,
Kei misual hian ka va phu lo em.

Hahchawlhna zawng nun hahthlak, nun riangvai, khawhar tak hi,
Harsat buaina chhumpui ten min chim leh thin;
Mahse, Lalpan min awmpui hlauh tur reng ka lo nei lo,
Lungkham tur pawh ka nei lo he khawvelah.

Lawmna mak tak ka neih hi khawvel in min pe lo,
Ka damchhan Lal Isua min pek a ni;
Lei lawmna aia ropui van lawmna in ka lo khat,
Aw, chutah van nun ropui ka tem leh thin.

Ka duhber che Lal Isu, i tan tling lo mah ila,
Ka damchhan beiseina i nih vang in;
Ka tlinna leh ka mawina, ka chawlhna, ka lungpui nghet,
Engkim a ka engkim nang ngei i lo ni e.

Nitinin thlemna fiahna te tawkin

Nitinin thlemna fiahna te tawkin

on November 30, 2017 0 Comment
Phuahtu: WB Stevens
Satu: Bawngkawn Pastor Bial Zaipawl (2016-18)

Nitinin in thlemna, fiahna te tawk in,
Lungngai leh chau in kan rum thin a;
Thenkhat erawh chu nuam in an leng si,
Engvang nge hriatthiam a har a ni.

 Mahse, a rei lo'ng, a rei tawh lo ang,
Engkim chiang takin kan hre thuai dawn;
Lungngaihna zawng hi lawmna tikim tu,
An la chang dawng si reiloteah.

Damlainiah hian harsatna tinreng,
Tlakchham, retheihna, kan tawh laiin;
Thenkhat erawh chu mangan hre lo in,
Engvang nge hriatthiam a har a ni.

Thihna, lusun tuar, vanduai, rethei te,
Hreawm tinreng tuar lungngai fa te;
Lunghlu kawngkhar mawi kan thlen hunah chuan,
Engvang nge chiang in kan la hria ang.

Nakinah Isua lo kal hunah chuan,
Ropui in amah kan hmu ang a;
Van in nuamah khian min hruai hunah chuan,
Engvang nge chiang in kan la hri ang.

Lalpa hriatna

Lalpa hriatna

on November 30, 2017 1 Comment
Phuahtu: John Zorammawia
Satu: Bawngkawn Pastor Bial Zaipawl

Hlau leh khur a hringnun kan hman lai in,
Lalpa thu a lo thleng ta, a va ropui em;
Engkim mai hi ata a ni tih min hriattir, Halleluiah!

 Aw, a va hlu em, Lalpa hriatna hi,
Min pui rawh, engkim i ti thei tih ka hria;
I thu thlenna hmun apiangah, 
Thil tih theihna  alo lang thin, Halleluiah!

Harsatna ten min chim chang ni te hian,
Thlamuanna min pe a tawngtai a chhang thin;
I tum dan rual engmah reng a awm si lo a, Halleluiah!

Nangmah hriatna leh beiseina avang a,
I khawngaih kan chan thin hi ava ropui em;
I thu hria a zawm turin min pui zel ang che, Halleluiah!


https://www.youtube.com/watch?v=E8KeC4T4wno
Malsawmna danglam

Malsawmna danglam

on November 30, 2017 0 Comment
Phuahtu: PC Lalneihtluanga
Satu: Bawngkawn Pastor Bial Zaipawl

Amak ngei Lalpa min hruai dan hi,
I tan hian ka tling lo hle si a;
Mi bawlhhlawh ka nih hi i hria e,
Min khawih nawn leh rawh aw Lalpa

I tan hian ka tawk lo ka hria e,
Ka neihchhun ka thinlung ka hlan che;
He thinlungah ngei hian thusawi la,
Kei misual tan hian a tawk e.

Malsawmna ka dawn chhiar ka thiam lo,
Hlimna leh lawmna chauh ka chhiar thin;
Tawrhna leh lungngaihna zawng pawh hi,
Malsawmna danglam a lo ni.

Mangan ni a ka belh Lalpa chuan,
Min thlamuan, min kalsan ngai lo e;
Ka hnenah awm reng min tiamtu kha,
A danglam ngai lo Lalpa chu.


A hmangaihna a ka chawlhin

A hmangaihna a ka chawlhin

on November 30, 2017 0 Comment
Phuahtu: JH Burke
Satu: Gospel Melodious Choir

A hmangaihna a ka chawlhin ka Pan min hre tawh,
A duhzawng ka tih apiangin mal min sawm fo thin;
Thahnemngaih nachang ka hriatin ka tan malsawmna,
Lungngaiha inchhir avangin hmangaihna ka hmu.

A fa a ka awm hma pawh in ka Pa'n min hre tawh,
Thlaler hreawm a ka awmin a nin min veng zel:
Tun thleng in min la hruai fova hlauhawm zingah pawh,
Lawmtakin keiin ka zui ang Zion tlang thlengin.

Lalpa chawimawi turin in pe la khawvel ah hian,
I sualna zawng zawng nen pan la, a lo chhawk ang che:
I lawmna chu a chuai lovang, Lalpa hma ah chuan,
Lalpa chu fakin lo zai la, Zion tlang thlengin.


Jerusalem Zion khawpui chu thlir teh u

Jerusalem Zion khawpui chu thlir teh u

on November 30, 2017 0 Comment
Phuahtu: Suakliana
Satu: Gospel Melodious Choir

Jerusalem Zion khawpui chu thlir teh u,
Aw, mi an tam, Beramno Lal len nan hmun a awm lo;
Aw, lungngaihna leh lawmna Kalvari tlang a lo lang e.

Aw, hnam zawng zawng leh chi tin, tawng tin hi,
Van Lal nau ang a tahna Kalvariah, an dang chuang lo ve;
An dang chuang lo ve, chi tin, tawng tin hi,
Van Lal nau ang a tahna Kalvariah, an dang chuang lo ve.

Jerusalem khawpui thar nuam chu thlir teh u,
Aw, mi an tam Beramno Lal lenna hmun mawiah chuan;
Aw, Kalvariah Pathian khawngaihna dawn a tul mang e.

Haleluia! Hril thiam ila, Haleluia!
Aw, hmangaihna dai chuang ngai lo lawmna nunna parmawi;
Sawithiam awm maw, hril thiam awm tak ang maw, aw, hmangaihna hi.

He na na (Ka fak ang)

He na na (Ka fak ang)

on November 30, 2017 0 Comment
Satu: Maggie Malsawmzuali

Ka kohna che hi mi ngaithla ang che,
Aw ka Pathian.

Aw Lalpa, i hming ka fak ang,
Hlim takin i hming ka chawimawi zel ang,
Ka fak zel ang,
Aw Lalpa, i hming ka fak ang,
Lam in e, ka duhsam ngei in,
He na na.hoo..ooo...

Aw Lalpa, i hming ka fak ang,
Hlim takin i hming ka chawimawi zel ang,
Ka fak zel ang,
Aw Lalpa, i hming ka fak ang,
Lam in e, ka duhsam ngei in,
He na na..hoo..ooo...
He na na..hoo..oo...na..na..
He na na..hoo..oo...

Nangmah avanga hreawm ka tawrh in,
Ka ngaih che a bang thei lo;
He leiah ka thinlung leh ka ngaihtuahna nei lang in,
Thlamuanna min pe la, Lalpa.

Aw Lalpa, i thu leh hla te ka thinlung a ka dawn chan in,
Ka duhna nei lang in;
Hlimna leh lawmna i hnen a awm chu,
Min neih tir zel ang che Lalpa.

Yee..ye...ye..ye..he..he..he na..na...
Ho..na..na..
He na na..ho..hoo..oo. oo..na..na..na..na.
Ho..oo..oo..oo...


Tuinung lui (Kan fak che)

Tuinung lui (Kan fak che)

on November 30, 2017 0 Comment
Satu: Hlimhlimi

Tuinung lui chu ka lo nei ta,
Chatuana kang ngai lo tur chu,
Kan tan chatuan vanram kawngkhar hawn a ni,
Hnawl in ka awm lo'ng.

I lamah kan in her zel,
I lamah kan in her zel,
Chatuan in kan fak ang che,
Kan fak ang che,
I lamah kan in her zel,
I lamah kan in her zel,
Chatuan in kan lam ang a,
Kan lam ang.

Kan fak che, aw, kan fak che,
Kan fak che, aw, kan fak che,
Kan fak che, aw, kan fak che,
Aw Isu, tuinung lui chu ka lo nei ta,
Chatuana kang ngai lo tur chu,
Kan tan chatuan vanram kawngkhar hawn a ni,
Hnawlin ka awm lo'ng.

I lamah kan in her zel,
I lamah kan in her zel,
Chatuan in kan fak ang che,
Kan fak ang che,
I lamah kan in her zel,
I lamah kan in her zel;
Chatuan in kan lam ang a,
Kan lam ang.

Kan fak che, aw, kan fak che,
Kan fak che, aw, kan fak che,
Kan fak che, aw, kan fak che,
Aw Isu...
Kan fak che, aw, kan fak che,
Kan fak che, aw, kan fak che,
Kan fak che, aw, kan fak che,
Aw Isu...

Harsatna te kan tawh chang in,
Lalpa kan au che,
Harsatna te kan tawh chang in,
Lalpa kan au che...

Nangin veilam i tih leh,
Veilamah a kal in,
Nangin dinglam i tih leh,
Dinglamah a kal in,
Lawm in zuang in, zuang in,
Tuinung luiah, zuang in, zuang in.

Nangin veilam i tih leh,
Veilamah a kal in,
Nangin dinglam i tih leh,
Dinglamah a kal in,
Lawm in lam in, lam in,
Tuinung luiah, lam in, lam in.

Nangin veilam i tih leh,
Veilamah a kal in,
Nangin dinglam i tih leh,
Dinglamah a kal in,
Lawm in au in, au in,
Tuinung luiah au in, au in.

Nangin veilam i tih leh,
Veilamah a kal in,
Nangin dinglam i tih leh,
Dinglamah a kal in,
Lawm in zuang in, zuang in,
Tuinung luiah, zuang in, zuang in,
Zuang in....

Kan fak che, aw, kan fak che,
Kan fak che, aw, kan fak che,
Kan fak che, aw, kan fak che,
Aw Isu...
Kan fak che, aw, kan fak che,
Kan fak che, aw, kan fak che,
Kan fak che, aw, kan fak che,
Aw Isu...


Duhaisam a kim si lo

Duhaisam a kim si lo

on November 30, 2017 0 Comment
Phuahtu: J-a Tlau
Satu: Samuel Chhangte

Lungrun i zun ngai hian maw,
Chhunni ka hmang liam zel si;
Phuloh tha lungrunpui ka ngai em a che,
Phuluh tha lungrunpui ka ngai em a che,
Nang vanga luaithli nul in;
Eng chen hi tuar bik ang maw?
Bawihte, i zun ngai hian ka tlei thei lo,
Bawihte, i zun ngai hian ka tlei thei lo.

 Hringnun lamtluang ka chhui thiam lo i tello chuan,
Kum tam liam in khuarei pawh chang se; 
Hringnun duhaisam hi a kim si lo.

Run tuah rel a leng tawh hnu,
Sam ang kan inthen mai hi;
Kei zawng ka tuar thiam lo a pawi emai,
Kei zawng ka tuar thiam lo a pawi emai,
Chung leh zua lungmawl vang a;
Lung min hersan leh mai hi,
Bawihte ka tling lo maw i tawnah hian,
Bawihte ka tling lo maw i tawnah hian.

Chung khuanu tuahrem loh zawng,
Chun leh zua chang mah ila;
Malsawmna khuanu rel a tluang lo'ng e,
Malsawmna khuanu rel a tluang lo'ng e,
Awle, ka duhlai mampui;
Lungdam ten ka liam ta nge,
Chung khuanu malsawm in leng nang che,
Chung khuanu malsawm in leng nang che.


Lo kir leh rawh

Lo kir leh rawh

on November 30, 2017 0 Comment
Phuahtu: C Lalhmunmawia
Thluk siamtu: Dokamlova (Dka)
Satu: Zualbawihi

Rih mual i liam ang maw kir zai rel lo ten,
Turni leh chhawrthla pawn liam zai an rel a;
Mahse, mawi ten thangvanah an lo her leh thin,
Kei ka bung dawn tuai ve te kha aw,
Kir rel lo ten rihsang mual liam e.

Zan tawnmang mawl mai nise kan chan hi,
I tel lo a runlum leh hringnun hman hi;
Kan zuam nemaw hrilh kan hai lua e,
Puini lem ang der in lo kir leh rawh.

Rawn thlir teh famkhua i lawina atang chuan,
Mittui nen kan au che i rualduh zawng te nen;
Lunglai chhir a kir zai rel reng hian i mawi silo,
Riakmaw iang kan vai ruai, aw, sumtual an,
In hnem tur chuang kan awm si lo.

Khuarei in zunleng ngaih a hnem an ti maw,
Ka phal thei lo, aw, nang nghilh zai rel reng chu;
A thar zel thinlaiah nang ngaih kan bang nemaw,
I sulhnu hlimthla kan thlir bang thei lo
Lam ang let in tah lai min hnem rawh.

Suihlung dam te a pawm zai rel har mahse,
Dan rual loh chung khuanu ruat maw mangtha mai le;
Rualduh kal ta zawng kha min han biak ang che aw,
Min lo hmuak ang che thlafam vangkhuaah,
Tlantu fak in muang ten chawl nang che.


Nang ang

Nang ang

on November 30, 2017 0 Comment
Phuahtu: Lalsawia
Satu: Rebecca Saimawii, Mimi Lalzamliani, Mimi Remruatsangi

Hmanah hlim ten lenlaiin biahthu nem ten min hlan a,
Tunah thenna thu hlan in lengdang tang i bel leh si;
Duhlai hlim ten leng ta la, kei zawng ka tling lo i tan;
Lam ang lo let leh mahla pawm leh hian ka mawi lo che.

Mahse, nunhlui dawn chang in thinlai ruk a na ngei,
Ngaihlai, aw, ka thinlai hnemtu airilah i cham si thin;
Engan kher nge nang ang an lo pian ve ni,
Sakhmel chauh tha si a, mahse, nunrawng si.

Tunah chuan e phuloh di ka tawng ve ta, duhaisam,
Nang pawh i lungdumtu ber tangah duhten i bei si;
Nunhlui mualliam hnu zawng kha lam ang lo let leh mahse,
Kei zawng ka let tawh lo'ng e, damtak in, aw, damtak in.

29 Nov 2017

Zai kan vawr lai ni

Zai kan vawr lai ni

on November 29, 2017 0 Comment
Phuahtu: Henry Hmuaka
Satu: Israel Lalbiakrema

Hmanah ka lenrual hlui zawng te ka dawn in,
Suihlung kan rual lai ni min ngaihzual tir thin;
Tudang kan ngai lo engdang reng kan ngai bil lo.

Tunah tuanna mual an dang zo ta si a,
Zai kan vawr leh ni awm thei hian ka ring lo;
Kei zawng ka ngai thin lenrual zawng te nen hlima,
Zai kan vawr lai ni khuarei chang mahse,
Ka nghilh thei ngai lo'ng, cham reng thinlai rukah,
Zai kan vawr lai ni khuarei chang mahse,
Ka nghilh thei ngai lo'ng, cham reng thinlai rukah.

Chung khuanu leng in dam takin min hruai se,
Dar ang tawn leh ni a la her ve ngei ang;
Chutin lungrual a fak zai kan vawr leh theih nan.

Zai kan vawr lai ni khuarei chang mahse,
Ka nghilh thei ngai lo'ng, cham reng thinlai rukah,

Uaina hrui chat

Uaina hrui chat

on November 29, 2017 0 Comment
Satu: Thanga Jongte

Tleitir lengi zunah ka uai a,
Engdang dawn lo a ka uai duai duai lai in;
Ka uaina hrui a chat a, ka uaina hrui chat a,
Ka uaina hrui chat a, ka uaina hrui chat a,
Ka tla tawp mai a.

Phungpuinu iang a uai duai duai in,
Duhthuleng tin ka sam vel a mahse, awi;
Ka uaina hrui chat a, ka uaina hrui chat a,
Ka uaina hrui chat a, ka uaina hrui chat a,
Ka tla tawp mai a.

Awi maw, valdang a uai duai duai e,
A uai rei bil long a chat leh tep;
Keipawh, ka uaina hrui chat a, ka uaina hrui chat a,
Ka uaina hrui chat a, ka uaina hrui chat a,
Ka tla tawp mai a.

Valtin a uai tir e, tleitir in,
Tlangrel pawh dawn lo hian zawng zel tang' a ti;
Mahse, aw a chan tur chu, mahse, aw a chan tur chu,
Mahse, aw a chan tur chu, mahse, aw a chan tur chu,
Kumtluang ar ang vaih mai..ah...

Tleitir lengi zunah ka uai a,
Engdang dawn lo a ka uai duai duai lai in;
Ka uaina hrui a chat a, ka uaina hrui chat a,
Ka uaina hrui chat a, ka uaina hrui chat a,
Ka tla tawp mai a.

Uaina hrui chat zawm thei awm tak ang maw?
Mahse, tunah erawh, ka uaina hrui chat a,
Ka uaina hrui chat a, ka uaina hrui chat a,
Ka uaina hrui chat a, ka uaina hrui chat a,
Ka tla tawp mai a.

Thaibawih hla

Thaibawih hla

on November 29, 2017 1 Comment
Satu: Thanga Jongte

Mahse, maw hmangaih luat vang hian in,
Tui ang ka nem zel dawn e ka thai tawnah;
Tlang rel leh sawi tam ka dawn lo,
Uangpui ka chang hek lo, 
Naupuak leh ek suk te chu hnehsawh rura.
Mahse, min sel lo ru rualduh te u,
Thaibawih kan awm tawh nem le;
Chhungkaw tangrual kan ni zawk,
Thaibawih kan awm tawh nem le;
Chhungkaw tangrual kan ni zawk.

Ka suihlung dumtu tleitiri ngei kha,
Ka runsangah lawi in ka thai a chang ta;
Chutin khuanu zarah hraiduh leng chawi in,
Hlimten damlai hringnun kan chen a,
Mahse, ka tawnah tui ang nem tur ka thai ve kha;
A tawnah tui ang ka nem duai ta si.


Nupui neih ngenna hla

Nupui neih ngenna hla

on November 29, 2017 0 Comment
Satu: Thanga Jongte

Min hmangaitu chun leh zua te u,
Khuanu zarah dam ten min chawi lian a,
Tunah val puitling ka lo ni ve ta,
Mahse, khawhar a mahten laikhum bel in,
Ar ang ka vai ruai e in hrai duhlai hi.

Hming bulah Tv dah reng mai zawng,
Ka ning tawh emai chun leh zua te u;
Kan run in chhung pawn a mamawh tawh si,
Phu tawk a ka sakhmel a chuai hma hian in,
Harh in tho ru mo lawm zai i rel ve ang.

In ngawi reng lua e chun leh zua te u,
CRP mut reng mai zawng ka ning tawh emai;
Val senior ti a tlang ka than hma ngei hian,
Sawmna hlimawm semchhuak ve ila,
Hlim leh lawm in kan nui tlang ngei ang.

Kawppui nei lo a len reng mai zawng,
Hringnun kalsiam a famkim thei si lo;
Mothar leh tu neih te pawh hi in chak ve tawh lom ni?

Hmangaih lung mi dumtu pawh ka tawng tawh si,
Hmanhmawh a ngai a ni chun leh zua te u.

Nupui min neih sak thuai loh chuan,
Hna pawh ka thawk lo ang;
Ka leng mai mai ang a, chaw ka heh viau ringawt ang,
Mahni fapa te mamawh pawh hriatpui hlei lo.


Lalhniangi

Lalhniangi

on November 29, 2017 0 Comment
Phuahtu: Lalrintluanga Varte
Satu: Lalrintluanga Varte, Roluahpuia Pachuau

Lunglai rukah dawn hian e,
An awm silo min hnemtu;
Lennna tlang hmun loh vang nge,
Thinlai rukan i cham vawng vawng.

Enchim loh, thadang Lalhniang,
An sawi, di zun hrualhrui chuan;
Rairah riang min phuar tangan,
Engtin tuar i maw i zun ngaih?

Min hnem ve la, lenghermawi,
Val tuar lai a zual zel si;
Engtin min dawn ve che maw,
Luaithlinul ka bang thei si lo.

Aw, a na, i zunleng ngaih,
Mahten tuar ka zuam ne maw;
Nau ang hian e, min chawi la,
I zun ngaih tuar a nem ve tur.

Lenna vangkhua zawng hmun se,
Rairah tuar a nem ve tur;
Tiang ema thinlai min kam,
An awm lo zaleng zawng zingan.


Ka nghei dawn chuang lo

Ka nghei dawn chuang lo

on November 29, 2017 0 Comment
Satu: Lalrintluanga Varte, Biakmuana

Zankhua lo tlai in ka lo leng mahten,
Run i lo nghah a, kan chhuak dun ta kha;
Kan in ru a lo ni der mai si maw.

I chun leh zua lunglian thinlai hrang chuan e,
Anka thiam tin nen an dawi vel che maw;
"Zu pawh in reng mai" tiin min sel a,
Sawi sawi mahsela, ka nghei dawn chuang lo.

In ruk tum chiah pawh kan ni mawlh loh kha,
I chhungte inkhawm an lo bang hman si;
I haw ngam leh si lo, min zawng huai huai.

Kan inngaihzawn tirh pawn i hai loh kha,
Tunah i chhungten an sawi vang maiin;
Tih tauh nan hmang mahla, ka nghei dawn chuang lo.

Zu in vang mai a min rem loh pawhin,
Nghei phah ka tum lo, a pa lo em mai;
In tawk ka hai bik lo, ka nghei dawn chuang lo.


Tu zunzam nge

Tu zunzam nge

on November 29, 2017 0 Comment
Phuahtu: Lalramnghinglova
Satu: Lalramnghinglova, Thiamchantira

Ka lunglen tuar zo lo chhawl ang ka uai,
Tu zunah nge chhuihthangvala ka uai;
A len hian a leng thin zunzam tang bei,
Mission veng lam lanu zunzam em ni?

 Ka hmangaih em avang che hianin e,
Suihlung hi a phang thin nang tawn loh chuan;
I tiam thu di a cham reng lairilah,
Aw Bawihte, i hmangaihna rose par nen.

Bawngkawn, Chaltlang, Laipuitlang, Chanmari,
Zarkawt, Electric, Dawrpui tluang lam phei;
Chhinga veng, Saron kil tin hrut hnuin,
Lung min hnem an awm lo, Bazarah pawh.

Vaivakawn, Dinthar leh Dawrpui Vengthar,
Tuikual veng hrang hrang, Bungkawn lamlian leh;
Khatla tluang lam nen hrut nilen pawhin,
Ka lunglen a bang lo, lunglam ka vai.

Chuti'n tluang lam kan han zawh thui zel a,
Venghlui, Republic, Sikulpuikawn leh;
Thakthing Bazar, Kulikawn thleng pawhin,
Ka fang chhuak a, ka lunglen a bang chuang lo.

Lam ang letin Ramhlun veng hrang hrang pawh,
Ka hrut chhuak, lung min hnem an awm hnekin;
Zawlkhawpui chhim leh hmar, chhak leh thlangah,
Ka di aia hmeltha an lo awm lo.

Zaleng hei zawng zingah hian

Zaleng hei zawng zingah hian

on November 29, 2017 0 Comment
Phuahtu: C Lalrinmawia
Satu: C Lalrinmawia, Rebecca Saimawii

Zaleng hei zawng zingah hian,
Min hnem thiam reng an awm lo;
Ka vai ruai e, zaleng zingah,
Ka lungdumtu reng an awm lo.

Suihlung a leng emai, aw, nang then chu,
Zankhua tlai in a thar leh thin lairilah;
Hmanah mi u, i tiamthu di, aw, min hnemtu,
Dawn ti thar sei mai tura'n maw ka lo tawn che?

Hmanah kan tiamthu di zawng kha,
I haider leh si, a na lua e;
Hmangaih biahthu min hlan zawng kha,
A der mai maw min lo hlan?

Tawnmang si lo

Tawnmang si lo

on November 29, 2017 0 Comment
Phuahtu: Awpa & Rda
Satu: Vanlalsailova & H Zosangliani

Lungchim te a kan lenlaini,
Dawnkir chang in lung min len e;
Hmangaih biahthu kan tiam zawng kha,
Thamral mai an ka phal lo.

Lengdang, tangdang, chu bel lo la,
Ka bang thei lo i zun leng ngaih;
Awmhar lunglen min hnem tur an,
Ka thlang thin che, aw, lungrun.

Tawnmang si lo hmangaihna vanduai,
Aw, eng'an maw min chan tir le?
Tuar thiam reng hian ka mawi lo thinlaiah.

Lengdang, tangdang, chu bel lo la,
Ka bang thei lo i zun leng ngaih;
Awmhar lunglen min hnem tur an,
Ka thlang ber che, aw, lungrun.

Hmangaihna chu a dawhthei a, ngil a nei thin,
Hmangaihna chu a rinawm a;
Hmangaihtu der i chang mai maw?


Dai ve rawh le

Dai ve rawh le

on November 29, 2017 0 Comment
Phuahtu: Super Trio
Satu: Super Trio (Vanlalsailova, Joseph Zaihmingthanga & Robert Lalduhzuala)

Rahchhuah sawi tur nei lova dan ang a rawngbawl thin te,
Nihna chanvo thlahlelin thang that hlawh i tum thin maw?
Hei hi hria la, a kotu che tuarna kha,
Thlan thisen buala lungngaiin sakhmelah dar a zam lo ve,
Lunghahna a nei lo ve, kalsanin a awm a sin;
Hmangaihna vang a tuar chu i haider dawn em ni?

 Mualphona lamthuam pui saw van pasaltha te kawng a ni,
Nuam tur a nih ring lo la, mahni ralna hmun a ni;
Chawimawina au thawm rehin lawmtu hmel a bo tawh ang,
Anchhedawng mihring fapa kawng zawh a ni e,
Hringnun vui liamin dai ve rawh le.

Anchhedawng, aw, Kalvari thihna krawsa mualpho a,
Thlarau hruaina nun changa khenbeha awm tawhte chu;
Khawvel lakah tihhranin a awm tawh ang,
Tisa dan a nung lo vin Lal danin a phuar tawh a,
A thlan loh kraws kawng zawhin tahna ruam a dai zel a;
Thlarauvah lawmman hmuin nunna lallukhum an hlan.

Tahna ruam chu dai mah la lawmna tui hna thar i hmu ang,
Chhel taka kraws pu zelin tiamchin lam i pan zel ang;
Chawlhna reng beisei lo la, ram lak tur lah a tam si a,
Thisena rawngbawl tur a chhandam kan ni e;
Kristian thalaite, zam lo vin aw.


Theih chang ve se (Sakhmelmawi)

Theih chang ve se (Sakhmelmawi)

on November 29, 2017 0 Comment
Satu: Super Trio (Vanlalsailova, Joseph Zaihmingthanga & Robert Lalduhzuala), Jenny Jathang

Theih chang ve se suihlungrual tein,
Tu dang ngai lo te a lengdunin;
Hmangaih biahthu inhlan dun vein,
Kumtluanga lendun ka nuam thin e.

Mahriak tea laitual ka len laiin,
Hriat loh sakhmel ainawnpar iang tawngin;
Thinlai rukah ai ang a cham reng si,
Engtin tuar ang maw a zunleng ngaih reng hi.

Aw, khawiah nge riahrun i lo rem le?
Lamkawiah tawngin i liam leh si maw;
Thinlai rukah, aw, i cham reng si,
Tawn leh ka nuam ngei i sakhmelmawi.

Hmangaih biahthu hlan che ka nuam thin a,
Mahse, tawn ni reng a her thei si lo;
Sakhmel tawn ni, aw, lo her thuai se,
Ka dawn lungruk zawng am te'n ka hlan nang che.

Engtin ngai maw, a riang duhaisam hi,
Aw, dawn a sei ngei, lunglai a phang;
I dawn lungruk, aw, min han hlan ve la,
Chutin lungdam te'n ka len ve nan.

Lunglai a phang tinkim han dawn chang ni hian,
Vangkhua reng a zau, tha lengdang heltu an tam si;
Dawn a sei ka tan reng hian,
Aw, luah loh tur di zun em ni?

Oo..oo..oo..Tanglaiah min phuar si..a.
Lunglen a na,.....
Aw, vawikhat tal tawn ni herchhuak leh se aw..

I hmangaihna a tawk

I hmangaihna a tawk

on November 29, 2017 0 Comment
Satu: Super Trio (Vanlalsailova, Joseph Zaihmingthanga & Robert Lalduhzuala)

Saisen a chun chawi lai ni chuan,
Hlim ten tudang kan ngai ne maw;
Chutin hun leh ni liam zel a,
Tawn thar di tangnem ka bel.

Hmangaihna in engkim a huam ang in,
I tan chauh ka rinawm zel ang a;
Kumtluang a tan.

Suihlung rual a lengdun in,
Thenzai reng i rel lo'ng aw, mi u;
Kumpuisul tam pawh vei se,
Sakhmel hai ang tar mahse,
Ka tan i hmangaihna a tawk.

Kan karah hmelma hrang mahse,
Vawng dun zel ang rinawmna;
Chutin hun leh ni chhiar dun in,
Hlim ten i hmang dun ang.

A tun min sel lo se

A tun min sel lo se

on November 29, 2017 0 Comment
Satu: Vanlalsailova

Mahriak te a duhthuleng ka sam chang hian,
Thinlai a na, aw a thar leh thin;
Ka lo dawn thin ka hmangaih leh sakhmelmawi,
Ka lo zawn  thin ve kha,
"Ka tawng ta e" tiin lawmin ka khat thin.

Mahse, ka hmangaihna ka hlan ve a,
A thlawn mai maw an chang zo ta;
Mual an a liam ta e, thinlai hnemtu tur,
Aw, tawng ve hian ka mawi si lo.

Duhthuleng sam chang ni zawng te hian,
A thlawn mai atan zawng ka phal lo;
Hmangaihna par tlan a hlimlai chen dunin,
Tudang ngai lo ten kan leng dun thin.

Hun her in, aw, liampui thuai se,
Khuarei hian hnem mah hnekin a zual si;
Tlei ka har ngei e,
Lunglai a aw a phang leh thin.

Thinlai damten hlimten leng la,
Ngaihngam ten lengdang tang bel la;
Leng zawng zingah riangten leng in,
Mahriak ten lunglen chhiar nang e,
An hai lo'ng e kei ka chan, a tu'n min sel lo se.


Derna anka

Derna anka

on November 29, 2017 0 Comment
Satu: Vanlalsailova

Kei zawng ka ngaingam lo sam ang inthen hi,
Kan hun tawnmang mawl an chang mai tur hi;
Dawn in thinlai a na, a na ngei e, lungrun,
Engti zai zia nge sirah min hnawl tak.

Han dawn ve la, i tiam thu di,
Sut leh thei hian ka ring lo che;
A lo mak thei ngei mai,
Derna anka maw min lo hlan.

Nang nen a lendun hi a rem siloh chuan,
Nang ngaih lunglen hi tuar zir mai nang e;
Damten leng la duhlai i lungdum val ngei,
Tangah bei nang che, mangtha, mangtha aw.

Kei zawng ka phu lo che zamual ka liam ta nge,
Phutawk lengdang chhaina khua ka tlai hma hian;
Mahse, ka nghilh lo'ng che nang nen a hlimlai sa a,
Tudang ngai lo a tlaikhua kan var lai.


MS i dawn chiang lo

MS i dawn chiang lo

on November 29, 2017 0 Comment
Satu: Vanlalsailova

Aw di, han dawn chiang la,
Hlimni leh lawm lai ni te;
Chen in lenrual an hlim zo, an mawi ngei e,
Aw, keipawh nang vang in ka hlim ve thin a,
Mahse, ka hlimna leh lawmna ber chu;
Kham hrui ang in min lo chahsan ta si a.

Fam hnu i dawn em ni, hlimten ka len lai a,
Tahna ruam ka zawh tak le;
Hlimna thaikawi emaw ka tih lai a,
Thenna biahthu a lo nih tak le,
Aw, engan ka lo tawn che;
MS, i dawn chiang lo.

Min hnem thei tur zawng in ka hawi vel ruai ruai a,
An awm lo min hnem thei ka hmangaih lo chu;
Hmanah thaikawi min hlan lai khan,
Min ngen a ni lawm ni?
Tunah lengdang bel a min liamsan tak le,
Aw, ka tuar an a na e, aw, a na e.

Aw, di lam ang let in ka tang han bel leh la,
A thlawn lo luipuiah pawh a luang lut lo;
Ka thinlungah a in khawlkhawm zawk a sin,
Tia biahthu min hlan lai khan min hmangaih a ni lawm ni,
Aw, engan nge tunah lengdang min chhaih san tak le;
MS, i dawn chiang lo.


Ka dem lo che

Ka dem lo che

on November 29, 2017 0 Comment
Satu: Vanlalsailova

Hringnun lamtluang zawh ve tur a,
Khuanu ruat reng a seilian in;
Amten hringnun hmang ve in maw,
Di zunzam in min phuar ta si.
Engan nang kher ka lo tawn che,
A pawi em e, phuloh di tawn;
Hringnun engtin hmang ang i maw,

Aw, engan ka lo tawn che lungrun,
I tan hian ka tling ve si lo;
Hlimten khiangawi in liam mah la,
Ka dem lo che asin, ka dem lo che.

Lengdang, tangdang, bel tur an zawng,
Ka phal thei lo che, aw, lungrun;
Nang ang hmangaih ka tawng si lo,
I chhingzo leng an awm lo'ng e.
Duhthu ai ang sam chang hian in,
Hlimten lendun ve ka nuam e;
Mahse, a rem ve tawh silo.

Senhripar iang a sakhmeltha,
Hlim ten vul zel nang che.

Khua hmun loh zawng

Khua hmun loh zawng

on November 29, 2017 0 Comment
Satu: Vanlalsailova

Chhakthiang kawlah chhawrthla eng riai
Mawi ten a lo her chiai a;
Lenrual zawng ten hellai di run an kai a,
Kei erawh chuan riakmaw iang in,
Kaina run ka lo vai asin;
Lengdang chhai ka zuam si lo.

A pawi ngei e, khuahmun loh zawng,
A riang ka vai zaleng zingah;
Thangril zanmu ka chhing thei lo,
Thinlaiah i khatliam si,
Aw, tawh leh hun ka nghakhlel.

Hlimten leng la i tuannaah,
I lenrual zaleng te nen;
Mahse, hei hi min tiam pui ve ang che aw.
I tuanna mual a piangah pawh,
Min nghilh lo hram ang che aw;
Lengdang chhai ka zuam si lo.

Chhawrthlapui leh siar eng zawng,
Daltu nei lo in khuahmun loah;
Kan thlir dun a mahse lunglen tizualtu mai,
Sakhmel dar ang tawng chuang silo,
Thinlaina a zual zawk si;
Nghakhlel in ka thlir reng che.

Lung i her leh si

Lung i her leh si

on November 29, 2017 0 Comment
Phuahtu: Lalruatfela Pachuau
Satu: Vanlalsailova, Zotluangpuii

Mahriak awmkhawhar zual changin,
Ka dawn thin che thinlaiah;
Aw, enga'n kher nge dar ang ka lo tawn che,
Lunglen tizual thlawn mai tura'n,
Ka lo tawn che, lungrunpui;
Lunglai chhirin banzai a rel lo.

Biahthu di ka hlan che a,
Sam ang inthen tawh lo turin;
I thinlairil min hlan lo maw,
I dawn lungrukah ka cham ve ta si lo,
Tuar thiam a har ngei, lung i her leh si.

Ti hian ka zawt che min chhang la,
I tan hian ka tling lo nge?
A lal zawk em ni thalengdang i tan hian,
Sul ang min tum lo ka hai lo,
A pawi em mai rairah vanga;
Tuar tawk a tih zual chuang a mawi lo.

Ka hai lo, i rem lo di atan,
Mahse, ka nunhlui dawnkir ve la.

28 Nov 2017

Chatuan khawpui

Chatuan khawpui

on November 28, 2017 0 Comment
Phuahtu: C Ropianga
Satu: Baby, Mafaki & Larry

Chatuan khawpui Pathian chenna ngei chu,
Lalpan ka tan a kawngkhar a hawng a;
Ka zinna ram leiah tih tur ka zawh hnuin,
Chu khawpui mawi pan chuan ka kir tawh ang.

Khawpui mawiah chuan, 
An fak ning lo khawvel chhandamtu
Angelte leh tlante zawng tual an lenna,
Zion Pathian khawpui ka ngai a ni.

Luipui kamah thuin Zion fate,
Jerusalem ngaia an tap ang khan;
Ka ngai mang e Salem khawpui Pathian chenna,
Chu khawpui mawi pan chuan ka kal zel ang.

Zion khawpui mithianghlimte lenna,
Lalpan kan tan a buatsaih chu a ni;
Ram nuam tak a chatuana chawl ve tawh turin,
Kraws puin khaw thianghlim ka pan zel ang.

Riangvaite Lalpa pianni

Riangvaite Lalpa pianni

on November 28, 2017 0 Comment
Phuahtu: Malsawmdawngzuali
Satu: Davida te Unau, Female Voice Dawrpui Vengthar KTP 

Kumpui sul lo veiin sikni eng mawi a lang,
Lusun fate tan fam ngaih a na;
Nghilh theih chang se hlim zai vawrin,
Riangvai te Lalpa pian ni a ni.

I hlim ang, i lawm ang,
Kan tan a naupiang lawmin;
Van ropuina kalsanin, 
Piallei a rawn bel.

"Tunge kal thei ang le?" ti a an zawh ni chuan,
Van khawpui lo hnimin lo ngui ruai e;
Dawn ve teh hei ang vanneihna,
Van rohlu lei mi te'n kan chang.

Lei berampu te chuan thinlung robawm an hawng,
Khawchhak mifing te'n an neih hlu an hlan;
Kei ni'n kan thinlung hawng vein,
Lal thar chibai i buk ve ang.

Hun thim hnutiang chhawnin kawl eng lam pan zelin,
I lungngaih, manganna hlip kiang langin;
Bethlehem dai reh lam panin,
Lal thar chibai i buk ve ang.


Lal sut vuanin

Lal sut vuanin

on November 28, 2017 0 Comment
Phuahtu: PC Tlangmawia
Satu: Khatla South Kohhran Zaipawl

Ka zinna he lei ramah hian,
Buaina chhumpui a lo zing thin a;
Chawlhna reng ka hmu zo si lo,
Hmangaihtu Lal hnen thlen hma hi zawng.

Lal sut vuanin chutah chuan, 
Chatuan Lal run in chhungah;
Muang ten ka chawl hlen tawh ang a,
Hmangaih Lal nunnema kiangah.

Ka damlai kawng chhuk chhoah hian,
Chhiatna tinreng lo thleng thin mahse;
Ka neih zawng pawh hi ral mahse,
Ka lawm zel ang ka Lalpaah chuan.

Ka damlai ni a tlak hnu in,
Thihna luikawr thim kal mah ila;
Ka hlau lo'ng hlimin ka kai ang,
Hmangaihtu Lalpan min hruai dawn si.

Tin, chu hmun mawi ka thlen hun chuan,
He lei hreawm hi hnutiang chhawn in;
Beram no Lal Isua fak in,
Hnehna hla mawi kan rem kumkhua ang.

Di enchimloh

Di enchimloh

on November 28, 2017 0 Comment
Phuahtu: Zoremi Colney
Satu: Rebecca Lallawmsangi

Ngaihber di enchimloh
Nang nen a suihlung kan rual lai in maw
Kan karah tuanna tlang a lo dang leh si maw
Dawn a sei ngei e, aw, di bawihte.

Aw, kar lam hla suihlunglen hi 
Engtin tuar bik che maw? 
Aw, ka di duhlai, a na asin,
Khuahmun loh di ngaih lunglen;
Engtin nge ka tuar ang le?
Aw, tawn leh ni ka nghakhlel emai.

Tawn loh kar pawh sei se,
Bawihte, lunglai inher san lo'ng aw;
Ti a kan tiam rinawm biahthu vawngdun zel ang aw,
Khuanu malsawmna dil zel ang aw.

Bawihte, khuanu zarah nang nen tawn leh ni chuan e;
Runhmun lendun zai rel ve ila;
Chutin bawihte nang nen,
Runhmun lendun i rel thuai ang aw.

Hlim te'n Christmas

Hlim te'n Christmas

on November 28, 2017 0 Comment
Phuahtu: JH Vanlalhruaia
Satu: Rebecca Lallawmsangi

Dam te'n Christmas kan thleng, kan thleng,
Kan thleng kan thleng leh ta;
Hlimin i zai ang...oo..ooo.ooo
Hlim te'n Christmas hmang ang che.oo.ooo..
Zai leh lamin i chen ang aw.

Nang nen suihlung ruala kan lenlai ni khan,
Hlim te'n Christmas kan hmang dun thin;
Sam ang inthen tawh mah ila,
Hlim tea Christmas hmang turin,
Duhsakna sang ber ka hlan leh a che.

Oo..oo..ooo..ooo..oooo 
Hlim te'n Christmas hmang ang che,
Zai leh lamin i chen ang aw..oo..oo..ooo,
Oo..oo...oo.. hlim te'n Christmas hmang ang u,
Oo..oo..oo...Zai leh lamin i chen ang aw.

Kei paw'n e tawnthar di lungdumtu tawngin,
Christmas hmanpuia'n min sawm e;
Thianghlim taka hmang dun turin,
Kan tiam biahthu rinawmna nen,
Duhsakna min hlan ve dawn lo'm ni?

Van Lal pianni champha dam te'n kan thleng leh hi,
Hlimin lawm r'u, zaleng rual te;
Christmas chibai inbuk tawnin,
Duhsakna te inhlan tawnin,
Chhandamtu piancham i lawm ang u.


Pangpar angin

Pangpar angin

on November 28, 2017 0 Comment
Phuahtu: HT Sangliana
Satu: PBK Liankhuma

Pangpar angin min par tir rawh Lalpa,
Nangmah chawimawi turin;
I mawizia thianghlimzia ngilneihzia te,
Miten ka hmelah an hmuh theih nan.

Lei mawina leh khawvel par zawng aiin,
Ka thlang zawk e, ka Lalpa mawina.

Pangpar angin min par tir rawh Lalpa,
Hmuntin leh ram tinah;
I nun mawizia leh i hmangaihna mak,
Miten ka hmelah an hmuh theih nan.

Pangpar angin min par tir rawh Lalpa,
Lungngaihna leh tahna karah te pawh;
Beiseina leh hlimna,
Miten ka hmelah an hmuh theih nan.

Pangpar angin min par tir rawh Lalpa,
Hmun khawhar leh ralti ah pawh;
Thlamuantu ropui i nih zia,
Miten ka hmelah an hmuh theih nan.


Ka lawm e Lalpa

Ka lawm e Lalpa

on November 28, 2017 0 Comment
Phuahtu: HT Sangliana
Satu: PBK Liankhuma

Khawvelah hian hlimna tur zawng in,
Ka tlanvel thin mahse ka hmu lo;
Ka lo hmu ta thuruk maktak chu,
Lal Isua hi engkim bul a ni.

Ka lawm e, ka lawm e, Lalpa,
Ka tan engkim I nih vangin;
Ka fak fo ang che, ka thihni thleng in.

Hringun kawng chhuk chho ka zawh lai in,
Lungngaih na leh tahna karah pawh;
Beiseina nung min siamsak vang in,
Hlim leh lawm in ka lo khat leh thin.

Manganna ka tawh thin lai in,
Min hrereng fo thin ka chhandamtu'n;
Ka lungngaih leh buaina tinreng te,
Min tuarpui in min tawngtai sak thin.

Ka chung rammawiah

Ka chung rammawiah

on November 28, 2017 0 Comment
Phuahtu: HT Sangliana
Satu: PBK Liankhuma

Ka chung rammawiah khian beramno thianghlim in,
Chhandamte a nghak an ti;
Keipawh min lo nghak ang kawngkhar mawiah chuan.

Ka thlir thin chhun zan in, lawmna lui kam mawiah,
Nunna thing zar vuan a thiamchang a ka din hun tur;
Ka nghakhlel Lal ropui lo kal thuai thuai rawh.

Chu hmun ropuiah chuan khawvel buai leh tahna,
A awm tawh ngai dawn si lo;
A van hlimawm dawn em ka ramthar tur chu.

Van angel var rual ten hnehna ropui lawm a,
Van khua an fan niah chuan;
Keipawh ka tel ve ang hlimna niah chuan.

Beram no hmel engah thianghlimna puan sin a,
Ka len ve hunah chuan aw;
Ka lawmna chatuan in a vul reng tawh ang.


Chhandamtu lenna

Chhandamtu lenna

on November 28, 2017 0 Comment
Phuahtu: HT Sangliana
Thluk siamtu: HT Sangliana
Satu: PBK Liankhuma

Ramhlun tur chatuan atana buatsaih,
Chhandamtu lenna chu;
A mawizia sawisen a ni lo,
A nawm tur zia pawh sawithiam a ni lo.

Aw, ka nghakhlel ka thlen ve hun tur,
Chhandamtu lenna chu;
Hlim in ka la lam ang a, Lal Davida iang in, 
Mithianghlim nen, Serarim rual te nen.

Chu hmunah chuan lungngaih leh tahna te,
A awm tawh dawn silo;
Hmangaihtu chawimawina ri ten,
Tawp ni reng, aw, a nei tawh dawn si lo.

Chu hmunah chuan tar leh naupan chhiatna,
A awm tawh dawn silo;
Vanglai hmel mawina khum leh in,
Hringnun ram ngaih kan hrechang tawh lo ang.

Sual vanga kan rum thinna ni te leh,
Lungngaih mittui far te;
Talh tawh beramno thianghlim hmaah chuan,
Kan hre tawh ngai tawh dawn si lo.

Hmuhtheih loh rohlu

Hmuhtheih loh rohlu

on November 28, 2017 0 Comment
Phuahtu: Lalrinmawii
Thluk siamtu: Madinmawia
Satu: PBK Liankhuma

Lei lungngaih, buaina ten min chim thin a,
Mittui nen lungngai in ka rum thin;
I angchhung muanna ka rawn bel e,
Ka lawm e, ka lungawi e.

Hmuh theihloh rohlu ka nei, aw, Lal Isu,
Muanna thuruk chhumdum kara ni engmawi ang a ni;
Ruahpui sur ban hnu a chhimbal mawi tak a zam ang,
Lal Isua chanchin mawi hi a ni.

Thihna ten thlipui ang in min nuai thin,
Kan thlanloh vanduaina pawh thleng se;
I rochan Lalpa hrereng la,
Mu angin i thlawk leh ang.

Rohlu ber ka nei ta hlimna hlu ber,
Thihna hnehtu ropui ber chu;
Cheksawlh leh mualphona te hneh in,
Hlim takin kan fak tawh ang.


Siamthar ka ngai

Siamthar ka ngai

on November 28, 2017 0 Comment
Phuahtu: Solomon V Hmar
Satu: PBK Liankhuma

Aw Lalpa, ka nun hian I hmingmawi hi a ti mualpho,
Midang te tan a malsawmna thlentu nih a hnek in;
Lungngaih, beidawnna leh natna thlen sak tu ka lo ni,
I dan te chu vawng mah ila ka nun hian a phur chhuak zo lo.

Siamthar ka ngai a ni Lalpa,
Chanchintha meichher chhi eng a, eng turin min duh si;
Ka hringnun hlui chau hi nangin mi rawn hlihkian sak la,
Keimahah thlarau dik takin, min thuam thar in min neih tir rawh.

Khawvel ropuina leh hmingthan, chawimawina besei in,
Ka thiamna leh ka finna in Lalpa ka lo dawr che;
Ka tawngkam, ka nun hi chanchintha nen an inmawi silo,
Ka nun an en hmuh an nei lo, keimah hi ka luang chhuak silo.

Aw Lalpa, I hmaah sual rit tak phur in ka lo kun,
Ka rilru ngaihtuahna sual hi nang in mi hnehsak la;
Ka chaklohna laiah  chakna thar min rawn siam sak la,
Ka tana inghahna lungpui, ka chawlh fo na lo ni ang che.


27 Nov 2017

Awma ka ta

Awma ka ta

on November 27, 2017 2 Comments
Phuahtu: J Zaihmingthanga
Satu: PBK Liankhuma

Pathian angchhung himna kulhpui nghet chu,
Mangan ni a ka bikna hmun;
Thinlung hriatna piah an a awm,
Muangin chu tah ka chawl.

 Pathian khawngaihna rilru reng a hriat sen loh,
Ka chhar thin chu hmunah chuan;
Lungngaihna ten hmun an chang lo,
Tah chuan van ka tem lawk thin.

Lalpa chu ka rinna, ka chawlhna hmun him,
Rin hmang a lem ti mualpho tu;
Ka tih tel lo khawngaih thlawn pek,
Ringin chu tah ka chawl.

Engkima ka engkim ka hmuh chinah chuan,
Thil engkim ka ta a lo ni;
Awm zawng zawng an ral hunah pawh,
Awma ka ta a ni.

Ka hlim em a ni

Ka hlim em a ni

on November 27, 2017 0 Comment
Phuahtu: R Vanlalzauva
Satu: Hlutei

Malsawmna neitu Pathian in,
Nitin min vur mamawh zawng te;
A fa a vuah ngei ka lo ni si,
A thu a kal a nuam ngei e,
Ka chakna ber Isua a ni;
Ka hlimin in ka lawm em em e.

 Amah chu ka chakna ber,
Nitin ka nun, ka nun, ka nun zawngah hian;
Ngaihtuah a ka hriat loh lai pawh in,
Amah Kristaah ka nihna, 
Chakna, chauh chu hria in;
Ka hlim em em a ni.

Ka rilru ngaihtuahna mai zawng,
Krista hre lo in a kal thin;
Duhamna, sualna te a thlang thin,
Mahse, ka hriat loh niah pawh,
Min veng in min lo hruai zel si;
Ka hlim in ka muang em em e.

Ka hriat loh ni tam takah pawh,
Atan a nung ka lo ni a;
Mahse, keimah ka in en leh hian,
Chaklohna, sualna te a lang,
Chaklo in ka lo thi reng mai;
Tih theih reng ka lo nei lo e.


Ka tan damna

Ka tan damna

on November 27, 2017 0 Comment
Phuahtu: Kima Chhangte
Satu: Hlutei

Hun te her in, kum tam a liam zel si,
Ka vanglaini auh kir theih siloh;
Mahse, hei hi tunah ka lo hria e,
Lal hnih rawng hi bawl thei ka ni lo.

 Miten ka nunhlui hi lo hrereng thin mahse,
Nang chuan min lakbo sak thin;
Ka dawn thin van in mawi ka tan a inhawng chu,
Aw, engtik nge ka chawlh ve ang?
Van mite au thawm ka lo hria,
Thlaler atang hian lo zawm in;
Ka au ruai che, min hruai ve la,
Nang lo tunge ka belh chuan ang?

Van thil te khian i ropui zia an lan tir,
Mahse, kei zawng ka theihna a tlem si;
Ka tih theih tawk rem min lo ruat ve hian,
Min fan zo ngei e, nun khawhar tak hi.

He khawvel mawina leh hlimna ten min au ding zo lo,
Nang hnaih hi ka duh a ni;
Engahnge ka tlansan ang le I kraws thu chu,
Ka tan damna thlen tu a ni.

Van mite au thawm ka lo hria,
Thlaler atang hian lo zawm in;
Ka au ruai che min hruai ve la,
Nang lo tunge ka belh chuan ang?

Remna lal

Remna lal

on November 27, 2017 0 Comment
Satu: Hlutei

Khawvel sual a bo hnu chhanchhuak turin,
Lal Krista chu ranthlengah a lo piang a;
Aw ka tan enna, nunna, chhandamna,
Phaiphuleng leh tingtan nen lawm hla i rem ang.

 Chungnung berah ropui rawh se,
Lei chungah remthu chu leng rawh se;
Davida thlah arsi engmawi lo eng zel ang che,
Remna Lal chu fak in awm rawh se.

Imanuel i ram lo thleng zel se,
Bethlehem lamtluang reh kan lo pan e;
Rangkachak, beraw, mura, rimtui nen,
Bethlehem daireh kawngkhar min lo hawn ta che.

Van ropuina thlahlel hleithei lo in,
Vanlalpa chu kan zingah a lo cheng ta;
Heroda lunglian sual thlipui leng ten,
Lal chibai kan bukna tur min dal thei lo e.


Kumtluangin

Kumtluangin

on November 27, 2017 0 Comment
Phuahtu: PL Engmawia
Satu: Zualbawihi

Suihlung a leng thin e,
Nang ngai a suihlunglen hi ka bang thei silo;
Ka ngai che, ka ngai vawng vawng che.
Hlim zai var dun ila nang nen kumtluang in aw.

Nang nen hlim zai vawr dun in,
Hlim ten leng dun ila;
Aw, lengdang zawng sirah hnawl in,
Kumtluang atan ka thlang ber che.

Duhlai, ka ngai thin che,
I anka tawn chang in nang ngaih a zual leh thin;
Nang ngaih reng ka bang thei silo,
Tawn ni herchhuak ve se nau ang hlim zai ka vawr mai tur.


A pawi em mai

A pawi em mai

on November 27, 2017 0 Comment
Phuahtu: Venpuia Khawlhring
Satu: Zualbawihi

Hun leh ni herliam in kumsul tam vei mahse,
Ka dawn lungruk a liampui silo;
Khuanu ruat loh di maw ka lo tawn che,
Suihlunglen khuarei a sei dawn ngei,
Tuar zawng i har ngei lungrunpui

A rel sual em ni chung khuanu leng hian,
Engan nge sam ang then leh tur si hian e;
Biahthu di kha zawng min lo hlan le,
A pawi emai, a pawi ber mai.

I tan chauh ti a biahthu min hlan lai khan,
Lem ang min lo der ka ring ngai lo che;
Mahse maw duhleng ka lo sam sual e,
Thliah hnu chhawl ang ka uai zo ta si,
Lung ka chhir duhlai i tawnah.

A pawi emai nang kher ka lo tawn che,
Lunglai her zawng ka thiam ve silo;
A riang thinlai na min dawn pui ve la,
I dawn lungruk dang hian ka ring lo che,
Mahse, min ngai lo ten i liam si maw.

Nghing mai lo la

Nghing mai lo la

on November 27, 2017 0 Comment
Phuahtu: Puitei
Thluk siamtu: Sta
Satu: Zualbawihi

Zankhua lo tlai in mahten kan run lum ka bel,
lungrun i zun ngaiin;
I tello chuan nau ang tlei a har,
Ka lei lawm ti kim tu i ni.

Ka lei lawmna ber i ni,
Ka rosepar ka thliak nang che;
I chun leh zua hrang mahse,
Siahthing ang nghing mai lo la.

Awmlai lungmawl lo hrang thin mahse,
Lungphang lo la ka di lungrun;
Run hmun kan len dun ve theih nan,
Khuanu malsawmna i dil zel ang aw.

Ka nghilh lo ang che kumtluang atan,
Suihlung rual a kan lenlai ni;
Nghilh thei hian ka mawi nemaw,
Nang chhing zo reng an awm tawh lo'ng e.

Ti em em lo hian

Ti em em lo hian

on November 27, 2017 0 Comment
Phuahtu: Zoremi Colney
Satu: Zualbawihi

Suihlung rual lai di ka dawn kir, ka dawn kir thin,
Lung di, ti mai a nang nen sam ang kan inthen hi;
A ngur nun iang loh vang em ni nge lengdang vang zawk,
Min hlan ve ta che.

Hrilh in sawi thiam a har ka ti,
Ti em a ka thinlai na tur pawh dawn zo lo a;
Suihlung i her mai hi lungmawl tuar an zawng e,
A har a sin!

A riang tawnah biahthu min hlan lai khan,
Lungrun engan i tum suihlung min lo hlan mai loh;
Hmanah min lo hlan ni la chuan ti em em lo hian,
Ka tuar ve tur a.

Awle, i thlan lamtluang chu zawh zel ta la e,
Suihlung chhir zai han rel lul lo'ng che aw;
Keipawh khuanu zarah dam ten ka thinlai na zawng,
A dam ve ngei ang.

Di sakhmeltha

Di sakhmeltha

on November 27, 2017 0 Comment
Phuahtu: Lalpekhlui (Duati)
Thluk siamtu: Laltanpuii Hnamte (Tpi)
Satu: Zualbawihi

Suihlung len tu di sakhmeltha,
I zun ngai riang te hi min dawn ve che maw;
Leng zawng zingah ka riang lua e,
I zunzam in lairil a fan zo ngei.

Nang tawn nan khuanu dil nang e,
Khuahmun loh zawng suihlung phang ngei;
I sakhming a mawi chuang e,
I zun ngai chhawl ang ka uai e,
In tawn nan khuanu dil zel nang e.

Ka thinlung hmangaihna ka hlan che,
Kan tiam thu di zawng te vawng zel ang;
Karah dawtthu leng mahse,
Hmangaih biahthu in hlan zel ang aw.

Suihlung len tu di sakhmeltha,
I zun ngai riang hi min nghilh lo la;
Selna anka leng thin mahse,
Hlim ten i leng dun zel ang aw.

Beiseina beidawn thlak

Beiseina beidawn thlak

on November 27, 2017 0 Comment
Phuahtu: Zoremi Hmar Zote
Satu: Zualbawihi

Tlaikhua lo ngui lenkawl a no riai e,
Van rang chhum pawh mawi te'n an her siau e;
Lung min len e khuangruah chiar nghian te nen,
Khuahmun loh di neih zawng a na a sin.

Eng vang kher hian nge maw nang ka lo tawn che,
Khua ruat loh di suihlung ka phang leh thin;
Hlim ten i tang nemah bei ve ila,
Beiseina beidawn thlak mai maw lo ni.

Thinlai rukah kip ten ka han dawn a,
Nang nen a runhmun lendun a rem si lo;
Engah khuanu pawh hian min lo duan le,
Luah lai rem lo thamam a pawi emai.

Chun leh zua leh chinlai lungduh te pawh,
Doral chang e sam ang min then tir nan maw;
Karah biahthu an chhiah min dawn lo ten,
Mahse, duhlai nghilh zai ka rel lo che.

Lenlai rual loh vang maw nau ang kan tah,
Riang hluan vanduai kan chan reng hi a na e;
Runlum nuthai chang dawn lo mah ila,
Ka hmangaih che, nghilh zai ka rel lo'ng che.


I fak ang

I fak ang

on November 27, 2017 0 Comment
Phuahtu: Lalnithangi Sailo
Satu: Lalbiakhluni Colney

Ringtu zawng te tan a hun lawmawm,
Lal Krista pianna ni chu;
Dam ten kan thleng leh ta e,
Hlimin i lawm ang kan theihna zawng nen.

 Kan vannei em e a hmangaih hringfa te,
Kan thinlung a hnenah hlan in;
I fak ang perhkhuang rimawi rem in,
Kan tan a nau lo piang Lal Krista chu.

Kan tan a nausen lo piang a chu,
Fakna rimawi tinreng nen;
Kan aw neih zawng te nen hian,
Chawimawina i hlan ang kan neih zawng nen.

A tlawm in a riang ngei Vanlalfa chu,
I tan leh ka tan reng hian;
A hlu ngei hringfa zawng tan,
Chatuan nun kan neihna tur a piang chu.


Ka lo kir e

Ka lo kir e

on November 27, 2017 0 Comment
Satu: Maria K Laldingliani

Kum tam tak chhung hmangaihtu hre lo in,
Am ten ka hmang ka vanglaini te;
Mahse ka nun a lo ngui zo a,
Khawhar takin ka rum vawng vawng thin.

 Ka Pa van ropui a mi,
I chungah, nangma chung ngeiah ka lo sual ta a;
Fa a vuah tlak ka tling zo tawh love,
I bawih ni turin ka lo kir e.

Ka kal zel dawn ka phatsan tawh lovang,
Ka hmangaih che ka thinlung nei la;
Ka tan khawvel ka khengbet tawh ang,
Ka nunna kraws ka chhuang zel tawh ang.

Sual kawng zawh a ka pen bo phal suh la,
Thlemna lakah ka nun veng ang che;
Chutin i hnen ka lo thlen hunah,
Ka lawmna chu a parvul tawh ang.

A bo tawh ang

A bo tawh ang

on November 27, 2017 1 Comment
Satu: Maria K Laldingliani

Lungngaihna leh manganna ten nitinin min chim reng thin,
Natna te leh retheihna ten min hual reng thin a;
Tanpuitu leh min hnemtu tur leiah ka hmu lo,
Tanpuitu Lalpa, ka ngai em che.

 Ka ngai em che Lalpa, ka ngai zual che,
Leiah hian hlimna ka hmu si lo;
Lungngaih leh mangan, retheihna zawng pawh,
Isu, i kiangah a bo tawh ang.

Leiah hian zawng retheite tan hlim nî a awm si lo,
Mi liante leh mi ropuiten lei hlimna par an tlan a;
Mahse, leiah hian ringtute rethei mah i la,
Isua hnenah chuan kan hlim tawh ang.

Aw, Lal Isu, i lokal hun kan nghakhlel em e,
Riangvai faten kan nghak reng e, i ram buatsaih chu;
I ram êng mawi kan thlen hun chuan, he lei kan ngai lo'ng,
Chatuanin hlimin kan léng tawh ang.

26 Nov 2017

Kumhlui kumhlui

Kumhlui kumhlui

on November 26, 2017 0 Comment
Satu: Lalsangzuali Sailo

Kumhlui, kumhlui, ngaihawm,
Zaiin ka au a che;
Kan nunhlui leh thiltih zawng te,
Zamual i liampui ta;
Kan ngai che lokir rawh.

Hmanlai an chang ang maw,
Kan hlimlai ni zawng kha;
Chhungkim te a dar ang lenna,
Tah ruai ka nuam mang e;
Kohkir theih chang silo.

Ni tin, thla tin, kum tin,
A ral zel hun duhawm;
Chatuan hmun mawi ka Lal lenna,
Hun tawp awm loh naah;
Kumhlui i thleng ta maw.

Ngaiin ka au zel dawn,
Par ang vullai ni leh;
Lungngaih, lawm leh hlim ni zawng pawh,
Ngaihzual a liam mek e;
Kumhlui an chang zo ta.

Tawng leh tak ang i maw,
I liampui zawng te kha;
Hringchan khawvel len chhung hi chuan,
Ngaihlai kan bang lo'ng e;
Kumhlui, kumhlui, ngaihawm.

Kumhlui, kumhlui, kumhlui (3).

Ngaiteh kumhlui mual liam tur saw

Ngaiteh kumhlui mual liam tur saw

on November 26, 2017 1 Comment
Satu: Lalsangzuali Sailo, Lalrindiki Khiangte (Daduhi), Zoramchhani

Ngaiteh, kumhlui mual liam tur saw,
A kal mek auh din rual lo in;
Kan nundan kawng ze tinreng a,
Khuarei a chanpui tur.

I thil tih zawng zawng saw thlir teh,
Hun in a liampui saw;
Chatuan hmun lo thlen khalh tur che,
Lal hmaah a dinpui tur.

Tuipui lian in phairuang a hnawl,
Kawrvai a thleng ang mai hian in;
Ngaiteh hun in nunhlui a hnawl,
Chatuan hmun thleng tur in.

Aw Lalpa, kan thil tih zawng te,
I hnenah kan rawn hlan e;
Kan tihsual te min ngaidam la,
Ka thil tih that malsawm rawh.

Kumhlui khawiah tuan che maw?

Kumhlui khawiah tuan che maw?

on November 26, 2017 0 Comment
Satu: Lalsangzuali Sailo

Kum kalta zawng zamualpui an liam zo a,
Nunhlui an chang ta dawn chang hian;
Thinlai mu hnu tho e, zanmu chhin a har ngei e,
Kumhlui, aw, kumhlui, kan ti vawng vawng.

 Khawiah tuan che maw kumhlui? 
Aw, dam takin liam mai la,
Kan ngai em a ni, hlimni zawng te kha,
Kir rel lo, i liampui ta maw.

Panlai, hun leh kim te a kan lenlai nite,
Ngaihlai lungduh te nen lungrual a;
Engdang reng dawn lo a sen nau ang nuih ni zawng kha,
Auh ruai ka nuam i liampui ta si a.

Vanhnuai ram zau khawvel a kan len chhung hi zawng in,
Kumhlui ngai lo reng an awm lo;
Damlai par ang chuai a chatuan ram thlen hunah zawng,
Kumhlui ngaih lunglen a awm tawh lo'ng.