Lalpa ram tan

20 Nov 2017

Satu: Khatla East Kohhran CFC

Lalpa ram tan tun atangin kei ka kal dawn,
Lalpa ram tan tun atangin kei ka kal dawn,
Lalpa ram tan tun atangin kei ka kal dawn,
Huaisen in Lalpa ram tan kei ka kal zel dawn.

Haleluia, haleluia, haleluia, 
Haleluia, haleluia, haleluia, 
Haleluia, haleluia, haleluia, 
Huaisen in Lalpa ram tan kei ka kal zel dawn.

Ka hlau tawh lo'ng ka thla a muang Lalpan min hruai,
Ka hlau tawh lo'ng ka thla a muang Lalpan min hruai,
Ka hlau tawh lo'ng ka thla a muang Lalpan min hruai,
Huaisen in Lalpa ram tan kei ka kal zel dawn.

Buhphal keng in hlim takin kei ka haw leh dawn,
Buhphal keng in hlim takin kei ka haw leh dawn,
Buhphal keng in hlim takin kei ka haw leh dawn,
Huaisen in Lalpa ram tan kei ka kal zel dawn.

Van ka thlen in hlim takin lawmman ka la dawn,
Van ka thlen in hlim takin lawmman ka la dawn,
Van ka thlen in hlim takin lawmman ka la dawn,
Huaisen in Lalpa ram tan kei ka kal zel dawn.


Continue Reading | comments

Kha mah mah i tello leh nghal (Mizo Idol 2015-16 theme song)

19 Nov 2017

Phuahtu: Vanneihtluanga
Satu: Mizo Idol Various Artistes, Fiona & Mawitei Ralte

Kan hringnun kan damlai tawi te,
Kan ram awih nan i hmang ang aw lanu;
Kan hringnun kan damlai tawh te,
Kan ram awih nan i hmang ang aw vala.

Nang leh kei kan tanrual phawt chuan,
Hmelma doral kan hneh zel ang;
Lungphang lovin awm rawh,
Lungphang lovin awm rawh.

Khai aw Zoram nuam i hming chhal in,
Chawnban kan vawr lungrual in;
Sir kan sawn e veilamah 1.2,3,4,
Kha mah mah kan veilam leh nghal.

Zoram mawi i hming chawiin,
Pheilai kan vawr lungrual in;
Sir kan sawn e dinglamah 1,2,3,4,
Kha mah mah i tello leh nghal.

Kan nu, kan pa, kan rual u ten,
An sel kan Zo, kan ram, kan khawvel hi;
Kan nu, kan pa, kan rual u ten,
An hril vel maw kan ram, kan khawvel hi.

Nang leh kei kan tanrual phawt chuan,
Hmelma doral kan hneh zel ang;
Lungphang lovin awm rawh,
Lungphang lobvin awm rawh.

La leh val rual ten,
Sual kan do hneh dawn;
La leh val rual ten,
Sual kan do hneh dawn.

Continue Reading | comments

A hnen rawn pan la

Phuahtu: R Lalremruata (Parema)
Satu: Fiona Pachuau

Lungngaiin i hun zawng i hmang mai maw?
Mahni inkhawihna in maw tap in run mai thin le?
Rawn pan mai la, thlamuantu, hmangaih in a sawm reng che,
A tangah hian han bei ve la kian zai i rel lo'ng

A hnen rawn pan la, 
Hmangaihtu Lal Isuan a nghak che;
I hliam, i tuarna, a hnen thlen la, 
Hmangaihna chuai ve ngai lo chuan;
A tuam dam zel ang che.

I nunah chhum thim a lo lan chang hian,
Mangang in i buai thin maw?
Beidawng in i rum mai maw?
Rawn pan mai la hmangaihtu,
I phurrit zawng a hnen thlen la;
Hahchawlhna, damna i chang ngei ang,
Muanna famkim chu.

Lungngaihna ruamah kir leh tawh lovin,
Chatuan damna kim chang turin;
Cheng reng ang che a kiangah

Continue Reading | comments

Ka rinchhan Lalpa

Phuahtu: R Lalremruata (Parema)
Satu: Lalremsiami (Nunui)

Lei hringnun khualzin kawngah hian,
Natna thlipui ten min nuai mahse;
Ka vui mawlh lo Lalpa,
Mihring siamthatnan khawdur a ngai ang hian;
Ka nunah hian khawdur a ngai a ni.

Ka Lalpa ngei chuan min ensan ngai lo,
Min awmpui reng thin, min kalsan ngai lo;
Min thlamuan reng thin, ka thlaphang hlau in,
Ka rinchhan Lalpa'n, min thlahthlam ngai lo.

Thlarau damna min pekte hi,
Ka tan Lalpa a hlu zual thin;
Kei chak lo hi Lalpa,
Ka au thawm min ngaihthlak sak thin vangin;
Lawmna mittui biangah a luang fo thin.

Hmagaihtu Lalpa I ta ka ni,
Ka thinglung hi ka rawn hlan e;
I khawngaihna banin,
Min kai ang che chatuan ram thlen thlengin;
Ropuina ram khawpui mawiah chuan.

Continue Reading | comments

Ka vui lo Lalpa

Phuahtu: R Lalremruata (Parema)
Satu: Lalremsiami (Nunui)

Lungngaihna thlipui lo hrang in,
Natna tuipui fawn ten min nuai mahse;
Lungngaihni leh beidawnni te hian,
Min khawngaihtu Lalpan min kalsan ngai lo.

Ka vui lo Lalpa, ka dem lo che,
Tuarna ruam atang hianin;
I hmelmawi a mawi zual thin a,
Beidawnna ruam atang hianin;
Beiseina nung min siam leh thin.

Harsatna chhumpui lo zingin,
Buaina chhumpui ten thlazar thin mahse;
Ngui chang ni leh chauh chang ni te hian,
Min hrerengtu Lalpa ka hnenah a awm.

Beidawnna ruam ka dai lai hian,
Chakna thar Lalpa ka neih zel theih nan;
Min hriatnawn tir fo la I tuarna,
Kalvari tlang min thlir tir la ka damna kraws chu.

Ka vui lo Lalpa, ka dem lo che,
Tuarna ruam atang hianin;
I hmelmawi a mawi zual thin a,
Beidawnna ruam atang hianin;
Lungawina famkim ka chhar ta.

Ka thian Isuan min hruai ang a,
Tahna ruam ka dai kai ngei ang,
Natna leh lungngaih a bo tawh ang.

Continue Reading | comments

Hlimlai ni

Phuahtu: Kimtea Varte
Satu: Lancy & Omomi Khiangte

Mahten tinkim ka dawn changin,
Suihlung a leng emai;
Thinlai rukah ka dawn chang in,
Ka ngai zual thin kan hlim lai ni;
Tunah hmanlai an chang zo ta,
Kohkir ka nuam ngei e kan hlimlai ni.

Kohkir theih hian an mawi si lo,
Uaiin a chul zo ta, aw, khawiah nge i tuan tak le;
Suihlungrual pui zaleng zawng te,
Kan hlim lai ni mual a liam zo ta;
Kei zawng ka ngai emai nunhlui liam hnu.

Kan sul i hnu ka fan chang in,
Mitthla an a thar leh thin;
Zaitin vawra kan hlim lai ni,
Aw, ka ngai zual e lenrual zawng te,
Tuanna tlang a dang zo ta;
Dar ang tawn leh ni her tak ang maw?


Continue Reading | comments

Kraws kawng

Phuahtu: K Lalchamliana & Biakdika (BD-a)
Satu: Omomi Khiangte

Chhui thiam in dawn thiam ve ila kan hringnun hi,
Duhaisam in val lungmawl zawng te;
Mahse, kan vul lai hun ang a liam leh si thin a,
Chatuan nunna pawh nei lo hian,
Thlafam runah tahna mai a lo ni e.

Ami zaleng zawng ten lei hringnun par ang, aw, an chen,
Lenrual lungduh te pawn engdang dawn lovin;
Lei hringnun par ang, aw, an chen,
Aw, ka nunna Lalpa a har ngei i kawng zawh zel hi;
I hmangaihna kraws chu ka thinlung ril ber lo nise,
Engdang ka ngai lawng nge aw;
Tap chungin kraws kawng hi zawh thin mah ila.

Duhthlanna kawng ka zawh mek a,
Boralna leh nunna kawng chu;
Kei saruak mai ka nih si chuan,
Khawvel parmawina ka thliak ngam lo;
Dawn lungrukah thinlai a hlim si lo.


Continue Reading | comments

Malin ka awm lo

Lettu: Lalhmunmawia Pachuau
Satu: Lalremsiami (Nunu-i)

Harsatna khur thukah pawh,
Min awmpui ang tih ka hria;
Doral in min hual mahse la,
Hneh in ka awm ngai lo ang;
Ka nun hian ruam pawh dai mahse,
Ka hlau lo ang, malin ka awm lo,

Malin ka awm lo, mal in ka awm lo,
Ka hma i hruai ang a min kalsan ngai lovang;
Malin ka awm lo, mal in ka awm lo,
Ka hma i hruai ang a min kalsan ngai lovang.

Lungngaihna chhum karah pawh,
I chakna eng chu ka hmu ang;
Zan thim chuan min hneh ngai lovang a,
Ka rin chhan ber i ni si;
Lalpa nang in min do sak ang,
Ka hlau tawp lovang.

Ava mak em! min tlan a i taah min pawm ta,
Ava mak em! min tlan a i taah min pawm ta,
Ava mak em! min tlan a i taah min pawm ta,
Ava mak em! min tlan a i taah min pawm ta.

Ka chakna min humtu i ni,
Thlipuiah pawh ka him na;
Hrehawmah ka tan i rinawm reng,
Ka thla hliam i ti dam ta.


Continue Reading | comments

Kal la thawk rawh

Phuahtu: Thanmawii
Satu: Adonai's 

Kal la, thawk rawh, muan a hun lo,
Hun a kiam e, thlarau bo te an liam zel e;
Aw, thawk thuai rawh.

Hmangaihna, hmangaihna thuk hi hria se,
An hnawl bik lul lawng nge;
Hlimna, muanna, an zawng ve thin a,
Khawvelin a pe thei si lo.

Nunna thuruk zawn chhuah tumin,
Khawvel lamah an tlan vel;
Nimahse, aw, an hmu si lo.

Beidawnna khur thukah an tang e,
Boralna thim hnuaiah an kun e.

Khawiah nge hlimna chu?
Khawiah nge muanna chu?
Enge hlimna chu? Enge muanna chu?
Nun hi enge a nih? Thlamuanna khawiah nge?

Ka tan nun enge a sawtna?
Aw.. tiin beidawng in an rum e,
Boralna khur thukah an tang mek e.

Lalpa hnena hruai tur hian,
Nang leh kei kanni lawm ni;
Engvang nge kan ngwih reng le?
Hmangaihna a zawn chhuah tawh te.

Kal la, thawk rawh, muan a hun lo,
Hun a kiam e, thlarau bo te an liam zel e;
Aw, thawk thuai rawh.


Continue Reading | comments

Ka khualzin kawng

Lettu: Rev. Samuel Lalduhsaka
Satu: Jampui Sakhan TKP Choir (2015-16)

Ka khualzin kawng chhuk chho mahse la,
Ram nuam zawk min hruai thleng dawn;
Kalvariah Lal Isuan a zawh zo,
Lungngai a ka tan a tuar in;
He kawngah hian kham leh suar te awm in,
Hlauhawm tam tak pawh awm mahse;
Nitin ka zawh ang hei hi ka chiang si a,
Ka van in ka thleng ngei dawn.

Chu rammawiah, vanah hlimna leh lawmna,
Ka thla chau hliam a chawlh hun chuan;
Chu rammawiah, vanah remna leh lungawina, 
Thlamuanna kim ka hmu tawh ang;
Ka la thleng ngei dawn si, chutah ka Lal Isuan, 
Ka mittui zawng zawng a hru fai tawh ang;
He kawng hi lo hrehawm in bumboh mahse,
Ka van in ka pan zel dawn.

He kawng ka zawh mek lai pawh hian in,
Kawng ka bo leh fo thin a;
Mahse, a kut in min chelh reng thin a,
Kawng dikah min hruai leh thin;
Tlang leh phai te ka zawh lai te chuanin,
A kut chakin min hruai thin a;
Ka hawi kir lovang hmalam ka pan zel dawn,
Ka in nuam ka thlen hma chuan.


Continue Reading | comments

Pathian hnaih hi a tha a ni

Phuahtu: Lalawmpuia
Thluk siamtu: David Lalliansanga
Satu: Chanmari Pastor Bial Zaipawl (2014-16)

Lungngaih chhumpui ang lo zing in,
Nat leh hreawm tuar mah ila;
Kei a tan erawh zawng Pathian hnaih hi a tha a ni.

A hmangaihna dai ngai lo,
A khawngaihna chuai chuang lo;
Ka mamawh tinreng min pek vangin,
Kei atan erawh zawng Pathian hnaih hi a tha  ani.

Thihna hlim kawr ka zawh laiin,
A thlamuanna min hriattir a;
Kei atan erawh zawng Lalpa hnaih hi a tha a ni.

A kohhran hmang in mal min sawm,
Min hmangaihna ka sawi seng lo;
Kei atan erawh zawng Isua hnaih hi a tha a ni.

Lungngai leh beidawng chau hnu,
Beiseina thar min thlen vang in;
Kei atan erawh zawng Krista hnaih hi a tha a ni.

Khawvel mi ten duh lo mahse,
Chatuan thleng a min hruaitu tur;
Kei atan erawh zawng Pathian hnaih hi a tha a ni.


Continue Reading | comments

Aw ka thlarau fak rawh

18 Nov 2017

Original song : 10,000 Reasons (Bless the Lord) 
Song writers : Jonas Myrin & Matt Redman 
Translated by/Lettu : Rev. Lalhunliana Royte & V.L Zonuntluanga
Satu: Khatla Pastor Bial Zaipawl (2016-18)

Aw, ka thlarau fak rawh, fak zel rawh,
A hming thianghlim fak rawh, fakna hla thar sa in,
Chawimawiin, I hming thianghlim ka fak ang.

Ni thar lo chhuak in lenkawl a rawn en,
Fakna hla mawi sak hun duhawm;
Engpawh thleng se la, engpawh tawk dawn mah ilang in,
Zan thlen hun in fak hla min hlan tir rawh.

Hmangaihna a khat, zah ngai thei Lalpa,
Thinlung zaidam aw hming ropui ber;
I thatna zawng te zaiin ka fak zel ang,
Chhui zawh sen rual loh ka tan i thatna.

Thihna hlim kawr ruam ka zawh mek laiin,
Chakna ten min her liam san mahse;
Nang fak zel che ka duh ka thlarau in,
Chatuan ata chatuan thlen thleng pawh in.


Continue Reading | comments

Kan run lo mawi la

Phuahtu: T Laldintluanga
Satu:vaivakawn Pastor Bial Zaipawl (2012-14), The Leprosy Mission Choir

Damchhung tawiteah hian hei hi a pawimawh ber,
Isua i nei tawh em? In chhungkua in dam em?
Muanna i chan theih nan nang leh i chhungte chu,
Chhandamna lawngah hruai lut thuai rawh.

Kristian chhungkua Lalpa chenna te chu,
Kumkhua in an nghing lo'ng, an chuai ve ngai lo;
Lungpui a in sa in an nghing ve ngai lo,
Chatuan in an him reng dawn a ni.

Krista rawn pan mai la thildang a ngai tawh lo,
Hlimna i zawn te chu an ral leh thuai ang a;
Buhseng hun a liam ta, chhandam kan la ni lo,
Ti a thlaphan ni a thlen hma hian.

Krista/Lalpa, nang tello chuan chhungkua a hlim thei lo,
Hlimna kim a ni lo rosum leh sanna te;
Belhtlak chu nang ngei hi thildang a ngai love,
Isu, nang in kan run lo mawi la.


Continue Reading | comments

Imanuela

Phuahtu: Lalhmingmawii Rawihte (Mahmingi)
Thluk siamtu: Dokamlova (Dk-a)
Satu: Various Artist, Sawmtea

aa..aa..aa...aaa...aaa...aaa
aa..aa..aa....aaa..aaa..aaaa

Zanthiang reh van mi tlangau chuan
Berampu te hnenah "Hlau suh ula, ngai rawh u;
In tan chanchintha ka rawn thlen a che u,
Vawiinah hian in tan chhandamtu apiang ta;
Lal Krista chu rem leng se" tiin an zai,
Remthu leng rawh se mihring te hnenah

A pianna Bethlehem dai reh ran in hmun tlawm ber,
Chham ang a zal na ran chaw pekna thleng;
Beram pu leh mifing ten an neih ro thil hlu nen,
Chibai an buk a nausen lo piang chu;
A hming Maka, Remruattua,
I chawimawi ang, i lawm ang, i fak ang u.

aa..aa..aa...aaa...aaa...aaa
aa..aa..aa....aaa..aaa..aaaa

Tun hi hun lawmawm chu a ni, chhandamna ni chu,
Lei leh van inremna ni ropui chu;
Amah mite duh loh kha keini tan malsawmna,
Fapa pek in kan awm ta, aw, a ropui e;
Imanuel, Imanuela, a ram a kin lovang, aw, a sang zel ang,
Imanuel, Imanuela, Imanuel, Imanuela.


Continue Reading | comments

Min hruai rawh

Lettu: Rev.Remlalfaka
Satu: Mizoram Synod Choir

Lamtluang thui leh thim hnuaiah mangang a ka thut laiin,
Min kai ang che, Lalpa duh tak;
Nun thianghlim mi neih tirin fak thinlung mi neih tir la,
Min hruai zel rawh, englai pawh in.

Aw, min hruai rawh, englai pawh in,
Kawng thianghlim chu zawh ka duh e;
Khawvel thian ten min phat mahse,
Kan ngen a che min hruai zel rawh.

Rinhlelh, buaina ramah parmawi vul te an chuai thin,
Min kai ang che, Lalpa duhtak;
Nang i ni ka rin chhan ber van in nuam ka thlen thleng in,
Min hruai zel rawh, englai pawh in.

Vanglaini te lo chuai in ka chakna te lo kiam se,
Min kai ang che, Lalpa duhtak;
Kal san in ka awm ngai lo'ng van hmun nuam ka thleng ngei dawn,
Min hruai zel rawh, englai pawh in.


Continue Reading | comments

Nakinah khuavar hunah

Satu: Mizoram Synod Choir

Nakinah khuavar hunah chuan thihna luiral mawiah,
Lungngaih leh buaina a awm tawh lo'ng;
Lunghlu kawngkhar mawi takah chuan lungai a inthen hnu,
Lei hringnun ngai lovin kan leng ang.

Van nuamah kan intawk ang, hlim takin, lawm tak in;
Luikam mawiah kan chawl tawh ang; 
Hmangaih lungduh lenrual kalta te nen,
Van nuamah kan in tawk ang, hlim takin, lawm takin;
Luikam mawiah kan chawl tawh ang,
Thihna luiral khawpui mawiah chuan.

Nakinah khuavar hunah chuan thihna luiral mawiah,
Lallukhum hlu chu kan chang tawh ang;
Thihna leh natna a awm lo'ng tah a awm tawh ngai lo,
He khawvel ngai lovin kan leng ang.

Nakinah khuavar hunah chuan thihna luiral mawiah,
Rangkachak tualah kan leng tawh ang;
Hun leh ni kum bi a awm lo'ng chumi hmun mawiah chuan,
Nuam leh hlim tawp lovin kan leng ang.

Continue Reading | comments

Lunglai lungril luahtu

Phuahtu: John Mawitea & Mapuii Fanai
Satu: B Malsawmtluangi (Sp-i)

Tawn loh ni khua reng a sei tawh si,
Kan nun hlui puan ang chul tawh hnu kha;
Kohkir theih ni tawh silo dawn kir hian,
Lunglen ana vawng vawng e;
Ka nghilh thei tawh dawn silo che dawn lungrukah.

Ka lairil luahtu nang ngei hi i lo ni a sin,
Runhmun lengdun thei lo mah ila;
In nghilh zai i rel chuang lo'ng aw,
Mahse, kan in liam san a tul ta si maw, a na vawng vawng;
Min nghilh bik suh ang che aw, Lunglai lungril luahtu

Nang nen runhmun lengdun thei ila,
Lunglawm a kim ngei dawn a sin;
Mahse, a rem thei tawh dawn si lo maw,
Kan kar hmangaihna hian kian zai;
A rel thei tawh dawn em ni lunglai lungril luahtu.

Tleirawl thinlung dawn kir chang hian,
Lung ka lo mawl vang em ni;
Nang ngei hi runhmun ka lo len pui loh che,
Mahse tunah a tlai zo ta.

Continue Reading | comments

Pheichhehmawi i khai ang aw

Phuahtu: Myztic Sailo
Satu: Feli Fanai

*Khawnge maw an awm a ka sir sawn pui a,
Tlaikhua var a zai vawr a hring ka chan pui;
Lo kal ru nuam in zanin chu i lam in i zai in,
Pheichhehmawi i khai leh ang aw.

Repeat *

Kan rawn hrut zawlkhawpui lam phei duai,
Rawn mawi ve mai ula;
Hlim ten, aw, thinlaina dawn lovin tlaikhua var mah ila,
Pheilai khai a sirtiang sawn in, hlim ten nang nen;
Laichhuat chhir a vanglai chen in, kim ten nang nen,
Suihlung kan rual ngei e,
Hallo ten kan lam e, tudang ngai lovin,
Rimawi rem a zai vawr in;
Suihlung kan rual ngei e,
Hallo ten kan lam e, tudang ngai lovin;
Rimawi rem a zai vawr in.

(Tlaikhua var a zai vawr a hring ka chan pui)

(Pheichhehmawi i khai leh ang aw)

Chutin lenrual te nen nui hiau a sirtiang sawn lai chuan in,
Ami zaleng te hel rawn chhungtin in an tlawn pian reng a zei bawn;
Chhingmit mawi, nuimawi te, tangah lo bei mai la tia duhthusam laiin,
Heih a rawn kal min rawn kai a..ha..ha..

Pheilai khai a sirtiang sawn in hlim ten nang nen;
Laichhuat chhir a vanglai chen in, kim ten nang nen,
Suihlung kan rual ngei e,
Hallo ten kan lam e, tudang ngai lovin,
Rimawi rem a zai vawr in;
Suihlung kan rual ngei e,
Hallo ten kan lam e, tudang ngai lovin;
Rimawi rem a zai vawr in.

Suihlung kan rual ngei e,
Hallo ten kan lam e, tudang ngai lovin,
Rimawi rem a zai vawr in;
Suihlung kan rual ngei e,
Hallo ten kan lam e, tudang ngai lovin;
Rimawi rem a zai vawr in.


Continue Reading | comments

Ka zawt a che

Phuahtu: Zoremi Colney
Satu: Josephine Lalawmpuii

Kutsuih ngei a fanau chawi dun,
Lungrual te a runhmun leng dun tur khan maw;
Duhlai kha chen biahthu kan tiam dun a,
Mahse a ngur nun iang loh vang em ni;
Nge rosum chhuan tur ka nei ve silo hi  ka tling lo ta zawk.

Ka zawt a che, .min hrilh ta che, 
Min hlan ta che, aw, i tum suihlung; 
Hmanah min lo hlan ni la chuan e, 
Ti em hian hrilh ka hai sei lo tur; 
Mahse maw, lam ang lo let tur chuan in e, 
Ka beisei lo che, aw, ka beisei lo che.

Sut leh tur hian in maw lungrun ka beisei lo che,
Nunrawng kumtluang daih lo min tiam an;
Engan rinawm zo lo tur hian e,
Kha chen sul ang min zui le;
Aw, eng hian, tu hian in nge,
I lunglai lo mawlh le, lo dawi vel che in,

Lungchhir bik hian min ring lo la,
Suihlung pawh phang bik an;
Lunrung min han ring lo la,
Mahse, nghilh bik hian ka ring lo che;
Nunhlui leh lendun lai ni zawng te kha,
Dawn kirin lung zawng chhir hle thin la a sawt tawh lo'ng e.


Continue Reading | comments

I lo ni reng si

Phuahtu: Zoremi Colney
Satu: Josephine Lalawmpuii

I dawn lungruk hrelo hian maw,
Rinawm in i tan chauh kan nung reng thin a;
Lengdang vang a hnawl ka nih tur,
Kalsan ka nih tur pawh dawn zo lo leh;
Ring phal lo hian ka lo hmangaih che a.

I lo ni reng si ka natna tur, min tina tu,
Hetiang tur i nih hria ila hmanah khan ka thlah liam mai tur che;
Aw, a na asin ka tan, i tawngkam hnuchhiah te pawh hi,
Engtin lairil si lo hian hun kha leh chen kha e;
Biahthu min lo hlan thiam zawk le.

I hlimna tur a nih chuan maw,
Engmah reng ka ui lo i tan chauh tiin;
Mahse, nang chuan maw a ruk te in,
Lengdang tang belh zai hi i lo rel reng si;
"Min then lul suh aw" tih min ngen chung si khan.

Awle, tunah zawng thaleng dang tan i vul tawh tih ka hria,
Mahse, kan hun hman dun zawng zawng te pawh kha;
Nghilh bik hian ka ring lo che,
Kei chuan har hle mahse hmatiang kawl eng tur thlir in,
Khuanu ka dil nghilh ve thei tur in.


Continue Reading | comments

Aw thihna

17 Nov 2017

Phuahtu: Sanglianthanga
Satu: Crusader

Hmelma hnuhnungber tih bova awm tur chu,
Thihna rapthlak tak mai hi a ni;
Isuan thihna in a ti boral ta.

Aw, thihna, khawiah nge i tur chu?
Aw, thlan, khawiah nge i hnehna chu?
Thihna tur chu sual thiltihtheihna ni mahse,
Isua zarah hnehna chu kan chang ta.

He tawi theih hian tawih theihlohna sin in,
He thi thei hian thih theihlohna sin in;
Lalpa niah chuan ka tho leh ang.

Ringtu tan thihna a awm ve tawh lo,
Lalpa chu mi nung Pathian a ni si;
Ringtu tan thihna a awm ve tawh lo.


Continue Reading | comments

He luikam

Phuahtu: Sanglianthanga
Satu: Crusader

Thutak hria a hawikir leh te,
Thlarau chapo na  a ni;
Zirtirtu der, zawlnei der te,
Lalpa min hmuh dan a ni.

Mahse, Lalpa a then pawh kan hre lo,
He luikam atang hian.

Lalpa thu hi hriatthiamna leh,
Hmufiah vek a in hria in;
Midang zawng zawng hmuhsitna in
Ka hun ka lo hmang thin maw.

Khawvel sualna leh nawmsakna te,
Thlir a ka hawikir laiin;
Ka nunna chuan Lalpa chauh hi,
Chakin a tuihal a ni.


Continue Reading | comments

Rinna in

Phuahtu: Sanglianthanga
Satu: Crusader

Rinna in Abrahama chuan,
Ramtiam lam chu a pan zel a;
Rinhlelhna reng reng a nei lo.

Lal Isua rinnaah chuan, 
Rinhlelhna a awm ngai lo;
Rinnaah chuan i awm em,
Nangmah ngei in en fiah rawh.

Rinna in Sari ngei pawh khan,
A tiamtu rinawmna avangin;
Chi tam tak thlahtu a lo ni.

Rinna in ram te an la a,
Mei thil tihtheihna a tih mit in;
Khandaih hriam lam pawh an pumpelh.


Continue Reading | comments

Keini zawng

Phuahtu: Sanglianthanga
Satu: Sanglianthanga (Crusader), Mizoram Synod Choir

Krista nunna lo chu nun dang reng kan nei lo,
Sual nunna dan a nung kan lo ni;
Nunna nei tawh lo ten nunna kan hmuhna chu,
Lal Isua nunna chauh hi a ni.

Keini zawng thil kan hmuh leh kan hriatte hi,
Sawi lovin kan awm thei lo a ni e;
Harsatna leh manganna karah pawh,
Krista thu hretu te kan ni zel ang.

Lal Isua nunna chu kan engkim chungah hian,
Ringtu ten i hmang zel tawh ang u;
Natna leh lungngaihna, thihna kan tawh pawh in,
Isua nunna hi a tawk a ni.

Chu nunna neitu ten thihna an hneh zo ta,
Ropuiin an Lalpa an fak thin;
Chu nunna thiltihtheihna chu puang zel turin,
Hmalam panin i kal zel ang aw.


Continue Reading | comments

Ka phur zo lo

Phuahtu: T Zorampela
Satu: Rachel Lalnunkimi

Ka sakhming an sel e lenrual lungduh leng zawng ten,
Pawmlai di nang vang in;
Tleidang leng run nuamah hlimten i lawi tawh an ti,
Kumtluang a thai turin.

Awi! ka tuar an a na, phengphe khua tlai vang in maw,
Lunglai di enchim loh then reng chu;
Ka liam ta nge lungchim ten zatlang rel ka phur zo lo,
Min ngaithiam lul rawh aw lungrun pui.

A tha leng zawng zingah  ka thlang thin che nang ngei hi,
Kumtluanga min hnem an;
Mahse, min sel ai chuan luaithlipui nul chung hian in,
Zawng zel tang' leng thar di.

Continue Reading | comments

Lunglam ka vai

Phuahtu: Rohmingliana (Pa Roa)
Satu: Sangkimi Khiangte

Hril thei hian ka mawi lo ka dawn lungruk hi,
Engtin min chhang ang maw;
Biathu di hlan ila lunglam ka vai si thin.

Tawnni her thin mahse maw hrilh ka hai leh si,
Lengdang te zawng kawplai di nen tual an mawi e;
Lungmuang ten an leng e tudang reng ngai lovin,
Biahthu hlan ve in anka nem ten min chhang ve tak ang maw?

Engdang ka dawn thei lo tleitiri lo chu,
Mitthla an a cham reng sakhmeltha sensiari;
Nghilh thei hian ka mawi silo.

Min hlan ve mai teh la biahzai der mai pawn,
Ka lam lo hawi in e runrem ka nuam ngei e;
Hai ang kan tar hma hian.

2
Continue Reading | comments

Mangtha mai le

Phuahtu: John L Chawngthu & Zari
Satu: Sangkimi Khiangte

Lungrukah ka dawn thin a,
Nang nen a tlaikhua kan var dun lai;
Hmangaih biahthu min hlan zawng kha,
Derna anka mai maw lo ni.

Suihlung ka chhir bik lo'ng e,
Nang ai sakhmel tha ka tawng ta e;
I thlan lamtluang chu zawh la,
Sirah hnawl in mangtha mai le.

Keipawn thaval dang tawnah,
Beiin hmangaihna parmawite;
Tlan in damlai hringnun ka chen,
Nunhlui zawngte sirah hnawl in.

Derthiam val nang dawn lo ten,
Hlim ten laitual ka leng ve ta;
Mahse, lam ang lo let lo la,
I tan ka rem tawh bik lo'ng e.

Continue Reading | comments

Hleih ten a dang zo ta

Phuahtu: R Vanlalnghaki
Satu: Sangkimi Khiangte

Tawn loh kar ni zawng khan e,
Lung ka lo phang leh thin a sin;
Chutin duhleng dang i tawn chuan,
Ariang sirah puan ang min hnawl mai le.

Tawn loh kar rei luat vang nge maw,
I lung tum reng lo ni zawk le?
Hmelma der na anka vang em ni,
Ariang sirah puan ang min hnawl mai le?

Lung zawng a leng dawn ngei e maw,
Tawn loh kar reilo te maiah pawh;
Rinawmna vawng zo si lo hian,
Engan nge maw hmanah min lo tiam le?

Sul ang zuiin kha leh chen kha,
Zan khaw rei reng pawh dawn lo ten;
Hmangaihna par kan tlan dun a,
Tunah kan nun hleih ten a dang zo ta.


Continue Reading | comments

Ka duh zawk

Phuahtu: Faith Lalduatmawii
Satu: Zamzami

Leng hei zawng zawng zingah hian ka thlangber che bawihte,
Lengdang tang ka la bel lo ka la fair reng a nia;
Thilsiam zingah chuan ka tan i ropui chuang ngei,
I angnema ka awm chuan ka thla a muang thin kha.

Tuan tul vang a i liam pawh hian min han hrereng la,
Tlangrel phurh pawh huamtu hi i thinlungah min dah la;
An sawi khuavel chhing leng ai pawn ka mi u ka duh zawk.

Runhmun leng a ka dawn chang in zan mu ka chhing thei lo,
I hlimthla chauh mai pawh hi ka tan chuan oh! my God!
Chawlhtui ning zu ka dawn pawh in a zamah ka rui che,
Ka sirsawn a i lenlai kha kohkir ka nuam ngei e.

Hringmi dang te i kianga an len ve ka ngai ngam lo,
I danglamna, i thatna, an hmuh ve ka duh lo;
Tangdang belh zai i rel dawn pawn nui hiau in min thlah la,
Sernung iang in cham mahse hliam in dam ni a nei ang.

2
Continue Reading | comments

Chhingkhual Di

Phuahtu: Lianhliri (Hliri)
Thluk siamtu: Dk-a
Satu: Josephine Lalawmpuii

Hmanah chhingkhual ka lo chan lai khan e mi u,
Thinlai lung min dum tu ka tawng che a;
I zunzam in hrual hrui ang in min phuar vel e,
A pawi emai khua hmun a len loh zawng.

Tuanna tlang te a dang, lawina run a hmun lo a pawi e,
Inthen in mual chu liam mah ila thinlaiah i cham reng si;
Aw, duhlai, nang nen a hlim te a dar ang in tawn leh nan,
Chhingkhual zin zai ka lo rel leh thuai ang.

Chhingkhual a lunglai di neih zawng kei ka tan chuan,
Dawn ti tam hrilh ti hai lung ti leng thlawn tu;
Awmkhawhar ti zual tu mai an chang leh si thin,
Min vei ve hian in ka ring si lo che.

Dam takin le, mangtha, dar ang tawn leh hma zawng,
Rinawm te hian lo awm ve thin ang che;
Tawn loh chhung awmkhawhar lunglen biahthu zawng te,
Tawn leh ni chuan kan la hril dun dawnnia.


Continue Reading | comments

Lawmthu ka hrilh che

Phuahtu: Lalhmachhuana Zofa
Satu: Lalruatdiki

Lalpa i malsawmna ka dawn zawng te,
Chhiar in hrethiam lo mah ila;
Min ensan ngai silo,
Lawmthu ka hrilh che Lalpa.

Leimawina tinreng te Lalpa zarah ka ta,
Hringnun kalsiam a herrem van nun min zirtir a;
Lungawina kim min pe.

Ka hriat loh mamawh tinreng min pe,
Ngaihsak lo thin che mah ila;
Malsawm i thulh silo,
Lawmthu ka hrilh che Lalpa.

Ka dil loh zawk malsawmna min pe,
Lawmthu sawi dan thiam lo mah ila;
Ngaihdam i thulh si lo,
Lawmthu ka hrilh che Lalpa.


Continue Reading | comments

Riangvaite Lal a lo piang ta

16 Nov 2017

Phuahtu: PC Lalneitluanga
Satu: Bawngkawn Bether Pastor Bial Zaipawl

An tlawm lua e lei berampute chu,
Vangkhaw daireah muang ten an zal e;
Leimi zinga chhiar ve loh mi tlawmte hnenah chuan,
Angel ten an puang e 'Remna Lal a piang ta' tiin.

A hming Maka, Remruattua, 
Pathian chaka, Chatuan Pa, Remna lal;
Hlim leh lawm in zai i vawr ang,
Riangvaite Lal a lo piang ta.

Vantirhkohten van hlamawi an rawn sa,
Chungnungberah ropui rawh se an ti;
Leichunga a lawm em em hringmi te hnenah chuan,
"Remthu leng rawh se" tiin biah zai nem an hlan e.

Beraw, mura, rangkachak nei lovin,
Rohlu engdangmah pek tur nei lovin;
Berampute ang khanin kan thinlung hlan ila,
Kan lawmna mittui nen Bethlehem lam i pan ang u.

Ranin tlawma ka Lal riangvai tak saw,
A chung  riang Mari'n duatten a chawi e;
Lunglai min run ngei e aw, Bethlehem tlangpui sawn,
Tahchuan ka Lal lunghnem ranthlengah chham ang a zal e.


Continue Reading | comments

A har ka ti lunglawm kim

Satu: Mimi Renthlei

In runsang ka lo lawi chang hian,
Nau ang hlim thin mah ila;
Pawmlai lo lungdi sakhmeltha,
A har ka ti lunglawm kim.

I tang belin biahthu di tinkim in hlan mah ila,
Han dawn ve teh kan nun hi tuar har ka ti;
Engtin awm maw, i zun ngai reng reng hian maw,
Nang ngaih bang thei silo

Ngaihlai lungdi chul chang mahla,
A zual zel si hmangaihna;
Min dawnpui ve la ka chan hi,
Enchimloh sakhmel tha sensiar;
Min dem lul suh i zun ngai hi.

Ka dawn ngam dawn em ni vala,
Anka nem rial ang dai tur;
Di ngaihlai kumtluang nang then chu,
I zun ngai hian ka zuam lul lo.

La...la..la..la..la.....

I tang belin biahthu di tinkim in hlan mah ila,
Han dawn ve teh kan nun hi tuar har ka ti;
Han dawn ve teh kan nun hi tuar har ka ti.



Continue Reading | comments

Runhmun len i rel ang aw

15 Nov 2017

Satu: Mimi Renthlei & C Sanga

Hmeichhia:
Hmanah khuahmun lenlai in,
Ka hmangaih ber che ti in;
Kumtluang rinawm min tam kha,
Eng vang nge i sut leh ni?

Mipa:
Tiam thu sut ka tum nem le,
Mahse, ka chinlai leng ten;
Kumsul pawh a vei hma in,
Lengdang a chhai an ti che.

Sakhmel tawn loh chhung tawi te hi,
A reilua em ni lungrun;
Ti mai a inthen tur chuan,
Biahthu di kan tiam lo kha.

Hmeichhia:
Hmelma anka leng mai maw,
Lung i her chhan le valmawi;
Kei chuan e kumtluang atan,
Lengdang chhai ka tum nem le

Mipa:
Min ngaidam rawh aw bawihte,
Lengdang chhai ka tum bik nem;
Duhluat vang che'n vala hian,
Lung lem hi ka nei lo e.

Mipa & Hmeichhia:
Tuanna tlang dang rih mahse maw,
Thaikawi bawngte tir ila;
Khuahmun a len leh ni chuan,
Run hmun len i rel ang aw.


Continue Reading | comments

Nunna thar (Movie song)

4 Nov 2017

Phuahtu: Andrew Laltlankima Pachuau
Satu: Andrew Laltlankima Pachuau, Wendy Zaithanpuii

He leiah hian lo seilian in,
I hun leh ni te ral zel in;
Kawng zawh ber tur hrelo in maw,
Hlimna dik chu i zawng thin maw,
Khawvel nawmnaah te i tlan thin;
Mahse nun chhungril chu a ruak si,
Beidawnna leh manganna ten,
I chhungril nun chu a luah si.

Chau in zam mai lo la,
I phurrit chhawktu i nei;
Krista chu i kiangah a awm reng,
Nunna thar a pe ang che.
oo..oo...oo..oo...oo
oo..oo...oo..oo...oo
I nun tuihalnaah chuan maw,
Nunna thar a pe ang che.

Vanduaina leh harsatna ten,
I hringnun chu rawn chimbuai in;
Nun thlakhlelhna nei lo in maw,
He lei chhuahsan i tum tin maw,
Mahse, i dawng chiang lo em ni,
I thlarau chan tur chu dawn la;
Inchhir in a hnen rawn pan hram rawh,
Beiseina thar a pe ang che.

Krista chu rawn pan mai la,
Krista chu rawn pan mai la,
Chakna thar a pe ang che,
Nunna thar i neih theih nan.

Chau in zam mai lo la,
I phurrit chhawk tu i nei;
Krista chu i kiangah a awm reng,
Nunna thar a pe ang che.
I nun tuihalnaah chuan maw,
Nunna thar a pe ang che;
Krista chu rawn pan mai la.


Continue Reading | comments (2)

Ram thianghlima lal lo piang chu

Phuahtu: Patea
Satu: Lalroutmawi

Ram thianghlima Lal lo piang chu,
Chung lam arsi chuan a pan zel a;
Mi fing amah zawngtute pawh khan,
Arsi chu an en a,
Kei pawh chu arsi eng chu pan zelin,
Lal pianna hmun tlawm Bethlehem min thlen ang.

Aw, Bethlehem tlang ka thlen hma chuan,
Chawl lovin ka kal ang;
Chhun arsi eng chuan min hruai zel ang a,
Mari chawi lai nausen chu ka hmu ang a.

Chatuan Salem kawngkhar ropui chu
Kan tan a rawn hawng leh ta e;
Boralna rama leng tawh hnu kham
Van khua min chantir a;
Lawmin i zai ang, Lal thar a piang ta,
Lei hi chatuan hla mawiin nghawr vel rawh se.

Lawm lo awm ang maw Lal thar chu,
Van mipuite chuan an rawn then ta;
A ngaiin van khua a reh zo ta,
Tapin lei an thlir a;
Chatuan arsi pawhin a um zel a,
A pianna Bethlehem tlang a rawn thlen ta.

Aw, tunah hian i kal ang u,
Hmun khawhar lam chu i pan zel ang;
Lei lalten amah do mah sela,
Mipuite zawng pawhin;
Kei chu ka Lal duh, ka lunglai hnemtu,
Hmun khawharah pawh aman min awmpui ang.

(Hlathu lakna: Kristian Hla Bu No-104)


Continue Reading | comments

Kum sul vei khua a lo thalin

Phuahtu: Lalzuithanga
Satu: Zoramchhani

Kum sul vei khua a lo thalin,
Van Lal nau ang a pian ni,
A her chhuak thin leng zawngte lawman,
Hlimin i lawm theuh ang u;
Zai tin rema tlang tin chuanin,
Kan lawm hla thang ri van hnuai khat rawh se.

Tlawm mah se, a pianna run chu
Van Lal ropui ber a ni;
A faktu angel lengrual te chuan,
"Chungnung berah ropui rawh se,
Lei chungah remna leng se,"
Tia fakin an zai thangvan sangah.

Keini pawhin lenrual kim te'n,
Zaiin i fak ve ang u;
'Haleluia! Chungnung ber,' tiin,
Amah chu sual bawih ata,
Min tlantu Lal lian a ni a,
A fak hla thang ri van hnuai khat rawh se.

(Hlathu lakna: Kristian Hla Bu No-108)

Continue Reading | comments

Khawvel thim en tura chu

Phuahtu: Rokunga
Satu: Liandingpuii, Lalruotmawi

Khawvel thim en tura chu,
Hmangaih puan nem sinin:
Bethlehem tlang khawharah,
Chun riang Mari chawiin;
Inngaitlawm leh hreawm huamin,
Kan tan a lo piang ta.

I chawimawi ang Lal Krista chu,
Kan tan a lo piang a;
Hmanah miten lawm lo mahse,
Keinin i lawm ang u;
Kan neih zawng nen a lo pianna,
Bethlehem i pan ang.

Rinna thllain va lengin,
Bethlehem chuan ila;
Va fang ila, Lal Isua
Kan tan a pianna hmun;
Chuta berampute nen chuan,
Fak hla kan rem ve nan.

Fakna zai ri chuan a fan,
Bethlehem tlang khawhar;
Aw Lal Isu, tunah hian,
Ka thinlung fan ve la;
Chutin ka fakna hla ve chuan,
Rimtui a chhuah ve nan.

Hmangaihtu Lal, lo leng la,
Ka thinlung rawn luah la;
Keimahah Nang lo cheng la,
Ka mit min tihvar la;
Tin, Bethlehem nau lo piang chu,
Ka lo hmu fiah thei ang.

(Hlathu lakna: Kristian Hla Bu No-129)

Continue Reading | comments

Ngai teh van lal fa chu

Phuahtu: Rokunga
Satu: Liandingpuii

Ngai teh, van Lal Fa chu, Bethlehem bawng in tlawmah,
Hringmi hraichawiin a lo piang a;
A lal ropuina van thutthleng chu rawn pelin,
Min tlan turin bawng in tlawmah a lo piang a.

Kan lawm a che,lei leh van Lal ropui,
Theihtawpin i fak hla kan sa ang;
Riangvaite leh retheite Lalpa,
Hmanah Bethlehem-ah i tan hmun a awm lo,
Tunah erawh i tan hmun a awm kan zingah.

A pianna hmun rethei - Bethlehem bawng in lo chu,
A tan hmun dang a awm ve silo;
A lu a nghat a, Bethlehem bawng in tlawmah,
Lei lalte leh ama miten an duh si lo.

Lal chungnung, hmun chungnung bera cheng hnu Lal Isua,
Lei lalten amah do mah sela;
Kei ka tan erawh Lal duhawm ber a ni si,
Riangvai kan lawmna tur renga Lal lo piang hi.

Hmanah Eden huana nunna kraun hlu kan hloh kha,
Tunah Lalpan min chharsak leh ta;
A tawngkam chhuak hmangaihna, riangvai min hnemtu,
Varparharsi aia eng mawi Lal duhawm hi.

Hmanah chuan Bethlehem-ah i tan hmun a awm lo,
Nang mi thianghlim van Lal pianna tur;
Tunah erawh hetah i tan hmun a awm e,
Isu, kan hnenah lo cheng la, min awmpui rawh.

(Hlathu lakna: Kristian Hla Bu No-127)

Continue Reading | comments

Khawvel sual tungding leh tura

Phuahtu: Rokunga
Satu: Liandingpuii

Khawvel sual tungding leh tura,
Lei mi zingah a lo chen in,
Ranthlengah chham ang a zal ta,
An hril Bethlehem mualah.

Amah fakin lawmin i zai ang u,
Khawvel buai leh sual thim chungah,
Rem leng rawh se, a zarah.

Berampu leh mi fingte chuan,
A hmaah kunin an bia a;
A chung zawnah siar eng leh,
Chunglum zai ri a zam e.

Aw, chu hmun chuan ka lung min len,
Thinlai hrui ang min rawn vuan e;
Siar leng pawh a liam thei lo,
Kawlkungah cham reng e.

Ka hril thiam lo, ka puang zo lo,
A ropui leh a mawizia chu;
Chhiarin hrethiam reng ila aw,
Nu pawh hlanin ka mawi e.

(Hlathu lakna: Kristian Hla Bu No-107)

Continue Reading | comments

Chumi zan reh takah chuan

Phuahtu: Rokunga
Satu: Liandingpuii

Chumi zan reh takah chuan,
Thlasik vur daifim hnuaiah,
Bethlehem bawng in tlawmah,
Lal Krista a lo piang ta;
Van mipui ten an rawn thlah,
Kan sual min tlan tur,
Lei leh van Lal ni mahse;
Chham ang zalna ranthleng a lo ni.

Puan nem ten amah tuamin
Ranthlengah a lu a nghat;
Rethei taka lo piangin,
A nu Mari thinlung chu,
Ngunhnamin a chhun tlang ta,
Pa Fa mal neih chhun,
Mi sual tana lo kal chu,
Davida khawpui veng in tualah.

Angel-ten kutin an chawi,
Zah takin chibai an buk;
Chumi zan khawhar takah,
A lu nghahna hmun tlawm chu,
Lal ropuinain a chhun;
Tin, berampu leh
Mi fingten chibai an buk;
Chham ang zalna ran in tlawm hnuaiah.

Keini pawh amah lawmin,
Bethlehem i pan ang u;
Van mi thianghlim sawi ang khan,
Nausan puana tuam ngei chu,
Ranthlengah va hmu ila;
Tin, a kiangah chuan,
Ni rei ni len ka duh ang;
Chham ang zalna ran in tlawm hnuaiah.

(Hlathu lakna: Kristian Hla Bu No-119)

Continue Reading | comments

Vanglai nun

3 Nov 2017

Satu: Mission Veng Branch YMA Zaipawl

Mahriak te a run nghak in ka dawn kir kan hlim lai ni,
Aw, a vul lai, kan hlimlai ni, theih chang se kohkir ka nuam;
Hun leh ni lo her zel in kumpui sul tam vei mahse,
Ka nghilh lawng kan vanglai ni tuanna tlang dang thin mahse.

Ngaiin ka au nunhlui liam hnu hlim zai vawr a lenlai ni,
Perhkhuang rem vanglai chhuat mawiin chhuihthang val lanu leng zawng te;
Aw, khawnge in tuan tak le suihlung rualpui zaleng zawng kha?
Then ten rihsang an kai a kir rel lo ten an her liam e.

Rualduh nen hlim zai vawr a suihlung rual a pheilai then in,
Engdang ngai lova lenlai ni nghilh zai reng ka rel thei lo;
Zotuithiang a ruang bual in kan chen tudang ngai lo ten,
Thingtin par tlan sirva leng ten zai vawr in min lo awi e.

Ka rawn fang leh kan vangkhawpui tunah rial ang lo dai e,
Vanglai chen zaleng zawng kha mualzapui an liam zo ta;
Theih chang se auh kir ka nuam zamual liam hnu rualduh te,
Chutin sakhmel intawng leh in rualduh lawm a kim ngei ang.


Continue Reading | comments

Zoram rohlu PUC

31 Oct 2017

Phuahtu: H Laldinmawia
Satu:  PUC Various Artists

Hrilin kan puang dawn lo ngai ve r’u,
Chhamin kan chhâl dawn a sakhming;
Zawlkhawpui sira ding luai ‘Zoram rohlu’,
P.U. College tia an vuah a sakhming.

Tukchhuaka kan tuanna tlang leh mual,
Thingtin partin vulna ram dai.
Sirva, Vahkhuai, Phengpheleng lenna sumtual,
Thlifim leng ten ni chhun min vawng dai.

Chhak, thlang, chhim, hmara leng lanu val rual, 
Par huan ianga lungruala kan lenna; 
Hriatna, thiamna, finna rûnpui P.U.C, 
Thangin kan sang zel dawn khuavelah, 
Kan thawm thangin piallei a nghawr vel e. 

Zirthiamna kawng dik min kawhhmuhtu,
Chhing zo awm maw, khum zo an awm ne'm le.
In lo ni e duhaisam zirtirtu;
Khuanu zarah in dam khua sei se.

Hnamtin chitin lungrualin kan leng,
A zo, a vai-ah aw kan buai lo.
Hmatiang hlen chhuak ngei turin rilru kan seng;
Hlawhtlinna nopui dawm kan tum fo.

Rap :
A zo a vai kan lawi,
A te leh a lianin Zawlkhawpuia PUC kan mawi 
Thinlung hmunkhat puin, darfeng nun kan chawi.
Hnungtawlh lam a lang lang lo, hmalam panin zai kan vawr.
Rual u te mellung phun hmangin rahbi thar kan kai a
Tuipui fawn ianga luangin ramri thar kan dai a
A sur a sa hrehawm kan hmasak a
Kan tur a na, zemawi kan khaisang a
Saruh iangin thiamna kan khel, kan tel
Rilru sengin kan kur Hmuh phak lohin kan pilna lipui a thuk 
Chhui sak tlakin kan zirna tuipui a thuk
‘Learning and Service’, kan thupui chu,
‘Not me, but you’ kan nunpui thung,
Lungruala, tangruala pheilai vawrin,
‘Give blood, save life,’tia zai vawrin.

 Bridge/choir 
 Thlang sappui zirna rûn kan ngai lo,
 Kawrvai leng tuanna ram zawng nen.
 Hei ang zirna rûnin mawi a awm bil lo’ng e,
 Thu tin tha chuang min hlan zawngte nen.


Continue Reading | comments

Chibai kan buk che u

23 Oct 2017

Phuahtu: Ananda
Thluk siamtu: Kima Chhangte
Satu: Green Mizoram Network

Kan nghah Krismas ni lo thlen hian thinlung lairila'n duhsakna,
Chhim leh hmar, chhak, thlang a leng zofa zawng te;
Kan hlan che u khuanu malsawmna tin leh,
Krisma leh kumthar hlim ten lo hmang turin

Green, Green Mizoram ten duhsakna kan hlan a che u
Green, Green Mizoram Krismas leh Kumthar chibai kan buk a che u.

Thenkhat chuan kawplai di rialin an leng mahna laitual hlim ten,
Nang erawh mahriak ten lo hmang thin mahla;
I lung lai rila'n kan tan a nau lo piang hi,
Lo lal zawk se khawvel hlim hlawp nun thlang lovin.

Kan nghah hunpui lo her chang hian,
Hmangaih lungduh mualliam hnute ngaih a thar leh in;
Fam zun phur a har ngei ang, mahse, mittui nen Krismas thlah bik lo la,
Chutin khuanun thlamuan in awmpui che u rawh se.

He hunpui a lo herchhuah hian lanu leng chhuihthang val zawng leh,
Rawlthar tuaitir leng zawng ten lo ngai ve ru;
I chun leh zua chinlai zawng te lung ti phang tu,
Chan tun lovin malsawmna thlen zawk ang che.

Awi, awi, awi, awi ka kil dawn e, ka kil dawn e,
Kei ka Lal piancham chu lawm turin;
Mas ruaipui chu leng i hian chheih ka kil nang e,
Vanlal naupian cham ka lawm nang e;
Lawm nang e, maw, thiani lawm nang e, ka lawm nang e.

Continue Reading | comments

Chhungkim lova Krismas

Phuahtu: C Latanpuia
Satu: Zobawm

Krismas ni lawmawm a her chhuak leh ta,
A mi leng ten hlimin hmang mahse;
Kei ni tan zawng fam ngai a awmkhawhar,
Suihlung ti leng ti zual tu a chang ta.

Chhung kim lova Krismas kan hmang ta hi,
Dawn lungruk reng aw a hlim thei lo;
Hlim leh lawm a miten an hman laiin,
Awm khawhar in maw kan hman tak le.

Fam dai rial chang in mual an liam zo ta,
Ka pi leh pu, ka chun leh zua te;
Ka unau, tu leh fa rualduh te,
Sakhmel tawn tur reng an awm ta lo.

Chhung kim te a lal pian champha Krismas,
Kan hman ho lai kha aw ka ngai thin;
Awm khawhar a kan rumna zawng zawng hi,
Lalpa chauh lo chuan min hnem zo lo.

Zoram kil tin a leng lenrual te u,
Hlim takin Krismas hmang ang che u;
Thinlaiah min han hrereng ula,
Keini fam ngai a rum zawng te hi.


Continue Reading | comments

A mian riang maw

Phuahtu: Rokunga

A mia'n riang maw, van mi a lo piang,
Bethlehem bawng in tlam a nghak e;
Amah chu mihring leh Pathian a ni,
Lal leh chhandamtu nih a fawm.

Hlim takin amah i fak ang u,
Min chhandam turin a ingaitlawm;
Ropui rawh se, aw, ropui ber rawh se,
Pathian kan hnena lo thleng hi.

A lalna thuruk miten an hriat loh,
Chatuana Pa angchhunga mi chu;
Mi fingte leh a lalna arsi nen,
Van mipui ten an rawn puang ta.

Hlimin i au vang, Lal thar a piang ta,
Thinlungin amah chu i bia ang;
Edom rimtu leh rangkachak ai chuan,
Thinlunga tawngtai a hlu zawk.

(Hlathu lakna: Kristian Hla Bu - No.114)

Continue Reading | comments

Ngai teh van lalfa chu

Phuahtu: Rokunga

Ngai teh, van lal fa chu, Behthlehem bawng in tlawmah,
Hringmi hraichawiin a lo piang a;
A lal ropuina van thutthleng chu rawn pelin,
Min tlan turin bawng in tlawmah a lo piang a.

Kan lawm a che, lei leh van Lal ropui,
Theihtawpin i fak hla kan sa ang;
Riangvaite leh retheite Lalpa,
Hmanah Bethlehem-ah i tan hmun a awm lo,
Tunah erawh i tan hmun a awm kan zingah.

A pianna hmun rethei - Bethlehem bawng in lo chu,
A tan hmun dang a awm ve si lo;
A lu a nghat a, Bethlehem bawng in tlawmah,
Lei lalte leh ama miten an duh silo.

Lal chungnung, hmun chungnung bera cheng hnu Lal Isua,
Lei lalten amah do mah sela;
Kei ta tan erawh Lal duhawm ber a ni si,
Riangvai kan lawmna tur renga Lal lo piang hi.

Hmanah Eden huana nunna kraun hlu kan hloh kha,
Tunah Lalpan min chhar sak leh ta;
A tawngkam chhuak hmangaihna, riangvai min hnemtu,
Varparharsi aia eng mawi Lal duhsawm hi.

Hmanah chuan Bethlehem-ah i tan hmun a awm lo,
Nang mi thianghlim van Lal pianan tur;
Tunah erawh hetah i tan hmun a awm e,
Isu, kan hnenah lo cheng la, min awmpui rawh.

(Hlathu lakna: Kristian Hla Bu - No.127)


Continue Reading | comments

Thimin lei a tuam laiin

Phuahtu: Rokunga

Thimin lei a tuam laiin,
Van engin piallei a chhun;
Vanho zai mawi a lo ri,
"Rem leng se," tiin an zai.

"Chungnung berah Pathian chu,
Ropui takin awm rawh se;
Lei chunga mihring hnenah,
Rem leng se," tiin an zai.

Puan eng var ropui sinin,
Bethlehem dai phullengah,
Chhandamtu lo pianga chu,
Chawimawi nan hla thar an sa.

Van mite an her liama,
Thangvan sang an kai hnu chuan,
Beramputen khawharin,
Bethlehem dai reh an nghak.

Keini pawh van mite u,
Berampute ang khanin,
'Leiah rem leng se,' tiin,
Min zaipui ve dawn lo'm ni?

(Hlathu lakna: Kristian Hla Bu - No.106)

Continue Reading | comments

Ringtu zawng zawngte u

Phuahtu: Mercer
Lettu: Rev. F.W Savidge

Ringtu zawng zawngte u,
Hlimin leh lawm takin;
Bethlehem khaw lamah chuan lo haw rawh u;
Amah en turin, vantirhkohte Lal Hi,
Amah i lo fak ang u, Krista kan Lal.

Vantirhkohte u,
Ring takin sa rawhu;
Vana mi zawng zawngte khian lo hriat turin;
Fakin awm rawh se, Pathian kan Lalber hi,
Amah i lo fak ang u, Krista kan Lal.

Lalpa, ka fak a che,
Kan dam nana piang hi;
Aw Lal Isu, i hming zahawm fo rawh se;
Kan tuar ai i tuar, Pathian fa i ni si!
Amah i lo fak ang u, Krista kan Lal.

(Hlathu lakna: Kristian Hla Bu - No.81)

Continue Reading | comments

Aw van leng rual, zai thiamte u

Lettu: Hrawva
Satu: Lalrindiki Khiangte, Liandingpuii, Liandingpuii, H Lalmuankimi

Aw, van leng rual, zai thiamte u,
Chhandamtu pianna hla;
'Leiah rem leng rawh se' tiin,
In la zai fo lo'm ni?
Hmanah zai hla rem mawi,
Suria leng in awihna;
Lairilah a cham reng,
Aw, van aw mawite u.

Aw nang, enna mawi leh duhawm,
Van ropuina puangtu;
Ram loh tui thiang cham del chungah,
Berampu tuannaah,
Zan thianghlim ber ang khan,
Beisei lawm leh ringin,
Min awmpui reng ang che,
Aw, eng mawi leh duhawm.

Hmangaiha min tlantu hnenah,
Hruaitu chungleng siar;
van zawl kawlkung khi zawng ila,
Kan la tawng leh ang che'm?
Kawlrawn zawng i liam lo,
I eng a chuai chuang lo;
Kan tan lo eng ve rawh,
Hruaitu siar ropui.

(Hlathu lakna: Kristian Hla Bu - No.80)
Continue Reading | comments

Ngai ru, van mi tlangau

Phuahtu: C.Wesley
Lettu: Hrawva

Ngai r'u, van mi tlangau chu,
Lalber thar a lo piang ta;
Lei chungah remna leng se,
Pathian leh mihring remna.
Hnam tingreng lawma auvin,
Van mi zai mawi chu zawmin;
Ram tin, kil tin puangzel r'u,
Lal Krista lo pian thu chu;
Van mi tlangau chu ngai r'u,
Lalber thar a lo piang ta.

Krista, chatuan lalropui,
Van mi thianghlim te fak chu;
Leia hringmi chun vuanin,
Kan sual vanga tuar tur chu.
Van ropuinate hlipin,
Kan zingan a lo piang ta;
Lei leh vanah thang chhuak se,
Kan zinga Pathian thleng hi;
Van mi tlangau chu ngai r'u,
Lalber thar a lo piang ta.

(Hlathu lakna: Kristian Hla Bu - No.84)
Continue Reading | comments

Ka thik mawlh tawh lawng che

18 Oct 2017

Satu: Thangromawia Thomte

Ka suihlunglen a zual thin e,
Ka dawn thin a kan hlimlai ni;
Mahse, mual an liam ta.

Ka ngai em che ka di bawihte,
Hlim leh lawm a kan lenlai ni;
Ka ngai em che mampui.

Hmanah khan e nang chauh tiin,
Duh ten buan ang kan in pawm a;
Chhingmit hawng lo reng in.

Mahse, dawtthu lo ni reng a,
Hmangaih biahthu min hlan zawng te;
Tawnmang an chang zo ta.

Tunah chuan maw i lungdumtu,
Va pawm ta la min ngai lo ten;
Hlimten va leng nang che.

I lungdumtu tangah beiin,
Hmangaih biahthu hlan dun ang che u;
Ka thik mawlh tawh lawng che.

Continue Reading | comments

Chhingmit in

Phuahtu: Lalchhunga
Satu: Thangromawia Thomte

Lanu leng leh valrual zawng te,
Sial ang kan ngir e run zauvah;
Kan dawn kan lungkham a dang e maw,
Chhuihthangvalan lengi a lo vei melh e;
A rem silo lengdang zingah biahthu hlan zawng.

Khawi lam vangkhua nge i nih aw hmeltha,
Ti a zawh mai ka nuam e; 
Mahse, a rem thei mawlh silo,
I sakhmel tawn chak in; 
Chhingmit in kan zai ralh ralh thin.

Bahsam thlah mawi sakhmelthai,
Ka dawn lungruk dawn lo reng hian;
I her vel si maw lengdang zingah,
Zawt che ila min chhang ang maw i lenna;
Khuanu zarah in vangkhua kan lawi ve mahna.

Ngaihnobei te suihlungdumtu,
Min dawn ve hian ka ring silo;
Zai hla mawi hian ka chah nang che,
Par ang vul zel la thlangkhuandim lovin e;
Khuanu zarah in vangkhua kan lawi ve mahna.


Continue Reading | comments

Hmangaihna aia rosum

Phuahtu: Lianthangpuia
Satu: Thangromawia Thomte

Hlim ten i tang nem bel turin,
In run lamtluang ka rawn zui a;
Chutin in run chhung ka lo lawi e,
Biahthu di hlan dun turin.

Mahse, nang zawng min ngai lo reng hian in maw,
Lengdang bel in biahthu di in lo hlan a;
Zanmu chhin zai reng ka rel thei lo, 
Aw, thinlai a zing ruai e.

Thinlai ruk an han dawn ve thin la,
Bawihte ka hmangaihna che hi;
I tawng leh thei hian ka ring si lo,
Kei aia hmangaih tu che.

Suihlung ka chhir ngei tinkim ka dawn in,
Nang kher ka lo tawn che hi;
Hmangaihna aia rosum thlang thin maw,
Bawihte i lo nih le.

Continue Reading | comments

I ta ka ni e

Phuahtu: CFL Hmingthanga
Satu: Thangromawia Thomte & Josephine

Mipa:
Hmangaihna in ka lo thlir thin,
Runhmunah kan len ve hun tur dawn in;
Mahse, then nan biahthu tinkim,
Mi hlan in i liam leh si maw.

Hmeichhia:
Hmelma anka biahthu der mai,
I lo dawn sual vang a lo ni suihlung i lo her zawk le;
Ka thinlai lungruk hmangaihna
I tan ka hlan i ta ka ni e.

I ta ka ni nangpawh ka ta ni zel turin,
Hmangaihna par ang i vul tir zel ang kan karah hian;
Fanau maltluan chawi dun a,
Hmangaihna biahthu di rinawm i hlan zel ang;
I ta ka ni hmangaihna famkim nen.

Mipa:
I zun ngaih lai ka bang thei lo,
Lenna khua hmun loh vang maw lo ni le;
Hmelma anka biahthu der mai,
Ka chhai sual nang sam ang then nan.

Hmeichhia:
Belhchian dawllo biahthu leng hian,
Kan karah hmun reng a chang lo tiin ka lo dawn thin a;
Tih nghin rual loh biahthu rinawm,
I tan ka hlan ka hmangaihna.


Continue Reading | comments

Lalzun

17 Oct 2017

Phuahtu: F Laltuaia
Satu: F Zomuanpuia

Kian a zai a rel silo lalzun leng a uai chu,
Ka rawn zawng zel nang che doral karah;
I tello chuan in maw ka tlei thei mawlh silo,
Dam ten min lo chhawn ve che maw.

Hmangaihna zunzam hian kei min lo phuar ta si,
A thiang a kan len si loh chuan;
Suihlung ka phang nang nen sam ang inthen leh hi,
Tlang za rel thang kan phur tawh si.

Keizawng a har ka ti kar dan a len reng hi,
Sakhmel tha sensiar nang reng tawng lova;
Ka thinlai lungrukah i cham reng dawn si a,
Lungrual ni aw a thar leh thin.

Engngan ka lo tawn che suihlung min lentu hi,
Kawp te a lendun ni awm tak ang maw;
I tan chauh rinawmin kan tiam thu di zawng te,
Nghilh bik lo la thaleng dawn in.


Continue Reading | comments

Engtin van hmun nuamah chuan awm ang maw

Satu: Zoramchhani

Ka dawn thin lenrualte, ka thian, ka chhungte,
He khawvel hrehawm a lungngai a tuar zawng te;
Van hmun nuam an thlen hun in engtin awm ang i maw,
Engtin van hmun nuamah chuan awm ang maw.

Dawn in engtin vawiin hmang maw van hmun nuam a cheng ten,
Natna leh lungngaihna awm tawh lohna ram chu;
Tah chuan luipui angin remna lui a luang an ti,
Hmuh chak in chu ram chu ka thlir, ka thlir fo thin.

Aw, thenkhat natna leh mittui in a bual mek te,
Damna awmlo, doctor an beidawng, aw, tih theih reng a awm silo;
An tuar, an tap, an rum, thihna in a chhawk hma loh zawng,
Engtin van hmun nuamah chuan awm ang maw.




Continue Reading | comments

Ka hmangaih che

Phuahtu: Lalnunpuia Hrahsel
Satu: Sangtei Renza

Chunnu hnuntui a chawmtu che leh,
Zuapa a enkawl tu che aiin;
I unau leh nau i laichin zawng aiin,
Ka hmangaih che,ka hmangaih zawk che.

Ka hmangaih che, ka hmangaih che,
I tan lalthuthleng ka kalsan a;
Ka hmangaih che, ka hmangaih che,
I dam nan krawsah ka thi asin.

I pian hma tawh in ka hria che a,
I tun nun hman mek nen lam pawh in;
Malsawm chak in ka thlir reng che a,
Lo haw rawh nun i neih theih nan.

Khawvel thil te chu reilo te atan,
Mitkhap kar lovah an ral leh ang;
Innghahna tlak tling reng a awm lo,
Ka thu erawh a nung reng dawn si.

Enteh ka kutphah an kilhna hnu hi,
Ka nak a ser nung an chhunna te;
Hling lukhum khum chu hrehawm mahse,
I dam nan tiin thlafam ka chang asin.


Continue Reading | comments

Hmangaihna

Phuahtu: Siama (Vulmawi)
Satu: Zaitei Ralte

*Khawvel a hmangaihna sang ber
Agape hmangaihna aia thlum zawk;
Ka hlan che i tan engkim huam in,
A mi zaleng ten an hriat phak loh hmangaihna.

Hun kal zel tur lam dawn lovin,
Ka neih chhun chhuanawm ber ka hlan che;
Hmangaihna thuk ber sang tam tak man,
Ka hlan che hi a thuk lua em lo ni.

Tuifinriat aia thuk hmangaihna ka hlan che,
Ariang mi chantir i tum hi;
Piallei thuahriat a ka zal hma zawng,
Nghilh ni reng ka nei dawn love.

**Tap tap mah ila a sawt lo,
Ka biahthu hlan zawng a thamral ta;
Damlai hremhmun maw ka tang bel tu,
Lenrual duh te u ka chan hi dawn teh u.

Repeat *
Repeat **


Continue Reading | comments

A rem silo

Phuahtu: R Lalduhawma
Satu: Zaitei Ralte

Ka ngai thin kan nunhlui mualliam hnu,
Theih chang se kohkir leh ka nuam thin e;
Nang nen hmangaih biahthu in hlan a,
Hringnun par kan thliah dun lai ni te kha.

Khuanu ruat loh di neih zawng,
Tawrh thiam a har, lunglam ka vai ruai e;
Chan tawk khuarel maw lo ni le,
A rem silo ka di nen a lendun.

Ariang lungmawl tan vanpui lo chim,
Ka phal dawn ne maw tangdang bel turan;
Lengdang chhai ka zuam silo lungrun,
Min han dawn ve thin la i zun ngai hi.

Mahten ka thlir thin chung chhawrthlapui,
Lunglen tizual tu mai an chang zo ta;
Ar ang ka vai vangkhawpui tualah,
Mitthla an a cham reng i sakhmelmawi.

Awle, dam takin mual chu liam la,
Chhai thar di tawng in hlim ten leng nang che;
Hmangaihna vanduai zun ka phur si,
Fam chan hma chuan duhlai ka nghilh lo'ng che.


Continue Reading | comments

Zo lei nuam

Phuahtu: Zam L Simte & John Thangsing
Lettu: B Lalchhuanawma
Satu: Lalrinhlui Tlumang

Zo lei dung leh vang dawn in hmana kan pi leh kan pu te,
Hlim zai vawr in hringnun an chen;
Ning zu dawn lenrual ten lawm zu dawnin,
Ning zu dawn in thingbul, suangbul an bia kan zo leiah.

Hmana pi leh pu te kaina zo lei nuamah,
Pheikhai vawr in hlimten suihlung an rual ngei e;
Aw, ka ngai em e aw, pianna zo lei,
Nghilhni awm dawn lo zo lei nuam hi.

Ram nuam zo lei, sirva leng ten hlim takin zai lo sa e,
Tlang tin leh mual te lunglai a dum zo ngei e;
Kil tin thang in khuavel deng chhuak ta che.

Thangthar ten lungrual in kan Zoram tan hian e,
Thiamna run sang belin ram leh hnam tan hian in;
Kan thinlung lairilah thutiam chungin,
Par ang vul zel se zo lei nuamah.

Thangthar ten hmatiang sawn in i ram tan hian,
Hmangaih in unau lungrual a leng za in;
Tui ang luang za in hmatiang sawn in,
Par ang vul zel se zo lei nuamah.

Zo leiah thingting par in a vul mawi ngei e
Chibing hnambil sawi lo zofa kan mawi ngei e
Unau chhulkhat chhuak kan ni zofate,
Zoram parvul nan dinthar ang u.

Continue Reading | comments

Lawmrual feh hla

3 Sep 2017

Satu: H Lalchawimawii

Vawiin chuan ramtuan kan rel e vangkhaw zauvah,
Lawm lungrual kan ngir e chhuahtlang mual mawiin;
Kal lai relin lamtluang kan zawh vangkhaw daiah,
Tin kal zel in chawlhna hmun tlang kan thleng thin.

Tahchuan ka han thlir a, a lang e kan sawmfang dumdur,
Kiva leng rual, murvate leh thla kawi an leng e;
Hmatiang hlen tur lawm lungrual te sir kan sawn a,
Awih kan buk thlam sawngka dawhrem tlaitlan nen

Kal lai rel in luipui kam chu kan zuk thleng a,
Siktui thiang dawn za a sakruang kan bualna;
Tahchuan nileng cham ka nuam e chhuihthang vala,
Mahse, kan thlawh sawmfang chuan min lo au ve.

Kawltu chawiin kal lai rel in lawm lungrual zawng zawng ten,
Kan sawmfang buk thlam run hmun chu kan thlen hma loh chuan;
Siahthing zar lo awiin huiva hram thiam zai nen,
Lentu kar lel zaiten min lo au mahse.

Tin, kal zelin buk thlam hmun chu kan zuk thleng a,
Chhuntiang zantiang dawn a thinlai lunglenna;
Lawm ru kan sawmfang hringdel a lo eng tan ta,
A mawi zual e rairah thinlai min hnemtu.

Mahse, hmaten tukram chulhnu a lo chang leh mai tur,
Tinkim dawn a fan chang lung ti leng tur zual tur hian;
Ka vau maurua thing lenbuang leh siahthing zarah,
Mimsirikut thuva ten zaiin lo awi.

Continue Reading | comments

Sawmfang hmun

Satu: H Lalchawimawii

Vawiin chuan lenrual zawng nen ramtuan rel in,
Kan thlawh sawmfang chamduai ka thlir vel a;
Turnipui hrang vung hnuaian ka chuan vel a,
A kai chiai e romei zam leh chumchi leng vel te.

Lungrual ten chuan ka nuam e sawmfang hmun nuam,
Thal favang turni nem duai hnuai an maw;
Duhten hril dun ila lungrual thu di zawng,
Hmatiang sawn a lendun ka nuam kan sawmfang hmun mawiah.

Mahte a ramtuan rel a ka dawn chang in,
Kawplai di then hnu kha a tho leh e;
Dar ang tawnni a her lo'ng maw ka chuan vel a,
Hlim ten tuan zai reng ka rello kan sawmfang hmun mawiah.

Nang ngaih kumtluang hrui ang a sei dawn ngei,
Lam ang let leh hian in i mawi silo;
Tiam thu di nemten min hlan zawng te kha,
Min fan chhuak e vawiini chuan kan sawmfang hmun ngeiah.

Continue Reading | comments

Nang ngaih a zual

Phuahtu: Thanthuama Chhakchhuak
Satu: Ruafeli & Rachel Lalnunkimi

Chhawrthla eng hian nang ngaih a zual,
Aw, min hnemtu ka vai ruai e.

Awmkhua a har i tello chuan min hnem leh la,
Aw, min awm rawh i zun a uai a riang te hi;
Mi hnem leh la, aw, min rawh.

Lam ang let in lokir leh la,
Ka suihlunglen a dam mahna.

Theih chang ve se auh kir ka nuam,
Kan sul i hnu tuai thar leh in.

Continue Reading | comments

Phuloh lengi

Satu: R Lalhriatchhungi (Machhungi), Darthuama, Lalnunsanga

Aw, phuloh lengi i zun ngaih hi a na ngei mai,
Engtin tuar ang i maw i zun ngaih hi;
Lo kir leh lul rawh nui mawi hmeltha,
I tawnah hian suihlung damni reng hi ka nei dawn lo.

Chhawrthla eng hnuaiah ka dawn thin che,
Mahse, min dawn ve lo ka di te khan;
Ka tuar an a na ngei e, a na ngei, phuloh leng.

A na ngei mai, phuloh lengi i zun ngaih hi,
Damlai khawvelah hian tawnni awm lo;
Hmangaih thu kan tiam zawng te kha i haider dawn em ni,
Haider lul suh ka tawnah lam ang lo let rawh.

Zan khaw lo tlai romei zam hian min dawn tir thin,
Zanmu chhin zai reng hi ka rel thei lo

https://youtu.be/p20hqZKaduA
Continue Reading | comments

Hmangaih lehkhathawn

Satu: R Lalhriatchhungi (Machhungi)

Hmangaih duhlai i dam thin em le?
Sakhmel tawn loh ni te zawng khan;
Min han ngai ve thin em?

Aw ka hmangaih enchim ngai loh,
Keipawh khuanu zarah ka dam thin e;
I van han ngaihawm thin em.

Biahthu di hlan nan karlam hla mahse,
Thaikawi biahthu di hlan dun zel ang aw;
Aw, thangril laikhum dawhrem an,
Zanmu chhin a har tahnan zan a rei lua e.

Aw, ka hmangaih theihnghilh theih ngai loh,
Duh duh a biak phak i ni silo;
Aw, ka van han ngai thin che em,
Hei hi maw lo ni le an sawi;
Hmangaihna zun phuar vel chu,
A lo va han mak ngai em.

Aw, nang nen a kan hlimlai nite,
Hrui angin sei se kumtluang in;
Aw haw chuailo par iang reng in vul zel se,
Thihna lo chuan min then lul lo se.

Khuahmunah lengdun lo mah ila e,
Rinawmna in i lengdun zel ang aw;
Nangmah i rinawm phawt chuan in kei chuan,
Rinawm ka tiam che aw hmangaih duhlai.

Ka dawn lungruk duhaisam chuan in,
Beiseina in ka thlir reng thin che;
Vangkhaw hmuloh te fang chhuak in,
Tuifinriat hnuai leh Everest tlangchhip hial pawh;
Han thleng mahla i tawng chuang long e,
Kei aia hmangaihtu che.

Continue Reading | comments

Arkai den zan

Satu: R Lalhriatchhungi (Machhungi)

Sik khua zanthiang chhawrthla eng hnuaiah,
Nungcha tinreng leh hringmi leng zawng ten;
Hlimin kan lawm zairimawi nen.

Lenrual te u han thlir teh u,
Chung siar leh thlapui eng no ruai khi;
Amawi chuang e arkai thlapui,
A sakhmingah arkai den zan tiin.

I engmawi zarah lungduh te nen
Engdang dawn lo in hmangaih par kan tlan
Then hun tur reng kan dawn phak lo.

Keizawng ka thlir ning thei mawlh silo,
Hei ang reng sakhmeltha awm ang maw;
Lung min dumtu chung chhawrthlapui.

Amawi zual thin sikthla vangkhuaah,
Tuan tul vang emni i herliam leh thin;
Arkai thlapui liam lul suh aw.

Continue Reading | comments

Thihna lui

29 Aug 2017

Phuahtu: CT Lalnunthanga
Satu: JH Mamuani

Thihna lui thuk takah,
Ka pil laiin ka chhandamtu'n;
Hmangaih vangin min tlan,
Buaina tuifawng ka kai ta e.

Hlim takin ka zai zel dawn,
Ka chhandamtu fakin;
Chatuan ram ka thlen thlengin,
Ka chhandamtu'n min hruai zel ang.

Tunah chuan lawm takin,
Ka chhandamtu ka zui zel ang;
A hmangaih ropui hi,
Hnamtin zingah ka hril zel ang.

Van khawpui ka thlen hun chuan,
Lungngaihna ram he khawvel hi;
Ngai lo in Lal hnenah,
Chatuanin aw ka leng tawh ang.


Continue Reading | comments

Tlaitla engmawi

24 Aug 2017

Satu: Lalruatfela Pachuau

Chelhdin rual loh tlaitla engmawi riai,
Mawiten her liam leh mai ang maw;
Thing tin parmawi ti mawi zual tu ber,
Hram thiam va ten an fak thin che.

Vangkhaw dar ang lenna zolurah hian,
Cham rih la zamual liam mai lovin;
Engmawi riai riahrun rem ve la,
Cheng zaleng rual lunglawm ve nan.

Ka thlir ning lo tlaitla eng riai ruai,
Thlang tiang kawlrawnah liam mek e;
A mawi ngei e lentu chawi zo vel,
Hramthiam rimawi thangkhawk ri nen.

Han thlir vel in a mawi zual thin e,
Lentu dampa chhawrpial hmingthan hluan;
Vul thing tin par hramthiam va nen,
Chung khuanu ruat maw lo ni le.

Tlaitla engmawi herliam iang in maw,
Hringnun parmawi a lo chuai thin le;
Chung khuanu ruat kan hringnun hi,
Zaleng zawng ten dawn ve che u maw.

Lenkawl turni thlang tlai zamual a liam ruai ruai e
An awi liam e sirva lunglen chiar hniang rimawi thang vel nen.

Continue Reading | comments

Chamrih la tlaitla engmawi

Phuahtu: C Lalrinmawia
Satu: C Lalrinmawia

Aw, ka thlir vel tlaitla engmawi,
Aw, i lo mawi chuang mang e;
Sakhmel thar hraileng ten lo lawm.

Chamrih la tlaitla engmawi no ruai,
La,la,la,la,la,la....
Chamrih la hraileng zawng lo lawm nan maw,
I liam tur maw lo ngui zo ta.

Kumpuisul a lo vei hian,
Hun leh ni te a lo dang;
Ka ngai thin lenrual hlui then hnu te.

Lenkawl chamduai tlang dum dur,
Leh ramdai sirva leng ten;
An lo bel e riahbuk ramdai an.

Continue Reading | comments

Kar hla thian

Phuahtu: C Dinthanga
Satu: Peter C Lalrinmawia, Remkimi Cherpoot

Kawlvalenchham a leng thian duhtak,
I tan thaikawi biahthu ka rawn tir a;
Aw sakhmel tawnni her lo mahse
I hlimthla thlir in thinlaiah ai ang i cham reng e.

Van dumpawl leh boruak thiang karah,
Awmhar kan ruan riangteah hian maw;
Kei lungmawl hian lungchim ten,
Ka dawng vawng vawng thin che a;
Sakhmel tawnni awm silo ka thian.

Sakhmel tawn loh kar hla thian,
Kar kar lamtluang a thui vawng vawng;
Ka thinlung chhungrilah,
I cham reng, aw ka thian.

Thaikawi biahthu ka hlan tawh che a,
I thaikawi biahthu min hlan ve la;
I samhmel leh anka mawiin lairil a fan ngei e,
Engtikah tawnni her ve ang maw.

Continue Reading | comments

LT a mak ka ti

Phuahtu: Rs Rosangluaia
Satu: C Lalrinmawia

Lungrukah duh ai ka sam thin a,
Thinlai na hnemtu tawng ve ila;
Zawlkhaw zau ka thlir vel a,
Mahriak a han len nan.

Violet by a mossy stone,
Ka tan emni i vul le;
Ka tan khuanu ruat reng ni teh la,
Mahten ka leng tawh lawng.

Runlum nuthai tur atan chuan e,
Suihlung i dum zo ngei ka tan;
Runlum min han nghahpui teh la,
LT a mak ka ti.

Tichuan ka zawt a che min hrilh rawh,
I tan chauh a rinawm tum tur;
Tia biahthu min hlan zawng kha,
Thamral atan chuan e.

Continue Reading | comments

Vanglai nun

Phuahtu: C Lalrinmawia
Satu: C Lalrinmawia

Lungkim ten ka han dawn vel a,
Lunglam ka vai, hrilh ka hai mang e;
Nunhlui liam mual liam hnu te,
Auh ruai ka nuam ngei e.

Vanglai nun, aw hlimlai ni,
Lungrual te a zaitin kan vawr lai te;
Suihlung rual a lengza thin kha,
Khawian tuan che u maw,
A then rihsang mualliam in, 
A then lenna tlang dang si maw;
Vanglai nun, aw lenlai ni, 
Kir zai an rel si lo.

Tukram siahthing siri par,
Vaube, tuangtuah par kan hel lai te;
Duhaisam nau ang nuih lai,
Dawn ve thin che u maw.

Dar ang tawnni her leh ngei se,
Tah chuan lungrual ten tlaikhua var in;
Vanglai nun, aw lenlai ni,
Zaiin ka awi na nge.

Kan nun kalsiam hersual mahse,
A hranna ah lak thiam theuh tur ni lawm;
I chen zel ang aw lungdam ten,
Sakhmel hai ang tar hma hian.


Continue Reading | comments

Lal hnih rawng ka bawl thei lo

22 Aug 2017

Phuahtu: Lalrengpuii
Satu: Pensy B Lalthangliani

Chatuan atan Pa angchhungah lawmluh in  ka awm ta,
Lalte lal, hotute hotu chuan;
A lalram ropui tak chu keimahah a rawn din ta,
Kan kar a thuthlunna chu  engmah in tibuai suh se.

Ropuina, thuneihna te, hausakna, lalna te nen,
Ka Lal hmel hliahtu atan engmah reng ka phallo e;
A lalna daltu atan engmah reng ka phal mawlh lo,
Lal hnih rawng ka bawl thei lo ka tisa mangtha mai le.

Chatuan lal hriattirna chuan ka thisen zungzam zawng  zawng,
Fangchhuak in aw atan min nei ta;
Ka chak zawng zawng zawng te leh ka duhdan zawng zawng te chu,
Hnawl in aw min thiah sak zel  tih theih reng ka nei ta lo.

Chatuanpa remruattu chuan nun malsawm ka neih theih nan,
Hmusitna, sawichhiatna, retheihna;
Natna leh hrehawmna te, channa te chuan min vur e,
Mahse, maw a ropui e chatuan malsawmna a ni.

Continue Reading | comments

Ka enna

20 Aug 2017

Phuahtu: Lalrempuia Ralte
Satu: Lalnunpuii Kawlni

Lungngaih ni leh chauh chang ni hian,
Ka thla chau in a rum thin a;
I hmangaihna thuk leh ril chuan,
Tui liam angin min hruai kir leh thin (2).

Nunna thukah min hruai lut a,
Ka phak loh ram min chuan tir a;
Thlamuang in ka leng tawh ang a,
Ka nunna ber chu nang hi ni (2).

Ka enna, ka enna, thim zingah ka enna,
Ka zui zel ang che, ka himna;
Ka lawm na zaiin ka fak ang che, 
Thihna luiral kan kai thlen thleng in (2).

Engpawh thleng se ka hlau lovang,
Nitin zaiin ka lam tawh ang;
I hmangaihna chuai ngai lo chuan,
Vanram thleng in min hruai tawh ang a;
Angel te nen kan zai tawh ang a.

Hmalam pan zel in eng chu thlir in,
Min hruai zel dawn chatuan thleng in. (3)

Continue Reading | comments

Lal Isua ka nei ta

Phuahtu: Alvin Lalruatfela
Satu: One in Christ

Hawi vel ila kil tinah sualna a hrang,
Beisei tur avang he khawvelah hi zawng;
Muanna leh hlimna a thamral mek zel e,
Tunah chuan ka chhar ta ka tan a hlu ber chu;
Engkim a ka engkim Lal Isua ka nei ta.

Aw, Lalpa, ka sualnate i hria e,
Bosan thin che in kalpeng thin mah ila;
Min hmangaihna chu ka tan a ngai reng si,
Tunah chuan ka chhar ta ka tan a hlu ber chu;
Engkim a ka engkim Lal Isua ka nei ta.

I khawngaihna hlu tak changtu ka ni si,
Ka bosan loh nan nang in min chelh tlat rawh;
Lalpa nang lo chu belhtlak an awm si lo,
Tunah chuan ka chhar ta ka tan a hlu ber chu;
Engkim a ka engkim Lal Isua ka nei ta.

Ka tan Lapa i lo tuar kraws ah ngei khan,
Hmangaih tlak loh hi min thlahthlam ngai lova;
Nunna ka neih nan ka tan i thi si a,
Tunah chuan ka chhar ta ka tan a hlu ber chu;
Engkim a ka engkim Lal Isua ka nei ta.

Tunge ka nih enge i tan ka tih ang,
Min hrilh nawn fo rawh fak leh chawimawi che hi;
Ka tih awm reng a ni ka tan i hlu si a,
Tunah chuan ka chhar ta ka tan a hlu ber chu;
Engkim a ka engkim Lal Isua ka nei ta.


Continue Reading | comments

I mangan a hria

Lettu: Alvin Laruatfela
Satu: One in Christ

Khawhar tak leh mal a awm in i lo kun thin maw,
I buaina a tam si chhanna i hmu si lo;
I zawng ruai tanpuitu hmangaihtu awm nem maw,
Mahse, beidawng suh ang che i mangan a hria.

Lungngai in huanah Lal Isuan midang mut reh laiin,
Tawngtaiin a thingthi a a mittui a luang chhuak;
Thlamuanna mak tak a chhar ta hmangaihtu aw a hria,
Min hriatchhuah tir fo thin min pui turin a hnai reng.

I manganna hria i lungngaihna zawng nen,
Lal Isua ngei pawh khan in tahna ruam a zawh a sin;
A hmangaihna mak tak chu ringhlel suh ang che,
A thutiamah a dingnghet i manganna a hria.

Thlemna hmang in Dialbola'n a lo sawm thin che,
Bum in awm lul suh thihna kawng a ni e;
Fiahna tawk in Lal Isua thlalerah a awm,
Thlemna tawk thin mahse Isua a nghing love.

Continue Reading | comments

I rah chin apiang i ram

Phuah: Rev Rohmingliana (L)
Satu: One in Christ

Thu ka pe che a ni lawm ni,
Chak tak leh huai takin awm rawh;
Hlau suh la, zam hek suh,
I rah chin apiang i ram.

Hlau suh la, awm hle hle mai rawh,
Lal Isuan i tan chhandam na;
A buatsaih chu thlir in,
Lalpa ah chuan chawl zawk rawh.

Hlau suh la, puang zel rawh,
Zam suh la, pen zel rawh;
Zak suh la, au chhuak rawh,
I rah chin apiang i ram a ni zel ang.

Aw, nang varparh zing lam fapa,
Lei ti khur a ram ti nghing tu;
Krista Isuaah chuan,
Hneh in i awm ta si a.

Hlau tur a chhandam kan ni lo,
Zam tur a koh kan ni hek lo;
Kraws hnehna thutak chu,
Puang tur a koh kan ni zawk.

Continue Reading | comments

Ka Pa Lalram

Lettu: H Lalhlimpuia
Satu: One in Christ

Ka Pa lalramah hian,
Aw, thilsiam tinreng te;
Hlimin an zai rimawi zawng nen,
Fakna ten min hual e.

Ka Pa lalramah hian,
Zingtian parmawi tin te;
Sirva zaithiam tinreng te nen,
Siamtu fakin an awi e.

Ka Pa lalramah hian,
Muangten ka thla a chawl;
Vansang tui thuk khawmual zawng hi,
A kutchhuak an lo ni si.

Ka Pa lalramah hian,
Hei hi hriat reng ka duh;
Sual ral te chu lo lian mahse,
Aman ro a rel e.

Ka Pa lalramah hian,
Engahnge ka lungngaih;
Van ten an puang a lalna ropui,
Leilung lawm in zai rawh se.

Ka Pa lalramah hian,
A mawinate an eng;
Lentu chhawl thawm an min hmangaihna,
Khawi hmunah pawh min hlan e.


Continue Reading | comments

All Time Top Chart

 
Copyright © 2008. Mizo Lyrics - All Rights Reserved
Thanks for Your Visit ! Please Come Back!!
BACK TO TOP