Home » » Hawi vel ila

Hawi vel ila

Phuahtu: Lianchhuma
Satu: Zoherliani

Hawi vel ila tlang leh mualtin a dang chuang love,
Nunhlui ngai a ka tahna a sei lua e;
Lung kan rual lai ni hmanlai an chang tur hi.

Hnutiang chhawn a hawilopar vuan a leng hnu khan,
Min ngai ve hian ka ring mang e fam mual liam mahse.

Aw, ka lungduh ka lei pialral mawi a lo chuai ta,
Kan sul i hnu siang ka bel ka riang lua e;
Ngaihlai fam chunnun engtin han ngai ang maw.

Aw, ka lungkham ka tanglai vuantu i tello chuan,
Zantlai siang lawi run a dai a na lua e;
Hrai riang chun tawng lo ar ang an lo vai e.

Tunah lungngai a ka rumna lei a chuai ang,
Ka nghakhlel e hmangaih ten min lo au ve;
Lawmin kan khat e i leng za ang an ti.

Aw, ka chenna lei hmun khawhar ka pelh hunah chuan,
Lung chim te a ka then nen lawma zaiin;
Van khawpui thenlohnaah kan leng tawh ang.

Hnutiang min chhawn hawilopar vuanin an leng e,
Min ngailo ten salem lalpa zaiin an awi e.


Share this article :

0 comments:

Post a Comment

 
Copyright © 2008. Mizo Lyrics - All Rights Reserved
Thanks for Your Visit ! Please Come Back!!
BACK TO TOP