20 Nov 2017

Amen ka pe ta

Phuahtu: El-Bethela
Satu: Melody for Christ, Sihfa Pastor Bial Zaipawl, Myohla Society Zaipawl, AYF Thenzawl Branch, Lungleng Pastor Bial Zaipawl

Ka Lalpa hmangaihna ka chhiar seng lo,
Kalvari kraws zarah ka chan hi;
A ropuina tur a Lal remruat malsawmna chu,
Kei misual tan hian a hlu ber e.

Harsat, manganna leh thawpikna ten,
Ka chungah thla an zar fo thin a;
Sualna in ka nun chu hneh tumin bei thin mahse,
Kalvari thingserh ka sat tawh si.

Ka lawm ang, ka lawm zel ang,
Hmangaihtu Isua ka nei
Englai pawn min kalsan ngai love,
Tlinglo ber kei misual min hmangaih em avangin,
Haleluiah, ka fak ning lawng.

Thil engpawh ka chungah lo thleng mahse,
Ka zam lawng hlauhna tur a awm lo;
Lalpa chu ka rinchhan ka innghahna a ni si,
Hnehna chu Lalpa ta a ni si.

A hming vanga  tuar tlak a min thlang hi,
Ka tan chuan chawimawina ropui ber;
Hei aia duhthlan tur chhuan tur dang reng ka nei lo,
Haleluiah! Amen! ka pe ta.


0 COMMENT

Post a Comment