Hlimin zai r'u

Phuahtu: J Lungawia
Satu: Nazarene

Hlimin zai r'u, Krista kan Lal thlawn pek,
Fak ru, Lal chungnung ber leh ropui chu;
Thihna thim hnuai a thu hringfa leng zawng,
Lawm in zai se, Haleluiah, tiin (2).

Chung Pathian ruat lawk ang rengin Lal Messia chu,
Kan tan a lo piang Bethlehem bawng in tlawmah;
A riang ngei e, lei leh van Lal ropui ber,
Kei misual ber tan maw a lo pian le.

Khawvelah a lo kal rem thu len tir turin,
Davida khuaah chhandamtu a lo piang ta;
I chhung atangin awptu a lo chhuak ta,
Aw, nang Bethlehem, Judai ram a mi.

Angel leh serafim ten an fak nin theih loh,
A lalthuthleng leh ropuina te kalsan in;
Hmuhsit, sawichhiat, tuar huam a inngaitlawmin,
Hmangaihte tan a tuar a tul si thin.

Keini pawh min hmangaihtu kawng chu zawh zelin,
Ropuina leh mawina lamtluang hnuchhawn ila;
He ni ropui lawm a kan hlimna te hi,
Midang tan malsawmna lo ni sela.