26 Nov 2017

Khawvela i cham chhung khan (Naupang hla)

Phuahtu: Lalsangzuali Sailo
Satu: Lalsangzuali Sailo leh naupangte

Khawvela I cham chhung khan,
Naupang te I lawm thin kha;
An tan vanram i tiam a,
Keini pawh kan lo kal ve,
Khawiah pawh kan zui ang che;
Chatuan a I hnen cheng ve turin.

Lal Isu, I ta kan ni, 
Min hmangaih tu I ni a;
Nangmah fak in kan zai zel ang a,
Min chhandamtu Lal ropui I ni.

I piangthar em thian duhtak?
Lal Isuan a hmangaih che;
Pathian ram i lut dawn em?
Chhandam ngai nih in hriat chu,
A khawngaihna vangin;
A chhandam che i piangthar tawh em?

Ka nu leh ka pa te u,
Kalvari mi hruai thleng ru;
Chhandamtu thihna hmun chu,
Hmun leh tlang dang zawng aiin,
Kal thlen ve ka va chak em;
Min hrilh r'u ka lo ngaithla ang e.

Kan Lalpa thupek ropui,
Khawvel zawngah chanchintha;
Theih tawp in kan hril zel ang,
Dam chhan dang kan nei love,
Chanchintha puan darh chauh hi;
Kan dam chhung in i thawk ve ang u.

0 COMMENT

Post a Comment