26 Nov 2017

Kumhlui khawiah tuan che maw?

Satu: Lalsangzuali Sailo

Kum kalta zawng zamualpui an liam zo a,
Nunhlui an chang ta dawn chang hian;
Thinlai mu hnu tho e, zanmu chhin a har ngei e,
Kumhlui, aw, kumhlui, kan ti vawng vawng.

Khawiah tuan che maw kumhlui? 
Aw, dam takin liam mai la,
Kan ngai em a ni, hlimni zawng te kha,
Kir rel lo, i liampui ta maw.

Panlai, hun leh kim te a kan lenlai nite,
Ngaihlai lungduh te nen lungrual a;
Engdang reng dawn lo a sen nau ang nuih ni zawng kha,
Auh ruai ka nuam i liampui ta si a.

Vanhnuai ram zau khawvel a kan len chhung hi zawng in,
Kumhlui ngai lo reng an awm lo;
Damlai par ang chuai a chatuan ram thlen hunah zawng,
Kumhlui ngaih lunglen a awm tawh lo'ng.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: