26 Nov 2017

Lal Isua naupang te kan ni (Naupang hla)

Phuahtu: Lalsangzuali Sailo
Satu: Lalsangzuali Sailo leh naupangte

Naupang te tak te mai kan ni,
Hlim leh lawm in kan zai zel dawn;
Kan kut leh ke, kan nunna nen,
Lal Isua naupang te kan ni.

Kan nu leh pa leh unaute,
Ni tin a min zirtirtu te;
Min pek avangin kan lawm e,
Lal Isua naupang te kan ni.

Kan nu leh pa thuzawm zel hi,
Kan tan a tha thil dik a ni;
Leiah damreina pawh a ni,
Lal Isua naupang te kan ni.

Kan ti duh lo thilsual reng reng,
Kan ru duh lo mi ta zawng chu;
Min chhandamtu duhzawng a ni,
Lal Isua naupang te kan ni.

Isua naupang tha te kan ni,
Kan inhau ngai lo kan hlim fo;
Chawimawina hla sa a zai in,
Lal Isua naupang te kan ni.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: