21 Nov 2017

Mawhphurtu

Satu: Bethel Lalrinfeli

Aw Lalpa, i malsawm dawngtu te zingah hian,
An mawhphurhna hre lo an va tam em;
I lakah an rochan fanau i pek te hi,
Boralna lamtluangah an liam tir mek e.

I lungawi em, i ngaingam thei ang maw?
An damlai ni te lo tla in;
An chatuan hmun tur an pan hun chuan,
Lungchhir mittui tlak a sawt tawh lo'ng.

Chhungtin a mawhphurtu chun leh zua i siam ten,
Kawng dik leh tha chu an hriattir ngai em?
Sualna khur pui lamtluang zawhtu an pung zel si,
An chatuan hmun tur chu dawn pui ve thin maw.

Naupang chu a kalna awm kawngah hruai ang che,
Engtikah mah a thlah tawh dawn si lo;
An panlai hun tha hi a thlawn in liam tir lo la,
Nakinah mawi ten a parchhuak ngei dawn si.

Mawhphurtu dang an awm lo chun leh zua te u,
Eng kawng zawh nge annih dawn pui teh u;
Chatuan hremhmun atanga au aw i hriat hun chuan,
"Bawihte, keima thiam loh" i la ti ngei ang.


0 COMMENT

Post a Comment