29 Nov 2017

Theih chang ve se (Sakhmelmawi)

Satu: Super Trio (Vanlalsailova, Joseph Zaihmingthanga & Robert Lalduhzuala)

Theih chang ve se suihlungrual te in,
Tudang ngai lo te a lengdun in;
Hmangaih biahthu inhlan dun ve in,
Kumtluang a lendun ka nuam thin e.

Mahriak te a laitual ka len lai in,
Hriat loh sakhmel ainawnpar iang tawng in;
Thinlai rukah ai ang a cham reng si,
Engtin tuar ang maw a zunleng ngaih reng hi.

Aw, khawiah nge riahrun i lo rem le?
Lamkawiah tawng in i liam leh si maw;
Thinlai rukah, aw, i cham reng si,
Tawn leh ka nuam ngei i sakhmelmawi.

Hmangaih biahthu hlan che ka nuam thin a,
Mahse, tawn ni reng a her thei si lo;
Sakhmel tawnni, aw, lo her thuai se,
Ka dawn lungruk zawng am ten ka hlan nang che.

Engtin ngai maw, a riang duhaisam hi,
Aw, dawn a sei ngei lunglai a phang;
I dawn lungruk, aw, min han hlan ve la,
Chutin lungdam ten ka len ve nan.

Lunglai a phang tinkim han dawn chang ni hian,
Vangkhua reng a zau tha lengdang heltu an tam si;
Dawn a sei ka tan reng hian,
Aw, luahloh tur di zun em ni?

Oo..oo..oo..Tanglaiah min phuar si..a.
Lunglen a na,.....
Aw, vawikhat tal tawn ni herchhuak leh se aw..

0 COMMENT

Post a Comment