28 Jan 2018

Ephatha

Satu: Lalthansangi

Lalpa, khawvel a i lenlai khan,
Damlo, mitdel leh piangsual, tawngtheilo ten;
I hnen ata damna an hmu thin,
Bengngawng, tawngtheilo hnenah pawh,
"Ephatha" ti a damna thu i pek khan,
Damna an chang a, Pathian i nih an hria.

"Ephatha", "Ephatha", lo inhawng rawh,
Rinna mitdel leh kebai, ramhuai zawl nen;
I chhandamna thupuang tur a lei phuar te chu phelh in,
"Ephatha", "Ephatha", lo inhawng rawh tiin,
Chatuan, chatuan thleng a damna thu han puang leh rawh.


Tun hun thlarau thianghlim hunah hian,
Krista thihna leh thawhlehna tawmpui nan;
Chatuan thleng a damna kan puang e,
Chu chhandamna thuthlung ngei chu,
Mitin tan tisa, thlarau damna niin,
Tui leh thlarauah pianna hi a lo ni e.

Lalpa, kan sawi leh kan hrilh te hi,
Sual bawih, riangvai leh thlarau saltang te tan;
Chatuan thleng a damna lo niin,
An rinna mitte lo ti var in an thinlung kawngkhar,
An hawn ve theih nan damna pe in,
I thlarau in chhungkhat rawh.
SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: