Hmangaihna par tlanin

Phuahtu: Mamuantea
Satu: Maggie Malsawmzuali

Vahvaihna ram khawvelah hian,
Lungngaihna ten min chim lai in;
Ka nun lungngai in a rum thin a,
Thlemna tuifawn hlauhawm karah,
Beidawng a chau a ka rum in,
Ka van in mawi ka ngai zual thin.

Chu hmunah parmawi tinreng an vul,
Hmangaihtu Lalnunema an mawi e;
Angelvar leh kal hmasa zawng te,
Kei pawh min sawm e.
Chu ramengmawi nuam takah chuan,
Lei hringnun reng hnutiang chhawn in ka leng ve ang;
Ka lei hringnun a ral hunah,
Chu ram engmawi nuam takah chuan,
Lei hringnun reng hnutiang chhawn in ka kal ve ang,
Tlantu kiangah lungmuangte in hlim in ka la chawl ang,
Lei hringnun ngai lo a hmangaihna partlan in.

Lei a kan tuarna zawng te leh,
Kan lungngaih mittui zawng te hi;
Kan lawmna hla a la ni ang,
Thihna thlan thim ka zawh lai te,
Tlantu zarah ka tuar lai in,
Ka van in mawi chu ka ngaizual thin.

Aw, thihna, khawnge i hnehna zawngte chu ?
Tlantu zarah hnehna ka ta;
He ka lei in hi thiat ral mahsela,
Chatuan ram engmawiah hlim in ka la leng ve dawn si.

Chu ramengmawi nuam takah chuan,
Lei hringnun reng hnutiang chhawn in ka leng ve ang;
Ka lei hringnun a ral hunah,
Chu ram engmawi nuam takah chuan,
Lei hringnun reng hnutiang chhawn in ka zai ve ang,
Tlantu kiangah lungmuangte in hlim in ka la chawl ang,
Lei hringnun ngai lo a hmangaihna partlan in.