25 Jan 2018

I thai riangte

Phuahtu: Lalnuntluanga
Satu: Thangromawia Thomte


Mim ang piang in ka seilian a,
Zuapa nunrawng doral karah;
Min hmangaitu ka hlimna ber,
Dairial chang a mual min liam san,
Awmlai si lo ka tuar nem thei lo;
Luaithli nul a tah ka bang thei lo.

Aw, a na e, ka tuar zo dawn lo,
Ka lei rohlu ka innghahna;
Ti mai a rihtlang min liam san hi,
I thai riangte hi min dawn lo'm ni?


Chhinkhual chang a tuanrel in maw,
Suihlung damten tawn beisei in;
Ka lo kir e anka biak leh,
Chhan zai reng reng i rel silo,
Ngaihlai Mawite, khawi an nge i awm?
Nang ngai a tah lai ka bang thei lo.

Suihlung damten i tang bel a,
Fanau maltluan chawi dun ka nuam;
Mahse, tawnmang mawl mai lo ni,
Hrai duhleng pawh chawi hman lo in,
Fam khawpui runah i lawi ta maw;
Ka hringnun reng a tuar zo lo.

Suihlungphang in ar ang ka vai,
I tello chuan hringnun biahzai;
Rel a har thin ka van ruai ruai,
Siang lawina run lunglam dawhtling,
Ka tawnmang mai nise fam i chan;
Ar ang vaih reng khua a sei lo tur.

Thlafam rolung mual i liam ta,
Hring ka chan chhung nghah che ka nuam;
A rem lul lo thinlai a zing,
An sawi pialral rammawiah tal,
Hmangaih te in buan ang min pawm la;
I tangnemah duat ten min chawi rawh.
SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: