15 Jan 2018

Ram nieng mawi

Phuahtu: H Lalrinawma (Marina)
Satu: H Lalrinawma, Sialsuk Hmunchung Kohhran Zaipawl, Baby Nubawihi & Estheri, General PYD Choir, Lalrozami Sailo

Jordan ram raltiangah khawpui hlun chu a awm,
Sual hnehtu mithianghlim te an leng e;
Kawngkhar mawia lut tura insufai vekin,
Lei hnutiang chhawnin raltiang an kai tawh e.

Hlim takin kan leng ve ang, ram ni eng mawi takah khian,
Kan khualzinna lei ram pel a, kan thawhrimna kan zawh hunin;
Beram no hmel hliam hnu kha, van mi thianghlim te zai rimawi nen,
Hnehna hla mawi sain kan awi ang, buaina chhum piah luiral ram mawiah khian.


Chu khawpuia lengte chuan, "Ka damlo e" tiin,
Lungngaihna biahthu reng an sawi ngai tawh lo;
Chhandamtu thuthlung vanga sual ngaihdam te an ni,
Buaina te'n a chim phak lo khawpui mawiah.

Sualna te'n thla an zar e, lei hrehawmah hian,
Kan dam thei lo, i hmangaih te, Lal Imanuel;
Taksa leh thlarau damlo, nun tuihal te tan,
Gilead-ah thinghnai damdawi a awm lo'm ni?

Lei ropuina hnawla, Lal Krista thlangtute chuan,
An ui lo, Lal rawngbawl nan an hringnun;
An hun hlu, an rosum leh thisen thianghlim nen,
An hmangaih - Lal ram tan an hlan e.


SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: