3 Feb 2018

Hraite kal chhet chhet

Satu: H Vanlalhlana

Chawnbanah kaiin kal ka zirtir ang che,
Rualkhum in leng rawh, ka duatlai enchimloh pui.


Siamtu hmangaih thilthlawn pek,
Rilarah fanau lo chang hnu;
Chun leh zua lunglawm a lo kim ve nan,
I lo piang ta a maw, Mate, kan lawm a kim ngei e,
Hraite, ka duat lai enchim loh.

Hraite, kal chhet chhet, artui hlawh hlawh,
Tumbailek, tumbailek, thang tumbailek, tumbailek,
Mam, mam, ei puk puk,
Chawnbanah kai in kal ka zirtir ang che,
Rualkhum in leng rawh, ka duatlai enchimloh pui


I tah chuan ka thlem ang che,
I sual chuan in ka zilh ang che;
Huaibak in kawhmawh chu bawl lul suh la,
Hnuntui ngai a i tap thin maw phal hian in,
Min ring lo la, Mate, nui rawh lem, nui ver ver.

Khuanu hual a seilian in,
Thiam tin zirin lo thanglian la,
A ram leh a felna zawng hmasa in;
Chun leh zua, i ram leh hnam tan
Rinawm in lo parchhuak la, malsawmna ni zel rawh.

0 COMMENT

Post a Comment