10 Apr 2018

Kraws thu

Phuahtu: C Lalruatkima
Satu: Temi Sailo


Kei misual felna reng nei lo tawmkai lo leh bawlhhlawh hi,
Krista thisen chuan silfai ka ni aw ka tan a hlu chuang e;
Tling lo ber tling a min pawm tu zahngaihna a khat i ni,
Tawp chin nei lo i hmangaihna chuan tlingah min pawm ta si,
Sual phuar a awm a beidawng mek te khawi lam tluang nge in zawh zel dawn?
Krista hmangaihna chuan min sawm, aw, a tlai hma hian pan mai rawh.

Lungngai chau in i rum thin maw? Tanpuitu i zawng thin maw?
I phurrit zawng te chhawk tur in hahchawlhna i zawng thin maw?
Kraws thu chauh, kraws  thu chauh, damna nang leh kei tan.


Nun beidawng a tuihal a  mek te lungngai chau a rum te u,
Tuinung lui Krista chu pa n ru tuihal leh tawh lo na chu;
Khupzawi te chu tichak turin kraws thiltihtheihna chauh vuanin,
En tur dik tak Krista en in kraws thu chuan min tidam dawn si.

Kan Zoram sual a tlu mek hi khai ding leh thei turin,
Thalai Kristian te i harh thuai ang Lalpa hmantlak ni thei turin;
Krista thisen a lei tawh te kraws  thiltihtheihna a inthuam in,
Kan rinchhan Alpha leh Omega hnehtu lal a ni si a,
Muang lovin i thawk thuai ang u, sual doral bei zel turin;
Zam a chau mai tur kan ni lo tho leh Krista kan nei a lawm,
Keini zawng kraws thiltihtheihna a thuam kan ni, Thalai Kristian te.

Muang lovin i thawk thuai ang u, sual do ral bei zel turin,
Zam a chau mai tur kan ni lo tho leh Krista kan nei a lawm;
Keini zawng kraws thiltihtheihna a thuam kan ni, Thalai Kristian te
.

0 COMMENT

Post a Comment