3 May 2018

A cham reng thin

Satu: Elizabeth Zodinpuii

Ngaih lai puan ang chul tawh hnu,
Sakhmel tawn chang hian a thar leh thin;
Kumtluang then loh biathu min tiam lai kha,
Chhingmitthla an a cham reng thin.

Lung min hersan ka tuar thiam lo,
Nunhlui ngaiin tlaikhua ka var leh thin;
I hlimthla leh thaikawi mai maw ka chan tawk,
Duh ten ka pawm zel mai ta nge.


Biahthu di min hlan zawng te,
Thamral mai an kei zawng ka phal lo;
Buan ang pawm a kan hlimlai zawng te kha,
Chhingmitthla an a cham reng thin.

Nang chu dam ten leng zel la,
I suihlung dumtu ngei chu pawm in;
Hringnun ti hlimtu hmangaihna rinawm,
A tawnah tivul zel ang che.

Awmkhawhar lunglen chang in,
I zun ngai hi min han dawn ve la;
Tawnmang mawlah tal nang nen a lendun hi,
Kei ka duh ai sam ber a ni.

0 COMMENT

Post a Comment