27 Aug 2018

Lalpa phut

Phuahtu: Rebek Lalhriatpuii
Satu: One in Christ


Engtizia nge kan ringtu nun hi,
Hmangaihna aia kan um duhamna;
Duhsakna aiin hmasialna maw kan thlan tak,
Hmangaihtu Lalpa kan hai em ni.

Saruak te chu sin tur pe ula,
I laichinte hawisan lul suh u;
Rethei riltam tan in phal ula,
Zing ni chhuak angin eng rawh u;
Chutin in hliam tuar a dam thuai ngei ang,
Pa Pathian midika chuan a ti.


Kan Lalpa khawngaihna danah chuan,
A chan apiang nun hlimna a ni e;
I chan ai rohlu a hminga i pek chuanin,
Petu che Lalpa a lawm ngei ang.

Ringtu khawvel danin awmsuh la,
Hmangaihna in indawm tawn zawk rawh u;
Beidawngte tan chawlhna dai nuam ni chung zel in,
I Lalpa lawm zawng ngaihtuah fo rawh.



SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: