2 Sep 2018

Ka liam e

Phuahtu: Myztic Sailo
Satu: Feli Fanai


Luah loh lungdi, thinlai kham tu,
Di enchim loh, tiamthu sut hmang;
Engkim i tan tia min tiam lai khan,
Engkim hi i tan ka chan,
Ka thiam, ka theih, ka finna te i tan ka hlan,
Lungrun engtin hian i thiam zawk,
Tiamthu sut an ka ring lo che asin.

Mahse, nang ngaih a zual leh thin,
Banzai rel a har ngei e aw!
Mahse lem ang der thiam tawnah vulreng ai chuan,
Ka liam e, kumtluangin lo kir tawh lo turin.
I phu mawlh lo e, kei ang hmangaihtu che,
Hringmi zaleng zingan i tawng tawh lo'ng,
Kei ang i tawng bik lo'ng e,
Lungchhir a sawt lo'ng,
Tumtawk leng an tam lua e,
Ka vai bik lo'ng e runrem pui tur,
Lungchhir in lo kir lo la,
Tang dang ka bel ta nge.

Ka liam e, ka liam e, ka liam e...

Engkim ka tan tiin min tiam thin a,
Engkim hi i tan ka chan chan tia;
I chhal ve zawng te kha a der mai maw,
Lungrun engtin hian i thiam zawk,
Tiamthu sut an ka ring lo che asin,
Bawihte, nang ngaih a zual leh thin,
Banzai rel a har ngei e aw!
Mahse, tiam thu sut hmang tawnah vulreng ai chuan

Kei zawng ka liam e, kumtluangin lo kir tawh lo turin,
I phu mawlh lo e, kei ang hmangaihtu che,
Hringmi zaleng zingan i tawng tawh lo'ng,
Kei ang i tawng bik lo'ng e,
Lungchhir a sawt lo'ng,
Tumtawk leng an tam lua e,
Ka vai bik lo'ng e, runrem pui tur,
Lungchhir in lo kir lo la,
Tang dang ka bel ta nge.

Ka liam e, ka liam e, ka liam e...

Mahse, nang ngaih a zual leh thin,
Banzai rel a har ngei e aw!
Mahse, tiam thu sut hmang tawnah vulreng ai chuan...

Ka liam e, ka liam e, ka liam e,
Ka liam e, ka liam e, ka liam e....

0 COMMENT

Post a Comment