2 Sept 2018

Ka thlang ber che

Phuahtu: Mangheta Chinzah
Satu: Mangheta Chinzah feat Melody Lalsawithangi


Thinlai ruk a hlim zual thin,
Nang meuh tawn chu...bawihduat;
Dawn a sei, a sei poh leh,
A tawi si thin nang  ngaih luat vangin.

Thinlai ruk a hlim zual thin,
I hlimthla thlir in...ka duat
Dawn a sei, a sei poh leh,
A tawi si thin nang duh luat vangin.

Engpawh nise, ka ngai che, ka duh che,
Ka hmangaih che.....ka duat;
Ka ngai che, ka duh che, ka hmangaih che,
Ka thlang ber che,....bawihduat.


Lungchim te a dawn pawhin,
Nang meuh tawn chu....ka hmangaih;
Dawn a tam, a tam poh leh,
A tawi ting si i hmelmawi thlir in.

Duhluat vang che hian em ni,
Nang meuh tawn chu....duhlai;
Duhtin sam a, sam nawn pawh in,
Awm hlei lo nang chhingzo tur reng.

Kan tiam thu di zawng te,
I vawng dun zel ang aw....thinlai lalnu;
Chutin ka run a siang i lo lawi hun chuan,
I lei lawm a kim ang.

Hei hi tiam nawn nang che,
I tan chauh rinawm in......ka duat;
Chutin nangnen fanau maltluan chawi dun a,
Hunbi chhiar ka nuam.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: