29 Oct 2018

Kan ram thlaphang

Phuahtu: Lalramnghinglova
Satu: Rebek Lalruatfeli


Aw, ka ram, Mizoram, zan mu chhin a hun tawh lo,
Khua a var kawl pawh a pau mek e;
Laifei chengrang chawi a darfeng ai hrang in an hual che,
I neih rohlu lak tumin.

Kan ram leh hnam chhan tur hian,
Sum leh pai hausakna angai love;
Dikna te leh rinawmna, huaisenna,
Kan ram tan kan hlan theih chuan a tawk e
.

Thlawhhma thlahthlam ianga lainatu nei lo in,
Hnim hlingneiin a bawm che ramriangte;
Tu hi nge mawhphurhtu "kei ka ni" ti an awm em?
Kan in enchian a hun ta a ni.

Retheite retheih chhan, hausa te hausak chhan,
Dawn chiang in lung hi a awi mawlh lo;
Ram hmangaih inti siin hlemhletna in kan khat,
Tunge ramriangte tungding hlei ang.

Diklo te hnawl ngam tur leh pamham te endawng ngam ang,
Kan ram in min au e i chhang dawn em?
Ram hmangaihtuder te huai taka do ngam turin,
Chanhai ten min au lo chhuak thuai ru.

Hnam huaisen Mizo kan ni hei te hi kan ram neih chhun,
Tunah chhantu ngaiin a rum vawng vawng;
Dawihlumtu lianchhung fang rual thuneihna puansen sin in,
Bumna hnamchem nen ral an lo lian e.

Lengi leh vala hian hmangaihna phaw in bel in,
Ramtiam lam in pan ang hmatiang hruai in;
Kan zawh lamtluang chu thui in chhuk chho hle rih mahsela,
Chung Pathian khian min hruai thleng ngei ang.

0 COMMENT

Post a Comment