Ni ropui a lo thleng dawn ta

Phuahtu: Patea (1894-1950)

Ni ropui a lo thleng dawn ta,
Kan nghak Lal Imanuel;
Sual leh ramhuai tlawmna ni tur,
Chhandam fate kan zalen na tur chu.

Chumi hunah chuan hlimin ka zai ang,
Lal ram buatsaih chatuan hmun ka chang ve ang a;
Aw ava nuam dawn em, aw a va hlimawm dawn em,
Hlim tawp hlau lovin kan la leng ang.

Engtik ah nge ni ang Lalpa,
Hnehna ni kan hmuh hun tur;
Thlawkin Jordan ka lo kai a,
I tan van arsi ang in ka en ang.

Ani tak e chatuan Lalpa,
I khawpui siam thar ah chuan;
I thisen a i lei tawh te;
Ka hnenah lo kal rawh u i tih thin kha.

Aw khawpui that i mawi mange,
I chhungah hnehtu an leng;
An hnehna hla thar sak tur chu,
Khawvel ral hun atan an dah ta e.