25 Aug 2015

A na chuang ngei e

Satu: Joseph Zaihmingthanga

Mahten ka dawn thin a, awm khawhar chang hian,
Nangnen a hlimte a kan lenlai te;
Tudang ngailo te a kan nuih dun lai,
Nghilh thei reng hianin aw ka mawi silo,
Thinlaiah i cham reng mai.

An phallo maw i chun leh zua ten,
Nangnen a runhmun kan len dun..aw;
Kei a riang suihlung mawl tuar an zawng,
A na chuang ngei e, aw tuar har lungrun..nang ngaih.


Chun leh zua hal vanga inthen mai zawng;
Thinlai ruk reng hi aw a dam thei lo;
Kan tiam thudi zawng te a thamral an,
Ka phal thei lul lo aw luahloh lungrun,
Hmangaihna a chuai ve silo.

Hun leh ni te aw an her liam zel a,
I chun leh zua duhaisam val nen chuan;
Hlimten leng nang che aw luahloh lungrun,
Kei pawh phutawk thaleng dang bel turin,
Ka liam ta nge mangtha mai le.
SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

1 comment:

  1. i like thi song very much, tune and ward are so meaningfull.... Joshep Zaihmingthang Love from Manipur....

    ReplyDelete