3 Jun 2022

Buaina reng reng a awm ngai lo

Phuahtu: R.L Kamlala
Satu: Lallawmawma


Buaina reng reng a awm ngai lo,
Thlarau khawvel hmunah chuanin;
Tlante an zalenna a ni,
He lei hmun ang hi a ni lo.

Lungngaihna leh hrehawmin min bawm,
Buainaten tuilian angin min len;
Lawmin ka zai zel ang a chungah,
Himin chu ram chu min la thlen ang.


Leiah hmun nuam ka tan awm lo,
Hrehawm tuara ka tahna chauh;
Chu hmun nuam chu han thleng ila,
Lawmna hmun chang ve ang i maw.

Chhandamtun hring an chan lai khan,
Awmna tam tak a awm a ti;
Kei ka chantawk a awm lo'm ni,
Ti hian ngaiin ka thlir bang lo.

He khawvela ka then hnuten,
Min au ve, lui ral lehlamah;
"Lo kai ve la, i leng za ang,"
An ban vawr siau siauvin an ti.

Aw, i hlu e, thisen ropui,
Nangmah vangin rethei faten;
Chu hmun nuam chu an thleng zo ta;
Tunah pawh an la kal zel e.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: