Thinlung inmil lo

Phuahtu: Matlana chhakchhuak

Satu: Ticos Dara

Thiam thu sawi thei hian i mawi si lo,

Ngawi reng tur hianin ka mawi bik lo;

I hlimna chu ka tan tahna mai a ni si,

Kan thinlung an inmil thei thlawt si lo,

Ka thlah a ngai ta che maw?

Aw le, duhlai, i hlimna chu pan la,

Ka lo let tawh lo vang;

Ka hmangaihna hian awmzia a nei tawh lo,

Ka lo hawikir tawh lo vang.

Kumsul tam tak a lo vei ang a,

I tana ka inpekna zawng zawngte kha;

I ngaihtuah chhuah leh ka beisei reng ang,

Kei anga hmangaihtu che i tawng tawh lo vang, 

"Mangtha" tih mai lo chu.

 

Continue Reading

Lungmawl duhsam

Phuahtu: Faith Lalduatmawii

Satu: Ticos Dara

Khuanu paw'n a duan chhung che a rei lo maw?

I anka nem tawng lo pawha zunzam i fan zo hi;

I hlut zia a hre ve em? I lairil i hlan khan,

A vanneih zia a chhiar thin em?

Kei lungmawl duhsam ber a ta a ni.

Hrethiam lo mah la, sawi thei lo mah i la,

I sakhmel chauh ka zawng fo thin, a mi hei zawng zingah,

Ka duhsam zawngte tak ram chang lo mah se,

I mangan chhawktu tal ni i la.

Tangdang tan ka phal lo che a sawt si lo,

I tel lo chuan engtih mah hian nawmna a nei chuang lo;

Ka kianga awm han thlang teh la,

Ka neih zawng pawh nei la,

Ro dang engmah ka duh chuang lo,

I hnungdawlin dam chhung ka hmang ang a.

Khiangawiin mual liam i rel niah pawh,

I hlim nan chuan nuih zai rel ka nuam. 

Continue Reading

I lungdamna

Phuahtu: Mapeka

Satu: Ticos Dara

A riang lunglawm ve nan,

Duhlai ka lo tawng che;

Thlir nin loh la-i zun ngai tur,

Min dawn ve si lo.

Enchim loh Di, i zun ngaiin,

Thinlai a phang thin;

Thaikawi biahthu mai bak,

I lungdamna ka hre si lo.

I rem loh thu min hlan hi,

I tana lawmna nge ka tahna?

Lung reng a awi mawlh lo,

Chan tawk khuarel hi kei zawng...

Beisei bo i ni tih hria ila,

Ka tiam lo'ng che;

Thinlungna a min siamtu,

Dan rual loh hi hmangaihte an ni si.

Continue Reading