Si-ar

Phuahtu: Bzi Tochhawng

Satu: Bzi Tochhawng

Tlàikhua a lo ngui,

Van zâwl màwiin chhawrthla a êng.

Suangtuahna-ah nang i lo lang leh a,

A ngai tê-in.

Ka duhaisam chu lung rual tê-a indi;

Mahse, ka ban phak loh

Van sânga lêng i ni.

Ka ban phâk loh si-ar lâk tumin ka phar;

Mahse, ka thei lo tih ka hria, ka chiang.

Ka beiseina-te hian min kiansan tawh mai se;

Mahse, ka ngai, ka phal si lo.

Aw, nang zawng si-ar,

Thangvana lêng, chorual loh di;

Leng tinte hiptu, an duhaisam chu

Nangmah i ni.

Mahse, hei ka hria

Kei erawh zawng lei mi,

Duhaisam chauha si-ar mâwi ber neitu.

"A la thleng mahna"

Tiin ka inhnèm ṭhin.