Hmanah kan lawmna mual liam hnu kha

Phuahtu: Upa Zothanga

Hmanah kan lawmna mual liam hnu kha,

Aw, a lo thleng ta, Bethlehem tlang,

Chungah Lal thar a piang;

I lawm ang u, sal tangte chhuah dar,

Jubili a lo thleng, Haleluia!

Aw, a thleng ta, Haleluia!

Kan lawmna ni chu a lo thleng ta;

Eden zan reh lai taka muhil,

Tho r'u, kawl a eng e;

Lalna ram ni eng mawi chu a zam vel,

Lungngai faten lawm hla an sa.

Mipui zawng zawng chu an kal liam ta,

Bethlehem tlang chung chu an thleng ta;

Aw, i kal ve ang u,

Chatuan arsi eng chuan min hruai ang,

Lal pianna hmun chu min thlen ngei ang a.

An din thar leh ta, khawvel hlui hnu,

Eden pangpar chuai hnu chu a vul;

Lunglai ka her leh ang,

Ngaih a na e, Bethlehem tlangpui,

Ka Lal siang lawina run chu a lo ni.

Continue Reading

Remthu leng rawh se

Phuahtu: Zawma Sailo

Satu: Roger Khiangte

Aw, zan duhawm, Chhandamtu Krista pian zan chuan,

Berampute hnenah chanchin lawmawm chu a lo thleng;

Hlauh suh ulang ngai rawh u, tunah hian Davida khuaah,

In tan Lal thar a lo piang ta, a hming Lal Imanuela.

Chungnungberah Pathian chu ropui takin awm rawh se,

Lei chunga a lawm em em hringfate hnenah;

Remthu leng rawh se.

Aw siar ropui thangvanah mawiten a eng,

Chhinchhiahna ropui Lal thar pian thu hriltu chu;

Mi fingte chuan rawn zui zelin Bethlehem ran in a rawn thlen,

Chutin an robawmte hawngin Lal thar chu chibai an buk e.

Aw, lung mi len e, van mite zai rimawi chuan,

Thinlai a fan, an zingah zai vawr ve ka nuam;

Hmangaihna luangliam duhsakna sang ber min hlan,

Keipawn lawmna hla leh rimawi nen chibai ka buk che, Lal Isu.

Continue Reading

Remna palai

Phuahtu: Asanga

Satu: Asanga Project - Lalhmingmawii

Chu zan thiang reh takah van angel aw chuan, 

Bethlehem-ah Berampute hnenah;

Mitin tan thu lawmawm chanchintha rawn hrilhin,

"Remna Lal apiang ta" tiin zai an rem e.

O..o..o..o..o...

Sual bawih riangvaite leh thihna hlima thute tan,

Zalenna kawl a lo eng ta e;

Lei leh van inkar doral an chang tawh hnu,

Remna Palai Isua ngei chuan, a rawn rem ta.

O...o...o...o...o...

An fak zai ri rimawi ropui chuan,

Bethlehem dai reh chu a nghawr vel a;

"Chungnungberah Pathian ropui rawh se,

Lei chunga a lawm em emte tan,

Remna thu leng rawh se," tiin.

Aw, tunah ngei hian rimawi ropui chu,

Rawn remin lo thang nawn leh se;

Chu aia rimawi lei hringmite tan,

Awm thei hian kei ka ring si lo,

Tawn ve ka nuam..o..o...o...o..

An fak zai ri rimawi ropui chuan,

Bethlehem dai reh chu a nghawr vel a;

"Chungnungberah Pathian ropui rawh se,

Lei chunga a lawm em emte tan,

Remna thu leng rawh se," tiin.

Continue Reading

Krismas lo her chhuak e

Phuahtu: Chris MS Dawngkima

Satu:  Chris MS Dawngkima

Dam ten tuk ni chhiarin,

Krismas lo her chhuak e;

Hraileng an lawm, rual duh an hlim,

Kawi tin a eng, thler tin a vul,

Naupiang an lawm, khual tha a thleng.

Hrilh hai ve maw ranthleng zal chu,

A phu lo'm ni silhpuan ropui;

Khual tha chuan thlen in a hnawng,

Kil tin a hrut sawmtu zawngin,

Lawmin chelh ang tlai khua varpui turin.

An thawm ri chu ngai r'u,

Chhandamtu piang an lawm;

Khual tha an thleng, cham hlen turin,

An luang chhuak e thilpek hlu nen,

An zai ri chu mual tin a thang.

Continue Reading

Inngaitlawmin

Phuahtu: Chris MS Dawngkima

Satu: Thanpuii & Chris MS Dawngkima

Ran in tlawm belin Van Lal Fa a zal,

Lal tiang a chelh lo;

Puan ropui a sin lo,

A hming erawh a thianghlim a ni.

Angelte'n zahin an thlah,

Pa hmangaih thutiam hlen tur,

Thu tisaa chang - Imanuela,

Thawnthu chul thei lo chu.

Ani a tlawm, kei min chawi sang,

Min silfai a, hmangaihin min thawi;

Chuti kauva inpekna chu,

Hmangaihna vekin ka chhang ve ang,

Chatuanin a ta ka ni, chatuanin ka ta a ni.

Hmangaihna enga'n lungngaih a kiang ang,

Mittui hru hulin hlim hla a kai tho va,

Hnawl hnu kha ka thinlung Lal a ni,

Arsite'n chibai an buk,

Sual thawi nana nun hlan tur,

Thu tisaa chang - Imanuela,

Thawnthu chul thei lo chu.

Eng thilpek hlu nge ka pek ang che?

A mak a ni, Isua a lo kal hi,

Ka chawimawi ang,

Thinlung ro hlu ber hawngin,

Chatuanin a ta ka ni...

Continue Reading

Chibai, Krismas OST

Lettu: Amtea, Samuel, Lianpuia & Johny

Satu: Vanlallawmawmi & Larry

Kumpui sul lo veiin Krismas a herchhuak leh dawn ta,

Zaleng zawngten hlim zai vawrin tual ang leng;

Kei zawng i zun leng ngai hianin ka thamral leh thin,

Krismas lo thlen hian nang ngaih a zual leh thin.

Hlut zai ka rel ne maw, nang nena kan hlim lai khan...

Uia chul theian ka ring loh vang em ni?

Sikni eng mawi hian lunglen thlifim rawn chawiin,

Krisma lo thlen hian nang ngaih a zual leh thin.

Ka ngai thin che zan tlai nema'n,

Tuan zai reng ka rel thei lo i tel lo chuan;

Tawnmangah i tang belin van angelten min lo zawm vein,

Krismas lo thlen hian nang ngaih a zual leh thin.

Zan thlifim leng hian lungngaihna zawng chhem kiang se,

Chutin nang nen hlimte'n lengdun lehin;

Rimawi leng vel karah i zunzam hian min zemin,

Krismas lo thlen hian nang ngaih a zual leh thin.

Ka ngai thin che zan tlai nema'n,

Tuan zai reng ka rel thei lo i tel lo chuan;

Tawnmangah i tang belin van angelten min lo zawm vein,

Krismas lo thlen hian nang ngaih a zual leh thin,

Krismas lo thlen hian nang ngaih a zual leh thin.

Continue Reading

Tlawm mah se

Phuahtu: Rawngbawlliana

Satu: EllenBethi

Zantiang vawt daifim leh siar eng ri riai,

Sik thlifim lengten an kaitho ve;

A ngur lo pian ni par ang kan vulna chu,

Ka nghah hlimawm Krismas ni.

Zantiang vawt daifim leh siar eng ri riai,

Sik thlifim lengten an kaitho ve;

A ngur lo pian ni par ang kan vulna chu,

Ka nghah hlimawm Krismas ni.

Kan tan Lal Krista, Lal Imanuela,

Lal dang zawng zawng zinga chungnungber;

Kan tan Lal Krista, Lal Imuanela,

Lei hringnun chu rawn belin,

A Lalna hlipin tlawm rih hle mah sela,

Van Lal a ni i lawm ang.

Lenkawl ni eng mawi leh samtlang par mawiten,

Lal pian hun ropui chu an chawimawi;

Keini aw mawi nei hringfa leng zawngte pawn,

Van Lal lo piang i fak ang.

Lenkawl ni eng mawi leh samtlang par mawiten,

Lal pian hun ropui chu an chawimawi;

Keini aw mawi nei hringfa leng zawngte pawn,

Van Lal lo piang i fak ang.

Continue Reading

Hlima zaiin

Phuahtu: Rev. Lalremchhunga

Satu: EllenBethi

Hnam tin tana chanchin lawmawm,

Rem thu a lo len hun tur chu;

A lo her chhuak ta tunah hian,

Lei chungah rem thu leng rawh se.

Hlima zaiin i lawm ang u,

Kan tana Lal lo pianga chu;

A hming Maka, Remruattu leh,

Chatuan Pa, Remna Lal Fa chu,

Chungnungberah ropui rawh se,

Lei chungah rem thu leng rawh se.

Krismas lawmawm a lo thlen hian,

Chhungtin rualtin hlimin an leng;

Hnutiang sul ang ka dawn changin,

Ngaih lai ni a lo thar leh thin.

Mari tlawm zia Lalpan a hria,

Vohbik chawimawina chu a hlan;

Mari anga mi tlawmte pawh,

Chatuan nunna min buatsaih sak.

Chhandamtu Lal lo pianga chu,

Imanuela kan hnenah a awm;

Haleluia ropui rawh se,

Chatuana chatuan thlengin.

Continue Reading

Remna Lal

Phuahtu: Rawngbawlliana

Satu: EllenBethi

I chawimawi ang u, Remna Lal Fa i fak ang,

A thawm rimawi hi ram tinah thang chhuak sela;

Kan aw neih zawng zawngin i fak ang u,

Lei leh van Lal ropui.

Kumsul liam hnu a lo thar leh ta e,

Kan Krismas ni ropui;

A lawmin kil tinah zai vawr i la,

Remna Lal lo piang lawmin.

Lei leh van remna palai Lal Isua,

A hming Remruattu Maka;

Hei lo renga hringfate tan lawmna,

A awm leh tawh hlei lo'ng e.

Continue Reading

Aw kal la

Lettu: Lalbiakngheti

Satu: Lalthlanawma

Aw, kal la, han hril vel teh,

Tlang leh phaiah leh ruamahte;

Aw, kal la, han hril vel teh,

Lal Isua pianna thu.

Beramputen beramte phula an ven laiin,

Van kawngkharte inhawngin enna a rawn thlen ta;

Angelten zai hla remin berampute hnenah,

Hlau suh ulang ngaih rawh u, Chhandamtu a piang ta.

Aw, kal la, han hril vel teh,

Tlang leh phaiah leh ruamahte;

Aw, kal la, han hril vel teh,

Lal Isua pianna thu.

Ran thleng hmun tlawm rawn belin,

Hringmi suala tlute chhandamna kim min pein;

Pa chatuan remruat chu.

Aw, kal la, han hril vel teh,

Tlang leh phaiah leh ruamahte;

Aw, kal la, han hril vel teh,

Lal Isua pianna thu.

Aw, kal la, han hril vel teh,

Aw, kal la, han hril vel teh,

Aw, ka hril zel dawn e,

Chhandamtu a piang ta,

Aw, ka hril zel dawn e,

Aw, aw, aw, kal la, han hril vel teh,

Aw, kal la , han hril vel teh,

Aw, ka hril zel dawn e,

Chhandamtu a piang ta,

Aw, ka hril zel dawn e,

Aw, kal la, han hril vel teh,

Tlang leh phaiah leh ruamahte;

Aw, kal la, han hril vel teh,

Lal Isua pianna thu.

Continue Reading

Van Lal Faduat (OST: Chibai Krismas)

Satu: Francis

Van Lal Faduat khan hmangaihna vangin ranthleng a rawn bel,

Van khawpuia hmun kan neih theih nan;

Riah run a rawn rem lei khawharah.

Van Lal Faduat khan hmangaihna vangin ranthleng a rawn bel,

Van khawpuia hmun kan neih theih nan;

Riah run a rawn rem lei khawharah.

Ngaidamna, beiseina, muanna leh remna,

Nun thar kan neih theih nana ropuina kalsana;

Lei Berampute kiangah riahrun remtu,

Lei leh van Lal ber chibai lo buk ve ang u,

Chibai Krismas, Krismas chibai.

Van Lal Faduat khan khualbuk a chang lo,

Riangin a vai e, van khawpuia kan rian ve loh nan;

Riahrun a rawn zawng i thinlungah.

Kei anga kehchhia, rimchhia, tling lo, damlo khan,

Bawng in ran chaw pekna thleng rawn thleng ve ta che;

Kei anga kehchhia, rimchhia, tling lo, damlo khan,

Bawng in ran chaw pekna thleng rawn thleng ve ta che.

Continue Reading

Chungnung berah

Phuahtu: T Laldintluanga

SatuL Dina Krismas Project (Male Voice)

Rimawi chitin remin i lam ang u,

Angelte zai i zawm ve ang u.

Bethlehem dai khawharah chuan,

Beramputen rimawi an hria;

Van mipuiten zai an rem rimawi a fawn vel,

Zanthiang reh takah chuan.

Chungnung berah, chungnung berah,

Pathian chu ropui takin awm rawh se;

Rimawi chitin remin i lam ang u,

Angelte zai i zawm ve ang u.

Mi fingte pawh rohlu chawiin,

An hmahruaitu siar zuiin;

Kawng hrehawm leh raltiah nghet takin an ding,

Bethlehem an thleng ta.

Rilrua inngaitlawmte hnenah chuan,

Krista chu a rawn inlar a;

Imanuela kan hnenah (Pathian chu),

Kumkhuain a cheng dawn si.

Continue Reading

Chawimawiin awm rawh se

Phuahtu: David Bawiha

Satu: Aizawl Area Baptist Choir (2025-2028)

Pa hmangaihna chuan khawvel chhandam nan,

A fapa Isua a neih chhun min pe;

Chatuana boral tur min tlan chhuak turin,

Chatuan nunna kawng chu kan tan a buatsaih ta.

Hlim leh lawmin chibai i buk ang,

Kan tana ran thlenga nau piang chu;

Kan Lal Isua fakin i zai ang u,

Haleluia, chawimawiin awm rawh se.

Angelte fak nin theih loh Isua chuan,

Van ropuinate a kalsan ta a;

A tlawm e Lalpa chu mi sual chhandam nan,

Hmangaihna ropui chu fakin i zai ang u.

Kan phu loh hmangaihna mak kan chan hi,

Lei hringmite hian kan rul seng lo'ng e;

Pathian min hmangaihna chhang let ve turin,

Kan neih chhun nunna leh thinlung i hlan ang u.

Hlim leh lawmin chibai i buk ang,

Kan tana ran thlenga nau piang chu;

Kan Lal Isua fakin i zai ang u,

Haleluia, chawimawiin awm rawh se,

Haleluia, Lal Isua chawimawiin awm rawh se,

I chawimawi ang u.

Continue Reading

Isua lawmin

Phuahtu: Laldinsangi

Satu: Laldinsangi

Kumpuisul veiin sik ni eng mawi a lang,

Zingtian daifim vanrang chhum zing riaite;

Tlai ni lenkawl leh zantiang siar eng mawite'n,

Lal pian hun lawmawm a herchhuah pui.

Tumah thinlaina awm lo se,

Fam ngai lusun fate zawng pawh;

Remna Palai Isua lawmin,

Kan phurrit zawngte a ke bulah nghatin,

Mitin ta tur chanchintha lo thleng hi,

Lawmin chibai i buk ve ang.

Leng zawngte hlimin Lal piang lawm turin,

Kan thinlung leh rilru a lamah kan hawng;

Kar hla lenrual lungduhte pawh vangkhua rawn belin,

Dawn tam lo te'n hlim zai kan vawr za.

Lei leh van Lalber chuan ranthleng a thlang maw?

Van ropuina kalsanin piallei a rawn bel;

Anchhedawng krawsa tuar turin a lo kal a,

Kan tan Salem thar kawng han leh nan.

Continue Reading

Ka Lal nunnema

Phuahtu: C Lalrinkima

Satu: C Lalrinkima

A lo her chhuak leh dawn ta, ka Lal Isua lo pian ni,

Riahrun chang lovin maw ranthlengah a zal;

Ka Lal Nunnema kha tunge lawm lo awm ang le?

Hringfa boral tur thiam min chan tirtu kha.

Fak rawh u, fak rawh u,

Lei leh van Lal ber kha;

Inngaitlawmin ran in tlawm a rawn bel a,

Hringfa nang leh kei dam nan,

Riahrun a rawn vai a, ka Lal Nunnema khan,

"Remthu leng rawh se" tiin.

He hun lawmawmah hian kar hla a leng rual duh zawngte,

Duhsak chibai bukin in dam ni sei se;

Nun khawhar beidawngte in tan hlim ni lo chang se,

Van Lal Fapa kan tan lo pian ni chamah hian.

Van mipui ui zawh lovin hringmi iang a rawn chang a,

Ka Lal duhawm, aw, ka Lal riangvai;

I mualphona kraws ka tan mawina,

I thihna ka tan nunna, thlan thimah chuanin an zalh ta maw?

Thihnain a ngam zawh loh ka Lal Nunnema kha,

A tho leh ta! Ho...o...o...o...ho...o..

Continue Reading

Krismas-ah hian

Satu: Maria Lalmuanpuii

Sathau khawnvar eng tukverhah ka hmu,

Biak in dar ri mawi tak ri ka hria;

Vur tam tak van atangin a rawn surin,

Khawvel chu a rawn tivar ta.

Thinlung sak ber pawhin,

Boruaka thil mak chu a hnial thei lo,

I chawisang ang u, kan aw neih zawng nen,

Fakin zai r'u, rawl mawi tawpin,

Krismas-ah hian.

A thunawn zawngin naupiang tan zai r'u,

A thilsiam arsi mah a mu a;

Thimah eng chhuahin chau tan beiseina,

A hmangaihna a dang ngai lo,

Hliam tuam dama mittuite hru fai turin,

Isua kan hnenah,

I chawisang ang u, kan aw neih zawng nen,

Fakin zai r'u, rawl mawi tawpin,

Krismas-ah hian.

Duthusamin, aw, rimawi ber zunzam chu,

Ka tem thin kum tinin;

I chawisang ang u, kan aw neih zawng nen,

Fakin zai r'u, rawl mawi tawpin,

Krismas-ah hian.

Krismas-ah hian....

I chawisang ang u, kan aw neih zawng nen,

Fakin zai r'u, rawl mawi tawpin, 

Krismas-ah hian,

Fakin zai r'u, rawl mawi tawpin, 

Krismas-ah hian,

Krismas-ah hian.

Continue Reading

Mahten Krismas

Phuahtu: Eddie Pachuau 

Satu: Eddie, Faktea & Jeffrey

Sikni eng mawite'n a lo her chhuak,

Zing daifim leh boruak thiangte nen;

Han hawi vel ila lenkawl eng ri riai,

Suihlunglengin mahte'n tlai ni ka leng.

Kei zawng, bawihte, ar vaiin,

He hun lawmawmah hian hlim zai vawra,

Naupiang lawmin suihlungruala lendun ka nuam,

Van sanga leng chhawrthlapui iangin,

Mahte'n Krismas ka hmang leh dawn asin.

Zankhua lo tlai zaleng zawngten,

In run sang an kai, kei zawng mahriakte'n;

Hlim ni lo thleng hi ka tahpui leh thin,

Ka vui love hei hi ka chan chu a ni.

Ka hringnun liam hnute ka chhui kir a,

Lenrualte nen hlimte'n Lal piang lawmin;

Tudang ngai lova zai kan vawr laite,

Aw, kei zawng ka ngai, suihlung a leng em mai.

Continue Reading

Urlawk zan

Phuahtu: Lalramsiama

Satu:  H Lalrempuia

Hun kha chena kan lo nghah,

Krismas ni a thleng leh ta;

Zanin hian i lawm ang u,

Urlawk zan hlimawm a ni.

I tlaivar dawn em, ka thian?

Urlawk zan a lawm,

I tlaivar ang aw, ka thian,

Urlawk zan a lawm.

Tun kum chu amten chen ang,

Hmang leh hianin kan mawi lo;

Khawvel leh kei hai ang tar,

Hringnun reng a hlim tawh lo.

Kum leh thar nghak leh mah i,

Damrei nghah thil mai a ni;

Thleng leh tura inngai hian,

Fam rih sang kan liam leh thin.

Continue Reading

Lawmna Krismas

Phuahtu: Lalnunpuia Hrahsel

Satu: One in Christ

Kum sul veiin sik ni eng mawi lo her chhuak,

A mi leng zawng lawmin an her siau e;

Kut pui urin thinlung hmanhmel takin,

Lal piang lawmin bawng in pan e.

Lawmna Krismas, remna Krismas,

Mi tin ta tur Chanchintha thlen ni chu;

Fakin i chawimawi ang muanna Isua,

Krismas-ah hian Krista lalber rawh se.

Van Lal lawm pangpar hi en teh u,

Duhsakna sang ber nen par fung an chawi;

Zarva tin reng pawhin vartian laiah,

Aw rawl tawpin naupiang chibai an buk.

Rangkachak, beraw, mura a ngai kher lo,

Thinlung chhungril hlan a tawk mai e;

Van Lal ber min tlan tura lo kal hi,

Eng anga hmangaihna thuk ni ang le!

Continue Reading

Damna Krismas

Phuahtu: Asanga

Satu: Lunghlutei

Hun leh nite lo herin kumpuisul a lo vei a,

Sikni eng mawite'n a lo herchhuak a;

A mi lengte hlimna ber Van Lal nau ang pianna ni,

Hmatiangah a lo herchhuak leh dawn ta.

Fam zun ngaite tan erawh lungngaih ni a chang ang maw?

Zaleng dangte hlim zai an vawr laiin;

Hmangaih lungduh kaltate ngaiin an tap ruai a sin,

Kan theih tawk an tana tawngtaina.

Isu, hei kan dil a che,

Sual bawih, rethei, riangvaite tan;

Fam ngai khawharte leh natna tuar zawngte tan,

Mitin tan damna Krismas chang rawh se.

Mahse, hun rei lotea'n liamin a ral leh mai dawn,

Hringmi iangin dan rual a chang si lo;

Nawmchenna atan hmanga Siamtu Lalpa hawisanin,

He hun tawite hi i hmang lovang ang u.

Isu, hei kan dil a che,

Sual bawih, rethei, riangvaite tan;

Fam ngai khawharte leh natna tuar zawngte tan,

Mitin tan damna Krismas chang rawh se.

Isu, Lalpa, hei hi ka hlan a che,

Ka neichhun he ka thinlung hi;

I ta nise, i Lalna nise,

Kumkhuain i ta nise,

Kumkhuain i ta nise.

Isu, hei kan dil a che,

Sual bawih, rethei, riangvaite tan;

Fam ngai khawharte leh natna tuar zawngte tan,

Mitin tan damna Krismas chang rawh se,

Aw, mitin tan damna Krismas chang rawh se.

Continue Reading