Ram ka duh ber (Rihlipui hla)

Phuahtu: C Ronghaka (Rihlipui Nghaka)

Satu: C Lalawmpuii

A sakhmel ka tehkhin ber chu,

Tleitir chhingmit pawl riai;

Hlim hmel a pu reng englai pawhin,

Chhing zo awm maw i mawi chuang e,

Tukloh ram dai hring duai mualpui i chhun eng e.

Par mawi tin thang vulna Rihlipui,

Tui va lungrual laitual an lenna;

Ram ka duh ber, thlan ber ka ti ang che,

Kumtluang atan mang tha, sam ang ka then thei lo.

Fur khaw thiang lenkawl eng riai leh,

Sawmfang hmun hring cham del;

Dil kam hliap ruam phai zawl mawia'n,

Virthlilengin di iang rawn chhai e,

Sawmfang nghing dial leh tuifawn del ka thlir ning lo.

Rih tlangpui hrailengte chun,

Sennau iang min chawiliantu;

Ka chhuang em che a sin i sakhmelmawi,

Kumtluangin i kiangah len ka nuam,

Chhingkhual chang mah ila, nang ngaih ka bang dawn lo.

Continue Reading

Rihlipui (Nuih zai a rel ve ta)

Phuahtu: C Ronghaka (Rihlipui Nghaka)

Satu: C Luri, Eden Tharnghaki

A ngur fa lengte tlawh loh ram daiah,

Zo tum sanga ram par mawitu dil nuam;

Hram thiam, buall thiam tui va lungrual leh,

Lengngha lungrualte laitual an lenna.

Lairila'n nghilh lai i har ngei e,

Par tin thang an vulna zorawn phai nuam;

Tuichung par mawi kim lily par nen,

Siktui thiang kan dawnna fam Rihlipui.

Chhingkhual ka chan hian ka ngai zual thin,

Sen nau ang min chawia min awmtu;

Dar ang tawn leh ni thlir chung reng zelin/hianin,

Ngai chunga thenlai a tul leh thin.

Rairah a riang chuang hun kha chen kha,

A sakhming chhim thlipui iang lo hrang e;

Par mawi a sakhmel ngei thlir vea'n,

A au thin, tuma'n an chhang duh si lo.

Hmanah fam rihsang an lo tih kha,

Tunah e, a thar hmangaihna dil;

Tleitir chhingmit iang a meng pawl riaiin,

Tlang karah nuih zai a rel ve ta.

Continue Reading

Welcome to Mizoram

Composer: Ronald Zothantluanga Khiangte

Artist: Esther Hnamte

Welcome to Mizoram,

Feel at home, 

Breathe in the freshness,

Share kindness and love, 

Warm welcome to all of You,

Welcome to Mizoram.

[Verse 1]

'Ka hmangaih che' is I love you,

'Ka ngai che' is I miss You,

'Eng nge i tih?' is what are you doing,

'Leng ang hmiang' is lets hang out.

[Verse 2]

'Thil ei ila' is lets eat something,

'Ka ril a ṭ'is I am hungry,

'Ka tui a hal' is I am thirsty,

'Ka puar e' is I am full.

[Chorus]

Welcome to Mizoram,

Feel at home,

Breathe in the freshness,

Share kindness and love, 

Warm welcome to all of You,

Welcome to Mizoram.

[verse 3]

'Bazarah kal ang' is lets go shopping,

'Engzat man nge?' is what is the price,

'Min tlawm rawh' is lower the price,

'A to lutuk' is it is too costly.

[Verse 4]

'A nuam ka ti' is I am enjoying

'Ka hlim lutuk' is I am happy

'Ka hah tawh' is I am tired

'Hahchawl ang' is lets take rest

[Chorus]

Welcome to Mizoram,

Feel at home, 

Breathe in the freshness,

Share kindness and love, 

Warm welcome to all of You,

Welcome to Mizoram.

[Music solo]

[Hindi Verse]

Dhool dhhua se door, yeh saaf si hawaa,

Horn ki awaaz bina, sukoon bhara jahaa,

Muskaan se milte yahan har ek insaan,

Pyaar se swagat kare, sab dil ke mehmaan.

Shaanti ki baahon mein kho jaaye har pal

[Chorus]

Mizoram mein aapka suagat hai,

ghar jaisa ehsaas hai,

Taazi hawaao ko mehsoos karke,

Pyaar aur dosti sab mein bharo,

Aap sabka dil se swagat hai,

Mizoram me aapka swagat hai.

Continue Reading

Nu kan lawm e

Phuahtu: Zoramchhani

Satu: Zoramchhani

Ka dawn kira panlai nun,

Kan mamawh min tih sak a;

Hmangaihna nena min chawiliantu,

Kan nun tifamkimtu ka nu.

I tel lo chuan chhungkua a ruak a,

I tel lo chuan kan nun a kim thei lo;

Kan ngai che, Nu, kan ngai che,

Lo kir leh hian i mawi si lo maw?

I zalna laikhum thleh nem hi,

I tel lo chuan hahdamna a tling zo lo;

I tu leh fate hian ngaiin kan au thin che,

Chhingmitthlaah i cham reng e.

I tawrhchhelna, i huaisenna,

I rinna chak tak nen kan tluk lo che, Nu,

Lalpa ngaia i mittui far kan hmuh hmaih lo,

I kal ta maw, chatuan atan Lalpa fak turin.

Nu...Nu...Nu...Nu, kan lawm e,

Fak rawh Lalpa chu bang lo vin,

Nat leh mittui tlak awm tawh lohnaah chuan,

Min lo hmuak la, kan lo kal ve hunah.

Nu..Nu...kan lawm e,

Fak rawh Lalpa chu bang lo vin,

Nat leh mittui tlak awm tawh lohnaah chuan,

Min lo hmuak la, kan lo kal ve hunah,

Aw, min lo hmuak la, kan lo kal ve hunah.

Continue Reading

Auhkir ka nuam

Phuahtu: Daniel Chenkual

Satu: Project Wallflower

Suihlungruala kan lenna aw fan leh ka nuam,

Lungrual taka hlim zai kan vawrna;

Eng dang reng dawn lo va laitual kan lenna,

Khuanu hian phal lul se, auhkir ka nuam.

Vanglai ni chuaia'n ka phal lul lo,

Nun hlui ngaiin ka kiu vawng vawng;

Lenrual duhte khawia'n tuan che u maw?

In hlimthla tal thlir leh ka nuam,

Suihlungruala laitual kan lenlai,

Khuanu hian phal lul se, auhkir ka nuam.

Tunah zawng tuanna dangin kaina zir run dangin,

Rahbi thar kai tumin hringnun kan zawh chho a;

Lenrual tharte nen lengin hunin min her pui a,

"Dam takin kar hla thian," tih a ngai si maw?

Continue Reading

Beiseina

Phuahtu: K Lalrodinga

Satu: Thelma Lalhmingthangi

Zanlai dar au thawm a lo ri,

Tapin fam khua an lawi e;

Lanu chhuihthangval rual,

Thihna kutin thlan thim lamah a kai,

Chunnu leh zuapa luaithli an nul,

An hrai duh leng vangin.

Beiseina hrui ang a sei thlawn,

An tan hlimna an hrai duh lengte;

Tunah chuan tahna an chang zo,

Sual bumna vangin maw!

Tahna mai thlen turan zawng e,

An ring lo che, an phal lo;

Lungchhirin lo kir lul rawh,

I chun leh zua, Van Lal lung lawm nan,

Dairial chang turan zawng e,

An ring lo che, an phal thei mawlh lo che.

Sakhmeltha Zo lanu val rual,

Ka sawm vel e, lo ngai r'u;

Chun leh zua, Van Lal lung lawm nan,

Ruihhlo chitin sirah hnawlin maw,

Zoram Lalpa tan ti eng zel ang,

Khawvel tawp thleng pawhin.

Continue Reading

Engmah lo mai (Chawlhbuk Movie OST)

Phuahtu: Zaii Hauchhum

Satu: Zaii Hauchhum

Hringnun nunrawngin thawnthu mi chan tir a,

Thlan thim chang zo lo ruang khawhar;

Chhawntu tawng lo rauthla a vakvai a,

Mangang aurawl nen ka thamral e.

Khawvel a boral ang a, nunna hian thihni a thlen ang,

Hmangaihtu an kiam ang a, mittui a hul leh ang;

Hringnun zawng engmah lo mai, engmah lo mai,

Engmah lo mai....engmah lo mai...

Sulrul tuiek te'n an bawm chatuan daih lo he ka tisa,

Vuitu nei lo thlarau lungngai;

Nunna petu che kiangah ka thlarau kir leh la,

Rorelna ni nghakin muangte'n chawl ta la.

Khawvel a boral ang a, nunna hian thihni a thlen ang,

Khawvel a boral ang a, nunna hian thihni a thlen ang.

Continue Reading

Khawnge in awm le?

Phuahtu: H Rumvunga & LB Ropuia Thangluah

Thluk siamtu: LB Ropuia Thangluah

Satu: Tuaii Sailung

Dung dawh laikhum muangte'n kan belh laiin,

Hai ang min thang sirva zai mawite'n;

Hawihkawm lenrual lungduh thenna tur,

"Kawl a eng" tiin biahthu min hlan.

Par lai kan vul za a kumsul ang,

Tuanna run mawiah hlim zai kan vawr lai kha;

A rei lo e, tuar har lunglen an chang zo ta maw?

Ngaih in bang lo ve lenrualte u, khawnge in awm le?

Lunglai rilah nghilh ni in awm lo ve,

Ziakfung chawia ka tuan pui zawng leh;

Vai lam duan tul pui thin lenrualte,

Tawnmangah tal dar ang tawn ka nuam.

Kawl ang ka hnim, then ni lo herchhuak e,

Kan zawh lamtluang a dang zo ta maw;

Chung khuanu leng, damte'n min hual la,

Rual duh min khawm rawh, lung a leng e.

Khuarei an chang zo ta hlim lai nite'n,

Luahpui run cham hnu rualduh leng nen;

Chhun ni tum tawi leh a intawngin,

Vanglaini thawnthu hrilh ka nuam e.

Dam ni seiin dawn a thui ngei,

Hringnun par vul lai a va rei lo em!

A ngaiin luaithli ka nul leh thin a,

Hei hi maw lo ni hringmi hringnun chu?

Continue Reading

Dindin bawihte

Phuahtu: Bka Hnamte

Satu: Bka Hnamte

A hrang ngei e aw i fam chan chhan,

Min thawng ngei, aw, zaleng zawngte;

Kan tuar thiam lo, mittui a far,

Kan theihtawk maw a tlem lua e.

Kan phal thei lo, Dindin Bawihte,

A tawi lua e i vul lai ni;

Theih chang se aw, chung khuanu khi,

I dam leh nan kan dil ngei tur a.

I chun leh zua, aw, i unaute,

Tap chungin e, "Bawihte, a na em?'

Han chhang teh la, an zawhna che,

A rawng lua e, i fam chhan hi.

A na dawn ngei, aw, i tawrh zawng kha,

Mangangin e, "Min tanpui r'u,"

An thamral zo, mangang au rawl,

Puitu hmel reng i tawng lo maw?

Hnam lentu nunrawng, lo ngai ve teh,

Zofa, saltha i inchhal ang maw?

I sulhnu reng a rawng lua e,

I bo rei lo'ng e, he ramah hian.

Continue Reading

Damchhan (SaiWanah x Mary Dawngi)

Phuahtu: SaiWanah

Satu: SaiWanah x Mary Dawngi

Verse 1:

He lei ramah khualzin mai ka ni a,

Eng ang mi nge ka nih tih pawh ka hria;

Mite sual ruala sual, mite fel ruala fel,

Ka duh ai ka pangngai leh țhin.

Ka awm lohna hmun turah ka awm thin a,

Ka hlut tur angin ka hlu zo lo va;

Mite min hmuh dan leh min hriat dan chu ka hre lo,

Mahse, hei hi ka inzawt țhin

Chorus:

Naktuk hi ka tan awm tawh lo se,

Engtin nge miten min hriatreng ang le?

Hlimna thlentu nge ka nih lungngaihna thlentu mai,

Ka damchhan hi thihpui tham a ni em?

Verse 2:

Mi sualin sual an inti lo va,

Mi fel pawn fel an inti ngai lo;

Kan sualna kan hriat hi kan felna a ni a,

Fela inhriatna hi alawm sualna.

Chorus:

Naktuk hi ka tan awm tawh lo se,

Engtin nge miten min hriatreng ang le?

Hlimna thlentu nge ka nih lungngaihna thlentu mai,

Ka damchhan hi thihpui tham a ni em?

Bridge:

Vawiin hi nimin aia țhain hmang la,

Naktuk leh hun la awm zel tur atan;

I hun liam hnute chu an liam fel tawh a,

Siam țhata koh kir theih an ni lo.

Chorus:

Naktuk hi i tan awm tawh lo se,

Engtin nge miten an hriatreng ang che?

Hlimna thlentu nge i nih lungngaihna thlentu mai,

I damchhan kha thihpui tham a ni em?

Aww.. Kan damchhan hi thihpui tham ani em?

Continue Reading

I piancham

Satu: C Vansanga

Ka han thlira an run in nuam saw,

Zaleng an kim, hlimin an lam;

Thilpek hlanin piancham lawm nan hian,

Ban vuanin lawmthu an hrilh tawn.

Kei zawng thilpek tur rohlu dang engmah ka nei ve lo,

Ka lawi ve ngam dawn em ni in runah?

Lunglam ka vai, awle, kei pawh hei ka theihchhun ve,

He hla hian zaiin ka lawm ve.

Khawvel mi ropui leh mi lianten,

An pianchampha an lawm thin a;

Thilpek ropui rangkachak tangka,

Hlanin hlim takin an hmang thin.

I pianchampha hi hlima i hman ngei ka duh pui che,

Kei paw'n lawmpui leh chibai buk nan che zaiin ka sa, 

Chung Pathian malsawmna leh muanna,

I chungah lo thleng zel rawh se.

Continue Reading

Pass lawmna

Satu: C Vansanga

Zaleng hei zawng zingah kan chhuang che,

Rualkhum zo, aw, i hming sawi lai hi;

Kan bang lo'ng i lenrual duh zawngten,

Kan hlimin, aw, kan lawm, aw, i pass hi.

Kan lawmpui che i hlawhtlinna hi,

Duhsakna sang ber kan hlan a che.

Hawihkawm lenrual zawngte sawm velin,

Hlimte'n zai i vawr ang lungrualte'n,

Hei ngei hi a lo ni kan hlimna,

Leh kan lawmna ber chu,

I thiam, finnate leh remhriatna,

Chapo uanpui nana hmang lo vin;

Ram leh hnam tan tiin bei zel la,

Chutin khuanu'n malsawm che rawh se.

Continue Reading

Fam zun leng ngaih

Satu: C Vansanga

Hun leh ni ka dawnin lairil a fan chhuak e,

Tuar thiam a har fam zun leng ngaih;

In dai kawm ka hrut, ngaiin ka tap mai dawn,

Fam zun ngai hian a riangte hi.

Ngaiin ka au zel dawn,

Engtikah tawn ni awm ang maw?

Mahriakten ka dawn vel e,

Ka dawn, ka dawn vel e.

A leng e ka dawnin fam hnu ka lenrualte,

Nghilh thei reng hian ka mawi ne maw:

Kir thei chang ve se auh ruai ka nuam ngei e,

Fam hnu ka lenrual duh zawngte.

Continue Reading

Khawzo Lelte

Phuahtu: Vanbuka

Satu:  Vanlalruati

Thal favang kawlni eng lawmin,
Berhva thing dim te'n zai an sa;
Zarva lungrualte'n chhuahtlang lentu,
Hnuaiah hlimte'n zai an vawra;
Zo lentu siahthing zar lerah,
Rem thiam leltepa'n ni lenin,
Zun zai sak a bang lo, leng awiin,
A iang Lalngo, min hnem ve rawh.

Khawzo Lelte, ngaihlai Parte,
I zun ngai min hnem rawh;
Zai sa in sakhmel hlimte'n ,
Awih lai rel la, Tahlai nau ang bangin;
Khawzo Lelte, i zai nemin,
I zun ngai min hnem la;
Khawzo Lelte, ngaihlai Parte,
I zun ngai min awm rawh. 

Continue Reading

Nghilhni ka nei lo'ng che

Satu: Vanlalruati

Tu dang ngai lova hlimte'n kan len laiin,

Enga'n thlafam min chan san le?

Ka tuar zo lo ka duhlai, Enchimloh,

Ngaiin ka dawn vawng vawng thin che!

Nghilh ni ka nei lo'ng che,

He lei khawhar hi chhuahsan rih mah la;

Van Jerusalem-ah chuan,

Lungduh dar ang intawng leh in,

Chatuanin kan leng tawh ang.

I tel lo chuan hmatiang rel a har ngei e,

Hlimte'n buan ang kan pawm lai leh;

Nau ang nui a hlimzai kan vawr lai te,

Khuarei an chang tur ka dawn ngam lo!

Ka ngai bang lo'ng i kutchhuak sulhnu zawng te,

An chul lo'ng nge khuarei ah paw'n;

Mah se, suihlung ti leng zual tur mai maw?

Sakhmel tawn ni her chhuak si lo!

Kan zalna laikhum mahriakte'n belh ka zuam lo!

Hrilh ka hai ngei lunglai rilah;

Nang nena kan hlimna run in chhung pawh,

A ngui ruai e, i tel lo chuan!

Continue Reading

Iang zo awm lo

Satu: Vanlalruati

Thal bawm romei iang thamral tawh hnu,

Hlimlai ni zawng kha zamual hnu;

Iang zo awm thei hian ka ring nem maw,

An sawi ami lenlai paw'n.

  Nunhlui, aw, kan lenlai kha,

  Ngaiin ka au ruai thin;

  A riang thinlaiah nghilhni a awm dawn lo,

  Iang zo awm lo, kan nunhlui.

Hlimte'n lenga lungrual ni zawng te,

Awm leh thei ngai ang maw kan tawnah?

Mahriak awmhar tizual tur renga'n maw,

Ban an rel, "Liam ta'ng," an ti.

Engtin dawn ve ang maw rualduhte'n,

Rual kim dar ang lenlai ni zawng te;

An dawn bil ang maw chuai mai tur leh,

Tlaitla iang liam mai tura'n.

Lenlai ni kha, hlim lai ni zawng nen,

An chang zo ta maw, tawnmang mawla'n;

Nau ang nuih nan tawn leh ni awm ang maw?

Iang zo awm lo - kan nun hlui!

Continue Reading

Tang fan fan Myanmar

Phuahtu: Vanlalsailova

Satu: Vanlalsailova

Mittui far lai ka hmu,

Khawchhak nu mittui far,

A richhuak zo tawh lo,

Chakna a nei tawh lo.

A hrai a chan, a ram,

Chhanin a fam ta e,

Vanglai a par mawi lai,

A thliak lal kham lo khan,

A ram a run, a that,

Mipui an raltlan e.

Singrual an au rual e, "Democracy" tiin,

Meithal mu a sur ta e,

Lei charan ruang ka hmu,

(Mahse) en teh, an tlawm hauh lo,

Myanmar mipuite khi,

Ngaiteh, do chan an zir,

Laifei leh phawte nen,

Ka tih theih chhun tawngtai,

An tan ka hlan nang e.

Van Lal a che dawn e,

A mite authawm chuan,

Chhanna a hmu dawn e,

Lei lal a tlawm dawn e.

Tang rawh le, 

Tang fan fan Myanmar,

I hlawh chhuak ngei dawn e,

Kiang rawh le, Lal nunrawng,

An tlawm dawn si lo,

Tang rawh le, 

Tang fan fan Myanmar.

Continue Reading

John Williams Hospital Hla

Phuahtu: Dr. Ramdinthara Sailo

Satu: John Williams Hospital Staff Zaipawl

A saw chhim tual Leitlangpuian,

Van Lal mi hrang sakhming chawiin;

Tah chuan an rem damna run in,

Sakhming an chawi - John Williams Hospital.

Tah chuan an lawi e, leng tin nau fa,

Tui ang dawn e, damna tui thiang;

Nat leh phurrit zawng min chhawk thintu,

Tidamtu Isua lenna a ni.

Hmatiang kan sawn zel dawn a ni,

Chhim tlang zaleng zawng lung lawm nan;

Thlei bik awm lo, ngaih ngamtein,

Lo kai ve r'u, damna run sang pui hi.

Continue Reading

Damlai hringnun

Phuahtu: TBC Lalramkima

Satu: TBC Lalramkima, TBC Zaithanpuia, Thawhlehnaniropuia (Puipuia Chhakchhuak)

Damlai hringnun her velah hian,

Hringnun khawsak a sang si a;

Rethei riang tan kawng a thim ngei,

Kal ngaihna reng reng a awm lo,

Harsatna, mangan, lungngaih, buaina,

Ka tan chhum ang a zing thin a;

Aw, rethei riang hian ka tuar thiam lo.

Fam ka nuam e, fam mai ka nuam,

Hringnun khawvel hnutiang chhawnin;

Aw, lei hringnun reng ngai tawh lo vin.

Hmangaihtu leh min tanpuitu,

Hringmi zingah an awm si lo;

Pialralah tal an awm lo'm ni,

Lungduh fam hnu rauthla zingan,

Pialaralah siang lawi ka nuam e,

Hmangaih fam hnu rauthla kiangan,

Aw, fam khawpuia leng ve turin.

Kan tum ram nuam pialral ram mawi,

Rinna mita ka thlir thin chu;

Aw, ka nghakhlel ka thlen hun tur,

Rauthla lenna pialral khawpui,

Pialral ram mawi, fam vangkhuaan,

Harsatna, mangan a awm tawh lo'ng,

Aw, hringnun chawlhna pialralah chuan.

Continue Reading

Chhungkim lai kha

Phuahtu: Laldan

Satu: Zoramchhani ft. Israel Lalbiakrema

Ka chhuahsan lei nun khawhar takah,

Khualzin lungchhiaa kal lai ka hmu;

Chawnban vuana kan zawh tluangah khan, aw, mahriaktein,

Tawn lohna khua reng a rei ta e,

Biathu min hlan tur a nei ngei ang,

Vawikhat tal a anka ngai turin,

A hnena kal ka va duh em! 

Aw, ka ngai mang e!

Aw, chhungkim lai nite kha,

Her chhuak leh hian a mawi si lo;

Dan rual loh awmlai lunglian vangin,

Ka zar mawi a tliak ta.

Lungphang em emin neih sum sengin,

Ka nun chhan nan a tang em a sin;

Ngai chung zelin ka liamsan ta maw,

Aw, min hmangaihtu,

Chun lo hrailengte a thlir changin,

A duh thei lo an chan tawk khuarel,

Ka sulhnu leh hlimthla lengte pawh,

Lunglai kimtu an tling lo'ng e, aw, keimah lo chu.

Malsawm kan dawng zawngte pawh,

Awmhar tizualtu an chang ta e;

Laikhum thlehnem thlunglukhamte paw'n,

"Kawnge ka pi kha?"

Piaral ram nuamah ka leng ta e,

Chung turni pawh thangvan zawl mawiah;

Din zai a rel thei lo ang khan e,

Zamual ka liam a tul ta si,

Aw, thenna khuavel.

Chhun eng mawi her liam ta e,

Tlai khaw ngui lungchhiain tap hawm hawm la;

Chhumte u, luaithli van awnah sur buan buan,

Thang van rialpui rum zai i rel ang aw.

Aw, ka ngai mang e,

Aw, chhung kim lai kha.

Continue Reading