Lengi (Siampuii Ralte sak)

Phuahtu: Philip Lalremruata
Satu: Siampuii Ralte

Siar sing sang sawmsarih pawn an chhan zo lo'ng che, Valmawi,
Lengi hian a phu tawk a hre tawh si.

Min lo ngai thin em? Bawihte,
Min ngai ka hria alawm;
Zan mu i chhing thei em le?
Chhan kher ka phut lo,
Zing dar kua a lo ri leh a, thawh i hai,
Zan dar kua a lo rikin keimah min vei,
Ni e , ti hian ka khaikhawm - 'Ka tel lo chuan i tlei zo lo'.
 
Sira min hnawl...hnawl...hnawl ni khan,
I dawn lo, i chan ropui zia hi,
Tunah thupha i rawn chawi maw?
Siar sing sang sawmsarih pawn an chhan zo lo'ng che, Valmawi,
Lengi hian a phu tawk a hre tawh si.

Inchhir a sawt tawh lo'ng e, i hun a liam tawh,
Ka hmangaihna reng hi e, phu hian i mawi lo;
Nun hlui hnutiang chhawn zai ka rel ,
Nang ngaihna reng ka nei lo ve,
Ni e, ti hian ka khaikhawm- 'I tel lo hian ka hlim ber mai'.

Thinlai hnemtu dang reng tawng leh hian i mawi si lo,
Lam ang i lo let a rem tawh lo. (A rem mawlh lo).

Min hnawl...hnawl...hnawl ni khan,
I dawn lo i chan ropui zia hi,
Tunah thupha i rawn chawi maw?
Siar sing sang sawmsarih pawn an chhan zo lo'ng che, Valmawi,
Lengi hian a phu tawk a hre tawh si.

Continue Reading

Chun nu (Young Fella sak)

Phuahtu: Young Fella

Satu: Young Fella

Aw nem damdiaia "Bawihte," tia min ko thin tu ka nu,
I sakruang rial angin a dai, luaithlinul hi min hnem ta che;
Kan run inchhung a ngui riai e, tawn ruak hlir a zau,
Zuapa lung lam a vai, i hrai te'n ngaiin kan au che,
I tan pangpar mawi kan rawn hlan e, lo chhawn ta che,
I tan puan mawi kan rawn hlan e, lo chhawn ta che.

Lo duat rawh u, ka chun nunnemi kha,
In zingah siang a rawn lawi ve dawn e;
Angel te u, kan phal lo chunga rawn kal ta a nih kha,
In zingah hlim zai relin Siamtu fakin a hlim ngei ang,
Kan ngai bang lo, ka chun nu kha.

Nu hnuntui ngaia tap thin ka ni tih i hria a ni lo'm ni,
Ka Pa vana mi, ti nge min laksak ni?
Ka nu khan kan duat leh ngaihsak a la dawng tam tawk lo,
Kan kham lo vin a la phu viau a sin le,
Saisen tet ata min chawi liantu niin nunkawng dik min zirtir thin,
Damlo leh lungngaia ka awmin, an'in awm nemah min pawmin min thlamuan thin,
Kan chhuah dawn apiangin, ni'n kan lu chungah kut nghat ngeiin, tawngtaina nen min thlah thlap a,
Mahni in lum ngei kan tih ve theih nan,
Kan runah ngei chuan kan haw lam chu phur takin,
Hmangaihna nen min lo hmuak thin,
Kan engkima kan engkim, kan lei Pathian tura min pek,
Kan chak tak hi pawm thiam turin,
Tinge midangte pawn an hmangaihte an chan ve le?
Thihna nunrawng natna khawvel mi te'n an tih dam theih loh chu,
Kan run in chhung ngeiah,
Mite pawn lo tuar ve mahse,
A dawngsawngtu tan chuan tawrh thiam a va'n lo har si em,
Khawhar in tiin ralna sum nen pangpar nen an rawn leng a,
Engkim hian hun bi nei mahse,
I kal hun hi hun lo kan ti,
Inrini reng kan nei ngai lo'ng,
Lo han kal ta la, min lo hmuak ve dawnnia.

"Vanramah cancer a awm tawh lo."

Continue Reading

Chhawrthlapui a lo eng leh ta e

Phuahtu: Lalthansanga Ralte
Satu: Lalthansanga Ralte, K Lalthlamuankimi

Chhawrthlapui a lo eng leh ta e,
Nun hlui, di hlui mual liam tawh hnu;
Nghilh rual loh te'n herchhuah pui leh in,
Lenrual zawng te'n tuar maw e, kei ang hian.

Engtin ngai ve maw, lenrual zawng te'n,
Di hlui, nun hlui ngaia lunglen hi;
Dawn ve che u maw, kei ang ruai hian,
A thar zual thin chhawrthlapui lo en hian.

Ka tah leh tlangin, awi, min rel si,
Nunhlui, di hlui, khawtlang lunglen nen;
Dawn ve ang maw, kei ang ruai hian,
Chham ang zal reng hi a har ngei mai.

Ka chung thangvan leh siar zawng khian,
Kei ka suihlunglen min dawn pui maw;
Min dawn pui hian ka ring si lo,
Suihlunglen hi tuar thiam a har ngei mai.

Continue Reading