Min lo hmuak ang

Phuahtu: Vanromawia

Satu: Maruati (H Lalremruati)

Zan thim lei ninawm hnuaiah hian,

Ka bo thin i tel lo chuan, Lalpa;

I kawng min hmuh tir leh rawh,

Lo hnai la, thimin min khuh hma hian.

Lei lungngaihna piah ram min thlir tir la,

Ka tah lai ka bang ngei ang, Isu;

Angel varten chu hmunah min lo hmuak ang,

Lallukhum mawi nen.

Ka awmkhawrhar min hnem turin,

Ka thlang ber zel ang che, aw Lalpa;

Thinlai chhum ang zing hnuaiah,

I hlim nuam ka tan lawmna a ni.

Mittui a luang tawp ni awm lo,

Kawng chhuk chho thlipuiin min nuai vel;

Ka rawn pan zel ang che aw,

I hnenah min chawlh tir ve ang che.

Continue Reading

Chhandamtu kiangah

Phuahtu: Lalfamkima, Dawrpui Vengthar

Satu: Mizoram Synod Choir (2024 -2026)

Ka khual zin kawng hi reilotean a ral ang,

Van in nuam ka thleng thuai dawn (Ka thleng thuai dawn);

Chhum zinna piah ram eng mawi leh duhawm chu,

Ka la thleng ngei dawn,

Tlantu Isua vangin (min hruai ang..)

Kawng chin a hria e, min hruaitu Isuan, (Min kai ang..)

(Kawng tluanin min hruai zel ang)

Bo pil ka hlau lo'ng he zin kawngah hian,

(He khawvel hrehawmah hian (ka hlau lo'ng)

Muangin ka kal ang thlipui hrang karah,

(Engmah reng ka hlau lo va)

Ka la chawl thuai dawn  Chhandamtu kiangah (Ka Lalpa kiangah).

Van in ka ngai thin he buaina ram atang hian,

Nghakhlelin ka thlir fo thin (ka thlir fo thin)

Chhandamtu kianga engthawla len ve hun tur,

Rinnain ka thlir,

Ka la thleng ngei dawn si (Min hruai ang..)

Hawikir tawh lo vin he lei hi ka chhuahsan ang,

Buaina ram hnutiang chhawnin (Hnutiang chhawnin),

Hmangaihtu Isua chawimawi a fak hla sain,

Ka la zawm ve ang,

Angelte zai vawr chu (Min hruai ang..)

Continue Reading

Min hruai zel thin

Phuahtu: Zonuntluanga Hrahsel

Satu: Presbyterian Choir (2024 -2026)

Engkim hian i felna min hmuh tir a,

Ka tan i thatnate,

Pangpar mawite chuai leh thin mah sela,

Ka tan i nung reng thin,

Nitin hian ka nunna min chelh sak a,

Bo hlauhawm ka lo nihin;

I kawng thianghlim a ta ka bo loh nan,

Aw, nangin min chelh reng thin.

Kan fak che, kan chawimawi che,

Thil ropui min tih sak a;

Kumkhuain kan zui zel ang che,

Nang lo tumah an awm lo,

Kan beiseina zawng pawh,

Nangmahah a nung reng e,

Keini tling lo mah ila,

Aw Lalpa, min hruai zel thin.

Thim hnuaia ka lenin enna i ni,

Ka ke min ven saktu;

Lungngaia hrehawm taka ka awmin,

Chawlhna min siam sak thin,

Aw Lalpa, i kiangah ka thla a muang,

Min dotu lo lian mah se,

I dan thianghlim ata ka bo loh nan,

Aw, nangin min hruai zel thin.

Min vengtu chu Lalpa i ni,

Thihna hlim kawr ka zawh mek lai hian;

Nang ka hnenah i awm reng a,

Ka nunna min siam that thin,

Ralmuanna ram min tiam sak a.

Continue Reading

Lalpa lo cheng la

Phuahtu: Lalrinpuii

Satu: Presbyterian Choir (2024 -2026)

Lei hrehawm leh khawharah hian,

Min hnem thintu nang ka ngai che;

Lalpa, lo cheng la, nang kan run chhungah,

I tel lo chuan kal kan thiam lo, nang kan ngai che.

Lei hrehawm leh khawharah hian,

Min hnem thintu nang ka ngai che;

Lalpa, lo cheng la, nang kan run chhungah,

I tel lo chuan kal kan thiam lo, nang kan ngai che.

Aw hruaitu thlarau thianghlim thlamuantu,

Min hruai leh la i kraws bulah;

Chu chu ka damna a ni, min tlantu i thihna ngei kha.

Manganna chhum zing thin mah se,

Lungngaihnaten min hneh tawh lo'ng;

Ka kiangah nang i awm reng dawn vangin,

Ka hlau tawh lo'ng ka hma min hruai sak dawn vangin.

Continue Reading

Ka kawng hruaitu

Phuahtu: R Lalengzauva (Valtea)

Satu: One in Christ

Ka kawng hruaitu Lalpa Pathian,

Ka chhut nawn thin min hruaina hi;

A mak ka ti, ka puang seng lo,

Heti ema min hmangaihna hi.

Thlarau Thianghlim, Thuro nunnem,

Ka Lal duhawm, nunnem, zaidam;

Ka thinlung hi rawn luah khat la,

I ram tan ka ding zel dawn e.

Ka hril zel dawn tlanna hlu hi,

He ka lei dam chhung ni zawng hian;

Thlemna chhumpui lo zing mah se,

Ka vuan reng ang, aw, i kraws hlu hi.

I kawngte chu ka zawh theih nan,

Lal ber ang che ka thinlungah;

I ram tana theih tawp chhuahin,

Sualna do ral ka do zel nang e.

Continue Reading

Ka lawm thin

Phuahtu: Lalzemawia

Satu: The Leprosy Mission Choir

Ka thinlung sualin a hliam chang ni hian,

Khawvel hmun nuam lamah ka peng thin;

Mah se, sual punna piangah,

Khawngaihna a pung thin, a lawmawm e.

Ka ngai che, aw, ka chhandamtu,

Lungngaiin ka rum sual bumna karah;

Mi sual ber ka ni e, i hming ti mualpho thintu,

Nitin zantinin i zahngaihna chuan,

Ka nun min zuah sak avangin ka lawm thin.

Hmangaihnaah pawh hmangaih leh zualna,

Bote tan hian a va hla zual em;

Eng dang nge ka thlan chuan ang le?

Ka sualna nen Lalpa ka rawn pan che.

Ka ngai che, aw, ka chhandamtu,

Lungngaiin ka rum sual bumna karah;

Mi sual ber ka ni e, i hming ti mualpho thintu,

Nitin zantinin i zahngaihna chuan,

Ka nun min zuah sak avangin ka lawm thin.

Ka ngai che, aw, ka chhandamtu,

Lungngaiin ka rum sual bumna karah;

Mi sual ber ka ni e, i hming ti mualpho thintu,

Nitin zantinin i zahngaihna chuan,

Ka nun min zuah sak avangin ka lawm thin.

He lei kohhran hi a va ropui em,

Chaute leh chanhai leh retheite;

Chatuan ro hlu ber min petu,

Kan lawm e, Lalpa kan fak zel ang che.

Ka ngai che, aw, ka chhandamtu,

Lungngaiin ka rum sual bumna karah;

Mi sual ber ka ni e, i hming ti mualpho thintu,

Nitin zantinin i zahngaihna chuan,

Ka nun min zuah sak avangin ka lawm thin.

Continue Reading

Pangpar anga par mawi

Phuahtu: T Pumkhothang

Lettu: Lallawmchhungi

Satu: Zobawk Pastor Bial Zaipawl (2024 - 2026)

Khawvel hi hrehawmna leh inthenna ram,

Vanram erawh zawng muanna ram;

Nunna thing daihlimah kan la chawl ang,

Hahdamin chutah kan leng ang.

Thangvan tualnuamah Isua mawite'n a par,

Hrehawm, lungngaih a awm tawh lo'ng;

Lungngaih mittui a hul tawh dawn si,

Chutah hlim takin kan leng ang.

Vanram pana hmangaihte kan kal laiin,

Lungngaih, mangannaten min bawm;

Mittui luangin hrehawm tam tak kan tuar,

Vanah chung chu a bo tawh ang.

Lal Isuan a mite thisenin min tlan,

Li thuk ang mai nun tawp lo vin;

Lal Isua hmel hmawi hmuh hlan ka nghakhlel,

Chutah kan lawm a kim tawh ang.

Lal Isuan a mite thisenin min tlan,

Li thuk ang mai nun tawp lo vin;

Lal Isua hmel hmawi hmuh hlan ka nghakhlel,

Chutah kan lawm a kim tawh ang.

Continue Reading

Khawngaih vanga chhandam

Lettu: Upa Lalhmachhuana

Satu: Lunglei Chanmari Pastor Bial Zaipawl (2024 - 2026)

Ka nun hlui hi han thlir ila,

Engmah chhuan tur awm lo,

Mi sual nung tlak lo mai ka ni,

Hrem zia chauh mai ka ni,

Mah se, Krista hmangaihna chuan,

Min rawn zawng chhuak ta a,

A khawngaihna avang chauhin,

Mi sual chhandam ka ni.

Khawngaihna vanga chhandam ka ni,

Thiam loh chang boral mai tur;

Min tlan chhuak a,

Krista zarah ka zalen ta,

Nunna thar ka lo nei ta,

Ngaihdamna min pe, kei ang mi sual hi,

Khawngaihna vanga chhandam ka ni.

Chhuan tur engmah reng ka nei lo,

Ka thiltih zawngah hian;

Hnehna ka chan zawng zawngte hi,

Lalpa min pek a ni,

Isuan min rawn tlan chhuak lo se,

Khawi lamah tuan i maw,

Ka puang zel dawn khawngaih vanga mi sual chhandam ka ni.

Khawngaihna vanga chhandam ka ni,

Thiam loh chang boral mai tur;

Min tlan chhuak a,

Krista zarah ka zalen ta,

Nunna thar ka lo nei ta,

Ngaihdamna min pe, kei ang mi sual hi,

Khawngaihna vanga chhandam ka ni,

Khawngaihna vanga chhandam ka ni,

Khawhngaih vanga chhandam ka ni, Amen.

(He hla hi sap hla 'Sinner saved by grace' tih atanga lehlin a ni).

Continue Reading

Nang i awm a

Phuahtu: Jonathan Lianhna & Uncle Joe

Satu: Jonathan Lianhna ft. Zorema Khiangte & Uncle Joe

Chakna suala tlu, sual thim a khuh bo tawh,

Ka nun thim hi kun loin tho la;

Aw, i Lalpa beisei rawh.

Ka nunna hian, ka nunna hian,

Nangmah chauh a chak thin a;

Thil engmah hianin min hnem zo lo,

Ka mittui far zawngte.

Nang i awm a, kei ka awm a,

Thilsiam dang an awm a;

Kan za hian i kut amite vek kan ni e.

Hei hian min hnem thin,

Ka thla a muang thin i hnenah chuan,

Nang i awm a, khawi hmunah pawh min awmpui,

He nun ngei pawh hi lo ral dawn mah se,

Thihna hnehtu'n ka thlarau i hruai dawn si,

Engkim bul leh engkim tawpna pawh i ni.

Ka nunna hian, ka nunna hian,

Nangmah chauh a beisei thin,

Ka duhsam thilte thleng rih lo mah se,

Nang ka beisei fan thin.

Nang i awm a, nang i awm a,

Beisei tur i awm a,

He hun hian hahchawlhna hmun nuam,

A thleng leh thin.

Hei hian min hnem thin,

Ka thla a muang thin i hnenah chuan,

Nang i awm a, khawi hmunah pawh min awmpui,

He nun ngei pawh hi lo ral dawn mah se,

Thihna hnehtu'n ka thlarau i hruai dawn si,

Engkim bul leh engkim tawpna pawh i ni.

Tumah reng famkim tura duan kan awm lo,

Krista ngei pawh khan mifelte a zawng lo,

Ka hliam a tuam dam, ka natna zawng nen,

Bawhchhiatna ruama chaua awm ka tlukna zawngte,

Thima thute tan enna, phur rit phurte tan chawlhna,

Hlaua khurte tana muanna tuinunglui a ni e,

Ka tan a awm reng, malin min awm tir ngai lo,

Mi sualte thian, ka tan a thi,

Thlei bik a nei lo, ka ta a ni.

Hei hian min hnem thin,

Ka thla a muang thin i hnenah chuan,

Nang i awm a, khawi hmunah pawh min awmpui,

He nun ngei pawh hi lo ral dawn mah se,

Thihna hnehtu'n ka thlarau i hruai dawn si,

Engkim bul leh engkim tawpna pawh i ni.

Chakna suala tlu, sual thim a khuh bo tawh,

Ka nun thim hi kun loin tho la;

Aw, i Lalpa beisei rawh.

Continue Reading

I inah haw rawh

Phuahtu: Lalnunpuia Hrahsel

Satu: Cindy Lalthanpuii

Thlir vel teh u, kan ram hi,

Sualna ral a hrang mek e;

Thlung lu a hai mang e, 

Dikna sirah kan hnawl a,

Hmangaihna a dai mek e.

Aw, ringtu, i inah haw rawh,

I in atangin bul tan la;

Sualna dona hmun tha ber,

Thiam zirna bul a ni,

Pindan chhungrilah thingthi la,

I inah bul tan rawh.

Ka pulpit sawn a hun ta e,

Nuna lantir hun a ni;

Thlarau thara rawngbawlin,

Hmangaihna hmachhuan chungin,

I inchhungah bul tan rawh.

Biakbukah chakna lain,

In lamah thahnemngaiin;

Nunpuitu ni zel ila,

Nun tobul tuh ngei turin.

Thahnemngaih i chhuah ang u.

Continue Reading

Lungpui nghet (Lal a ni)

Phuahtu: Jonas Myrin, Reuben Morgan, Eric Liljero & Edward Mote

Lettu: Kawlkhuma & Jean Ralte

Satu: Territorial Staff Songster, India Eastern Territory

Isua thisen leh a felna,

Aiahte engmah ka ring lo;

Lal Isua chauh ka ring ngam a,

Khawvel thil nghet ka ring ngam lo.

Isua thisen leh a felna,

Aiahte engmah ka ring lo;

Lal Isua chauh ka ring ngam a,

Khawvel thil nghet ka ring ngam lo.

Krista chauh lungpui nghet,

Chaklote tan chakna;

Thlipui karah Lal a ni, Lalte Lal.

Thimin a hmel a hliah laiin,

A thatnaah ka lo chawl a;

Thlipui leh ruahpui hnuaiah pawh,

Ka lungpui nghet Krista ka ring,

Ka lungpui nghet Krista ka ring.

Krista chauh lungpui nghet,

Chaklote tan chakna;

Thlipui karah Lal a ni, Lalte Lal.

Krista chauh lungpui nghet,

Chaklote tan chakna;

Thlipui karah Lal a ni, Lalte Lal.

Tawtawrawt ri ropui tak nen,

A lo kalin a angchhungah;

A felna chauha inthuamin,

Tha famkimin ka chawl tawh ang.

Krista chauh lungpui nghet,

Chaklote tan chakna;

Thlipui karah Lal a ni, 

Krista chauh lungpui nghet,

Chaklote tan chakna;

Thlipui karah Lal a ni, Lalte Lal.

Isua thisen leh a felna,

Aiahte engmah ka ring lo;

Lal Isua chauh ka ring ngam a,

Khawvel thil reng ka ring ngam lo.

Krista lungpui nghetah ka ding,

Hmun dang zawng chu tiau dup a ni,

Hmun dang zawng chu tiau dup a ni.

Lal a ni, Lal a ni,

Thihna hnena tho leh Lal ropui a ni,

Khup tinreng thingthiin an la puang ang,

Krista chu Lal a ni, Krista chu Lal a ni,

Lal a ni, Lalte Lal.

Continue Reading

Nangmah chauh

Phuahtu: Michael Neale & Jonathan Walker

Lettu: Hlimhlimi

Satu: Territorial Staff Songster, India Eastern Territory

Van mipuite inkhawmin,

Lal thutthleng a thu chatuan Pa hmaah;

I ke bulah thingthiin,

He thu hi lungrualin kan hlan a che.

Nangmah chauh, nangmah chauh,

I hming chauh hi ropui ber se,

I hming chauh ropui ber se,

Nangmah chauh, nangmah chauh,

I hming chauh hi ropui ber se, Amen.

Aw, vana roreltu,

I hmaah chuan kan tlawm a,

Aw, vana roreltu,

Isu, i thianghlim,

Aw, lei leh van dintu,

Lawma fak zai ri a thang vel,

Aw, lei leh van dintu,

Nang chu i thianghlim.

Sual thawina chu thiatin,

Lei ropuina hnawlin,

Harhna ropui chu rawn thlen la,

Chakna zawng tikiangin,

Kang fai la i thlain,

Chawimawi phu ber chu i ni, Isu,

Sual thawina chu thiatin,

Lei ropuina hnawlin,

Harhna ropui chu rawn thlen la,

Chakna zawng tikiangin,

Kang fai la i thlain,

Chawimawi phu ber chu i ni, Isu.

Sual thawina chu thiatin,

Lei ropuina hnawlin,

Harhna ropui chu rawn thlen la,

Chakna zawng tikiangin,

Kang fai la i thlain,

Chawimawi phu ber chu i ni, Isu,

Nangmah chauh, nangmah chauh,

I hming chauh hi ropui ber se,

I hming chauh ropui ber se,

Nangmah chauh, nangmah chauh,

I hming chauh hi ropui ber se, Amen,

I hming chauh hi ropui ber se, Amen,

I hming chauh hi ropui ber se, Amen.

Amen, Amen, Amen, Amen, Amen, Amen, Amen

Continue Reading

Ka him reng a ni

Phuahtu: T Laldintluanga

Satu: Mizoram Synod Choir (2024 - 2026)

Lal Isua ka nei ka rethei ngai lo'ng,

Ka hnenah a awm, a nung tih ka hria;

Thihna kawr ruam pawh zawh thin mah ila,

Lalpaah chuan ka him reng a ni.

Zan khawdur hnuaiah pawh Lal Isua ka nei,

Muang takin ka kal ang;

Seol-ah pawh mutna siamin tuifinriat chhungril thlengin,

A hnai reng chhandamtu chu.

Lal Isua ka nei, ka rethei ngai lo'ng,

Ka hnenah a awm, a nung tih ka hria;

Thihna kawr ruam pawh zawh thin mah ila,

Lalpaah chuan ka him reng a ni.

Khawi hmunah pawh thian rinawm Isua ka nei,

Him takin ka kal ang;

Khawvel sum leh sanna umin nuam zawng zawng nei mah ila,

A mawi ber chhandamtu chu.

He khawvel sual tuipui fawn vel mah sela,

Huai takin ka kal ang;

Leiah leh van thlen thlengin a kut dinglam chuan min chelh ang,

Ka hlau lo'ng min hruai dawn si.

Lalpaah ka him reng,

Lalpaah ka him reng,

Lalpaah ka him....

Continue Reading

Naktuk hretu Isua

Phuahtu: K Lalbiakthanga (Bt-a)

Satu: Mizoram Synod Choir (2024 - 2026)

Kan hmalam hun tu'n kan hre lo,

Naktuk hmu phaktu kan awm thei si lo;

Lungngaih ni leh lawmna ni tur,

Lo thleng se, engtin hmachhawn ang i maw?

Kan hmalam hun hretu Isua,

Mangan nia kan himna;

Chatuan himna hmun min hruai thleng theitu,

Naktuk hretu Isua, a hnen i pan ang u.

Zan thim hnuaiah kan mut laiin,

Kan hriatna chu min dah bo sak vek a;

Zing khawvarah min pe leh thin,

Thi ang der kha mi nungah min siam leh.

Nitin kan hun a liam zel a,

Kan hmun hlun tur chu kan hnaih deuh deuh zel;

Lawmna hmun nge tahna hun tur,

Duhthlan nan tun hun min la siam sak a.

Continue Reading

Engkimin fak se

Lettu: Alvin

Satu: One in Christ

Ni eng lo her chhuak, ni thar kan chuan,

Thilsiam zawngten an chawimawi che;

Sirvaten zai rem, chung thangvan khian,

I ropui zia an puang chhuak thin.

Engkim thaw thei tawh phawt chuan chawimawi se,

Kan lam hawiin min chhandam ang che,

Ka awrawl chhuahin kutbeng chungin,

Ka nih angin rinawm takin,

Engkimin fak se, zai vawrin fak se,

Lal ropui chu i hlan ang u,

Thinlung zawngin ritin reng nen,

Thangkhawk se hmuntinah, engkimin fak se,

Chibai buk ang u hmangaihtu Pathian nun min petu,

Kan nun zawng nen kan chawimawi che,

Kan nun, engkim neitu.

Luiluang leh tlang lamin au se,

I hmangaihna engkim a ni;

Siar lo engin tuipui fawn se,

I ropuina kan hai thei lo.

Leilung hmun sang ber tui thuk ber thlengin,

Zalen ka nih nan nangin min ko,

Hnam tinreng leh tawng tinreng,

Fak hla sa rualin kan lo kal ang.

Continue Reading

Isu i hnen ka rawn pan e

Phuahtu: Lalawmpuia (Opa Tribal Power)

Satu: Opa, Muanpuia & Rintea

He khawvel sual thim hnuaiah muanga ka len laiin,

Boralna thlan thim lam chu ka pan mek a;

Chhandamna aw nem tak chu muangten ka lo hnar thin,

Ka sual rit tak chu phur chungin.

Isu, i hnen ka rawn pan e,

Tawmkailo leh ka sual rit chu phur chungin;

I hnenah chhandamna famkim chu,

Chatuanin, aw, a zual zel ang.

Nitin khawvel chakna leh nawmsipbawlnaten,

Min bawm thin, aw Isu, ka kal thiam lo;

Thlarau thianghlim beiseinain ka thinlung chhungah hian,

Min hmuh tir rawh chatuan ram mawi chu.

Chhandamna ropui tak chu tunah ka chang ve ta,

Chatuanin Lal Isua ka zui zel ang;

Buainaten nitin chhumpui angin min zui mah se,

'Haleluia' Isua ka zui zel ang.

Continue Reading

Hmangaihna famkim

Siamtu: Chama Chawngthu

Satu: TBZ Choir (2024-2026)

Lei vahvaihna hun her liam zelah hian,

Lawmna ka zawnten rei an daih lo;

Englai paw'n min awmpui reng fo,

Kawngaihna min pe, ka phu mawlh si lo,

Vak bo mah ila min kalsan lo,

Aw nemin min ko, nangin min hria,

Ka chak lohna i hria, min hliahkhuha,

I ban tha chakin min kuangkuah a.

Hmangaihna famkim, danglam ngai lo, pangngai reng, 

Tuipui aia thuk englai paw'n a hnai,

I khawngaihna ka tan hian a tawk,

Lawm takin min siam, min chawisang,

Hrethiam lo mah ila ka ring che, 

Hmangaihna famkim.

Harsatna leh thlemna karah tawngtainain ka ko che,

Ka kiangah i awm reng, min kalsan lo;

Min thlamuan thin thihna ko tlangah pawh,

I thathnain min zui reng si,

I rinawmna ka tan chawlhna,

Sual vangin rei tak bo mah ila,

Min thlahthlam ngai lo englai pawhin.

Hmangaihna famkim, a chuai ve ngai lo vang,

Ka thlarau tan chawlhna nuam chu.

A khawngaihnain min hual,

Zahngaihna vanga min hretu;

Hetiang hmangaihna ka phu lo,

Hmangaihna famkim.

Ka awm angin nangin min kalsan ngai lo,

Engmah min phut ngai lo;

Ka bat min tlaksak,

I thatna tuipui iangin min tuam vel a fawnin,

Ka chak loh chang lo thleng mah se,

Min hmangaih zual ka hria.

Hmangaihna famkim, a chuai ve ngai lo,

Meipui hlauhawm takah pawh ni se;

Ka thlarau tan chawlhna nuam min buatsaih,

Ka kiangah nang i awm tih ka hria,

Tiang ema hmangaihna dang a awm lo,

A va ropui em, hmangaihna famkim,

Hmangaih....hmangaihna famkim.

Continue Reading

Lalpa tan

Satu: Vesper Vuite

Aw, lo kalkhawm rawh u khai,

Lalpa chawimawiin hlim takin i zai ang u;

Lawmthu sawiin a hmaah i kal ang u,

Fakna hla saa amah chawimawiin hlim takin.

Zankhuaa faka lamin aw rawl tawpa hla sain,

Rimawi mawi zawng Lalpa tan hlan zelin;

Kan theihtawp chhuahin kan aw neihte beitham hle mah se,

Lalpa tan theihtawpin kan zai zel dawn.

Khuangpui leh khuangte nen zaiin,

Tingtangte leh hrui thum zawng zawng nen i fak ang u,

Kutbenga zaiin i fak a, zuanga fakin i zai ang u,

Min tlantu fak zai kan bang lo'ng e.

Nungchate pawhin Lalpa an fak a,

A thilsiam tinrengte pawn amah an fak a;

A thilsiam zawng zawnga ropuiber, 

Hringmite hian uar leh zualin i fak ang.

Continue Reading

I tan rimtui chang se

Phuahtu: Robin Lalremruata

Satu: Tumtumi, Christina & Zorina

Aw Lal Pathian, engkim siamtu,

I thilsiam zawng zawngte hian;

Chibai kan buk a che,

Engkimtithei, Lalberte Lal,

Lei leh van Lalber i ni,

Engkim chungah Lalber i ni.

Chibai kan buk che, aw Isu,

Kan chawimawi che Lal ropuiber;

Boral mai tur min chhandam ta, a va ropui em, 

I khawngaihna kan chan hi a va hlu em,

Thinlung tlawm tak kan rawn hlan e,

I tan rimtui chang se.

Lalpa ngei chuan min veng reng a,

Engpawh lo thleng mah sela ka tlachham ngai lo vang;

Thihna hlim kawr zawh mah ila,

Engmah reng ka hlau lo vang,

Min vengin min awmpui reng si.

Chibai kan buk che, aw Isu,

Kan chawimawi che Lal ropuiber;

Boral mai tur min chhandam ta, a va ropui em, 

I khawngaihna kan chan hi a va hlu em,

Thinlung tlawm tak kan rawn hlan e,

I tan rimtui chang se,

I tan rimtui chang se,

I tan rimtui chang se.

Aw Lal Pathian, engkim siamtu,

I thilsiam zawng zawngte hian;

Chibai kan buk a che,

Engkimtithei, Lalberte Lal,

Lei leh van Lalber i ni,

Engkim chungah Lalber i ni.

(Aw) Chibai kan buk che, aw Isu,

Kan chawimawi che (Kan chawimawi che) Lal ropuiber (Lal ropuiber);

Boral mai tur min chhandam ta, a va ropui em, 

I khawngaihna (a thlawna) kan chan hi a va hlu em,

Thinlung tlawm tak (kan hlan che) kan rawn hlan e (Aw Lalpa),

I tan rimtui chang se,

I tan rimtui chang se,

I tan rimtui chang se.

Continue Reading

Khawi hmunah pawh

Lettu: Chhuantea (Hauhnar)

Satu: Lallawmawma feat RCI (Zoramchhani)

Lalpa, i kawng hmuh thiam a har ngei e,

Nang ka hnenah i awm reng thin tih hre lo vin;

Mah se, tunah Lalpa, i awm ka hria,

Ka hlau lo vang engmah reng.

Rinna mitin ka hmu, aw Lalpa, ka hrethiam ta,

I thlarauvin min hruai zel ka kawng khawi hmunah pawh;

Chhun ni a lo liamin zing khua pawh a lo varin,

Englai pawhin khawi hmunah pawh i awm.

Hei leh chen nangin i kawng min lo hawn sak,

Vawi tam i kawng lo zawh tawh mah i la;

Ka zawh nawn fo vang, nangmah ka an theih nan,

Tuarnaah pawh ni se.

Rinna mitin ka hmu, aw Lalpa, ka hrethiam ta,

I thlarauvin min hruai zel ka kawng khawi hmunah pawh;

Chhun ni a lo liamin zing khua pawh a lo varin,

Englai pawhin khawi hmunah pawh i awm.

Aw, i mi hmangaihna chu tuifinriat angin a zau,

I tel lo vin ka nung zo lo;

Ka nunna i hnenah ka inpe,

Chutin ka thlamuanna nangin min pe chatuan nunna.

Khawi hmunah pawh i awm, Lalpa,

Nangin min awmpui tih ka hria;

Khua a lo varin chhun ni pawh lo herliamin,

Englai pawhin khawi hmunah pawh i awm.

Rinna mitin ka hmu, aw Lalpa ka hrethiam ta,

I thlarauvin min hruai zel ka kawng khawi hmunah pawh;

Chhun ni a lo liamin zing khua pawh a lo varin,

Englai pawhin khawi hmunah pawh i awm,

Khawi hmunah pawh i awm.

Continue Reading