Pathian thinlung hmangaihna

Phuahtu: Solomon V Hmar

Satu: Hmunhmeltha Kohhran Pavalai Pawl Zaipawl

Pathian thinlung hmangaihna nasat zia hi,

A thukin a sang ngei chhui rual a ni lo;

Mihring suala an tluk, an thih niah khan,

An tan ngei chuan chhandamna a buatsaih ta a.

Hetiang em a hmangaihna ril leh thuk tak hi,

Ka phu lo, a sang lua deuh lo maw?

Mah se, ka tan a rel leh ruat tlat a ni si,

Hlim lawmin a hmangaihna ka puang zel ang.

Pathian thinlung hmangaihna chhandamna chu,

Hunbi tinah hrilh, puan chhuah zel a ni a;

Setanan theihtawpin dodal thin mah se,

Thu chu tisaah changin damna a thlen ta.

Pathian thinlung hmangaihna rinawm tak chu,

Kalvari thing krawsah tihlan a ni a;

Tupawh a ring a piang chhandam an ni ang,

Keipawh a chhandamna chu ka lo hmu ve ta.

Pathian chhandamna ropui thla zar hnuaiah,

Muangte'n ka chawl ta e, eng dang ka ngai lo;

A chhandamna lah a mawi zual deuh deuh si,

Harsatna tinreng chungah mu angin ka leng.

Hetiang em a hmangaihna mak leh ropui hi,

Ngaihthah a i lo thlahthlam mai chuan;

Vantihrkoh hmanga thuhril mah ngemngheh a nih chuan,

Hremna chu i pumpelh i inring maw?

Continue Reading

Tidamtu Isua

Lettu: Isaac & Rinpuia

Satu: LIKBK Bazar Pastor Bial Zaipawl

Khawvel mawinaten min chim thin a,

Ka hringnun chau tak chhan loh chu;

I hmangaihna kut chak chuan min chelin,

Min humhim, min awm, min chhandam a.

I khawngaihna tui ang nem chuan,

Min tuam damin min siamthar a;

I thiltihtheihna chu min pe,

Isu, ka fak che, min tidamtu.

Ka nun thim tiengtu Isu,

Zan thim sual thlipui hrang karah;

Min thlamuanin ka hliam min chhawk,

Min pawmin Lalpa min humhim.

I vuakna vual kan damna,

I hmangaihna hlu kan chhandamna;

Nat leh lungngaihna leh hlauhnate chu,

Min hneh sak tawh si chatuana tan.

Continue Reading

Lungloh tui

Phuahtu: Rev. K Lalfakzuala

Satu: Zotlang Kohhran Hmeichhe Female Voice

Ka thlarau nun tuihal leh phurrit chuan,

Hahchawlhna zawngin a fang tlang leh mual tin;

Tawn ni reng awm thei si lo he lei ram zauvah hian,

Tuihalin ka chau zo ta, lungloh tui dawn ka nuam e.

Tunah ka chhar ta Krista, lungloh tui Krista chu,

Dawn ka nuam englai pawhin kei ka tan a hlu em e;

A hmangaihna far chauh pawh chatuan chawlhna nuam a ni si,

Hahchawlhna ka zawn thin kha Krista chauh hi a lo ni.

Ngai lo nang e hnuchhawn ram par vul chu,

Lungduh lawmlaiten min lo au thin mah se;

Ral leh mai tur hlimna leh mawi tin thang zawng aiin,

Tlawmna silhpuan inbela Krista neih ka thlang zawk e.

Chhui zel nang e, ka Lal kraws lamtluang chu,

Harsatna zawng leh hrehawmna karah pawh;

Tuarna zara chawlhna nuam ka chan ropui hriain,

Bang lo vin ka dawn nang e, Krista lungloh tui thiang chu.

Continue Reading

Malsawmna hlu

Phuahtu: T Laldintluanga

Satu: Vohbik

Zing daifim sikni eng mawi,

Turnipui sen leh khuangruah surte;

Hunbi kim a lo her chhuak thin,

Hei erawh kan nghilh fo thin,

Lalpa min pek a ni.

Lei malsawmna hlu kan chante hi,

Chhiar thiam lo te'n kan tluk phah fo thin;

Khawngaihna vang a nih hmutute chuanin,

Siamtu Pathian khi an fak ngei ang.

Sum leh pai rohlu ber leh,

Lawina run sang leh kawtthler mawite;

Lalpa, i tel lo chuan engkim,

Tahna mai an chang fo thin,

Kan damchhan ber i ni.

Lalpa, malsawm ka dawnte,

Lawmna chang hriat fo min zirtir la;

Lei thilte chu ral leh mai tur,

Nang erawh kan kulhpui nghet,

Danglam ngai lo i ni.

Continue Reading

Kan inthen tawh lo'ng

Phuahtu: David Lalliansanga & Lalhmachhuana Pachuau

Satu: Lalthlanawma, J Lalruatsangi, Samuel Lalmuanchhana

Pangpar mawi an chuai thin ang hian,

Damlai nite a liam dawn si;

Leiah hian lungngaiin inthen rih mah ila,

Van in nuam kan pan mek e.

He khawvelah hian inthen thin mah ila,

Hmangaihtu lenna kan thlen ve hunah chuan; 

Chu hmun mawi vanram nuamah hmangaihnaa insuihkhawmin, 

Kan inthen tawh lo'ng.

Thihnate lo thleng thin mah se,

Kan rin Krista a nung reng si;

Thlamuanna, beiseina, nunna min pek vangin, 

Van in nuam kan thleng dawn si.

Lui kam mawi kan thlen ve hun chuan,

Mittui zawng zawng a hul tawh ang;

Bang lo vin hlim leh lawmin fak hla kan sa ang,

Van in nuam kan thlen hun chuan.

Continue Reading

Kraws hlun

Satu: Lalthlanawma, J Lalruatsangi, Samuel Lalmuanchhana

Kalvari lam ka thlir bang dawn nem maw

Aw, nghilh ni reng ka nei dawn lo ve;

Hun leh kumte liamin khawvel pawh ral mah se,

Kraws hlun chu ka vuan tlat zel dawn e.

Khawvelah hian thil mawi leh hlu an tam ngei e,

Hausak, hmingthan, ropuina zawng nen,

Nimah se, heng zawng aia duhawm leh hlu chu,

Lal Isua zarah ka lo nei ta.

Kalvari lam ka thlir bang dawn nem maw

Aw, nghilh ni reng ka nei dawn lo ve;

Hun leh kumte liamin khawvel pawh ral mah se,

Kraws hlun chu ka vuan tlat zel dawn e.

Kraws chunga thi ka Lal duhawm Krista khanin,

Thiltihtheihna chuai thei lo a nei;

Nun thar min neihtir ta e, tihdanglam ka ni,

Aw, kraws hlun hlat zai ka rel lo'ng che.

Khawvelah hian thil mawi leh hlu an tam ngei e,

Hausak, hmingthan, ropuina zawng nen,

Nimah se, heng zawng aia duhawm leh hlu chu,

Lal Isua zarah ka lo nei ta.

Continue Reading

Krista thisenah silfai i ni em

Phuahtu: Upa Zomuana Ralte

Thluk siamtu: Lalthlanawma

Satu: Lalthlanawma

Khualzin kawng zawh a tawp ni chuan,

Ka tan van a inhawng ang;

Thatna leh felna vang ni lo vin,

Krista thisen zara silfaina chauh vin,

Ka Lalpa hnenah muangin min thlen ang.

Ka nghakhlel mang e chatuan khawvar,

Ka Lalpa kianga len hun;

Lei lungngaihna zawng a kiang ang,

Thlamuangin ka leng ang, aw, Krista zarah.

Chatuan khua a var hunah chuan,

Van khua leh tui ni turin;

Khawvel ropuianin hmun a chang lo,

Chhuan tur dang reng a awm thei ngai lo'ng,

Krista thisen silfaina chauh lo chu.

I tihthat leh chhuan an en lo'ng,

Chhinchhiahna dang an zawng lo';

Nun that, tih that leh hmingthanna aiin,

A pawimawh ber chu he thu mawlh hi a ni,

Krista thisenah silfai i ni em?

Continue Reading

I ropui an hril

Phuahtu: C Lalruatkima (Cee-a)

Satu: Nghaktea Fanai

I kutchhuak ropui mawi takte ka han thlir hian,

Mihring hi eng nge maw a nih a, min hriat reng le?

Sirva iang hram thiam tinreng ten, i ropui an hril ṭhin,

Siamtu lung an dum zo ngei e, an thawm rimawi zawng nen.

Vante khian i ropuina an lantir,

Tuifinriat thuk tak leh tui fawn ten, i ropui an hril ṭhin;

Mihring finna hian a chhui phak mawlh lo,

I ropuina leh thiltihtheihna,

Chatuan thlengin a pangngai reng dawn si.

Thing tin par tin an vul, an mawina chhuah turin,

Malsawm ni eng, ruah sur, nungchate chawm turin,

Van dumpawl leh boruak thiang ten, sirva leng lung an dum ngei,

Par tinte paw'n ṭawmpui vein, an rimtui an chhuah thin.

Leilung nghahchhante din a, van sangte kai pharhtu,

Chawimawi tlak i lo ni e, chatuan thleng pawhin.

Continue Reading

Chatuana fak tlak

Phuahtu: T Vanlalruata

Satu: Vanlalneihpuii

Eng nen nge ka tehkhin dawn che?

Tu nen nge ka khaikhin ang che?

An awm lo lei leh vanah,

Nangmah lo Pathian dang an awm lo,

Isu, nang chauh i ni.

Thisen chhuaka kan sualte,

Ngaihdamna kan chan theihna turin,

Tisaah i lo chang maw?

Aw Isu, nang, nang chauh hi,

Kan Hotu leh Lalpa neih chhun i ni,

Lal i ni, Lal i ni, Lal, Lalte lal,

Hotute Hotu leh Pathiante Pathian chu,

Chatuana fak tlak Pathian i ni.

I hming hi ka himna kulhpui,

I hming hi ka sual ngaihdamna,

Van hnuai mihring sak zingah,

Min chhandam thei hming dang a awm lo,

Isua hming chauh lo chu.

I tlawmna ka ropuina,

I tawrhna ka tan damna a ni,

I thihna ka tan nunna.

Aw Isu, nang, nang chauh hi,

Kan hotu leh Lalpa neih chhun i ni,

Lal i ni, Lal i ni, Lal, Lalte lal,

Hotute hotu leh Pathiante Pathian chu,

Chatuana fak tlak Pathian i ni.

Isua hi Pathian a ni,

Isua hi Lal a ni,

Isua hi a ni....

Kan Lal leh Pathian a ni,

Lalte Lal Hotute Hotu,

Pathiante Pathian,

Alpha leh Omega - a bul leh a tawp,

Hmasaber leh hnuhnungber,

Chatuana fak tlak Pathian a ni.

Isua chauh hi Pathian a ni,

Isua chauh hi kan Lal a ni,

Isua chauh hi Pathian a ni,

Isua chauh hi kan Lal a ni,

Isua chauh hi Pathian a ni,

Isua chauh hi kan Lal a ni.

Aw Isu, nang, nang chauh hi,

Kan hotu leh Lalpa neih chhun i ni,

Lal i ni, Lal i ni, Lal, Lalte lal,

Hotute Hotu leh Pathiante Pathian chu,

Chatuana fak tlak Pathian i ni,

Chatuana fak tlak Pathian i ni.

Continue Reading

A tha e

Phuahtu: Lalnunpuia Hrahsel

Satu: Maruati & Mami, Cindy Lalthanpuii

An sawi lei malsawmna chang lo mah ila,

In leh lo, hmun lo ram nei lo mah ila;

Ram neitu Lalpa ka neih phawt chuanin,

Ka lungawi, a tha e, Lal remruat.

A tha e, a tha e,

Engkim hi a remruat a ni;

A tha e, a tha e,

Ka lungawi e, a rel sual lo ve.

Hmangaih rawngbawl hna hi kan tan a hlu ber;

Tuarnate lo thlengin rum thawm chhuah ila,

Mala vahvaih chang ni pawh lo thleng mah se,

A pawi lo, a tha e, nang ka nei.

Lei mut bu ka tel hun a la her chhuak ang,

Mah se, thihna thlan thim mahte'n ka dai lo'ng;

Thawhlehna neitu chu ka Lalpa a ni,

A kiangah ka chawl hlen tawh dawn si.

Continue Reading

Hmanhmawh rawh

Phuahtu: Lalnunpuia Hrahsel

Satu: J Lalrosanga

Unau, tunlai thil awmzia hi,

I ngaihtuah chiang ngai em le?

Thihnaten thang awk angin,

Ni tinin min nang vel e,

Nunna emaw tia hlimna zawng,

Thlamuang si lo an tam em,

Unau, i tel ve em, boralna lamtluang zawh zingah?

Hmanhmawh rawh, hmanhmawh rawh, i tlai ang e,

Zion lawng a her liam mek e;

Chutih hunah chuan luaithlinulin,

Awmzia a nei lo vang,

Hmanhmawh rawh, i tlai ang e.

Tihdam theih loh natna a pung,

Nang paw'n i nei thei a sin;

Riakmaw ianga vai an pung,

Lunghahna hmun nei lo vin,

Sual hlimpuia nuam chente chuanin,

An tel mek an tuh rah chu,

Krista vanga nun chan chuan,

An thawhrimna an chang ang.

Continue Reading

Beramno kan awi ang

Phuahtu: Lalthansanga Colney

Satu: Lalthansanga Colney

Chawimawina dar a lo ri e,

Lo kal r'u hming hlu i fak ang;

A ropui em vang hian,

Chawimawina zawng zawng i pe ang u,

Lei leh vante'n Amen rem se, Haleluia.

Ka lungkham ram khawpui Zion, Zion-ah chuan,

Thihna vang thian inthen leh;

Hmangaih lungduh inthen a awm tawh lo'ng,

Zion ram mawi kan ngaih ni, aw, a lo zual thin mang e.

Krista sipai thuthlung fate,

Chawl leh muang hman kan ni lo ve;

Leia Lal ram din zel turin,

Lei thuamte hlipin van silhfen inbelin,

Hmangaihna Lal thuthlung vuanin i kal zel ang.

Khawvelah hian hrehawm, buai leh tlang sel,

Kan phur thuthlung faten,

Nunna ram min ngaih zual tir thin;

Kan lawmna ni tur a lo thlen hunah,

Thuthlung vanga kan tah mittui zawng a hul ang.

Chu khawpui mawi nuamah chuan,

Lungngaih, buaina a awm tawh lo'ng;

Beramno chu kan khawnvar a ni ang a,

Chhun leh zan hun bi reng kan chhiar tawh lo vang,

Chatuan, chatuanin Beramno kan awi ang.

Continue Reading

Ka zam ngai lo

Phuahtu: Lalthansanga Colney

Satu: Lalthansanga Colney

Thlemna tuifawn karah leng mah ila,

Tlantu ka nei reng, ka zam ngai si lo.

Van angel leh serafimten tlantu fakin an awi,

Lei ram nun reng ngai bil lo vin;

Haleluia fak zai sain Beramno chawimawina hla thar an sa e.

Lawmin an leng e, hmangaih lungduhte,

Keipawh ka leng ve ang a, chu ram mawiah chuan;

Haleluia nawnin tlantu fakin ka zai ve ang.

Aw, ka hringnun ral ram hi a lo ral hunah,

Hmangaihna fawn velahte chuanin ka leng ve ang a;

Beramno chawimawina hla thar sain,

Lei hringnun reng hi ka ngai tawh lo'ng,

Hnutiang chhawnin buaina chhumpui zing,

A lo ral hunah chuan ka thla a chawl ve ang.

Mite'n an hrilh van ropuina kei zawng ka tem lawk thin,

Hringnun piah rauthla ka fan changin;

Lung man tam, rangkachak, krustal khawpui laitualah ka leng thuthlung vangin.

Thlemna tuifawnte'n min nuai mah se,

Danglam ngai lo tuifawn chunga Lal ber ka nei;

Thlipui leh tuifawnin a thu an awih,

Leilung nghahchhan phuma mahni chauhva,

Van kai pharhtu Pathian ka nei,

Ka zam ngai lo vang, a hmangaihna fawn velah lawmin ka leng ang a,

Hlim leh muangte'n a angchhung nuam thlazar daihlim hnuaiah ka leng ang,

Ka thla a chawl ve ang a,

Aw, ka hringnun ram hi ka va'n ning tawh em!

Thlemna tuifawn karah leng mah ila,

Tlantu ka nei reng, ka zam ngai si lo.

Continue Reading

Famkimna hmunah

Phuahtu: Muana Khawlhring

Satu: Thelma Lalhmingthangi

Kal ngaihna reng hre lova,

Beidawnga ka awm lai khan;

Nunna kawng hawngtu Isua,

Hmangaihna tawp nei lo khan;

Lokal la, min zui rawh,

I tan kawng ka hawng e.

Lo hnai la, lo kir la,

Chatuan chawlhna i hmu ang;

I awm angin rawn pan la,

Nun hlimna i hmu ang.

Ral hlauhawm thlemna karah,

Ka pil dawn i tel lo chuan;

I buatsaih khawpui mawiah,

Thlen hlan ka va nghakhlel em!

Rangkachak tual nuamah,

Tlantu Isua kiangah.

Chawimawina kan sa rual ang,

Rimawi chi tinreng te nen;

Hnehna hla mawi kan rem ang,

Halelluiah! Amen!

Lunghlu kawngkhar mawiah,

Chhandam fate kan lut ang;

Chatuanin khua a var ang,

Famkimna hmunah.

Chawimawina kan sa rual ang,

Rimawi chi tinrengte nen;

Hnehna hla mawi kan rem ang,

Halelluiah! Amen!

Continue Reading

Min lo kuangkuah thin

Phuahtu: Lalchhuanmawia

Satu: Thelma Lalhmingthangi

Khawvela natna leh harsatnaten,

Ka chungah thla zarin an leng vel e;

Buai, mangannate, ka tan a mi tiin,

Lalpa zawtin thingthia tapin,

A tawpah hei hi a chiang leh thin.

Natna leh tahna hmunah min hmangaih a lang,

Hmuhsit leh sel, diriam ka nih lai pawhin;

Ka hnenah awmin min lo thlamuan fo thin,

Hmangaih banin min lo kuangkuah leh thin,

Min lo kuangkuah thin.

Nun hlui leh dai sual tawhte vanga,

Miten an hmuhsit leh an sel fo thin hi,

Tunge a pan ang a, tunge a belh ve ang?

Beidawngin a rum, lungngaia tapin,

Beidawn tawpah hei hi a lo lang leh thin.

Beidawnnain a hneh laiin hliam leh chauvin,

Nun thlakhlelhna reng nei lo va ka awm laiin,

Ka  Pa thu lo thlengin, "Ka fa, lo haw rawh" tiin,

Thlamuana awmin hei hi a lang fiah zual thin.

Continue Reading

Hmangaihna khawpui

Satu: Thelma Lalhmingthangi

Rinin ka thlir thin a angelte lenna ram,

Tah chuan an leng hlimten tlansa zawngte chu;

Hmangaihtu Lal Isua fakin an zai e,

Elrelna leh itsikna reng a awm tawh lo.

Hmangaihna khawpui engthawlna ram nuam,

Chhun leh zan a awm tawh lo;

A laiah hmangaihtu Isua a awm a,

Chu khawpuiah chuan fak zai an chawl lo.

Continue Reading

Kan chawimawi che

Phuahtu: Rev. K Lalthanliana

Satu: Thelma Lalhmingthangi

Lalpa, i hmangaih leh thatna ropui vangin,

Ka thinlung hi lawmin a lo khat liam a;

Isuan krawsa tuarin sual zawng a tleng fai a,

Chhandamna kim ka chang ta si.

Aw Lalpa, ropui ber, kan fak a che,

I thatna leh ngilneihna lawmawm vangin;

I hmangaihna ropui zia kan hril seng lo,

Kan theihtawpin, Lalpa, kan chawimawi che.

Sual vanga hliam tuarin chau thin mah ilangin,

Thinlung i chhun eng a, chakna thar min pe;

Thihna vanga lusun awmhar tawh chang pawhin,

I van muannain min hnem thin a.

Retheih, tlakchhamna leh manganna, buaina karah,

Tanpui vartu hnai reng i ni asin Lalpa;

Mamawh engkim min pe, ei tur, silhfente nen,

Thil tha tinreng min vur si a.

Continue Reading

Isu i hnena awm ka duh

Phuahtu: Jonathan Hmingthantluanga

Satu: Thelma Lalhmingthangi

He lei hringnun zin kawngah hian,

I ruala kal ka duh e;

Ka hmahruaiin min kai ang che,

Ka bo ka pen loh nan,

Zin kawng hlena ka mit ka chhin thlengin,

Min hruai ang che, i hnena awm ka duh.

Zin kawng khawhar ka zawh lai hian,

Kal dan ka thiam thei lo ve;

Ka kawng hruaitu i tel lo chuan,

Ka bo, ka peng leh thin,

I hnenah chauh awm reng ka duh Lalpa,

I kut chakin nitin min hruai ang che.

Ka zin kawng a tawp hunin,

Isu, ka thla hruai ang che;

Chatuana i kianga awm reng turin,

Vanramah min hruai ve rawh,

Vanramah ka thla hruai ang che.

Isu Lalpa, min hmangaihtu,

I tana nun ka duh e;

I rawngbawl hi ka duhsam ber,

I hnen thlen ka duh e,

Kawng raltiah nangin min veng ang che,

Chatuan atan i kianga awm ka duh.

Ka zin kawng a tawp hunin,

Isu, ka thla hruai ang che;

Chatuana i kianga awm reng turin,

Vanramah min hruai ve rawh,

Vanramah ka thla hruai ang che.

Continue Reading

Min hawi san ngai si lo

Phuahtu: KT Rose

Satu: Thelma Lalhmingthangi

Thinlung naa ka rum hma khan,

I hming ka lam ngai lo;

Kalsan ka nih hma khan,

Ka lo vahbo san thin che,

Hmangaih nia ka inhriat lai khan,

Hmangaih dan che ka thiam si lo.

Aw Lalpa, i hming ka lam ngai lo chung pawhin,

Hei leh chen min enkawl a;

I hming ka lam ngai lo chung pawhin,

Min hawisan ngai si lo,

Tunah lungchhirin ka rawn pan che Lalpa.

Krista tel lo hmangaihna chuan,

Rei a lo daih ngai lo;

A hriatpuina tel lo induhna chuan,

Natna a keng tel thin a,

Tawpna thinlung kehsawmin kan tap leh thin.

Isua aia ka dah hmasak thilte,

Laksakin ka awm thin a;

A lam ka hawi theih nan ka tana tha turin,

Engkim a ruat tawh si.

Aw Lalpa, i hming ka lam ngai lo chung pawhin,

Hei leh chen min enkawl a;

I hming ka lam ngai lo chung pawhin,

Min hawisan ngai si lo,

Tunah lungchhirin ka rawn pan che Lalpa.

Continue Reading

Hlim tawp hlau lovin

Phuahtu: Muana Khawlhring

Satu: Thelma Lalhmingthangi

Hringfa sual bo hnu min tlan turin, 

Kan Lal Isua hringmi iangin a lokal; 

Kei min chhandam nân, Min chhandam nân.

Chhandam nân maw, Kei min chhandam nân;

Kan Lal Isua hringmi iangin a lokal,

Kei min chhandam nân, Min chhandam nân.

Hei ang rêng hmangaihna ropui hi,

Misual tlan nân Kraws lêrah an khai kâng;

Nang leh kei dam nân,Damna turin.

Damna turin nang leh kei dam nân,

Misual tlan nân Kros lêrah an khai kâng e;

Nang leh kei dam nân, Damna turin.

Fak lo thei rêng hian ka mawi si lo,

Halleluiah, Amen, Amen, i fak ang;

Hlim tâwp hlau lovin,Haleluiah.

Haleluiah, hlim tâwp hlau lovin,

Haleluiah, Amen, Amen, i fak ang;

Hlim tâwp hlau lovin, Haleluiah.

Continue Reading