Chak lote chakna

Phuahtu: Lalnunpuia Hrahsel

Satu: Maria Lalmuanpuii

A chang chuan ka tlu, a changin ka tho,

A chang leh ka tliak, ka hlim leh ṭhin a;

Ka induh tawk fo a, ka induh tawk lo leh ṭhin,

I khawngaihna leh ngaihdamna tel lo chuan,

Ka nghet rei thei lo.

Chak lote chakna, nghet lote lungpui,

Ka thlunglu nghahna, ka rinchhan i ni;

Min hruai ve ang che, tluk leh tlak fàwm hi,

I tel lo chuan ka dai pelh leh mai ang.

A chang chuan ka ruak, a changin ka khat,

A chang leh ka tlu, ka tho leh ṭhin a;

Ka inring tawk fo a, ka inringhlel leh ṭhin,

Tui anga nghet lo hi nangin min chelh loh chuan,

Ka tlei nawi leh ṭhin.

Continue Reading

I ropui nan

Phuahtu: Manuni Chhakchhuak

Satu: Grace Lalchhanhimi

Leilung mawina tilang turin khawvelin eng a mamawh,

Thangvana siarten an mawina tilang turin zan thim leh khawthiang an mamawh;

Thil siam dangte chuan an lan mawi nan hun bi an mamawh laiin,

Zing, chhun, zan englai pawhin Lalpa chu ka mawina a ni.

Ropui ber, aw ropui ber,

I hming fakin ka zai zel ang a;

Ka aw neih zawng zawngte hian,

Lalpa, fak che ka duh,

Engkim mai hi i ropui nan ka hlan e.

Tawnmangah pawh ka tawn ngai lo hun hlu ka nghilh ngai loh tur,

Hnehtu nihna min pe hi Lalpa a hlu em mai, min hmangaihna vang chauh a ni;

Malsawmna min vur zawng zawngte hi, Lalpa, ka chhiar seng nem maw,

I tana thahnemngai lo kei hi nangin min hrereng si.

Lungngaih, mangan ka tawh changin ka tan i lo awm reng thin,

Malsawmna petu aia i malsawmnaah chauh ka hlima ka lawm mai loh nan;

Engkim bul leh tawp chu nangmah chauh i ni tih min hrilh fo la,

Ka neih zawng leh thiamnate hi, Lalpa, i tan ka hlan e.

Continue Reading

Ka inhumhimna

Phuahtu: Benjamin Thanglianmawia

Satu: Mizoram Synod Choir (2026 - 2028)

Lei lungngaihnate'n min hual vel thin mah se,

Tanpuitu hnai reng Isua ka nei;

Englai pawha vengin min kalsan ngai lo,

A kiangah ka him, ka thla a chawl.

Lalpa chu ka inhumhimna lungpui nghet,

Chawlhna tuikamah min hruai thin a;

Thihna hlim kawr ruam zawh mah ila,

Lalpa kiangah kumkhuain ka him dawn si.

Lal rawngbawl tur hian thiamna leh theihnate,

Chhuan tur reng nei lo mah ilangin;

Mi sual berte pawh min hmang ve thintu chuan,

"Khawngaihna i tan a tawk," a ti.

Hun liam hnu chhuia min buk tur ni sela,

Buk tling lo, buk tlak loh ka ni ang;

Mah se, i hmangaihna chuai thei ngai lo chuan,

Min pawmin ka nun min siam that thin.

Continue Reading

Lawmin kan au ang

Phuahtu: Sanglianthanga

Satu: Sanglianthanga, Belinda L Sailo

Tunlai khawvel thil awmzia hi,

Ngaihtuah chian a hun ta e;

Sual tihpunin a lo awm ta,

Lalpa lo kalna ni chu,

A lo thleng mek a ni.

Lalpa Isua ringtute chu 

He khawvel tawpna ni leh,

Rorelna ni pawh lo thleng mah sela,

Kan Lalpa hmel duhawm lo lanna niah chuan,

Lawmin kan au ang a.

Aw, tunah hian rawn pan mai rawh,

Chhandamna ni chu a la ral lo;

Nikin ni a lo thlen hma hian,

Kawng chu hawnin a la awm e,

Khawngaihna hun a ni.

Lalpa Isua ringtute chuan,

Boruakah amah hmuakin;

Ropuina leh chawimawinate,

Kan lo chang ve tawh ang a,

A hnenah kan leng ang.

Continue Reading

Min dinthar ang che (Zorock)

Phuahtu: Lallianmawia Tlau

Thluk siamtu: Rosangliana (Zorock)

Satu: Rosangliana (Zorock)

Ni tin nun chhiar thiam lo vin,

Hringnun kawng ka zawh thin a;

Chhungkaw pa engkima roreltu tur ni siin,

Tawngtai ngai lo, Bible chhiar ngai lo, kaihruaitu zuapa,

Kan chhungkaw buaina hi keimah vang a lo ni e,

kan chhungkaw tuarna hi keimah vang ngei a lo ni.

Ka thai duhlai leh fanaute hi i malsawmna hmuh theih an ni,

Mah se, hrethiam lo hian, 

Dawhtheihna nei lo, sum leh pai um, zu ka rui buai,

Chhungkua kan lo chuai,

Kan chhungkaw buaina hi keimah vang a lo ni e,

Kan chhungkaw tuarna hi keimah vang ngei a lo ni.

Min ngaidam rawh Lalpa, ka tawngtai min ngaihthlak sak la,

Hmangaihna, dawhtheihna nei, ngilnei zaidam turin min siam thar la,

Kristian chhungkua min din thar ang che,

Aw, Kristian chhungkua min din thar ang che.

Ka thai duhlai leh fanaute hi i malsawmna hmuh theih an ni,

Mah se, hrethiam lo hian, 

Dawhtheihna nei lo, sum leh pai um, zu ka rui buai,

Chhungkua kan lo chuai,

Kan chhungkaw buaina hi keimah vang a lo ni e,

Kan chhungkaw tuarna hi keimah vang ngei a lo ni.

Min ngaidam rawh Lalpa, ka tawngtai min ngaihthlak sak la,

Hmangaihna, dawhtheihna nei, ngilnei zaidam turin min siam thar la,

Kristian chhungkua min din thar ang che,

Aw, Kristian chhungkua min din thar ang che.

Min ngaidam rawh Lalpa, min ngaidam hram rawh aw,

Hmangaihna, dawhtheihna nei, ngilnei zaidam turin min siam thar la,

Kristian chhungkua min din thar ang che,

Aw, Kristian chhungkua min din thar ang che.

Continue Reading