Home » » Hmeltha

Hmeltha

Satu: Vanlalsailova

Mahten e tinkim dawn a ka len laiin,
Hriatloh sakhming hmeltha ka lo tawng che a;
Ka vei reng thin che thinlai ah,
Nang ang renga hmangaih hi;
ka tawng ngai lo he lei chin ah,
I zunzam ah dartui angin ka luangral ta.

Khawilam lanu nge maw i nih le?
Tu hrai leng chawi nge maw i nih le?
Tiang reng a ka dawn lungruk min ti buai tu;
Ka tawng ngai lo nang lo chu,
Aw hmeltha aw hmeltha i zunleng ngaih reng a na e.


I sakhmel tawnni lo her thin mahse,
Mitkhap kar lek chhung in mual i liam leh thin;
I parmawina hi ka tan hian,
Lungngaihna leh beidawnna;
Tahna ruam a min thlen tir tu,
Nihtir suh aw hawilo par ka en chim loh.

Awle hawilo parmawi nang tawn leh ni,
Lo her chhuak leh thuai se;
kan chung thanvang sang ah hian,
Chutin ka lei ro hluber i sakhmel mawi leh i sakruang;
Hmangaihna in lungchim te in,
hawilo parmawi duhten ka kuangkuah nang che.


Share this article :

0 comments:

Post a Comment

 
Copyright © 2008. Four Brothers' Mizo Lyrics - All Rights Reserved
Back To Top
Design: ToMZ