Lungngai hmel reng reng a awm lo

31 Aug 2012

Lungngai hmel reng reng a awm lo,
Angel te lai lenna ah chuan;
Khawvel lungngaih tuar a rum ten,
Tah lai bangin Lalpa an bel.

Lalpa chu ram chu min thlir tir la,
He khawvel a ka len lai hian,
Lungngaih tuar a ka tah na hi,
Aw, nem takin ka tuar ang e.

Aw chu hmun a leng te zawng chuan,
An then tak te an ngaih loh nan;
Nunna lunglohtui an in e,
An thliak lawmna hawi lo par nen.

Thlir zel ila, hmun ropui chu,
Angel var leh varparh arsi;
Romei a zam lung a leng zual,
Beramno tual lenna a ni.

Chuhmun ropui ka thlen hun chuan,
Kei pawh Lalpa'n min awmpui ang;
Angel var te zing a leng in,
Chatuan in Lalpa ka fak ang.
Continue Reading | comments (1)

I tello chuan

6 Aug 2012

Satu: Gnat Lalrinchhana


In vang khawpui laitual ah,
Chhingkhual rawn chang in lungrun pui;
Karah ka lo dawn ngai lo,
Nang nen ti em a hmangaih na.

A reilo em kan hlimlai ni,
Tunah erawh lenna tlang a dang leh si;
Lung ka vai ruai e i tello chuan,
Aw tleitir lenmawi.

Zantiang chhawrthla eng hnuai ah,
Ka dawn vawng vawng thin hlimlai ni;
Duhten i tang bei lai za,
Nghilhni awm thei hian ka mawi lo.

Lenna tlang dang thin mahse,
Min nghilh bik lawng che lungrun;
Nangnen biahthu kan hlan zawng,
Vawng dun zel ang aw kumtluang in.


Continue Reading | comments

Uire Nu

5 Aug 2012

Phuahtu: Rev. Chawisanga
Satu: ATC Male Voice (2011-2012)

Mi tam tak authawm chu ka hria, en teh mi tute nge ni ang?
Mi tha taka angaih mi leh misual bawlhhlawh hnu;
Mipui hmaah kan Lal Isua rilru rethei takin a ding,
An thinrimna authawm chuan in, mi nu kan deng dawn.

Ka en ngam lo misualnu chu, sualna vanga hlau leh khurin,
Engmah sawi thei lo thihna chauh lungngaiin a nghak;
Sawi tur dang reng a nei tawh lo, puitu tu nei lovin misualnu,
Engmah sawi theih lo thihna chauh lungngaiin a nghak.

Lalpa ka hlau, i tello chuan Setan ang chhungah,
Isua hmangaihna kawng zawh i duh chuan;
Isuan a chhandam tawh misual nu kha va zawt la,
A hrilh ang che Pathian hmangaihna chu.


An zawt nawn thin sual hriat duh in hmangaihna a khat Lalpa chu,
Misual lungin kan deng a ngem? nangin min hrilh rawh;
Sualna nei lo mitha chuanin deng hmasa se misualnu chu,
Engmah sawi thei lo thihna chauh lungngaiin a nghak.

Uire aia sual zawk kei hi Lalpa i hmaah ka ding ve,
Setan kut thihna hlauhawm ah misual ber kei hi;
Lalpa min hmangaihna vangin ka thihna aiin nang i thi ta,
Ka rul zo lawng ka dam chhungin Lalpa hmangaihna.


Continue Reading | comments (1)

Aw Lalpa thatzia hi

Phuahtu : Dr. Ramdinthara Sailo
Satu: Aizawl Theological College's Male Voice

Harsatna leh lungngaihna te,
Ka nun in a lo tawn pawh in;
Tahna ruam thih hlim kawr ah pawh,
Lal Isua ka phaw a ni.

Aw Lalpa that zia hi,
Temchhin ve teh reng u;
Sakeibaknei vanglai an riltam pawh in,
Tlakchham reng ka nei si lo.


Lalpa a an rinna nghat a,
Felna leh a ram zawng te chu;
Boralna sual tupui ah pawh,
Nun him takin an kai thin.

Nun tobul damchhan ber a chu,
Tlantu Lal Isua hi a ni;
Lei sum zawng zawng ai a hlu zawk,
Lalpa hriatna hia  ni.



Continue Reading | comments

An chhinchhiah bik che

Phuahtu : Dr. L.N Tluanga
Satu: ATC Male Voice

Khawvel in Pathian kalsan,
Kawngdang a zawh a nundang a pawl a;
Chhandamtu kawng kei chu ka zawh a,
Mi zawng zawng in hria se Isua ta ka ni.

An chhinchhiah bik che i chetzia an thlir,
I sawi apiang an ngaithla;
Chhamdamtu chu nangmah ah enchhuah tir la,
A thu thu in nitin in awm rawh.


Ka nun kawng miten an en reng,
Ka tan lam an thlir, ka duhzawng an hria;
Ka chetzia ah ka Lalpa an hmu,
Lalpa chunglam thil te min hmuhtir fo rawh.

Thlemna ten min chimbuai laiin,
Sual min ti hnawk tu hlauhna thawm te nen;
Isua chakna in min chawi kang ang,
Chuti chuan amah angin ka awm ve ang.

Continue Reading | comments

Hriatchian leh zual che ka va duh em

4 Aug 2012

Phuahtu: C.Lalzarmawia
Satu: Vanlalsailova, Feli Thangluah, Ab-a, Johana & Jk-a

Nawmsakna te zawngin ka tlan thin,
Hausakna te zawngin ka tlan thin;
Mahse hei hi ka duhber nangmah hriat hi,
Ka tan hian a tha ber e.

Ka nunna hi i tan ka hlan e,
Ka thiamna hi i tan hlan e;
Ka neih rohlu leh ka hun hlu zawng te hi,
I tan ka hlan e Lalpa.

Hriatchian leh zual che hi ka va duh em,
I hmangaihna leh khawngaihna te hi;
Hrechiang ila nang ka bo san tawh lawng che,
Hriatchian leh zual che hi ka va duh em.


I thisen hlu ka tan a luang chhuak,
A va mak in aw a ropui e;
Mihring finna hian a chhui phak lul love,
Lalpa ava ropui em.

Midang te tan damna a thlen a,
Mahse a tan damna awm lo;
A va mak em i hmangaihna ropui hi.
Ka tan hian a sang lua e.


Continue Reading | comments

Nazareth Tlangval hmeltha

3 Aug 2012

Phuahtu: Rev.Dothanga
Satu: PBK Liankhuma


Nazareth khua tlangval hmeltha kha i hmu em?
Hmutu apiang lawm in an khat zel thin;
Kei pawh ka hmuh ve chin ah chuan,
Lawmin ka khat ve ta a ni.

Ka Lalpa chu a mawi ber e.
Hlinglukhum in phuar vel mahse;
Khawvel mi ten hmusit mahse,
Ka Lal duhawm ka lawmna ber a ni.

Patmos thliarkar ah pawh Johana'n a hmu a,
A hmel chu nisat vanglai ang a ni;
Thi ang der in a lum ta a,
Ka Lalpa hmel eng ah chuan in.

Lei leh van palai intawk khawm pawh in an hmu,
A hmel chu ni angin a lo eng a;
A postol ten an ning thei lo,
Bawkte khawh hial mai an duh e.

Retheite lungngai te hnemtu Lalpa chu,
I thinlungah hmun i chantir tawh chuan;
Thlamuanna reh theih tawh lo chu,
Chatuanin i chang ve tawh ang.


Continue Reading | comments

Ka chakloh apiangin ani ka chak thin

Phuathu: J.Zaihmingthanga
Satu: PBK Liankhuma 


Ka damchhung in hei hi ka thupui ber nise,
Engkim ah Lalpa a lawm zel hi;
Lungngaihna beidawnna a lo thlen lai te hian,
Ka inghahna lungpui a ni si.

Thlemna hriatthiam rualloh a lo thlen lai te hian,
Ka hringnun zawng a buai ngei thin a;
Ka chakloh na ah ngei mi chak kha a lo che thin,
Ka chakloh apiangin a ni ka chak thin.

Khawvel ropuina leh a mawina ka thlir in,
Ka lei hringnun hi a nghing thin a;
Chhungril ah min hrihfiah thin avang chauh zawk in,
Thlemna lak ah pawh ka him leh thin.

Damchhung ni chhiar tum a ka chhiar thiam loh laiin,
Amah zawk in min chhiar chhuak thin a;
Min zirtir min zilhhau ka fellohna tarlang in,
A talhtum leh tiang in min thlamuan.

Hmangaihna, aw hmangaihna thuk leh ropui ber,
Misual nung tlak loh min hmangaihtu;
Ka phuloh chawimawina malsawmna leh van ro hlu,
Chanvo ropui min siamsak ta si.


Continue Reading | comments

Lalpa chu chhuang rawh se

1 Aug 2012

Satu: Chris MS Dawngkima

I thatna leh ngilneihna in,
Ka nunkawng a hruai thin a;
Beiseina tharin i tan ka nung,
He thinlung hian Lalpa chu chhuang rawh se.

Lungngaih mittui ka biangah luang kha,
Kumkhua atan a hrufai ta,
He thinlung hian Lalpa chu chhuang rawh se.


A rel thiam ngei hmangaihna in,
Nunna ah a hruai thin a;
Hnamtin pumkhat a an luan za na,
He thinlung hian Lalpa chu chhuang rawh se.

Hawh u i dinthar leh ang u,
Krista tan do pui ve in;
Lalpa ram zauh tur a chhandam te,
Haleluiah Lalpa chu chhuang rawh se.


-mizo_hla/lalpa_chu_chhuang_rawh_se/mizo_lyrics_gospel-
Continue Reading | comments

All Time Top Chart

 
Copyright © 2008. Four Brothers' Mizo Lyrics - All Rights Reserved
Back To Top
Design: ToMZ