Home » » Aw Sialkhawpui (I am dun ang)

Aw Sialkhawpui (I am dun ang)

Phuahtu: Laltanpuia (Sialsuk)
Satu: Siampuii Sailo, H.Vanlalhlana, F.Lalthangmawii, Maenga

Aw Sialkhawpui ka pianna hmun, ka seilenna tlang liai luai,
Turnipui lenkawl engruai hnuai ah hian ka hawi vel a;
Zaleng an tam ka cho rual si loh sumtual an,
Chantawk hmel di ka vai lung reng a awi thei lo.

Sawichiam a awl hril thiam a har, len zawng a leng thlawt e,
Ka lam sul ang lo hawi la nau ang tah ka bang nang e;
Chhawrthlapui zawng a ral thei chung lehlam sangah,
I zunleng ngaih kei zawng parte a ral thei lo.

Senlai nau ang tah nan chunnu'n nemten a chawi lian che,
Kumtluang tui ang dam reng la biak lai chung Pathian zarah;
Chimlei run dai awmhar mi chun i chan ai chuan,
Dawn tam val leng karah nui rih la biangnote.

Chhawrthlapui leh siar hmingthang chawngmawipui leng hnuai ah,
Zantiang laikhum zal lo ten lam ang hian lo her chhuak la;
Damchhung tawite tawnmang chang tur hi han dawn la,
Kan lenlai en chim loh parte i am dun ang.
------------------
Note: He hla kan rawn tarlan hi a phuahtu Pu Laltanpuia (Sialsuk) in a phuah dan dik tak zawk a ni a, he hla satu thenkhat sak dan hi diklo lai a awm nual.



Share this article :

1 comments:

Lawma Khiangte said...

"Awmhar Champion" hun laia Pu Tanpuia te ho nuam tih dan tur kha, an zinga telve kha a chakawm.

A hming hi, C.Laltanpuia an ti deuh kher thin a maw ka tia.

Post a Comment

 
Copyright © 2008. Four Brothers' Mizo Lyrics - All Rights Reserved
Back To Top
Design: ToMZ